Marko 9
9
1Ababwîra, erhi: «Mmubwîzire, okuli, hali baguma muli abà bayimanzire hano barhakabona olufù, kuhika babone Obwâmi bwa Nyamuzinda buyishire omu bukuze bunji».
Yezu ahinduka obusù
(Mat 17, 1-8; Luk 9, 28-36)
2Erhi kugera nsiku ndarhu, Yezu ayanka Petro, Yakôbo na Yowane, abagendana bône oku ntondo ndîrî. Anacihinduka obusù embere zâbo. 3Emyambalo yâge yanacilangashana, yâbà myêru myêru nka lubula, kulya ntâye en’igulu oshuka wankayiyêruhya ntyo. 4Eliya bo na Mûsa banacibabonekera, bakaz’ishambâla na Yezu. 5Obwo Petro anacibwîra Yezu, erhi: «Yâgirwa, kuli kwinjà rhubêre hano; rhuyûbakeho rhuyumpa rhusharhu: higuma hyâwe, ehindi hya Mûsa n’ehindi hya Eliya». 6Erhi arhacimayiri kurhi aderhage, bulya bâli barhunzirwe n’obwôba bunji. 7Okubundi olwikungu lwayisha, lwababwîka, n’izù lyanacirhengamwo lulya lwikungu, erhi: «Oyu ye Mugala wâni muzigirwa, mumuyumve». 8Ho na halya mpu bacilola eyi n’eyi, barhacibonaga ndi orhali Yezu yênene haguma nabo.
Amango Eliya anagaluke
(Mat 17, 9-13)
9Erhi bakola bayandagala oku ntondo, abakomêreza mpu barhabwîraga ndi ebi babwîne, kuhika Mwene omuntu afûke omu bafù. 10Bagwârha ako kanwa emurhima, ci bacîdôsa kwo kuderha kurhi: kuhika afûke omu bafù. 11Banacimudôsa, mpu: «Cirhuma Abafarizeyi n’abashamuka b’ihano bakaz’iderha mpu kukwânîne Eliya arhang’iyisha?» 12Naye ababwîra, erhi: «Nêci Eliya ayish’iyisha, ayish’ikombêza byoshi! Ci kurhi Mwene-omuntu ayandikîrwe? Oku ayish’ibabala bwenêne n’okugayaguzwa. 13Lekagi mmubwîre! Eliya mîra ayishaga#9, 13 Lolà Mat 17, 10-13; 1, 14: «Yowane ye Eliya alonzag’iderha».; nabo bamujira oku balonzagya kwoshi, nk’oku anayandikîrwe».
Yezu alibirha oku muzimu w’isirhe
(Mat 17, 14-21; Luk 9, 37-42)
14Erhi bagaluka aha abaganda bâge bâli, bashimâna lubaga lunji lw’abantu lubazonzire, n’abashamuka b’ihano bâli kadali boshi. 15Erhi eyo ngabo y’abàntu ebona Yezu, yarhangâla, yayisha elibisire, yaj’imulamusa. 16Anacibadôsa, erhi: «Kadali kaci ako muli?» 17Muntu muguma omu lubaga amushuza, erhi: «Nyamwagirwa, nakudwîrhîre mugala wâni olimwo shetani w’akaduma. 18Ngasi kumugwârha, anamurhimba oku idaho, omwâna anarhumba kafula, anakugurha amîno anagangabale. Nabwîzire abaganda bâwe nti bamukûlemwoye, barhanahashire». 19Anacimushuza, amubwîra, erhi: «Eri iburha libula-buyêmêre, kuhika mangaci nayôrha ninyu? Kuhika mangaci nâmmulembere? Nderheragiye». 20Bamulêrha. Olya shetani erhi abona Yezu, azunguza bwenêne omwâna, amurhimba oku idaho. Omwâna agâyagâya anarhumba lufula. 21Yezu anacidôsa îshe, erhi: «Kurhenga mangaci agwârhagwa?» Naye ashuza, erhi: «Kurhenga eburhò. 22Na kanji kanji anamukwêbe ecîko n’erwîshi, kulonz’imuyîrha. Ci akabà ogwêrhe okuwankahasha, orhurhabâle, orhufè lukogo». 23Yezu ashuza, erhi: «Mpu akabà ogwêrhe okuwankahasha!#9, 23 Erhi oyo muntu aderha ntyo: «akabà ogwêrhe okuwankahasha…», ayibagira oku Mwâmi Yezu ali mugala-byoshi, na oku ntâco cankamuyabira. Kubula buyêmêre kwônene kwankarhuma obuhashe bwa Mwâmi Yezu burharhukolera ebi rhulagîrîrekwo.… Byoshi byanahashikana oku ogwêrhe obuyêmêre». 24Ho na halya olya îshe w’omwâna aderha n’izù linene, erhi: «Nyêmîre, Yâgirwa! Ontabâle nie mubula buyêmêre!» 25Yezu erhi abona olubaga lulundumana, akankamira olya muzîmu mubî, anamubwîra, erhi: «We muzimu kaduma na cihuli, nkurhegesire omurhengemwo, orhanacihîra okamushubiriramwo». 26Anaciyâma, amuhindaganya bwenêne, amurhengamwo. Olya mwâna ayôrha nka mufù, ciru banji baderha mpu afîre. 27Ci erhi Yezu acimugwârha okuboko, amuzûsa, ayîmanga. 28Erhi abà amâjà omu nyumpa, abaganda bâge bamudôsa bufunda, mpu: «Carhumaga rhwêki rhurhahash’imuhulusa bulya?» 29Anacibashuza, erhi: «Shetani wa bene oyo arhalibirhwakwo n’ezirhali nsengero n’okucîshalisa».
Yezu abwîra abaganda bâge obwa kabiri oku ayish’ibabala
(Mat 17, 22-23; Luk 9, 43-45)
30Erhi barhenga aho, bajà bagera omu Galileya, ci arhalonzagya abantu bamanye, 31Bulya akâg’iyigîriza abaganda bâge anakag’ibabwîra oku Mwene-omuntu ayish’ihânwa omu maboko g’abantu, oku bayish’imuyîrha, n’oku hano abà amayîrhwa, enyuma lya nsiku isharhu ayish’ifûka. 32Ci bôhe barhumvagya ako kanwa, banarhînya okumudôsa.
Omukulu omu Bwâmi bw’empingu
(Mat 18, 1-5; Luk 9, 46-48)
33Banacihika e Kafarnaumu. Erhi babà bakola bali omu nyumpa, abadôsa, erhi: «Kadali kaci kalya mwagwêrhe omu njira?» 34Bacîhulikira, bulya bàyîshaga bajà kadali bône na nnene mpu ndi mukulu muli bo. 35Okubundi atamala, ahamagala balya ikumi na babiri, ababwîra, erhi: «Owalonz’ibà wa burhanzi, acîjire wa buzinda na murhumisi w’abandi boshi». 36Anaciyanka omwâna w’ecirhaba, amuyimanza ekarhî kâbo; n’erhi abà amamubagalira, abàbwîra, erhi: 37«Ngasi wayankirire mwâna muguma wa bene oyu nie ntumire, erhi nie ayankirîre; na owanyankirira, erhi arhali nie ayankirîre, ci olya wantumaga#9, 37 Mwâmi Yezu n’abemêzi bâge bali nka muntu muguma (Mat 25, 34-45); na bulya Mwâmi Yezu ye muguma n’Îshe (Ywn 14, 8-11), owayankirira omwemêzi oku Izîno lya Yezu, erhi Mwâmi Yezu ayankirîre n’oyankirira Mwâmi Yezu, erhi Îshe ye ayankirîre. ».
Orhali mushombanyi erhi mwîra
(Luk 9, 49-50)
38Yowane anacimubwîra, erhi: «Yâgirwa, rhwabonaga omuntu alibirhakwo abashetani oku Izîno lyâwe; rhwàli rhwamuhanza, bulya oyo muntu arharhukulikira». 39Naye Yezu anacishuza, erhi: «Murhamuhanzagya, bulya ntâye wankajira ecisômerîne oku Izîno lyâni, akanashub’inderhera kubî. 40Bulya orhali mushombanyi wîrhu, erhi mwîra wîrhu».
Okuzigira abaganda ba Mwâmi Yezu
(Mat 10, 42)
41«Ngasi yêshi wâmmuhè akahè k’amîshi bulya muli bantu ba Kristu, mmubwîre okuli, oluhembo lwâge lurhakamuhera».
Owasârhaze owâbo
(Mat 18, 6-9; Luk 17, 1-2)
42«Ci owasârhaze#9, 42 Rhuhire ezo nyigîrizo za Mwâmi Yezu omu murhima, rhunazikengêre rhukayumva amashumi g’okujira ecâha cankasarhaza abirhu. muguma muli abà banyêmîre, akwânîne okushwêkerwa olusho omu igosi n’okukwêbwa omu nyanja. 43Akabà okuboko kwâwe kunarhume wahirima omu câha, onakutwe: kuli kwinjà kulusha okujà omu Buzîne oli kabokwè, ahâli h’okuhêka maboko abiri omu cîna c’omuliro gurhazima, [44omu omuvunyu gwâbyo gurhafà n’omuliro gurhazima.] 45N’akabà okugulu kwâwe kunarhume wahirima omu câha, okutwe: kuli kwinjà kulusha okujà omu Buzîne oli kagulu, ahâli h’okuhêka amagulu gombi omu nyenga y’omuliro, [46omu omuvunyu gwâbyo gurhafà n’omuliro gurhazima.] 47N’isù lyâwe likarhuma wahirima omu câha, oliyômole: bulya kuli kwinjà kulusha okujà omu Bwâmi bwa Nyamuzinda n’isù liguma, ahâli h’okukwêbwa n’amasù gombi omu nyenga y’omuliro, 48omu omuvunyu gwâbyo gurhafà n’omuliro gurhazima. 49Bulya ngasi muntu analungwe n’omuliro (na ngasi nterekêro enalungwe n’omunyu). 50Omunyu ciri cintu cinjà; ci kwônene omunyu gukarhengamwo obununu, cici mwankacigulungamwo? Mubêmwo omunyu, munabè n’omurhûla mwêne na mwêne».
Currently Selected:
Marko 9: MKB
Highlight
Share
Copy
Want to have your highlights saved across all your devices? Sign up or sign in
Mashi Bible © BUKAVU Archdiocese of Bukavu, 2024.
Marko 9
9
1Ababwîra, erhi: «Mmubwîzire, okuli, hali baguma muli abà bayimanzire hano barhakabona olufù, kuhika babone Obwâmi bwa Nyamuzinda buyishire omu bukuze bunji».
Yezu ahinduka obusù
(Mat 17, 1-8; Luk 9, 28-36)
2Erhi kugera nsiku ndarhu, Yezu ayanka Petro, Yakôbo na Yowane, abagendana bône oku ntondo ndîrî. Anacihinduka obusù embere zâbo. 3Emyambalo yâge yanacilangashana, yâbà myêru myêru nka lubula, kulya ntâye en’igulu oshuka wankayiyêruhya ntyo. 4Eliya bo na Mûsa banacibabonekera, bakaz’ishambâla na Yezu. 5Obwo Petro anacibwîra Yezu, erhi: «Yâgirwa, kuli kwinjà rhubêre hano; rhuyûbakeho rhuyumpa rhusharhu: higuma hyâwe, ehindi hya Mûsa n’ehindi hya Eliya». 6Erhi arhacimayiri kurhi aderhage, bulya bâli barhunzirwe n’obwôba bunji. 7Okubundi olwikungu lwayisha, lwababwîka, n’izù lyanacirhengamwo lulya lwikungu, erhi: «Oyu ye Mugala wâni muzigirwa, mumuyumve». 8Ho na halya mpu bacilola eyi n’eyi, barhacibonaga ndi orhali Yezu yênene haguma nabo.
Amango Eliya anagaluke
(Mat 17, 9-13)
9Erhi bakola bayandagala oku ntondo, abakomêreza mpu barhabwîraga ndi ebi babwîne, kuhika Mwene omuntu afûke omu bafù. 10Bagwârha ako kanwa emurhima, ci bacîdôsa kwo kuderha kurhi: kuhika afûke omu bafù. 11Banacimudôsa, mpu: «Cirhuma Abafarizeyi n’abashamuka b’ihano bakaz’iderha mpu kukwânîne Eliya arhang’iyisha?» 12Naye ababwîra, erhi: «Nêci Eliya ayish’iyisha, ayish’ikombêza byoshi! Ci kurhi Mwene-omuntu ayandikîrwe? Oku ayish’ibabala bwenêne n’okugayaguzwa. 13Lekagi mmubwîre! Eliya mîra ayishaga#9, 13 Lolà Mat 17, 10-13; 1, 14: «Yowane ye Eliya alonzag’iderha».; nabo bamujira oku balonzagya kwoshi, nk’oku anayandikîrwe».
Yezu alibirha oku muzimu w’isirhe
(Mat 17, 14-21; Luk 9, 37-42)
14Erhi bagaluka aha abaganda bâge bâli, bashimâna lubaga lunji lw’abantu lubazonzire, n’abashamuka b’ihano bâli kadali boshi. 15Erhi eyo ngabo y’abàntu ebona Yezu, yarhangâla, yayisha elibisire, yaj’imulamusa. 16Anacibadôsa, erhi: «Kadali kaci ako muli?» 17Muntu muguma omu lubaga amushuza, erhi: «Nyamwagirwa, nakudwîrhîre mugala wâni olimwo shetani w’akaduma. 18Ngasi kumugwârha, anamurhimba oku idaho, omwâna anarhumba kafula, anakugurha amîno anagangabale. Nabwîzire abaganda bâwe nti bamukûlemwoye, barhanahashire». 19Anacimushuza, amubwîra, erhi: «Eri iburha libula-buyêmêre, kuhika mangaci nayôrha ninyu? Kuhika mangaci nâmmulembere? Nderheragiye». 20Bamulêrha. Olya shetani erhi abona Yezu, azunguza bwenêne omwâna, amurhimba oku idaho. Omwâna agâyagâya anarhumba lufula. 21Yezu anacidôsa îshe, erhi: «Kurhenga mangaci agwârhagwa?» Naye ashuza, erhi: «Kurhenga eburhò. 22Na kanji kanji anamukwêbe ecîko n’erwîshi, kulonz’imuyîrha. Ci akabà ogwêrhe okuwankahasha, orhurhabâle, orhufè lukogo». 23Yezu ashuza, erhi: «Mpu akabà ogwêrhe okuwankahasha!#9, 23 Erhi oyo muntu aderha ntyo: «akabà ogwêrhe okuwankahasha…», ayibagira oku Mwâmi Yezu ali mugala-byoshi, na oku ntâco cankamuyabira. Kubula buyêmêre kwônene kwankarhuma obuhashe bwa Mwâmi Yezu burharhukolera ebi rhulagîrîrekwo.… Byoshi byanahashikana oku ogwêrhe obuyêmêre». 24Ho na halya olya îshe w’omwâna aderha n’izù linene, erhi: «Nyêmîre, Yâgirwa! Ontabâle nie mubula buyêmêre!» 25Yezu erhi abona olubaga lulundumana, akankamira olya muzîmu mubî, anamubwîra, erhi: «We muzimu kaduma na cihuli, nkurhegesire omurhengemwo, orhanacihîra okamushubiriramwo». 26Anaciyâma, amuhindaganya bwenêne, amurhengamwo. Olya mwâna ayôrha nka mufù, ciru banji baderha mpu afîre. 27Ci erhi Yezu acimugwârha okuboko, amuzûsa, ayîmanga. 28Erhi abà amâjà omu nyumpa, abaganda bâge bamudôsa bufunda, mpu: «Carhumaga rhwêki rhurhahash’imuhulusa bulya?» 29Anacibashuza, erhi: «Shetani wa bene oyo arhalibirhwakwo n’ezirhali nsengero n’okucîshalisa».
Yezu abwîra abaganda bâge obwa kabiri oku ayish’ibabala
(Mat 17, 22-23; Luk 9, 43-45)
30Erhi barhenga aho, bajà bagera omu Galileya, ci arhalonzagya abantu bamanye, 31Bulya akâg’iyigîriza abaganda bâge anakag’ibabwîra oku Mwene-omuntu ayish’ihânwa omu maboko g’abantu, oku bayish’imuyîrha, n’oku hano abà amayîrhwa, enyuma lya nsiku isharhu ayish’ifûka. 32Ci bôhe barhumvagya ako kanwa, banarhînya okumudôsa.
Omukulu omu Bwâmi bw’empingu
(Mat 18, 1-5; Luk 9, 46-48)
33Banacihika e Kafarnaumu. Erhi babà bakola bali omu nyumpa, abadôsa, erhi: «Kadali kaci kalya mwagwêrhe omu njira?» 34Bacîhulikira, bulya bàyîshaga bajà kadali bône na nnene mpu ndi mukulu muli bo. 35Okubundi atamala, ahamagala balya ikumi na babiri, ababwîra, erhi: «Owalonz’ibà wa burhanzi, acîjire wa buzinda na murhumisi w’abandi boshi». 36Anaciyanka omwâna w’ecirhaba, amuyimanza ekarhî kâbo; n’erhi abà amamubagalira, abàbwîra, erhi: 37«Ngasi wayankirire mwâna muguma wa bene oyu nie ntumire, erhi nie ayankirîre; na owanyankirira, erhi arhali nie ayankirîre, ci olya wantumaga#9, 37 Mwâmi Yezu n’abemêzi bâge bali nka muntu muguma (Mat 25, 34-45); na bulya Mwâmi Yezu ye muguma n’Îshe (Ywn 14, 8-11), owayankirira omwemêzi oku Izîno lya Yezu, erhi Mwâmi Yezu ayankirîre n’oyankirira Mwâmi Yezu, erhi Îshe ye ayankirîre. ».
Orhali mushombanyi erhi mwîra
(Luk 9, 49-50)
38Yowane anacimubwîra, erhi: «Yâgirwa, rhwabonaga omuntu alibirhakwo abashetani oku Izîno lyâwe; rhwàli rhwamuhanza, bulya oyo muntu arharhukulikira». 39Naye Yezu anacishuza, erhi: «Murhamuhanzagya, bulya ntâye wankajira ecisômerîne oku Izîno lyâni, akanashub’inderhera kubî. 40Bulya orhali mushombanyi wîrhu, erhi mwîra wîrhu».
Okuzigira abaganda ba Mwâmi Yezu
(Mat 10, 42)
41«Ngasi yêshi wâmmuhè akahè k’amîshi bulya muli bantu ba Kristu, mmubwîre okuli, oluhembo lwâge lurhakamuhera».
Owasârhaze owâbo
(Mat 18, 6-9; Luk 17, 1-2)
42«Ci owasârhaze#9, 42 Rhuhire ezo nyigîrizo za Mwâmi Yezu omu murhima, rhunazikengêre rhukayumva amashumi g’okujira ecâha cankasarhaza abirhu. muguma muli abà banyêmîre, akwânîne okushwêkerwa olusho omu igosi n’okukwêbwa omu nyanja. 43Akabà okuboko kwâwe kunarhume wahirima omu câha, onakutwe: kuli kwinjà kulusha okujà omu Buzîne oli kabokwè, ahâli h’okuhêka maboko abiri omu cîna c’omuliro gurhazima, [44omu omuvunyu gwâbyo gurhafà n’omuliro gurhazima.] 45N’akabà okugulu kwâwe kunarhume wahirima omu câha, okutwe: kuli kwinjà kulusha okujà omu Buzîne oli kagulu, ahâli h’okuhêka amagulu gombi omu nyenga y’omuliro, [46omu omuvunyu gwâbyo gurhafà n’omuliro gurhazima.] 47N’isù lyâwe likarhuma wahirima omu câha, oliyômole: bulya kuli kwinjà kulusha okujà omu Bwâmi bwa Nyamuzinda n’isù liguma, ahâli h’okukwêbwa n’amasù gombi omu nyenga y’omuliro, 48omu omuvunyu gwâbyo gurhafà n’omuliro gurhazima. 49Bulya ngasi muntu analungwe n’omuliro (na ngasi nterekêro enalungwe n’omunyu). 50Omunyu ciri cintu cinjà; ci kwônene omunyu gukarhengamwo obununu, cici mwankacigulungamwo? Mubêmwo omunyu, munabè n’omurhûla mwêne na mwêne».
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mashi Bible © BUKAVU Archdiocese of Bukavu, 2024.