Mateyo 24
24
1Erhi Yezu acihuluka omu ka-Nyamuzinda n’erhi abà akola agenda, abaganda bâge banacimujaho mpu bamuyêreke obûbake bw’aka-Nyamuzinda. 2Naye erhi acibashuza, ababwîra, erhi: «Ka mubwîne ebyo byoshi! Mmubwîre okuli, aha, ntà ibuye lyasigale oku lindi lirhanashandâzîbwi». 3Erhi acibà akola abwârhîre oku ntondo y’Emizêti, abaganda bâge bamushegeraho bufundafunda, bamubwîra, mpu: «Orhubwîre mangaci ebyo byâbà#24, 3 Lolà Mrk 13, 1-4; Luk 21, 5-7., n’ecâbe cimanyîso c’okuyisha kwâwe n’eca okuhwa kw’igulu.»
Omurhondêro gw’amalibuko
(Mrk 13, 5-13; Luk 21, 8-19)
4Naye Yezu anacibashuza, ababwîra, erhi: «Mumanye ntâye ommurhebage. 5“Bulya banji bâyishe oku izîno lyâni, baderhe, mpu: ‘Nie Kristu’, banarhebe banji”. 6“Mwâyumve baderha ebîrha n’emihigo y’ebîrhà; mumanye murhayôbohaga bulya kukwânîne ebyo birhang’iyisha, ci erhi burhaciba buzinda”. 7“Ecihugo câyimukire ecindi, n’obwâmi obundi bwâmi. Ecizombo n’omusisi byayisb’ibà hanji”. 8“Ebyo byoshi, gwo murhondêro gw’amalibuko”. 9“Obwo bâmmubabaze banammuyîrhe: mwâshombwe n’amashanja goshi erhi izîno lyâni lirhuma”. 10“Banji obwo bâhirime; banji bâhânane bône na nnene, bânashombane bône na nnene”. 11“Abalêbi b’obunywesi babè banji banarhebe bantu banji. 12Na bulya amabî gayish’iyûshûka, obuzigire bwa banji bwânyihe”. 13“Ci owayôrhe ali mwinjà kuhika olusiku luzinda, oyo ye wâcunguke”. 14“Eyi Myanzi minjà y’Obwâmi yayish’ihanûlwa omu igulu lyoshi, ebè cimanyîso oku mashanja goshi. Obwo lyo olusiku luzinda lwâyishe”».
Amalibuko ga Yeruzalemu
(Mrk 13, 14-23; Luk 21, 20-24)
15Amango mukabona birya bibî bibî byalêbagwa na Daniyeli biri omu hantu hatagatîfu (owasoma ayumve)! 16Obwo abâli omu cihugo c’e Yudeya bâyakire oku ntondo, 17n’oli oku burhungiri bw’enyumpa arhamanukaga mpu arhôle ebintu byâge omu nyumpa; 18n’oli omw’ishwa arhashubirag’eka mpu arhôle omwambalo gwâge. 19Abakazi bali izîmi n’abayonsa ago mango, basômerwa! 20Mushenge murhag’iyish’iyaka omu mango g’e mpondo erhi omu luzira lwa Sabato. 21Bulya ezo nsiku zâbà za malibuko garhazig’iboneka kurhenga okulemwa kw’igulu kuhika buno, garhakanaciboneka bundi. 22Acibâga ezo nsiku zirhali zinyihîbwe, ntà muntu wankacizire; ci abîshogwa bàrhuma, ezo nsiku zanyihibwa. 23Ago mango erhi mwankabwîrwa n’omuntu, mpu: «Lolà, Kristu oyo oli hano, nîsi erhi hala», murhêmêraga. 24Bulya bayish’iyisha ba-Kristu bw’obwîhambi n’abalêbi bw’obunywesi, bayish’ijira ebimanyîso n’ebirhangâzo binji ebyankarheba ciru n’abîshogwa acibà kwankahashikana. 25Ninyu mumanyage, mmulêbire byoshi.
Mwene-omuntu ayish’iyisha n’obwâlagale
(Luk 17, 23-24)
26Kuziga amango bammubwîre, mpu: «Y’oyo omu irungu», murhayijaga, mpu: «Acîfulisire omu nyumpa» murhêmêraga. 27Nka kulya omulazo gunahubuka ebushoshôkero bw’izûba gubonekere emunda lizikira, kwo Mwene-omuntu ayish’iyisha ntyo. 28Aha omurhumba gwâbè ho n’enyunda zâshubukire.
lgulu lyoshi lyageremwo omusisi
(Mrk 13, 24-27; Luk 21, 25-27)
29Enyuma ly’amalibuko g’ezo nsiku, izûba lyâbà mwizizi, n’omwêzi gurhacibashe, n’enyenyêzi zanamanuka oku nkuba, n’eby’oku nkuba byâgera mwo omusisi. 30Okuhandi ecimanyîso ca Mwene-omuntu canabonekana emalunga; n’amashanja g’en’igulu goshi ganabanda endûlù; go mango bâbona Mwene-omuntu ayishire omu bitù n’obuhashe n’irenge linji. 31Obwo anarhuma bamalahika bâge n’omushekera gw’izù linene, bashûbûze abarhôle bâge b’empande ini z’igulu, kurhenga emalunga bwenêne kuhika ah’igulu lihekîre.
Amango okwo kwâbè
(Mrk 13, 28-32; Luk 21, 29-33)
32Mulolere olwiganyo oku mulehe. Amashami gâgwo erhi gashabuka n’erhi ebibabi bikumera, munamanye oku ecanda ciri hôfi. 33Ninyu ntyo, amango mwâbone ebyo, mumanye oku ali hôfi, oku ahika aha lusò. 34Mmubwîre okuli, eri iburha lirhagere n’ebyo byoshi birhabà. 35Irunga n’igulu byâgere, ci enderho zâni zirhakagera. 36Ci olwo lusiku n’ako kasanzi ntâye omanyire, ciru na bamalahika b’empingu, ciru n’Omugala, ntà wundi aha nyuma ly’Îshe yênene.
Okubà masù n’okucîrheganya
(Luk 17, 26-27.34-35)
37Nka kulya omu mango ga Nûhu, ntyo kwo Mwene-omuntu ayish’iyisha. 38Muli ezo nsiku zashokoleraga ecihonzi, bakâg’ilya banaywe, bakâg’isheba banashebwe kuhika olusiku Nûhu ajaga omu bwârho. 39Abantu barhakengêraga bici, kuhika ecihonzi cayisha, cabahêka boshi. Ntyola kwo Mwene-omuntu ayish’iyisha. 40Bantu babiri bâbè bali omu ishwa: muguma ahêkwe n’owâbo alekwe. 41Bakazi babirhi bâbè badwîrhe bashwa: muguma ahêkwe n’owâbo alekwe. 42Kuziga mubè masù, bulya murhamanyiri olusiku Nnawinyu ayisha. 43Yumvi bwinjà: acibâga nnakà ankamanya obudufu ecishambo cayishamwo, analâlîra, arhankanaleka bamurhulira enyumpa. 44Kuziga ninyu mubè masù, bulya Mwene-omuntu ayish’iyisha amango murhakengiri.
Omugani gw’omukulu w’enyumpa
(Luk 12, 42-46)
45Mushi ohi oli mwîkubagirwa na mwîrhonzi, oyu nnâhamwâbo ahâga obukulu oku bantu b’enyumpa yâge mpu abagabulire ebiryo omu mango ga kwânîne? 46Iragi lyâge oyo mushi, hano nnâhamwâbo ayisha, akamushimâna adwîrhe ajira ntyo! 47Mmubwîre okuli, anamujira mukulu w’ebirugu byâge byoshi. 48Ci oyo mushi mubî erhi ankaderha omu murhima, erhi: «Nnâhamwîrhu arhishiri duba». 49Arhangire ashûrha abâbo Bashi, analye ananywe haguma n’abalalwe, 50nnâhamwâbo oyo mushi ayisha olusiku arhagererîzi n’amango arhamanyiri. 51Okuhandi amukage, anamuhebe ebwa luhande lw’endyâlya: ho hayish’ibà ecimorôgo n’okuhekenya amîno.
Currently Selected:
Mateyo 24: MKB
Highlight
Copy
Compare
Share
Want to have your highlights saved across all your devices? Sign up or sign in
Mashi Bible © BUKAVU Archdiocese of Bukavu, 2024.
Mateyo 24
24
1Erhi Yezu acihuluka omu ka-Nyamuzinda n’erhi abà akola agenda, abaganda bâge banacimujaho mpu bamuyêreke obûbake bw’aka-Nyamuzinda. 2Naye erhi acibashuza, ababwîra, erhi: «Ka mubwîne ebyo byoshi! Mmubwîre okuli, aha, ntà ibuye lyasigale oku lindi lirhanashandâzîbwi». 3Erhi acibà akola abwârhîre oku ntondo y’Emizêti, abaganda bâge bamushegeraho bufundafunda, bamubwîra, mpu: «Orhubwîre mangaci ebyo byâbà#24, 3 Lolà Mrk 13, 1-4; Luk 21, 5-7., n’ecâbe cimanyîso c’okuyisha kwâwe n’eca okuhwa kw’igulu.»
Omurhondêro gw’amalibuko
(Mrk 13, 5-13; Luk 21, 8-19)
4Naye Yezu anacibashuza, ababwîra, erhi: «Mumanye ntâye ommurhebage. 5“Bulya banji bâyishe oku izîno lyâni, baderhe, mpu: ‘Nie Kristu’, banarhebe banji”. 6“Mwâyumve baderha ebîrha n’emihigo y’ebîrhà; mumanye murhayôbohaga bulya kukwânîne ebyo birhang’iyisha, ci erhi burhaciba buzinda”. 7“Ecihugo câyimukire ecindi, n’obwâmi obundi bwâmi. Ecizombo n’omusisi byayisb’ibà hanji”. 8“Ebyo byoshi, gwo murhondêro gw’amalibuko”. 9“Obwo bâmmubabaze banammuyîrhe: mwâshombwe n’amashanja goshi erhi izîno lyâni lirhuma”. 10“Banji obwo bâhirime; banji bâhânane bône na nnene, bânashombane bône na nnene”. 11“Abalêbi b’obunywesi babè banji banarhebe bantu banji. 12Na bulya amabî gayish’iyûshûka, obuzigire bwa banji bwânyihe”. 13“Ci owayôrhe ali mwinjà kuhika olusiku luzinda, oyo ye wâcunguke”. 14“Eyi Myanzi minjà y’Obwâmi yayish’ihanûlwa omu igulu lyoshi, ebè cimanyîso oku mashanja goshi. Obwo lyo olusiku luzinda lwâyishe”».
Amalibuko ga Yeruzalemu
(Mrk 13, 14-23; Luk 21, 20-24)
15Amango mukabona birya bibî bibî byalêbagwa na Daniyeli biri omu hantu hatagatîfu (owasoma ayumve)! 16Obwo abâli omu cihugo c’e Yudeya bâyakire oku ntondo, 17n’oli oku burhungiri bw’enyumpa arhamanukaga mpu arhôle ebintu byâge omu nyumpa; 18n’oli omw’ishwa arhashubirag’eka mpu arhôle omwambalo gwâge. 19Abakazi bali izîmi n’abayonsa ago mango, basômerwa! 20Mushenge murhag’iyish’iyaka omu mango g’e mpondo erhi omu luzira lwa Sabato. 21Bulya ezo nsiku zâbà za malibuko garhazig’iboneka kurhenga okulemwa kw’igulu kuhika buno, garhakanaciboneka bundi. 22Acibâga ezo nsiku zirhali zinyihîbwe, ntà muntu wankacizire; ci abîshogwa bàrhuma, ezo nsiku zanyihibwa. 23Ago mango erhi mwankabwîrwa n’omuntu, mpu: «Lolà, Kristu oyo oli hano, nîsi erhi hala», murhêmêraga. 24Bulya bayish’iyisha ba-Kristu bw’obwîhambi n’abalêbi bw’obunywesi, bayish’ijira ebimanyîso n’ebirhangâzo binji ebyankarheba ciru n’abîshogwa acibà kwankahashikana. 25Ninyu mumanyage, mmulêbire byoshi.
Mwene-omuntu ayish’iyisha n’obwâlagale
(Luk 17, 23-24)
26Kuziga amango bammubwîre, mpu: «Y’oyo omu irungu», murhayijaga, mpu: «Acîfulisire omu nyumpa» murhêmêraga. 27Nka kulya omulazo gunahubuka ebushoshôkero bw’izûba gubonekere emunda lizikira, kwo Mwene-omuntu ayish’iyisha ntyo. 28Aha omurhumba gwâbè ho n’enyunda zâshubukire.
lgulu lyoshi lyageremwo omusisi
(Mrk 13, 24-27; Luk 21, 25-27)
29Enyuma ly’amalibuko g’ezo nsiku, izûba lyâbà mwizizi, n’omwêzi gurhacibashe, n’enyenyêzi zanamanuka oku nkuba, n’eby’oku nkuba byâgera mwo omusisi. 30Okuhandi ecimanyîso ca Mwene-omuntu canabonekana emalunga; n’amashanja g’en’igulu goshi ganabanda endûlù; go mango bâbona Mwene-omuntu ayishire omu bitù n’obuhashe n’irenge linji. 31Obwo anarhuma bamalahika bâge n’omushekera gw’izù linene, bashûbûze abarhôle bâge b’empande ini z’igulu, kurhenga emalunga bwenêne kuhika ah’igulu lihekîre.
Amango okwo kwâbè
(Mrk 13, 28-32; Luk 21, 29-33)
32Mulolere olwiganyo oku mulehe. Amashami gâgwo erhi gashabuka n’erhi ebibabi bikumera, munamanye oku ecanda ciri hôfi. 33Ninyu ntyo, amango mwâbone ebyo, mumanye oku ali hôfi, oku ahika aha lusò. 34Mmubwîre okuli, eri iburha lirhagere n’ebyo byoshi birhabà. 35Irunga n’igulu byâgere, ci enderho zâni zirhakagera. 36Ci olwo lusiku n’ako kasanzi ntâye omanyire, ciru na bamalahika b’empingu, ciru n’Omugala, ntà wundi aha nyuma ly’Îshe yênene.
Okubà masù n’okucîrheganya
(Luk 17, 26-27.34-35)
37Nka kulya omu mango ga Nûhu, ntyo kwo Mwene-omuntu ayish’iyisha. 38Muli ezo nsiku zashokoleraga ecihonzi, bakâg’ilya banaywe, bakâg’isheba banashebwe kuhika olusiku Nûhu ajaga omu bwârho. 39Abantu barhakengêraga bici, kuhika ecihonzi cayisha, cabahêka boshi. Ntyola kwo Mwene-omuntu ayish’iyisha. 40Bantu babiri bâbè bali omu ishwa: muguma ahêkwe n’owâbo alekwe. 41Bakazi babirhi bâbè badwîrhe bashwa: muguma ahêkwe n’owâbo alekwe. 42Kuziga mubè masù, bulya murhamanyiri olusiku Nnawinyu ayisha. 43Yumvi bwinjà: acibâga nnakà ankamanya obudufu ecishambo cayishamwo, analâlîra, arhankanaleka bamurhulira enyumpa. 44Kuziga ninyu mubè masù, bulya Mwene-omuntu ayish’iyisha amango murhakengiri.
Omugani gw’omukulu w’enyumpa
(Luk 12, 42-46)
45Mushi ohi oli mwîkubagirwa na mwîrhonzi, oyu nnâhamwâbo ahâga obukulu oku bantu b’enyumpa yâge mpu abagabulire ebiryo omu mango ga kwânîne? 46Iragi lyâge oyo mushi, hano nnâhamwâbo ayisha, akamushimâna adwîrhe ajira ntyo! 47Mmubwîre okuli, anamujira mukulu w’ebirugu byâge byoshi. 48Ci oyo mushi mubî erhi ankaderha omu murhima, erhi: «Nnâhamwîrhu arhishiri duba». 49Arhangire ashûrha abâbo Bashi, analye ananywe haguma n’abalalwe, 50nnâhamwâbo oyo mushi ayisha olusiku arhagererîzi n’amango arhamanyiri. 51Okuhandi amukage, anamuhebe ebwa luhande lw’endyâlya: ho hayish’ibà ecimorôgo n’okuhekenya amîno.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Mashi Bible © BUKAVU Archdiocese of Bukavu, 2024.