Yozwe 18
18
Amashwa g’eyindi milala
1Olubaga lwa bene Israheli loshi lwanacibugânana aha Silo, banacigwîkamwo ihêma lyâbo ly’embugânano, erhi ecihugo coshi cikola ciri câbo. 2Hali hacisigîre milala nda omu bene Israheli#18, 2 Obushiru bwa bene Israheli bwanyiha, balonza okukabunga ngasi mango nka kulya bakomereraga e Gilgali., abarhali bacihâbwa ecâbo cihugo nka mwanya gwâbo. 3Yozwè anacibwîra bene Israheli, erhi: «Cici cimubulisize#18, 3 Bene Israheli barhînya okurhôla ecihugo bône n’amatumu. okurhagendirhôla n’okuyûbaka cirya cihugo Nyakasane, Nyamuzinda wa basho, amuhâga? 4Murhôlage bantu basharhu#18, 4 Murhôle bantu basharhu: Lush 1, 13. omu ngasi mulala, bayîshe mbarhume; bagendija balola kurhi ecihugo ciyôsire na kurhi cankagabwa, kandi banagaluka bayishimbwîra omwanzi. 5Bayishigaba eco cihugo muli bihimbi nda; Yûda ayôrha omu cihugo câge olunda lw’emukondwè, n’omulala gwa Yozefu nago gwanayôrha omu cihugo cago olunda lw’e mwênè. 6Moyo mugendilola kurhi eco cihugo ciyôsire na kurhi cankagabwamwo bigabi nda, kandi mwanayisha hanôla, mwanambwîra kurhi biri, nâni nanabagabiraco omu kubayeshera ecigole embere za Nyakasane, Nyamuzinda wîrhu. 7Ci konene bene Levi barhahâbwe cigabi cihi muli mwe, omukolo bahîrwe gw’obudâhwa bwa Nyakasane kwo na kashambala kâbo. Kandi Gadi, Rubeni, n’ecihimbi c’omulala gwa bene Menashè, bakola bajira ogwâbo mwanya olundi lunda lwa Yordani ebuzûka-zûba, n’ogwo mwanya baguhâbagwa na Mûsa, omurhumisi wa Nyakasane».
8Abo bantu banacihuma enjira yâbo bakola bagenda, n’ago mango bagendaga, abarhegeka kurhi bajà balolêreza ecihugo, anacibabwîra erhi: «Mugende, mugere omu cihugo coshi, mujè mwalola kurhi ciyôsire, na kandi mwashubigaluka eno munda ndi, mumbwîre, nâni nanayesha ecigole kuli mwe, e mbêre za Nyakasane, hano Silo». 9Abo bantu banacikanya, bajà balola kurhi ecihugo ciyôsire kwoshi, n’ebi bajaga babona bakazibiyandika omu citabu, nk’oku engo zanali na kurhi zankagabwamwo bihimbi nda. Bashûbûka, bânacija emunda Yozwè ali omu cihando aha Silo. 10Yozwè anaciyêsha ecigole kuli bo aha Silo embere za Nyakasane, n’ago mango, Yozwè anacigabira#18, 10 Yozwè agabira bene Israheli ecihugo: Yoz 11, 23; 12, 7; Mib 26, 52-56. bene Israheli ecihugo nk’oku banali bagabanyikine.
Ecihugo ca bene Benyamini
11Ecigole cayesheragwa omulala gwa bene Benyamini nka kulya amûko gâbo ganali. Eco cigole cayeshagwa obw’oburhanzi cinabagwârha carhuma bahâbwa ecihugo càli ekarhî ka bene Yûda na bene Yozefu. 12Olunda lw’emwênè, olubibi lwâbo lwarhenga oku Yordani; n’olwo lubibi lwanacisôka olwo lunda lw’emwênè kuhika omu marhambi ga Yeriko; lwashubisôka omu ntondo, lwajà olunda lw’ebuzika-zûba lwanacigendihwêra omw’irungu lya Beti-Aweni. 13Kurhenga aho, olubibi lwakanya, lwagera oku mwandagalo guli olunda lw’emukondwè omu Luzi yenaligi Beteli. Kandi olubibi lwayandagalira aha Ateroti-Adari, oku ntondo eri olunda lw’emukondwè omu Beti-Horoni w’Idako. 14Olubibi lwanacilandira, lwagera olunda lw’ebuzika-zûba, olunda lw’ekâgarhî, kurhenga oku ntondo eri ah’ishiriza lya Beti-Horoni olunda lw’emukondwè, lwagendihekera aha Kiryat-Bali, yerigi Kiryat-Yearimi, lugo lwa bene Yûda: lwo lubibi lw’ebuzika-zûba olwo. 15Alaga olunda lw’emukondwè: Kurhondêrera oku buzinda bwa Kiryat-Yearimi, olubibi lwagera e Gasini lwahika hôfi n’iriba ly’amîshi ga Neftoyaha. 16Olwo lubibi lwanaciyandagala oku buzinda bw’entondo eyêrekîre ebwa kabanda ka bene Hinomi, omu kabanda k’abà-Refayimi, olunda lw’emwênè. Kandi lwanaciyandagala, lwagera omwo kabanda ka bene Hinomi, lwagendigera oku mwandagalo guli ekarhî k’Abayebuseni, lwayandaglira ah’iriba lya Rogeli. 17Lwajà kuhika olunda lw’emwênè, lwagendihekera aha En-Shemeshi n’aha Geliloti oli aha ishiriza ly’omushozi gw’Adumimi, gwayandagalira ah’ibuye lya Bohani, mugala wa Rubeni. 18Olubibi lwagera oku mwandagalo guli olunda lw’emwênè ah’ishiriza ly’Araba. 19Olubibi lwanacigera oku mwandagalo guli olunda lw’e mwênè lwa Beti-Hogla, olubibi oku mushosho guli olunda lw’emukondwè oku nyanja y’omunyu, olunda lw’obuzinda bwa Yordani, omu kâgarhî: lwo lwàli lubibi lw’emukondwè olwo. 20Yordani ye wali lubibi lw’eco cihugo, olunda lw’ebuzûka-zûba. Ntyo kwo gwàli omwanya gwa bene Benyamini, nk’okwo embibi zâge zanali na nk’oku amûko gâbo ganali.
Banyamugo ba Benyamini
21Engo z’omulala gwa bene Benyamini#18, 21 Eyi milongo, 21-28: Ngo za mulala gwa bene Benyamini: Beti-Hogla…: Yoz 15, 6.61; Yer 13, 4-7; 1 Sam 13, 17., nka kulya amûko gâbo ganagenda, zirigi zezi: Yeriko, Beti-Hogla, Emeki-Kasisi, 22Beti-Ha-Araba, Semarayimi, Beteli, 23Awimi, Hapara, Ofra, 24Kefara-Ha-Amoni, Ofni na Gêba: ngo ikumi n’ibiri n’ebishagala byâzo. 25Gabaoni#18, 25 Eyi milongo, 25-28: Gabaoni: Yoz 9, 13; 1 Bâm 15, 22; Bac 20, 1; Yer 31, 15; 2 Sam 10, 5., Rama, Beeroti, 26Mispe, Kefira, Mosa, 27Rekemi, Yirpeeli, Tarala, 28Sela-Ha-Elefu, Yebusi, yerigi Yeruzalemu, Gibeya, Kiryat-Yarimi: ngo ikumi n’ini n’ebishagala byâzo. Gwo gwabîre mwanya gwa bene Benyamini ogwo, nk’oku amûko gâbo ganali.
Mashi Bible © BUKAVU Archdiocese of Bukavu, 2024.