Ebijiro 10
10
Petro ajà emwa Korneliyo
1E Sezareya yabaga mulume muguma, mpu ye Korneliyo. Ali murhegesi w’engabo ederhwa y’Abatalyano#10, 1 Abasirika b’eyo ngabo bâli b’e Italiya.. 2Ali muntu mwinjà, anarhînyaga Nnâmahanga, ye n’ab’aha mwâge. Akâg’irhabâla bwenêne olubaga, anakag’iharâmya Nnâmahanga burhahusa. 3Lêro, anacibonekerwa. Zàli nka nsâ mwenda z’omûshi. Abona bwinjinjà malahika wa Nyakasane ajà omu mwâge, anamubwîra, erhi: «Korneliyo!» 4Erhi amusinza, obwôba bwamugwârha, amudôsa erhi: «Kurhi, Yâgirwa?» Malahika amushuza erhi: «Ensengero zâwe n’oburhabâle warhabîremwo abakenyi byàhisire embere za Nyakasane, byanarhuma akukengêra. 5Ci orhumage abantu e Yope, bakuhamagalîre Simoni, oderhwa Petro. 6Ahanzire aha mw’omuhuzi muguma w’empù, izîno lyâge Simoni, ayûbaka hôfi n’enyanja». 7Erhi, olya malahika wakâg’imuganiza agenda, ahamagala bambali babirhi, abahirakwo n’omusirika orhînya Nyakasane, muguma w’omu balâlîzi bâge. 8N’erhi abà amâbaganîrira byoshi, abarhuma e Yope.
9Erhi kuca, na balya bantu nabo erhi bakola bali omu njira hôfi n’olugo. Petro arheremera oku nyanya ly’enyumpa mpu aj’iharâmya; yali nka nsâ ya kali ndarhu. 10Lêro ishali lyamuluma, alonza okulya. Erhi babà bakola badwîrhe bamurheganyiza, ayagânwa. 11Abona amalunga gayiguka, mwamanuka oguli nka mwenda munene, mushwêke mpande ini, gwajagwayêrera gwanayandagalira ebw’idaho. 12Gwalimwo ensimba ziyandala okw’igulu zoshi, n’enjoka n’ecibulubulu, n’ebinyunyi by’emalunga. 13Ayumva izù lyamubwîra erhi: «Petro! Yimuka, oyîrhe, onalye!» 14Naye Petro, erhi: «Nanga, “mâshi Nyakasane”, “ntankahemuka!” “Ntà mango nsig’ilya oku byankarhuma omuntu azira erhi ahumâna!”» 15Liry’izù lyashub’imubwîra, erhi: «Ebi Nyakasane azirwîre, omanye wankaderha mpu byanahumânya?» 16Kwabà ntyo, kasharhu koshi, n’aho honênè gulya mwenda gwashubira e malunga. 17Oku Petro adwîrhe arhimanya mpu lêro byo bici ebyo anabwîne, balya bantu bal’irhumirwe na Korneliyo, erhi babà bamadôsa aha mwa Simoni, bàlamusa. 18Banaciyakûza, badôsa erhi ho Simoni oderhwa Petro ahanda aho. 19Oku Petro acidwîrhe arhimanya ko birya abonaga, Mûka Mutagatîfu amubwîra, erhi: «Hali abalume badwîrhe bakulonza. 20Yimuka, oyandagale, ogende mweshi nabo buzira kurhindira, bulya niene nâbàrhumaga». 21Petro anaciyandagalira emunda abo bantu bâli, ababwîra, erhi: «Nie ono nie mudwîrhe mwalonza. Bici bimudwîrhe?» 22Bashuza, mpu: «Omurhegesi w’abasirika, Korneliyo, muntu mwinjà orhînya Nyakasane, mukengwa omu ishanja ly’Abayahudi lyoshi, abwîzirwe na malahika mpu akuhamagale aha mwâge, anayumve ebinwa byâwe». 23Petro abahêka omu nyumpa, anabahandîsa.
Erhi buca, ahira njira, agenda boshi nabo; na bâbo baguma b’e Yope bamulusa. 24Erhi bushub’ica, ajà omu Sezareya. Korneliyo akâg’ibalinda, àli erhi anarhumizize bene wâbo n’abîra bâge b’omurhima. 25Erhi Petro ahika aha kà, Korneliyo amujayo, acîrhimba aha magulu gâge, aharâmya. 26Ci, Petro amuyimanza erhi: «Yimuka, nâni ndi muntu kwône». 27Banacijà baganîra, bajà omu nyumpa; ashimanamwo engabo y’abantu bacîgushiremwo. 28Okuhandi ababwîra erhi: «Murhahabiri oku Omuyahudi ahanzîbwe okushangîra n’omunya-mahanga erhi okujà omu mwâge#10, 28 Petro akola amanyire bwinjà ebi abonaga kuli kuderha kuci. Omuyahudi arhankajire omu mw’omupagani erhi okushagira bo naye. Gwàli muziro; kwàli nka kulya erhi kuhuma oku ensimba n’enjoka n’ebinyunyi n’ebindi bihanzîbwe n’amarhegeko.. Ci niehe Nyamuzinda ambwîzire mpu irhondo ntacihîra nkaderha nti omuntu ali munjoga nîsi erhi ahumânyire. 29Co carhumire ntajira kadali ene mumpamagala. Mumbwîrage eci mumpamagalîre». 30Korneliyo amubwîra, erhi: «Ene lwo lusiku lwa kani: “nka gano mango kandi, nali omu mwâni ndwîrhe nashenga omu nsâ ya kali mwenda; lêro nanacibona omuntu oyambîrhe emyambalo yalangashana ayîmanzire embere zâni”. 31“Ambwîra, erhi”: “Korneliyo, Nyakasane ayumvîrhîze ensengero zâwe, anakengîre oburhabâle orhabâlamwo abakenyi”. 32“Ci orhumage abantu e Yope, bakuhamagalîre Simoni, oderhwa Petro”. “Ahanzire aha mw’omuhuzi w’empù muguma, izîno lyâge Simoni, hôfi n’enyanja”. 33“Ho n’aho nakurhumiza; nâwe wajizire kwinjà ene oyisha. Rhw’ono rhuyishirage embere zâwe, nti rhuyumvîrhize ebi Nyakasane anakurhumire mpu orhubwîre”».
Enyigîrizo za Petro aha mwa Korneliyo
34Okuhandi, Petro anacirhondêra okubabwîra erhi: «Nêci, kwo binali, lêro nabwînage oku Nyakasane arhajira kabôlo. 35Ci omu mashanja goshi, ngasi omurhînya n’okujira ebishingânîne, anamusîme. 36Arhumîre bene Israheli akanwa kâge mpu bayumve omwanzi gw’Akalembe gwadwîrhwe na Yezu Kristu: ye mwâmi w’abantu boshi. 37Murhahabiri birya bizind’ibà omu Yudeya yoshi: oku Yezu w’e Nazareti arhangiriraga e Galileya erhi Yowane ayûs’ihanûla obubatizo. 38Mumanyire kurhi Nyamuzinda ashîzire Yezu w’e Nazareti amavurha g’okumuyunjuza Mûka Mutagatîfu n’obuhashe. Akâg’ikajira aminjà, anakafumya abàli bagwêrhwe na shetani, bulya Nyamuzinda àli haguma naye. 39Nîrhu, rhwe rhuli bahamîrizi b’ebi ajizire byoshi omu cihugo c’Abayahudi n’e Yeruzalemu, bagal’imuyîrha, bàmumanika oku murhi. 40Ci, oku lusiku lwa Kasharhu Nyamuzinda àmufûla, anamuhà obuhashe bw’okucîyêrekana. 41Arhacîyêrekaga olubaga lwoshi, ci balya bahamîrizi Nyakasane àli erhi acîshozire: rhw’ono rhwe rhwalyaga rhwananywa naye erhi ayûs’ifûka omu bafù. 42Arhurhuma mpu rhuj’iyigîriza olubaga, rhunahamîrize oku ye Nyamuzinda àjizire mutwî w’emmanja w’abazîne n’abafîre. 43Y’olya abalêbi boshi bàdesire mpu ngasi omuyêmîre anâkûlirwe ebyâha oku izîno lyâge».
Abarhali Buyahudi babatizibwa: bwo burhanzi abapagani bahâbwa obubatizo
44Oku Petro anacidwîrhe aderha, Mûka Mutagatîfu ayandagalira balya bakâg’iyumva akanwa ka Nyamuzinda boshi. 45Abemêzi boshi b’omu Buyahudi bâli balusize Petro, barhangâla erhi babona oku enshôkano ya Mûka Mutagatîfu yahâbirwe abapagani nabo. 46Bakâbayumva baderha ezindi ndimi bânakuza Nyakasane. 47Okuhandi, Petro anacibabwîra erhi: «Abà bamahâbwa Mûka Mutagatîfu akîrhu, ka hali owankacihash’ibayima amîshi g’obubatizo?» 48Anacirhegeka mpu babatizibwe oku izîno lya Yezu Kristu. Banacimuhûna mpu ajire nsiku nsungunu emwâbo.
Currently Selected:
Ebijiro 10: MKB
Highlight
Share
Copy
Want to have your highlights saved across all your devices? Sign up or sign in
Mashi Bible © BUKAVU Archdiocese of Bukavu, 2024.
Ebijiro 10
10
Petro ajà emwa Korneliyo
1E Sezareya yabaga mulume muguma, mpu ye Korneliyo. Ali murhegesi w’engabo ederhwa y’Abatalyano#10, 1 Abasirika b’eyo ngabo bâli b’e Italiya.. 2Ali muntu mwinjà, anarhînyaga Nnâmahanga, ye n’ab’aha mwâge. Akâg’irhabâla bwenêne olubaga, anakag’iharâmya Nnâmahanga burhahusa. 3Lêro, anacibonekerwa. Zàli nka nsâ mwenda z’omûshi. Abona bwinjinjà malahika wa Nyakasane ajà omu mwâge, anamubwîra, erhi: «Korneliyo!» 4Erhi amusinza, obwôba bwamugwârha, amudôsa erhi: «Kurhi, Yâgirwa?» Malahika amushuza erhi: «Ensengero zâwe n’oburhabâle warhabîremwo abakenyi byàhisire embere za Nyakasane, byanarhuma akukengêra. 5Ci orhumage abantu e Yope, bakuhamagalîre Simoni, oderhwa Petro. 6Ahanzire aha mw’omuhuzi muguma w’empù, izîno lyâge Simoni, ayûbaka hôfi n’enyanja». 7Erhi, olya malahika wakâg’imuganiza agenda, ahamagala bambali babirhi, abahirakwo n’omusirika orhînya Nyakasane, muguma w’omu balâlîzi bâge. 8N’erhi abà amâbaganîrira byoshi, abarhuma e Yope.
9Erhi kuca, na balya bantu nabo erhi bakola bali omu njira hôfi n’olugo. Petro arheremera oku nyanya ly’enyumpa mpu aj’iharâmya; yali nka nsâ ya kali ndarhu. 10Lêro ishali lyamuluma, alonza okulya. Erhi babà bakola badwîrhe bamurheganyiza, ayagânwa. 11Abona amalunga gayiguka, mwamanuka oguli nka mwenda munene, mushwêke mpande ini, gwajagwayêrera gwanayandagalira ebw’idaho. 12Gwalimwo ensimba ziyandala okw’igulu zoshi, n’enjoka n’ecibulubulu, n’ebinyunyi by’emalunga. 13Ayumva izù lyamubwîra erhi: «Petro! Yimuka, oyîrhe, onalye!» 14Naye Petro, erhi: «Nanga, “mâshi Nyakasane”, “ntankahemuka!” “Ntà mango nsig’ilya oku byankarhuma omuntu azira erhi ahumâna!”» 15Liry’izù lyashub’imubwîra, erhi: «Ebi Nyakasane azirwîre, omanye wankaderha mpu byanahumânya?» 16Kwabà ntyo, kasharhu koshi, n’aho honênè gulya mwenda gwashubira e malunga. 17Oku Petro adwîrhe arhimanya mpu lêro byo bici ebyo anabwîne, balya bantu bal’irhumirwe na Korneliyo, erhi babà bamadôsa aha mwa Simoni, bàlamusa. 18Banaciyakûza, badôsa erhi ho Simoni oderhwa Petro ahanda aho. 19Oku Petro acidwîrhe arhimanya ko birya abonaga, Mûka Mutagatîfu amubwîra, erhi: «Hali abalume badwîrhe bakulonza. 20Yimuka, oyandagale, ogende mweshi nabo buzira kurhindira, bulya niene nâbàrhumaga». 21Petro anaciyandagalira emunda abo bantu bâli, ababwîra, erhi: «Nie ono nie mudwîrhe mwalonza. Bici bimudwîrhe?» 22Bashuza, mpu: «Omurhegesi w’abasirika, Korneliyo, muntu mwinjà orhînya Nyakasane, mukengwa omu ishanja ly’Abayahudi lyoshi, abwîzirwe na malahika mpu akuhamagale aha mwâge, anayumve ebinwa byâwe». 23Petro abahêka omu nyumpa, anabahandîsa.
Erhi buca, ahira njira, agenda boshi nabo; na bâbo baguma b’e Yope bamulusa. 24Erhi bushub’ica, ajà omu Sezareya. Korneliyo akâg’ibalinda, àli erhi anarhumizize bene wâbo n’abîra bâge b’omurhima. 25Erhi Petro ahika aha kà, Korneliyo amujayo, acîrhimba aha magulu gâge, aharâmya. 26Ci, Petro amuyimanza erhi: «Yimuka, nâni ndi muntu kwône». 27Banacijà baganîra, bajà omu nyumpa; ashimanamwo engabo y’abantu bacîgushiremwo. 28Okuhandi ababwîra erhi: «Murhahabiri oku Omuyahudi ahanzîbwe okushangîra n’omunya-mahanga erhi okujà omu mwâge#10, 28 Petro akola amanyire bwinjà ebi abonaga kuli kuderha kuci. Omuyahudi arhankajire omu mw’omupagani erhi okushagira bo naye. Gwàli muziro; kwàli nka kulya erhi kuhuma oku ensimba n’enjoka n’ebinyunyi n’ebindi bihanzîbwe n’amarhegeko.. Ci niehe Nyamuzinda ambwîzire mpu irhondo ntacihîra nkaderha nti omuntu ali munjoga nîsi erhi ahumânyire. 29Co carhumire ntajira kadali ene mumpamagala. Mumbwîrage eci mumpamagalîre». 30Korneliyo amubwîra, erhi: «Ene lwo lusiku lwa kani: “nka gano mango kandi, nali omu mwâni ndwîrhe nashenga omu nsâ ya kali mwenda; lêro nanacibona omuntu oyambîrhe emyambalo yalangashana ayîmanzire embere zâni”. 31“Ambwîra, erhi”: “Korneliyo, Nyakasane ayumvîrhîze ensengero zâwe, anakengîre oburhabâle orhabâlamwo abakenyi”. 32“Ci orhumage abantu e Yope, bakuhamagalîre Simoni, oderhwa Petro”. “Ahanzire aha mw’omuhuzi w’empù muguma, izîno lyâge Simoni, hôfi n’enyanja”. 33“Ho n’aho nakurhumiza; nâwe wajizire kwinjà ene oyisha. Rhw’ono rhuyishirage embere zâwe, nti rhuyumvîrhize ebi Nyakasane anakurhumire mpu orhubwîre”».
Enyigîrizo za Petro aha mwa Korneliyo
34Okuhandi, Petro anacirhondêra okubabwîra erhi: «Nêci, kwo binali, lêro nabwînage oku Nyakasane arhajira kabôlo. 35Ci omu mashanja goshi, ngasi omurhînya n’okujira ebishingânîne, anamusîme. 36Arhumîre bene Israheli akanwa kâge mpu bayumve omwanzi gw’Akalembe gwadwîrhwe na Yezu Kristu: ye mwâmi w’abantu boshi. 37Murhahabiri birya bizind’ibà omu Yudeya yoshi: oku Yezu w’e Nazareti arhangiriraga e Galileya erhi Yowane ayûs’ihanûla obubatizo. 38Mumanyire kurhi Nyamuzinda ashîzire Yezu w’e Nazareti amavurha g’okumuyunjuza Mûka Mutagatîfu n’obuhashe. Akâg’ikajira aminjà, anakafumya abàli bagwêrhwe na shetani, bulya Nyamuzinda àli haguma naye. 39Nîrhu, rhwe rhuli bahamîrizi b’ebi ajizire byoshi omu cihugo c’Abayahudi n’e Yeruzalemu, bagal’imuyîrha, bàmumanika oku murhi. 40Ci, oku lusiku lwa Kasharhu Nyamuzinda àmufûla, anamuhà obuhashe bw’okucîyêrekana. 41Arhacîyêrekaga olubaga lwoshi, ci balya bahamîrizi Nyakasane àli erhi acîshozire: rhw’ono rhwe rhwalyaga rhwananywa naye erhi ayûs’ifûka omu bafù. 42Arhurhuma mpu rhuj’iyigîriza olubaga, rhunahamîrize oku ye Nyamuzinda àjizire mutwî w’emmanja w’abazîne n’abafîre. 43Y’olya abalêbi boshi bàdesire mpu ngasi omuyêmîre anâkûlirwe ebyâha oku izîno lyâge».
Abarhali Buyahudi babatizibwa: bwo burhanzi abapagani bahâbwa obubatizo
44Oku Petro anacidwîrhe aderha, Mûka Mutagatîfu ayandagalira balya bakâg’iyumva akanwa ka Nyamuzinda boshi. 45Abemêzi boshi b’omu Buyahudi bâli balusize Petro, barhangâla erhi babona oku enshôkano ya Mûka Mutagatîfu yahâbirwe abapagani nabo. 46Bakâbayumva baderha ezindi ndimi bânakuza Nyakasane. 47Okuhandi, Petro anacibabwîra erhi: «Abà bamahâbwa Mûka Mutagatîfu akîrhu, ka hali owankacihash’ibayima amîshi g’obubatizo?» 48Anacirhegeka mpu babatizibwe oku izîno lya Yezu Kristu. Banacimuhûna mpu ajire nsiku nsungunu emwâbo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mashi Bible © BUKAVU Archdiocese of Bukavu, 2024.