مَتّی 18
18
کِ گَپتِرِن
1همو غایه شاگردُن حد عیسی هُندِن و شُپُرسی: «کِ توو پادشاهی آسَمُن اَ همه گَپتِرِن؟» 2عیسی به یه چولنگی صدا ایزَه و وسط شاگردُن ایناها 3و ایگو: «حکیکتاً بهتُ اَگَم، تا عوض نَبین و مثه چولنگُ نَبَشین، هیچِوَه به پادشاهی آسَمُن، داخل نابین. 4هَرکَ بِی خوش مثه ایی چولنگ افتاده بُکنت، توو پادشاهی آسَمُن اَ همه گَپتِرِن. 5هَرکَ به ایطو چولنگی به نُم مه کبول بُکنت، به مه کبول ایکِردِن.
6«ولی هَرکَ باعث بَشِت که یه تا اَ ایی کوچِکُ که به مه ایمُن ایشَن به گناه بِکِت، به اُ بِهتِرن که یه سنگ هاشِ گَپ وا گَردُنُی بُبَندِن، و تو عمق دیریا ایبِکَردُنِن تا غَرک بَشِت. 7وُی به حال دنیا وا خاطر وسوسه‌ئُو که به آدمُ توو گناه اَکَردُنِن! چون هُندِنِ وسوسه‌ئُو حَتمین، ولی وُی وا حال کسی که باعث وسوسه بَشِت.
8«پَ اگه دَسِت یا پات باعث گناه کِردِنِت بَشِت، اُ رو کَطع بُکن و در بِکَرد، به چه که به تو بِهتِرن که فلج یا لَنگ به زندگی ابدی داخل بِشی، تا ایکه وا دو تا دَس یا دو تا پا توو آتِش ابدی اِدبکردُنِن. 9و اگه چِهمِت باعث گناه کِردِنِت بَشِت، به اُ در بیار و در بِکَرد چون به تو بِهتِرن که وا یه چِهم به زندگی ابدی داخل بِشی، تا ایی که وا دو تا چِهم توو آتِش جَهَندم اِدبکردُنِن.
مَثَل کَهره گُم بودَه
10«واسار بُبین که به هیچِتا اَ ایی کوچِکُ، خارِشُ نکُنین، چون به شما اَگَم که فرشته‌ئُوی ایشُ توو آسَمُن، همیشه روی بَپِ مه ئو که توو آسَمُنِن اَگینَن. 11چون پُسِ انسان هُندِن تا به گُم بودَه نجات هادِه. 12شما چه فکر اَکُنین؟ اگه یه مرد صد تا کَهر ایبَشِت و یه تا اَ اُشُ گُم بَشِت، مگه به اُ نود و نه تا کَهرُ خو تو کوه ول ناکُنت و دُمبال اُ یه تا کَهر گُم بودَه خو نارِت؟ 13حکیکتاً به شما اَگَم، اگه به اُ پیدا بُکنت، به اُ یه تا کَهر بِشتِه خوشال اِبو تا بِی اُ نود و نه کَهری که گُم نَبودَن. 14پَ همیطو، خواست بَپ مه که توو آسَمُنِن ایی نَن که حتی یه تا اَ ایی کوچِکُن هلاک بَشِن.
خطای کاکات
15«اگه کاکات به حک تو گناه بُکنت، بِرَه و تو خلوت فَکَه بین خوتُ دوتا، خطاشُ بهش بِگَه. اگه به گَپِت گوش ایدا کاکا خو وا دَس اِدواردِن؛ 16ولی اگه به گَپِت گوش اینَدا یه نُفر یا دو نُفر دگه وا خو بُبَر تا ”هر گِپی با گواهی دو یا سه تا شاهد ثابت بَشِت.“ 17اگه اینَخواست به اُشُ هم گوش هادِه، به کلیسا بِگَه، اگه حتی ایناوا به کلیسا هم گوش هادِه، اُ موکَع بُوال دگه بِی تو مثه یه بُت پرست یا خراجگیر بَشِت. 18حکیکتاً به شما اَگَم، هر چیزی که رو زمین بُبَندین، توو آسَمُن بسته اِبو؛ و هر چیزی که رو زمین واز بُکنین، توو آسَمُن واز اِبو. 19اییُ هم بهتُ اَگَم که، اگه دو نُفر اَ شما رو زمین دربارۀ اُ چیزی که شاوات، وا هم یَکدل بَشِن، اَ طریق بَپ مه که توو آسَمُنِن به اُشُ اَنجُم اِبو. 20به چه که هر جا که دو یا سه نُفر به نُم مه جمع بَشِن، مه اُجا میونشُ هَستُم.»
مَثَل نوکر بی‌رحم
21بعد پطرس پهلو عیسی هُند و ایپُرسی: «سرورُم، اگه کاکام به مه بدی بُکنت، تا چَن بار به اُ بُبَخشُم؟ تا هفت بار؟» 22عیسی جواب ایدا: «بهت ناگَم هفت بار، بلکه هفتاد تا هفت بار.»
23«پَ پادشاهی آسَمُن، مثه یه پادشاهِن که تصمیم ایگِفت با نوکرُ خو حساب کتاب بُکنت. 24پَ وختی شروع به حساب کتاب کِردِنِ ایکه، به یه نُفر حد اُ شُوا که کَدِ دویست هزار سال دستمُزدِش به پادشاه بدهکارَه. 25چون اُ پول اینَهَه کَرضُ خو هادِه، پادشاه دستور ایدا جایِ کَرضی، به اُ مرد وا زن و چوکُش و تَمُنِ مال و مِنالی بُفروشِن، تا طلب خو بِگِنت. 26پَ نوکرو به پای پادشاه کَفت و وا التماس ایگُفت: ”به مه وخت هادَه تا همۀ کَرضُ خو هادَم.“ 27پادشاه دلی بهش درد ایکه و کَرضی ایبَخشی و وِلِش ایکه. 28ولی وختی که همو نوکر در هُند، به یه تا اَ همکارُ خو ایدی که اَ اُ کَدِ سه ماه دستمزد خو طلب ایشَستَه، شیگِفت و خُلکی فشار ایدا و بهش ایگو: ”کَرضُ خو هادَه.“ 29همکاری به پاش کَفت و وا التماس ایگُفت: ”به مه وخت هادَه تا کَرضُ خو هادَم.“ 30ولی اُ کبول اینَکِه، رَه و به اُ تا موکعی که کَرضُ خو هادِه توو زندون ایکَردی. 31وختی که بکیه همکارُشُ ایی اِتفاکُ شُدی، خیلی پریشون بودِن و پهلو پادشاه رفتِن و هرچه که اِتفاک کَفتَه تعریف شُکِه. 32اُغایه پادشاه، به اُ نوکر صدا ایکه و ایگو: ”ای نوکر شرور، مگه مه وا خاطر التماس تو تَمُنِ کَرضت اُمنَبَخشی؟ 33همطو که مه به تو رحم اُمکه، نبایه تو هم به همکار خو رحم اِدکِردَه؟“ 34پادشاه جَهلی بو، و دستور ایدا به اُ توو زندون بِکَردُنِنُ شکنجش هادِن و تا موکعی که کَرضُ خو تا کِرون آخِر اینَدادِن، آزادی نَکُنِن. 35همیطو هم بَپِ آسَمُنی مه، با هر یه تا اَ شما ایطو رفتار اَکُنت، اگه شما هم به کاکاتُ اَ تَهِ دل نَبَخشین.»
Currently Selected:
مَتّی 18: PES
Highlight
Share
Copy
Want to have your highlights saved across all your devices? Sign up or sign in
©️2024 Korpu Company
مَتّی 18
18
کِ گَپتِرِن
1همو غایه شاگردُن حد عیسی هُندِن و شُپُرسی: «کِ توو پادشاهی آسَمُن اَ همه گَپتِرِن؟» 2عیسی به یه چولنگی صدا ایزَه و وسط شاگردُن ایناها 3و ایگو: «حکیکتاً بهتُ اَگَم، تا عوض نَبین و مثه چولنگُ نَبَشین، هیچِوَه به پادشاهی آسَمُن، داخل نابین. 4هَرکَ بِی خوش مثه ایی چولنگ افتاده بُکنت، توو پادشاهی آسَمُن اَ همه گَپتِرِن. 5هَرکَ به ایطو چولنگی به نُم مه کبول بُکنت، به مه کبول ایکِردِن.
6«ولی هَرکَ باعث بَشِت که یه تا اَ ایی کوچِکُ که به مه ایمُن ایشَن به گناه بِکِت، به اُ بِهتِرن که یه سنگ هاشِ گَپ وا گَردُنُی بُبَندِن، و تو عمق دیریا ایبِکَردُنِن تا غَرک بَشِت. 7وُی به حال دنیا وا خاطر وسوسه‌ئُو که به آدمُ توو گناه اَکَردُنِن! چون هُندِنِ وسوسه‌ئُو حَتمین، ولی وُی وا حال کسی که باعث وسوسه بَشِت.
8«پَ اگه دَسِت یا پات باعث گناه کِردِنِت بَشِت، اُ رو کَطع بُکن و در بِکَرد، به چه که به تو بِهتِرن که فلج یا لَنگ به زندگی ابدی داخل بِشی، تا ایکه وا دو تا دَس یا دو تا پا توو آتِش ابدی اِدبکردُنِن. 9و اگه چِهمِت باعث گناه کِردِنِت بَشِت، به اُ در بیار و در بِکَرد چون به تو بِهتِرن که وا یه چِهم به زندگی ابدی داخل بِشی، تا ایی که وا دو تا چِهم توو آتِش جَهَندم اِدبکردُنِن.
مَثَل کَهره گُم بودَه
10«واسار بُبین که به هیچِتا اَ ایی کوچِکُ، خارِشُ نکُنین، چون به شما اَگَم که فرشته‌ئُوی ایشُ توو آسَمُن، همیشه روی بَپِ مه ئو که توو آسَمُنِن اَگینَن. 11چون پُسِ انسان هُندِن تا به گُم بودَه نجات هادِه. 12شما چه فکر اَکُنین؟ اگه یه مرد صد تا کَهر ایبَشِت و یه تا اَ اُشُ گُم بَشِت، مگه به اُ نود و نه تا کَهرُ خو تو کوه ول ناکُنت و دُمبال اُ یه تا کَهر گُم بودَه خو نارِت؟ 13حکیکتاً به شما اَگَم، اگه به اُ پیدا بُکنت، به اُ یه تا کَهر بِشتِه خوشال اِبو تا بِی اُ نود و نه کَهری که گُم نَبودَن. 14پَ همیطو، خواست بَپ مه که توو آسَمُنِن ایی نَن که حتی یه تا اَ ایی کوچِکُن هلاک بَشِن.
خطای کاکات
15«اگه کاکات به حک تو گناه بُکنت، بِرَه و تو خلوت فَکَه بین خوتُ دوتا، خطاشُ بهش بِگَه. اگه به گَپِت گوش ایدا کاکا خو وا دَس اِدواردِن؛ 16ولی اگه به گَپِت گوش اینَدا یه نُفر یا دو نُفر دگه وا خو بُبَر تا ”هر گِپی با گواهی دو یا سه تا شاهد ثابت بَشِت.“ 17اگه اینَخواست به اُشُ هم گوش هادِه، به کلیسا بِگَه، اگه حتی ایناوا به کلیسا هم گوش هادِه، اُ موکَع بُوال دگه بِی تو مثه یه بُت پرست یا خراجگیر بَشِت. 18حکیکتاً به شما اَگَم، هر چیزی که رو زمین بُبَندین، توو آسَمُن بسته اِبو؛ و هر چیزی که رو زمین واز بُکنین، توو آسَمُن واز اِبو. 19اییُ هم بهتُ اَگَم که، اگه دو نُفر اَ شما رو زمین دربارۀ اُ چیزی که شاوات، وا هم یَکدل بَشِن، اَ طریق بَپ مه که توو آسَمُنِن به اُشُ اَنجُم اِبو. 20به چه که هر جا که دو یا سه نُفر به نُم مه جمع بَشِن، مه اُجا میونشُ هَستُم.»
مَثَل نوکر بی‌رحم
21بعد پطرس پهلو عیسی هُند و ایپُرسی: «سرورُم، اگه کاکام به مه بدی بُکنت، تا چَن بار به اُ بُبَخشُم؟ تا هفت بار؟» 22عیسی جواب ایدا: «بهت ناگَم هفت بار، بلکه هفتاد تا هفت بار.»
23«پَ پادشاهی آسَمُن، مثه یه پادشاهِن که تصمیم ایگِفت با نوکرُ خو حساب کتاب بُکنت. 24پَ وختی شروع به حساب کتاب کِردِنِ ایکه، به یه نُفر حد اُ شُوا که کَدِ دویست هزار سال دستمُزدِش به پادشاه بدهکارَه. 25چون اُ پول اینَهَه کَرضُ خو هادِه، پادشاه دستور ایدا جایِ کَرضی، به اُ مرد وا زن و چوکُش و تَمُنِ مال و مِنالی بُفروشِن، تا طلب خو بِگِنت. 26پَ نوکرو به پای پادشاه کَفت و وا التماس ایگُفت: ”به مه وخت هادَه تا همۀ کَرضُ خو هادَم.“ 27پادشاه دلی بهش درد ایکه و کَرضی ایبَخشی و وِلِش ایکه. 28ولی وختی که همو نوکر در هُند، به یه تا اَ همکارُ خو ایدی که اَ اُ کَدِ سه ماه دستمزد خو طلب ایشَستَه، شیگِفت و خُلکی فشار ایدا و بهش ایگو: ”کَرضُ خو هادَه.“ 29همکاری به پاش کَفت و وا التماس ایگُفت: ”به مه وخت هادَه تا کَرضُ خو هادَم.“ 30ولی اُ کبول اینَکِه، رَه و به اُ تا موکعی که کَرضُ خو هادِه توو زندون ایکَردی. 31وختی که بکیه همکارُشُ ایی اِتفاکُ شُدی، خیلی پریشون بودِن و پهلو پادشاه رفتِن و هرچه که اِتفاک کَفتَه تعریف شُکِه. 32اُغایه پادشاه، به اُ نوکر صدا ایکه و ایگو: ”ای نوکر شرور، مگه مه وا خاطر التماس تو تَمُنِ کَرضت اُمنَبَخشی؟ 33همطو که مه به تو رحم اُمکه، نبایه تو هم به همکار خو رحم اِدکِردَه؟“ 34پادشاه جَهلی بو، و دستور ایدا به اُ توو زندون بِکَردُنِنُ شکنجش هادِن و تا موکعی که کَرضُ خو تا کِرون آخِر اینَدادِن، آزادی نَکُنِن. 35همیطو هم بَپِ آسَمُنی مه، با هر یه تا اَ شما ایطو رفتار اَکُنت، اگه شما هم به کاکاتُ اَ تَهِ دل نَبَخشین.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
©️2024 Korpu Company