Luka 4
4
Kristu ahima amashumi ga shetani omu irungu
(Mat 4, 1-11; Mrk 1, 12-13)
1Yezu ayunjula Mûka Mutagatîfu, arhenga e Yordani, ahêkwa na Mûka omu irungu, 2ajiramwo nsiku makumi anni ashumikwa na shetani. Ezo nsiku arhakozagya kalyo ekanwa, n’erhi ziyunjula, ashalika. 3Shetani anacimubwîra, erhi: «Akabà oli Mwene-Nyamuzinda, bwîra eri ibuye lihinduke mugati». 4Naye Yezu amushuza, erhi: «Kuyandisirwe, mpu: Arhali mugati gône gujira omuntu, ci ajirwa na ngasi luderho lurhenga ekanwa ka Nyamuzinda». 5Shetani anacimurheremana, amuyêreka caligumiza amâmi goshi g’en’igulu, 6Shetani, erhi: «Nakuhà obwo buhashe bwoshi n’irenge ly’ago mârni goshi, bulya nabihîrwe, nâni nambihe ngasi yêshi nnonzize. 7Okamfukamira, ntà kundi, byoshi byanabà byâwe». 8Yezu anacimushuza, erhi: «Kuyandisirwe, mpu: Wakaz’iharâmya Nyakasane Nyamuzinda wâwe, onakaz’imukolera yênene». 9Okubundi anacimuhêka e Yeruzalemu, amuyimanza oku kanshonsho k’aka-Nyamuzinda, amubwîra, erhi: «Akabà oli Mwene-Nyamuzinda, hamira ahanshi, 10bulya kuyandisirwe, mpu: Akurhegekera bamalahika bâge bakulange, 11na mpu: Bakuhêke omu maboko gâbo, olek’isârhala oku ibuye». 12Yezu anacimushuza, erhi: «Kuyandisirwe, mpu: “Irhondo orhashumikaga Nyakasane Nyamuzinda wâwe”». 13Erhi ayûsa ngasi nshumi, shetani arhang’imuleka#4, 13 Shetani arhamulekaga lwoshi, ci arhang’igenda, alinga amango ashub’igaluka. Ago mango, go mango g’amalumwa ga Mwâmi Yezu (Luk 22—23) ci Yezu ye wahimire Shetani (Luk 24; Ebj 2) n’ebindi..
III. Yezu ayigîriza e Galileya
Omurhondêro gw’enyigîrizo za Yezu
(Mat 4, 12—17, 23; Mrk 1, 14—15, 39)
14N’obuzibu bwa Mûka Mutabatifu, Yezu ashubira e Galileya, n’irenge lyâge lyayunjula omu cihugo coshi. 15Akaz’iyigîriza omu masinagogi gâbo, n’abantu boshi bamukuza.
Yezu e Nazareti n’e Kafarnaum
(Mat 13, 53-58; Mrk 6, 1-6; Mrk 1, 21-28)
16Anacijà e Nazareti, co cishagala alereragwamwo; ajà omu sinagogi omu lusiku lwa-Sabato, nka oku anayôrheraga, ayimanga mpu asome. 17Bamushumbiriza ecitabu c’omulêbi Izaya. Erhi abungûla ecitabu, ayirukira ahayandisirwe ntyâla: 18Omûka gwa Nyakasane kuli nie, bulya anshîzire amavurha#4, 18 Okushîgwa amavurha kuli kujirwa mwâmi, kuli kucîshogwa na Nnâmahanga oku mukolo gwâge. Omwâka gw’obwonjo bwa Nyakasane, go mango ga Masiha., antuma mpu ngend’iyigîriza abakenyi emyanzi y’akalembe, mbale omwanzi gw’obuyôkozi, emw’abâli omu mpamikwa, n’emwa emihûrha ogw’okushub’ikabona, ngalulire abarhindibuzibwe omurhûla, 19nnandalike omwâka gw’obwonjo bwa Nyakasane. 20Anacibunga ecitabu, acishubiza omurhumisi, abwârhala. Abâli omu sinagogi boshi bamuyêrekeza amasù. 21Okubundi anacirhondêra ababwîra, erhi: «Ene, olu lwandiko lwamayunjula omu marhwiri ginyu». 22Boshi bali bamubêrîre càli-ho, banacirhangâla n’enderho nyinjà zarhengaga omu kanwa kâge, mpu: «K’arhali mwene-Yozefu oyu?» 23Anacibabwîra, erhi: «Ntahabiri oku mwambwîra ogu mugani, mpu: “We mufumu, ocîbuke wêne!” “Birya byoshi barhubwîraga mpu byabîre e Kafarnaumu, obijirage n’eno mwinyu”». 24Ashub’ibabwîra, erhi: «Okuli, mmubwîre, ntà mulêbi oyankiriwa bwinjà omu cihugo câbo. 25Nêci, mmubwîzire oku binali: hàli bakana banji omu Israheli amango g’Eliya, erhi enkuba ehangama myâka isharhu na myêzi ndarhu n’erhi ecizombo cizûka omu cihugo coshi, 26ntà muguma mulibo Eliya arhumirwe emwâge, ci emwa omukazi mukana w’e Sarepta, omu cihugo c’e Sidoni. 27Na bashomyo banji bâli omu Israheli amango g’omulêbi Elizeyo; ntâye ciru n’omuguma wafumizwe muli bo, ci Nahamani yêne w’e Sîriya». 28Erhi bayumva ntyo, abàli omu sinagogi boshi bakunira; 29banaciyimuka, bamuhulusa omu lugo, bamuhêka oku cigonzi c’entondo ecishagala câbo càli ciyûbasirwekwo mpu bamulohe oku ncangu#4, 29 oku «ncangu», kandi rhwanaderha: «oku mmanga» . 30Ci larha wâni abagera ekarhî, acîgendera.
31Anaciyandagalira e Kafarnaumu, cishagala c’e Galileya; akabayigîriza olwa-Sabato. 32Basômerwa n’enyigîrizo zâge, bulya akâg’iderha nka ogwêrhe obuhashe. 33Mw’eyo sinagogi mwâli omuntu ogwêrhwe n’omuzimu mubî. Anaciyakûza n’izù linene, erhi: 34«Cici rhufânwa, ewani Yezu w’e Nazareti? Kali wayishire mpu orhuheze? Nkumanyire we ndi: Mutagatîfu wa Nnâmahanga». 35Yezu anacimukankamira, erhi: «Hulika, onarhengemw’oyu muntu». Olya shetani anacimurhimba ahanshi embere z’abantu boshi, amurhengamwo buzira kumubabaza. 36Boshi bageramwo omusisi, bakâbwîrana bône na nnene, mpu: «Ema! Kwo kurhi oku? Ci adwîrhe arhegeka abashetani n’obuzibu n’obuhashe, banadwîrhe bahuluka!» 37Irenge lyâge lyanacilumira hoshi hoshi omu cihugo.
Yezu afumya nnazâla wa Petro
(Mat 8, 14-15; Mrk 1, 29-31)
38Erhi ahuluka omu sinagogi, ajà aha mwa Simoni. Nnazâla wa Simoni erhi ashushîrwe bwenêne; banacimusengerera. 39Amujaho, arhegeka lirya ishushira, lyamulîka. Anacizûka ho na halya, arhondêra abakolera.
Yezu afumya endwâla za ngasi lubero
(Mat 8, 15-17; Mrk 1, 32-34)
40Erhi izûba lizika, ngasi boshi bali bagwêrhe abalwala ba ngasi buzamba, bamulerherabo. Naye akahirakwo ngasi muguma okuboko, abafumya. 41Abàshetani bakarhengamwo banji, bakâyâma banaderha, mpu: «We Mwene-Nyamuzinda!» Ci akabakankamira n’okubahanza okuderha, bulya bâli bamanyire oku ye Kristu.
Yezu arhenga bufundafunda e Kafarnaumu ajaj’ageragera omu Yûda
(Mrk 1, 35-39)
42Erhi buca, alîkûla, acîjira aharhali bantu. Orhutu rhw’abantu rhwakamulonza, n’erhi rhumuhikaho, rhwamuhagalika mpu arharhulekaga. 43Naye anacibashuza, erhi: «Kukwânîne nyigîrize emyanzi minjà y’Obwâmi bwa Nyamuzinda omu bindi bishagala, bulya kwo kwarhumaga ntumwa». 44Akayigîriza omu masinagogi g’e Yûda.
Currently Selected:
Luka 4: MKB
Highlight
Share
Copy
Want to have your highlights saved across all your devices? Sign up or sign in
Mashi Bible © BUKAVU Archdiocese of Bukavu, 2024.
Luka 4
4
Kristu ahima amashumi ga shetani omu irungu
(Mat 4, 1-11; Mrk 1, 12-13)
1Yezu ayunjula Mûka Mutagatîfu, arhenga e Yordani, ahêkwa na Mûka omu irungu, 2ajiramwo nsiku makumi anni ashumikwa na shetani. Ezo nsiku arhakozagya kalyo ekanwa, n’erhi ziyunjula, ashalika. 3Shetani anacimubwîra, erhi: «Akabà oli Mwene-Nyamuzinda, bwîra eri ibuye lihinduke mugati». 4Naye Yezu amushuza, erhi: «Kuyandisirwe, mpu: Arhali mugati gône gujira omuntu, ci ajirwa na ngasi luderho lurhenga ekanwa ka Nyamuzinda». 5Shetani anacimurheremana, amuyêreka caligumiza amâmi goshi g’en’igulu, 6Shetani, erhi: «Nakuhà obwo buhashe bwoshi n’irenge ly’ago mârni goshi, bulya nabihîrwe, nâni nambihe ngasi yêshi nnonzize. 7Okamfukamira, ntà kundi, byoshi byanabà byâwe». 8Yezu anacimushuza, erhi: «Kuyandisirwe, mpu: Wakaz’iharâmya Nyakasane Nyamuzinda wâwe, onakaz’imukolera yênene». 9Okubundi anacimuhêka e Yeruzalemu, amuyimanza oku kanshonsho k’aka-Nyamuzinda, amubwîra, erhi: «Akabà oli Mwene-Nyamuzinda, hamira ahanshi, 10bulya kuyandisirwe, mpu: Akurhegekera bamalahika bâge bakulange, 11na mpu: Bakuhêke omu maboko gâbo, olek’isârhala oku ibuye». 12Yezu anacimushuza, erhi: «Kuyandisirwe, mpu: “Irhondo orhashumikaga Nyakasane Nyamuzinda wâwe”». 13Erhi ayûsa ngasi nshumi, shetani arhang’imuleka#4, 13 Shetani arhamulekaga lwoshi, ci arhang’igenda, alinga amango ashub’igaluka. Ago mango, go mango g’amalumwa ga Mwâmi Yezu (Luk 22—23) ci Yezu ye wahimire Shetani (Luk 24; Ebj 2) n’ebindi..
III. Yezu ayigîriza e Galileya
Omurhondêro gw’enyigîrizo za Yezu
(Mat 4, 12—17, 23; Mrk 1, 14—15, 39)
14N’obuzibu bwa Mûka Mutabatifu, Yezu ashubira e Galileya, n’irenge lyâge lyayunjula omu cihugo coshi. 15Akaz’iyigîriza omu masinagogi gâbo, n’abantu boshi bamukuza.
Yezu e Nazareti n’e Kafarnaum
(Mat 13, 53-58; Mrk 6, 1-6; Mrk 1, 21-28)
16Anacijà e Nazareti, co cishagala alereragwamwo; ajà omu sinagogi omu lusiku lwa-Sabato, nka oku anayôrheraga, ayimanga mpu asome. 17Bamushumbiriza ecitabu c’omulêbi Izaya. Erhi abungûla ecitabu, ayirukira ahayandisirwe ntyâla: 18Omûka gwa Nyakasane kuli nie, bulya anshîzire amavurha#4, 18 Okushîgwa amavurha kuli kujirwa mwâmi, kuli kucîshogwa na Nnâmahanga oku mukolo gwâge. Omwâka gw’obwonjo bwa Nyakasane, go mango ga Masiha., antuma mpu ngend’iyigîriza abakenyi emyanzi y’akalembe, mbale omwanzi gw’obuyôkozi, emw’abâli omu mpamikwa, n’emwa emihûrha ogw’okushub’ikabona, ngalulire abarhindibuzibwe omurhûla, 19nnandalike omwâka gw’obwonjo bwa Nyakasane. 20Anacibunga ecitabu, acishubiza omurhumisi, abwârhala. Abâli omu sinagogi boshi bamuyêrekeza amasù. 21Okubundi anacirhondêra ababwîra, erhi: «Ene, olu lwandiko lwamayunjula omu marhwiri ginyu». 22Boshi bali bamubêrîre càli-ho, banacirhangâla n’enderho nyinjà zarhengaga omu kanwa kâge, mpu: «K’arhali mwene-Yozefu oyu?» 23Anacibabwîra, erhi: «Ntahabiri oku mwambwîra ogu mugani, mpu: “We mufumu, ocîbuke wêne!” “Birya byoshi barhubwîraga mpu byabîre e Kafarnaumu, obijirage n’eno mwinyu”». 24Ashub’ibabwîra, erhi: «Okuli, mmubwîre, ntà mulêbi oyankiriwa bwinjà omu cihugo câbo. 25Nêci, mmubwîzire oku binali: hàli bakana banji omu Israheli amango g’Eliya, erhi enkuba ehangama myâka isharhu na myêzi ndarhu n’erhi ecizombo cizûka omu cihugo coshi, 26ntà muguma mulibo Eliya arhumirwe emwâge, ci emwa omukazi mukana w’e Sarepta, omu cihugo c’e Sidoni. 27Na bashomyo banji bâli omu Israheli amango g’omulêbi Elizeyo; ntâye ciru n’omuguma wafumizwe muli bo, ci Nahamani yêne w’e Sîriya». 28Erhi bayumva ntyo, abàli omu sinagogi boshi bakunira; 29banaciyimuka, bamuhulusa omu lugo, bamuhêka oku cigonzi c’entondo ecishagala câbo càli ciyûbasirwekwo mpu bamulohe oku ncangu#4, 29 oku «ncangu», kandi rhwanaderha: «oku mmanga» . 30Ci larha wâni abagera ekarhî, acîgendera.
31Anaciyandagalira e Kafarnaumu, cishagala c’e Galileya; akabayigîriza olwa-Sabato. 32Basômerwa n’enyigîrizo zâge, bulya akâg’iderha nka ogwêrhe obuhashe. 33Mw’eyo sinagogi mwâli omuntu ogwêrhwe n’omuzimu mubî. Anaciyakûza n’izù linene, erhi: 34«Cici rhufânwa, ewani Yezu w’e Nazareti? Kali wayishire mpu orhuheze? Nkumanyire we ndi: Mutagatîfu wa Nnâmahanga». 35Yezu anacimukankamira, erhi: «Hulika, onarhengemw’oyu muntu». Olya shetani anacimurhimba ahanshi embere z’abantu boshi, amurhengamwo buzira kumubabaza. 36Boshi bageramwo omusisi, bakâbwîrana bône na nnene, mpu: «Ema! Kwo kurhi oku? Ci adwîrhe arhegeka abashetani n’obuzibu n’obuhashe, banadwîrhe bahuluka!» 37Irenge lyâge lyanacilumira hoshi hoshi omu cihugo.
Yezu afumya nnazâla wa Petro
(Mat 8, 14-15; Mrk 1, 29-31)
38Erhi ahuluka omu sinagogi, ajà aha mwa Simoni. Nnazâla wa Simoni erhi ashushîrwe bwenêne; banacimusengerera. 39Amujaho, arhegeka lirya ishushira, lyamulîka. Anacizûka ho na halya, arhondêra abakolera.
Yezu afumya endwâla za ngasi lubero
(Mat 8, 15-17; Mrk 1, 32-34)
40Erhi izûba lizika, ngasi boshi bali bagwêrhe abalwala ba ngasi buzamba, bamulerherabo. Naye akahirakwo ngasi muguma okuboko, abafumya. 41Abàshetani bakarhengamwo banji, bakâyâma banaderha, mpu: «We Mwene-Nyamuzinda!» Ci akabakankamira n’okubahanza okuderha, bulya bâli bamanyire oku ye Kristu.
Yezu arhenga bufundafunda e Kafarnaumu ajaj’ageragera omu Yûda
(Mrk 1, 35-39)
42Erhi buca, alîkûla, acîjira aharhali bantu. Orhutu rhw’abantu rhwakamulonza, n’erhi rhumuhikaho, rhwamuhagalika mpu arharhulekaga. 43Naye anacibashuza, erhi: «Kukwânîne nyigîrize emyanzi minjà y’Obwâmi bwa Nyamuzinda omu bindi bishagala, bulya kwo kwarhumaga ntumwa». 44Akayigîriza omu masinagogi g’e Yûda.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mashi Bible © BUKAVU Archdiocese of Bukavu, 2024.