Befezi 6
6
1Bâna, mukaz’iyumva ababusi binyu muli Nyakasane: okwo kushingânîne. 2Okaz’ikenga sho na nyoko, -ly’irhegeko lirhanzi lirimwo eciragâne-, 3ly’obona iragi onalame myâka minji en’igulu#Lub 20, 12.. 4Ninyu, mwe babusi, murhakâg’isholoshonza abâna binyu, ci omu kubalera, mubayigîrize munabahanûle muli Nyakasane.
5Bashizi, mukaz’iyumva ba nnâhamwinyu b’en’igulu, mubarhînye munabakenge n’omurhima gurhalimwo bulyâlya, nka kulya mwankajirira Kristu. 6Murhakâg’ikakolera isù nk’abalonz’isimîsa abantu, ci nka barhumisi ba Kristu bajira obulonza bwa Nnâmahanga n’omurhima gwoshi. 7N’omurhima gwinyu gwoshi murhumikire Nyakasane, ci arhali abantu. 8Murhahabiri oku ngasi muntu, akabà mushizi, akabà ntagengwa, ayishihâbwa na Nyakasane oluhembo lw’aminjà ajizire.
9Ninyu, mwe bashigwa, mukabajirira nk’okwo. Muleke okukâbayôbohya, murhanayibagiraga oku Nnawâbo na Nnawinyu omu mpingu abà, n’oku arhajira kanânà.
Emirasano y’omukristu
10Cabuzinda-zinda, musimike muli Nyakasane n’omu buhashe bw’emisî yâge. 11Muyambale emirasano ya Nyamuzinda, lyo muhash’ihima obwengehusi bwa shetani. 12Bulya ababisha rhulwîsa gurhali mubiri na mukò, ci Mâmi, n’Amahashe, n’Amarhegesi g’eri igulu ly’omwizimya; rhulwîsa abazimu babî babêra omu cirêre#6, 12 Ababisha bîrhu barhali b’en’igulu, ci Shetani yenênè.. 13Kuziga muyambale emirasano ya Nyamuzinda, ly’omu mango mabî muhashihagalika omushombanyi, muhimane, munayôrhe muzibuhire. 14Muyimangire kuli gombi! Okuli bubè gwo mukaba gwinyu, obushinganyanya ebè yo mpenzi yinyu, 15n’obushibirizi bw’okulumîza Emyanzi y’Akalembe zibè zo nkwêrho zinyu. 16Muyôrhe mufumbasire empenzi y’obuyêmêre, yo mwakahazamwo emyampi-kamole y’omubî#6, 16 Omubî kwo kuderha shetani. yoshi. 17Muyambale n’ensirha y’obucire n’engôrho ya Mûka gwa Nnâmahanga, lwo Luderho lwa Nnâmahanga. 18Muyôrhe muharâmya n’okushenga ngasi mango muli Mûka Mutagatîfu; mukâyîza burharhama, munasengerere abatagatîfu boshi. 19Munsengere nâni, lyo mbona oku nabumbûla akanwa, nderhe nampanûle n’oburhwâli ihwe ly’Emyanzi y’Akalembe; 20yo ndi mujà-bugo wayo muno nkoba. Mâshi mbone oburhwâli bw’okuyiderha nk’oku ekwânîne!
Emyanzi ya Paolo n’omusingo
21Nnonzize nti ninyu mumanye emyanzi yâni n’oku nyôsire; mwene wîrhu muzigirwa Tikiko, muganda okwânîne okucîkubagirwa muli Nyakasane, âmmubwîra byoshi. 22Mmurhumireye nti ammuhè emyanzi yîrhu anammurhûlirize emirhima. 23Nyamuzinda Îshe na Nyakasane Yezu Kristu bashobôze bene wîrhu omurhûla, obuzigire n’obuyêmêre. 24Enshôkano ya Nnâmahanga ebè haguma na balya boshi bazigira Nnawîrhu Yezu Kristu omu kalamo karhaheka!
Currently Selected:
Befezi 6: MKB
Highlight
Share
Copy
Want to have your highlights saved across all your devices? Sign up or sign in
Mashi Bible © BUKAVU Archdiocese of Bukavu, 2024.
Befezi 6
6
1Bâna, mukaz’iyumva ababusi binyu muli Nyakasane: okwo kushingânîne. 2Okaz’ikenga sho na nyoko, -ly’irhegeko lirhanzi lirimwo eciragâne-, 3ly’obona iragi onalame myâka minji en’igulu#Lub 20, 12.. 4Ninyu, mwe babusi, murhakâg’isholoshonza abâna binyu, ci omu kubalera, mubayigîrize munabahanûle muli Nyakasane.
5Bashizi, mukaz’iyumva ba nnâhamwinyu b’en’igulu, mubarhînye munabakenge n’omurhima gurhalimwo bulyâlya, nka kulya mwankajirira Kristu. 6Murhakâg’ikakolera isù nk’abalonz’isimîsa abantu, ci nka barhumisi ba Kristu bajira obulonza bwa Nnâmahanga n’omurhima gwoshi. 7N’omurhima gwinyu gwoshi murhumikire Nyakasane, ci arhali abantu. 8Murhahabiri oku ngasi muntu, akabà mushizi, akabà ntagengwa, ayishihâbwa na Nyakasane oluhembo lw’aminjà ajizire.
9Ninyu, mwe bashigwa, mukabajirira nk’okwo. Muleke okukâbayôbohya, murhanayibagiraga oku Nnawâbo na Nnawinyu omu mpingu abà, n’oku arhajira kanânà.
Emirasano y’omukristu
10Cabuzinda-zinda, musimike muli Nyakasane n’omu buhashe bw’emisî yâge. 11Muyambale emirasano ya Nyamuzinda, lyo muhash’ihima obwengehusi bwa shetani. 12Bulya ababisha rhulwîsa gurhali mubiri na mukò, ci Mâmi, n’Amahashe, n’Amarhegesi g’eri igulu ly’omwizimya; rhulwîsa abazimu babî babêra omu cirêre#6, 12 Ababisha bîrhu barhali b’en’igulu, ci Shetani yenênè.. 13Kuziga muyambale emirasano ya Nyamuzinda, ly’omu mango mabî muhashihagalika omushombanyi, muhimane, munayôrhe muzibuhire. 14Muyimangire kuli gombi! Okuli bubè gwo mukaba gwinyu, obushinganyanya ebè yo mpenzi yinyu, 15n’obushibirizi bw’okulumîza Emyanzi y’Akalembe zibè zo nkwêrho zinyu. 16Muyôrhe mufumbasire empenzi y’obuyêmêre, yo mwakahazamwo emyampi-kamole y’omubî#6, 16 Omubî kwo kuderha shetani. yoshi. 17Muyambale n’ensirha y’obucire n’engôrho ya Mûka gwa Nnâmahanga, lwo Luderho lwa Nnâmahanga. 18Muyôrhe muharâmya n’okushenga ngasi mango muli Mûka Mutagatîfu; mukâyîza burharhama, munasengerere abatagatîfu boshi. 19Munsengere nâni, lyo mbona oku nabumbûla akanwa, nderhe nampanûle n’oburhwâli ihwe ly’Emyanzi y’Akalembe; 20yo ndi mujà-bugo wayo muno nkoba. Mâshi mbone oburhwâli bw’okuyiderha nk’oku ekwânîne!
Emyanzi ya Paolo n’omusingo
21Nnonzize nti ninyu mumanye emyanzi yâni n’oku nyôsire; mwene wîrhu muzigirwa Tikiko, muganda okwânîne okucîkubagirwa muli Nyakasane, âmmubwîra byoshi. 22Mmurhumireye nti ammuhè emyanzi yîrhu anammurhûlirize emirhima. 23Nyamuzinda Îshe na Nyakasane Yezu Kristu bashobôze bene wîrhu omurhûla, obuzigire n’obuyêmêre. 24Enshôkano ya Nnâmahanga ebè haguma na balya boshi bazigira Nnawîrhu Yezu Kristu omu kalamo karhaheka!
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mashi Bible © BUKAVU Archdiocese of Bukavu, 2024.