Marko 15
15
Yezu emwa Bilato
(Mat 27, 1-2.11-26; Luk 22, 66; 23, 1-5.13-25; Ywn 18, 28—19, 16)
1Erhi kunaca ntya, abajinji b’abadâhwa bajà ihînzi haguma n’abagula b’olubaga n’abayigîriza n’ihano lyoshi; erhi babà bamashwêka Yezu, bamuhêka emwa Bilato, bamuhâye. 2Bilato amudôsa, erhi: «Ka we mwâmi w’Abayahudi?» Yezu amushuza, erhi: «Wakudesire». 3Nabo abajinji b’abadâhwa bamushobeka binji. 4Bilato ashub’imudôsa, erhi: «Ka ntà kanwa washuza? K’obwîne ebi bakushobesire». 5Ci Yezu arhashuzaga cici, kuhika Bilato asômerwa. 6Ngasi lusiku lukulu, akâg’ibalîkira mushwêkwa muguma, oyu banacishozire. 7Obwo erhi hali mushwêkwa muguma, ye wali Baraba. Ali ashwêsirwe haguma n’abandi bagoma bâli banizire omuntu omu bugoma. 8erhi olubaga lurherema, lwarhondêra lwahûna okujirirwa nka kulya lunayôrha lujirirwa. 9Bilato abashuza, erhi: «Ka mwalonza mmulikire omwâmi w’Abayahudi?» 10Erhi anamanyire obwo bwâgalwa abajinji b’abadâhwa bamuhâniraga. 11Ci abajinji b’abadâhwa bashumika olubaga mpu bahûne alîke Baraba erhi ye. 12Bilato ashub’ibabwîra, erhi: «Kurhi najiraga omwâmi w’Abayahudi?» 13Ci bôhe bashub’iyâma, mpu: «Omubambe oku musalaba!» 14Bilato, erhi: «Bubî buci ajizire?» Nabo bashub’iyâma, balushisa, mpu: «Omubambe oku musalaba!» 15Okubundi Bilato alonza okusîmîsa olubaga, abalikira Baraba, n’erhi abà amashûrha Yezu emikoba, abahà ye mpu abambwe oku musalaba.
Ecimanè c’emishûgi
(Mat 27, 27-31; Ywn 19, 1-3)
16Abasirika banacimuhêka omu côgo, bamujâna omu lurhambà, bamuhirakwo olugamba lw’abasirika lwoshi. 17Bamuyambika ecishûli cidukula, n’erhi babà bamaluka ecimanè c’emishûgi, bamuhiraco omu irhwe. 18Barhondêra bamulamusa, mpu: «Asinge, Mwâmi w’Abayahudi!» 19Bamushûrha irhwe n’olusheke, bamukâyirakwo, banamufukamira, baharâmya. 20Okubundi, erhi bayûs’imucinaguza, bamuhogola cirya cishûli cidukula, bamuyambika emyambalo yâge, bamuhulukana mpu baj’imubamba oku musalaba.
Enjira y’omusalaba
(Mat 27, 32-33; Luk 23, 26; Ywn 19, 17)
21Bagwârha muntu muguma wafulukaga, Simoni w’e Kirena, îshe w’Aleksandro na Rufo, mpu arhwâze Yezu okubarhula omusalaba, 22Bamuhêka ahantu haderhwa Golgota#15, 22 Hantu h’empanga erhi Kalvariyo., kwo kuderha mpu bantu h’empanga.
Yezu abambwa oku musalaba
(Mat 27, 34-38; Luk 23, 33-34; Ywn 19, 18-24)
23Banacimuhà idivayi lirimwo endulwè mpu anywe, ci arhalinywagakwo. 24Banacimubamba oku musalaba, bagabâna emyambalo yâge, bayiyêsha cigole mpu bamanye cici ngasi muntu ahêka. 25Zàli nsâ isharhu#15, 25 Nsâ isharhu, erhi amashî gakala. erhi bamubamba, 26Igwârhiro ly’olufù lwâge lyayandikwa ntya: «Mwâmi w’Abayahudi», 27Banacibamba haguma naye bishumûsi bibiri, ciguma ekulyo, ecindi ekumosho kwâge. 28Lwayunjula Olwandiko lwaderhaga, erhi: «Aganjirwe omu babî#15, 28 Aganjirwe omu babî: Iz 53, 12, ».
Yezu ashekerwa anajacirwa oku musalaba
(Mat 27, 39-44; Luk 23, 35-37)
29Abakâg’igera, bakamujacira banadunda irhwe, mpu: «We shâba aka-Nyamuzinda, onashub’ikayunjuza omu nsiku isharhu, 30cîrîkûzagye wênene, ohonekwo ogu musalaba!» 31Nabo abajinji b’abadâhwa n’abagula b’ihano bakâg’imushekera banaderha, mpu: «Acizize abandi arhankanahash’icîciza yênene! 32Kristu mwâmi w’Israheli amanukage kuli ogu musalaba, nîrhu rhubone, rhunamuyêmêre!» Ciru na balya bâli babambirwe oku musalaba haguma naye bakâg’imujacira.
Yezu afà oku musalaba
(Mat 27, 45-54; Luk 23, 44-47; Ywn 19, 28-30)
33Erhi izûba liyimanga#15, 33 Erhi izûba liyimanga: omu nsâ ndarhu. Amafuluko: omu nsâ mwenda., omwizizi gwabwîka ecihugo coshi kuhika amafuluko. 34Erhi kubà mafuluko, Yezu anaciyâma n’izù linene, erhi: «Eloyi, Eloyi, lama sabaktani?» Kwo kuderha: «Nyamuzinda wâni, Nyamuzinda wâni, carhumire ondeka?», 35Baguma muli balya bàhali, erhi bayumva, banaciderha, mpu: «Amayakûza Eliya»! 36Muguma alibirha, avumvuliza ecihôrholo omu nkalishi, acîshwêkera oku lusheke, amuhà mpu anywe, erhi: «Muleke rhulole erhi Eliya ayish’imumanula!» 37Obwo Yezu anaciyâma n’izù linene, arhenga mw’omûka. 38Okubundi omwenda gwàli mumanike aha karhî k’aka-Nyamuzinda gwalalanguka mpande ibiri kurhenga enyanya kuhika ahanshi. 39Omukulu w’abasirika wali oyîmanzire amuyêrekîre, erhi abona kurhi ahôla, aderha, erhi: «Nêci, kwo binali, oyu muntu anali Mugala wa Nyamuzinda!».
Abakazi batagatîfu oku Kalvario
(Mat 27, 55-56; Luk 23, 49; Ywn 19, 25)
40Hàli n’abakazi bakâg’ilâbira kulî. Muli bo mwâli Mariya Magadalena, Mariya nnina wa Yakôbo murhò#15, 40 Yakôbo murhò; arhali mukulu wa Yowane, mwene Zebedeyo, ye Yakôbo mukulu. Salome: mukà-Zebedeyo, nnina wa Yakôbo mukulu wa Yowane. na Yozefu, na Salome. 41Bo bakâg’imukulikira n’okumukolera amango ali e Galileya. N’abandi banji bâli barheremîre naye e Yeruzalemu.
Yezu abishwa
(Mat 27, 57-61; Luk 23, 50-55; Ywn 19, 38-42)
42Bulya byàli bikola bijingo, na bulya lwàli lusiku lwa marheganyo#15, 42 Lwa karhanu lutagatîfu, lwo lusiku lw’amalâliro ga Sabato, 43Yozefu w’e Arimatiya, mushamuka mukengwa w’ihano, owakâg’ilinga naye Obwâmi bwa Nyamuzinda, ajà emwa Bilato n’oburhwâli, amuhûna omubiri gwa Yezu. 44Bilato asômerwa oku anafîre duba ntyo. Anacihamagala olya mukulu w’abasirika, amudôsa erhi anafîre. 45Erhi oyo mukulu w’abasirika amumanyîsa, anacihà Yozefu omubiri gwa Yezu. 46Okubundi Yozefu anacigula omwenda mwêru, arhenza Yezu oku musalaba, amubohamwo gulya mwenda, amubisha omu nshinda yali mpumbe omu lwâla; anacihirika ibuye linene omu lusò lw’enshinda. 47Obwo erhi Mariya Magadalena na Mariya nnina wa Yozefu badwîrhe balolêreza aha bamuhira.
Currently Selected:
Marko 15: MKB
Highlight
Share
Copy
Want to have your highlights saved across all your devices? Sign up or sign in
Mashi Bible © BUKAVU Archdiocese of Bukavu, 2024.
Marko 15
15
Yezu emwa Bilato
(Mat 27, 1-2.11-26; Luk 22, 66; 23, 1-5.13-25; Ywn 18, 28—19, 16)
1Erhi kunaca ntya, abajinji b’abadâhwa bajà ihînzi haguma n’abagula b’olubaga n’abayigîriza n’ihano lyoshi; erhi babà bamashwêka Yezu, bamuhêka emwa Bilato, bamuhâye. 2Bilato amudôsa, erhi: «Ka we mwâmi w’Abayahudi?» Yezu amushuza, erhi: «Wakudesire». 3Nabo abajinji b’abadâhwa bamushobeka binji. 4Bilato ashub’imudôsa, erhi: «Ka ntà kanwa washuza? K’obwîne ebi bakushobesire». 5Ci Yezu arhashuzaga cici, kuhika Bilato asômerwa. 6Ngasi lusiku lukulu, akâg’ibalîkira mushwêkwa muguma, oyu banacishozire. 7Obwo erhi hali mushwêkwa muguma, ye wali Baraba. Ali ashwêsirwe haguma n’abandi bagoma bâli banizire omuntu omu bugoma. 8erhi olubaga lurherema, lwarhondêra lwahûna okujirirwa nka kulya lunayôrha lujirirwa. 9Bilato abashuza, erhi: «Ka mwalonza mmulikire omwâmi w’Abayahudi?» 10Erhi anamanyire obwo bwâgalwa abajinji b’abadâhwa bamuhâniraga. 11Ci abajinji b’abadâhwa bashumika olubaga mpu bahûne alîke Baraba erhi ye. 12Bilato ashub’ibabwîra, erhi: «Kurhi najiraga omwâmi w’Abayahudi?» 13Ci bôhe bashub’iyâma, mpu: «Omubambe oku musalaba!» 14Bilato, erhi: «Bubî buci ajizire?» Nabo bashub’iyâma, balushisa, mpu: «Omubambe oku musalaba!» 15Okubundi Bilato alonza okusîmîsa olubaga, abalikira Baraba, n’erhi abà amashûrha Yezu emikoba, abahà ye mpu abambwe oku musalaba.
Ecimanè c’emishûgi
(Mat 27, 27-31; Ywn 19, 1-3)
16Abasirika banacimuhêka omu côgo, bamujâna omu lurhambà, bamuhirakwo olugamba lw’abasirika lwoshi. 17Bamuyambika ecishûli cidukula, n’erhi babà bamaluka ecimanè c’emishûgi, bamuhiraco omu irhwe. 18Barhondêra bamulamusa, mpu: «Asinge, Mwâmi w’Abayahudi!» 19Bamushûrha irhwe n’olusheke, bamukâyirakwo, banamufukamira, baharâmya. 20Okubundi, erhi bayûs’imucinaguza, bamuhogola cirya cishûli cidukula, bamuyambika emyambalo yâge, bamuhulukana mpu baj’imubamba oku musalaba.
Enjira y’omusalaba
(Mat 27, 32-33; Luk 23, 26; Ywn 19, 17)
21Bagwârha muntu muguma wafulukaga, Simoni w’e Kirena, îshe w’Aleksandro na Rufo, mpu arhwâze Yezu okubarhula omusalaba, 22Bamuhêka ahantu haderhwa Golgota#15, 22 Hantu h’empanga erhi Kalvariyo., kwo kuderha mpu bantu h’empanga.
Yezu abambwa oku musalaba
(Mat 27, 34-38; Luk 23, 33-34; Ywn 19, 18-24)
23Banacimuhà idivayi lirimwo endulwè mpu anywe, ci arhalinywagakwo. 24Banacimubamba oku musalaba, bagabâna emyambalo yâge, bayiyêsha cigole mpu bamanye cici ngasi muntu ahêka. 25Zàli nsâ isharhu#15, 25 Nsâ isharhu, erhi amashî gakala. erhi bamubamba, 26Igwârhiro ly’olufù lwâge lyayandikwa ntya: «Mwâmi w’Abayahudi», 27Banacibamba haguma naye bishumûsi bibiri, ciguma ekulyo, ecindi ekumosho kwâge. 28Lwayunjula Olwandiko lwaderhaga, erhi: «Aganjirwe omu babî#15, 28 Aganjirwe omu babî: Iz 53, 12, ».
Yezu ashekerwa anajacirwa oku musalaba
(Mat 27, 39-44; Luk 23, 35-37)
29Abakâg’igera, bakamujacira banadunda irhwe, mpu: «We shâba aka-Nyamuzinda, onashub’ikayunjuza omu nsiku isharhu, 30cîrîkûzagye wênene, ohonekwo ogu musalaba!» 31Nabo abajinji b’abadâhwa n’abagula b’ihano bakâg’imushekera banaderha, mpu: «Acizize abandi arhankanahash’icîciza yênene! 32Kristu mwâmi w’Israheli amanukage kuli ogu musalaba, nîrhu rhubone, rhunamuyêmêre!» Ciru na balya bâli babambirwe oku musalaba haguma naye bakâg’imujacira.
Yezu afà oku musalaba
(Mat 27, 45-54; Luk 23, 44-47; Ywn 19, 28-30)
33Erhi izûba liyimanga#15, 33 Erhi izûba liyimanga: omu nsâ ndarhu. Amafuluko: omu nsâ mwenda., omwizizi gwabwîka ecihugo coshi kuhika amafuluko. 34Erhi kubà mafuluko, Yezu anaciyâma n’izù linene, erhi: «Eloyi, Eloyi, lama sabaktani?» Kwo kuderha: «Nyamuzinda wâni, Nyamuzinda wâni, carhumire ondeka?», 35Baguma muli balya bàhali, erhi bayumva, banaciderha, mpu: «Amayakûza Eliya»! 36Muguma alibirha, avumvuliza ecihôrholo omu nkalishi, acîshwêkera oku lusheke, amuhà mpu anywe, erhi: «Muleke rhulole erhi Eliya ayish’imumanula!» 37Obwo Yezu anaciyâma n’izù linene, arhenga mw’omûka. 38Okubundi omwenda gwàli mumanike aha karhî k’aka-Nyamuzinda gwalalanguka mpande ibiri kurhenga enyanya kuhika ahanshi. 39Omukulu w’abasirika wali oyîmanzire amuyêrekîre, erhi abona kurhi ahôla, aderha, erhi: «Nêci, kwo binali, oyu muntu anali Mugala wa Nyamuzinda!».
Abakazi batagatîfu oku Kalvario
(Mat 27, 55-56; Luk 23, 49; Ywn 19, 25)
40Hàli n’abakazi bakâg’ilâbira kulî. Muli bo mwâli Mariya Magadalena, Mariya nnina wa Yakôbo murhò#15, 40 Yakôbo murhò; arhali mukulu wa Yowane, mwene Zebedeyo, ye Yakôbo mukulu. Salome: mukà-Zebedeyo, nnina wa Yakôbo mukulu wa Yowane. na Yozefu, na Salome. 41Bo bakâg’imukulikira n’okumukolera amango ali e Galileya. N’abandi banji bâli barheremîre naye e Yeruzalemu.
Yezu abishwa
(Mat 27, 57-61; Luk 23, 50-55; Ywn 19, 38-42)
42Bulya byàli bikola bijingo, na bulya lwàli lusiku lwa marheganyo#15, 42 Lwa karhanu lutagatîfu, lwo lusiku lw’amalâliro ga Sabato, 43Yozefu w’e Arimatiya, mushamuka mukengwa w’ihano, owakâg’ilinga naye Obwâmi bwa Nyamuzinda, ajà emwa Bilato n’oburhwâli, amuhûna omubiri gwa Yezu. 44Bilato asômerwa oku anafîre duba ntyo. Anacihamagala olya mukulu w’abasirika, amudôsa erhi anafîre. 45Erhi oyo mukulu w’abasirika amumanyîsa, anacihà Yozefu omubiri gwa Yezu. 46Okubundi Yozefu anacigula omwenda mwêru, arhenza Yezu oku musalaba, amubohamwo gulya mwenda, amubisha omu nshinda yali mpumbe omu lwâla; anacihirika ibuye linene omu lusò lw’enshinda. 47Obwo erhi Mariya Magadalena na Mariya nnina wa Yozefu badwîrhe balolêreza aha bamuhira.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mashi Bible © BUKAVU Archdiocese of Bukavu, 2024.