یوحنا 10
10
مه سالار کَهر خُب هَستُم
1«حکیکتاً، بهتُ اَگَم، اُ که اَ در داخل گاش کَهرُ نِبو، بلکه اَ دیوال بالا اَرِه که اَ یه راهِ دگه ایی داخل گاش بودَه بَشِت، دُز و راهزنِن. 2ولی اُ که اَ در داخل بُبو، سالارِ کَهرُن. 3دربُن، در بهش واز اَکُنت و کَهرُ به صدای اُ گوش اَکِشِن؛ اُ به کَهرُ خو وا نُم صدا اَکُنت، و به اُشُ در اَبَرِه. 4وختی همۀ کَهرُ خو در ایبُرد، جلوته اَ اُشُ اَرِت و کَهرُ دُمبالش اَرِن، بِی چه که صداش اَشناسِن. 5کَهرُ دُمبال غریبه نارَن، بلکه ازش در اَرِن، چونکه صدای غریبه ئو ناشناسَن.»
6عیسی ایی مَثَلُ بهشُ ایگو، ولی اُشُ شُنَفَهمی که عیسی بهشُ چه اَگُفتِن.
7پَ عیسی یه بار دگه بهشُ ایگو: «حکیکتاً، بهتُ اَگَم، مه بِی کَهرُ، ’در‘ هَستُم؛ 8اُشُ که کَبل اَ مه هُندِن، همه دُز و راهزنَن، ولی کَهرُ به اُشُ گوش شُنَدا. 9مه ’در‘ هَستُم؛ هَرکَ اَ راه مه داخل بَشِت نجات پیدا اَکُنت، داخل اَرِه و صَرا اَتا و چراگاه پیدا اَکُنت. 10دُز نِتا مگه بِی دُزی و کُشتِن و نابود کِردِن؛ مه هُندَم تا اُشُ زندگی شُبَشِت و اُ رو پُر شُبَشِت.
11«مه سالار خُب هَستُم. سالار خُب جُنِ خو در راه کَهرُ اَدِت. 12کسی که جیره خارِن و سالار نَن و کَهرُ مال اُ نین، هروَه بیگینه گرگ اَهُندِن، به کَهرُ ول اَکُنت و در اَرِه و گرگ به کَهرُ حمله اَکُنت و تاک و پراکشُ اَکُنت. 13جیره خوار در اَرِه، بِی چه که فَکَه جیره خارِن و توو فکر کَهرُ نَن. 14مه سالار خُب هَستُم. مه به کَهرُ خو اَشناسُم و کَهرُمَم به مه اَشناسِن، 15همطو که بَپ آسَمُنی به مه اَشناسه و مه به بَپ آسَمُنی اَشناسُم. مه جُنِ خو به کَهرُ اَدَم. 16مه کَهروی دگه اُمهَستِن که اَ ایی گاش نَهَن. بایه به اُشُ هم بیارُم و اُشُ به صدای مه گوش اَدِن. اُغایه یه گَلّه اَبِن با یه سالار. 17وا ایی خاطر، بَپ آسَمُنی به مه دوست ایشَه که مه جُنِ خو اَدَم تا دوبارَه اُ رو پس بِگِرُم. 18هیچکَ جُنُم اَ مه ناگِنت، بلکه مه به میل خوم اُ رو اَدَم. مه کُدرَت و اقتدار اُمهَستِن اُ رو هادَم و کُدرَت و اقتدار اُمهَه اُ رو پس بِگِرُم. ایی حکمُ اَ بَپ آسَمُنی خو اُمگِفتِن.»
19وا خاطر ایی گَپُ، یه بار دگه میون یهودیُن اختلاف کَفت. 20عدۀ زیادی اَ اُشُ شُگُفت: «اُ زاریشَ و گنوغِن؛ به چه به اُ گوش اَدادِین؟» 21بعضیُ شُگُفت: «ایشُ گَپُن یه زاری نَن. مگه زار اِتون چِهموی کورُنُ واز بُکنت؟»
مه و بَپ یکیم
22اُ زَمُن توو شهر اورشلیم عیدِ وَخف معبد یهودَ. زِمستُن هَستَه 23و عیسی داخل معبد، تو چارطایی سُلِیمُن راه شَرَه. 24پَ یهودیُن دور عیسی جمع بودِن و شُگُفت: «تا کِی تَوا توو شک مُبِکَردُنی؟ اگه تو مسیح موعودی، واضح به ما بِگَه.» 25عیسی جواب ایدا: «مه بهتُ اُمگو، ولی شما باور ناکُنین. کارویی که مه به نُم بَپ آسَمُنی خو اَکُنُم، دربارۀ مه گواهی اَدِن. 26ولی شما باور ناکُنین، چون اَ کَهرُ مه نَهین. 27کَهرویِ مه به صدا مه گوش اَدِن؛ مه به اُشُ اَشناسُم و اُشُ اَ پِی مه اَتان. 28مه بهشُ زندگی ابدی اَدَم، و ابداً هلاک نابِن. هیچکَ به اُشُ اَ دَس مه ناچِرکُونه. 29بَپ آسَمُنی مه که اُشُ به مه ایدادِن اَ همه گَپتِرِن، و هیچکَ ناتون اُشُ اَ دَسِ بَپ بِچِرکونه. 30مه و بَپ یکیم.»
31یه بار دگه یهودیُن سنگ شُسِی تا بِی عیسی سنگسار بُکنِن. 32عیسی بهشُ ایگو: «مه کاروی خُبِ زیادی اَ طَرَه بَپ بهتُ نِشُن اُمدا. وا خاطر کَم یه تا اَ اُشُ تاوا سنگسارُم بُکنین؟» 33یهودیُن جواب شُدا: «وا خاطر کار خُب نین که ماوا سنگسارت بُکنیم، بلکه وا خاطر این کِه کُفر اَگُفتی، چونکه آدمی و به خوت خدا اَگِی.» 34عیسی بهشُ جواب ایدا: «مگه توو شریعت شما نوشته نِبودِن که ”مه اُمگو، شما خدائُونین“؟ 35اگه خدا به اُ کسویی که کَلُم خدا بهشُ رسیدِن، ’خدائُون‘ اَگِت - و اییُ اَدونیم که هیچ کسمتی اَ نوشته ئُوی مقدّس بی اعتبار نابو - 36پَ چطو به کسی که بَپ به اُ تقدیس ایکِردِن و وا ایی دنیا ایفِرِستادِن، اَگِی ”کُفر اَگُفتی،“ فَکَه وا خاطریکه که اُمگو: ”پُس خدام“؟ 37اگه کاروی بَپ خو اَنجُم نادَم، پَ به مه ایمُن مَیاری. 38ولی اگه کاروی بَپ خو اَنجُم اَدَم، حتی اگه به مه ایمُن نِتارین، به اُ کارُ ایمُن بیارین تا بُدُنین و باورت بُبو که بَپ در مِن و مه در بَپ.» 39پَ یه بار دگه شُخواست که گیری ایبِکَردُنِن، ولی عیسی اَ دَسِ اُشُ در رَه.
40دوبارَه عیسی به اُ پِل رود اُردن رَه، و اُجا مُند، همو جایی که یحیی اَوِّلُ تعمید شَدا. 41خیلیُ پهلو عیسی هُندِن. اُشُ شُگُو: «یحیی هیچ نِشُنه و معجزه اینَکِه، ولی یحیی هرچه دربارۀ ایی مَرد ایگو، راست هَستَه.» 42خیلیُ اُجا به عیسی ایمُن شُوا.
Currently Selected:
یوحنا 10: PES
Highlight
Share
Copy
Want to have your highlights saved across all your devices? Sign up or sign in
©️2024 Korpu Company
یوحنا 10
10
مه سالار کَهر خُب هَستُم
1«حکیکتاً، بهتُ اَگَم، اُ که اَ در داخل گاش کَهرُ نِبو، بلکه اَ دیوال بالا اَرِه که اَ یه راهِ دگه ایی داخل گاش بودَه بَشِت، دُز و راهزنِن. 2ولی اُ که اَ در داخل بُبو، سالارِ کَهرُن. 3دربُن، در بهش واز اَکُنت و کَهرُ به صدای اُ گوش اَکِشِن؛ اُ به کَهرُ خو وا نُم صدا اَکُنت، و به اُشُ در اَبَرِه. 4وختی همۀ کَهرُ خو در ایبُرد، جلوته اَ اُشُ اَرِت و کَهرُ دُمبالش اَرِن، بِی چه که صداش اَشناسِن. 5کَهرُ دُمبال غریبه نارَن، بلکه ازش در اَرِن، چونکه صدای غریبه ئو ناشناسَن.»
6عیسی ایی مَثَلُ بهشُ ایگو، ولی اُشُ شُنَفَهمی که عیسی بهشُ چه اَگُفتِن.
7پَ عیسی یه بار دگه بهشُ ایگو: «حکیکتاً، بهتُ اَگَم، مه بِی کَهرُ، ’در‘ هَستُم؛ 8اُشُ که کَبل اَ مه هُندِن، همه دُز و راهزنَن، ولی کَهرُ به اُشُ گوش شُنَدا. 9مه ’در‘ هَستُم؛ هَرکَ اَ راه مه داخل بَشِت نجات پیدا اَکُنت، داخل اَرِه و صَرا اَتا و چراگاه پیدا اَکُنت. 10دُز نِتا مگه بِی دُزی و کُشتِن و نابود کِردِن؛ مه هُندَم تا اُشُ زندگی شُبَشِت و اُ رو پُر شُبَشِت.
11«مه سالار خُب هَستُم. سالار خُب جُنِ خو در راه کَهرُ اَدِت. 12کسی که جیره خارِن و سالار نَن و کَهرُ مال اُ نین، هروَه بیگینه گرگ اَهُندِن، به کَهرُ ول اَکُنت و در اَرِه و گرگ به کَهرُ حمله اَکُنت و تاک و پراکشُ اَکُنت. 13جیره خوار در اَرِه، بِی چه که فَکَه جیره خارِن و توو فکر کَهرُ نَن. 14مه سالار خُب هَستُم. مه به کَهرُ خو اَشناسُم و کَهرُمَم به مه اَشناسِن، 15همطو که بَپ آسَمُنی به مه اَشناسه و مه به بَپ آسَمُنی اَشناسُم. مه جُنِ خو به کَهرُ اَدَم. 16مه کَهروی دگه اُمهَستِن که اَ ایی گاش نَهَن. بایه به اُشُ هم بیارُم و اُشُ به صدای مه گوش اَدِن. اُغایه یه گَلّه اَبِن با یه سالار. 17وا ایی خاطر، بَپ آسَمُنی به مه دوست ایشَه که مه جُنِ خو اَدَم تا دوبارَه اُ رو پس بِگِرُم. 18هیچکَ جُنُم اَ مه ناگِنت، بلکه مه به میل خوم اُ رو اَدَم. مه کُدرَت و اقتدار اُمهَستِن اُ رو هادَم و کُدرَت و اقتدار اُمهَه اُ رو پس بِگِرُم. ایی حکمُ اَ بَپ آسَمُنی خو اُمگِفتِن.»
19وا خاطر ایی گَپُ، یه بار دگه میون یهودیُن اختلاف کَفت. 20عدۀ زیادی اَ اُشُ شُگُفت: «اُ زاریشَ و گنوغِن؛ به چه به اُ گوش اَدادِین؟» 21بعضیُ شُگُفت: «ایشُ گَپُن یه زاری نَن. مگه زار اِتون چِهموی کورُنُ واز بُکنت؟»
مه و بَپ یکیم
22اُ زَمُن توو شهر اورشلیم عیدِ وَخف معبد یهودَ. زِمستُن هَستَه 23و عیسی داخل معبد، تو چارطایی سُلِیمُن راه شَرَه. 24پَ یهودیُن دور عیسی جمع بودِن و شُگُفت: «تا کِی تَوا توو شک مُبِکَردُنی؟ اگه تو مسیح موعودی، واضح به ما بِگَه.» 25عیسی جواب ایدا: «مه بهتُ اُمگو، ولی شما باور ناکُنین. کارویی که مه به نُم بَپ آسَمُنی خو اَکُنُم، دربارۀ مه گواهی اَدِن. 26ولی شما باور ناکُنین، چون اَ کَهرُ مه نَهین. 27کَهرویِ مه به صدا مه گوش اَدِن؛ مه به اُشُ اَشناسُم و اُشُ اَ پِی مه اَتان. 28مه بهشُ زندگی ابدی اَدَم، و ابداً هلاک نابِن. هیچکَ به اُشُ اَ دَس مه ناچِرکُونه. 29بَپ آسَمُنی مه که اُشُ به مه ایدادِن اَ همه گَپتِرِن، و هیچکَ ناتون اُشُ اَ دَسِ بَپ بِچِرکونه. 30مه و بَپ یکیم.»
31یه بار دگه یهودیُن سنگ شُسِی تا بِی عیسی سنگسار بُکنِن. 32عیسی بهشُ ایگو: «مه کاروی خُبِ زیادی اَ طَرَه بَپ بهتُ نِشُن اُمدا. وا خاطر کَم یه تا اَ اُشُ تاوا سنگسارُم بُکنین؟» 33یهودیُن جواب شُدا: «وا خاطر کار خُب نین که ماوا سنگسارت بُکنیم، بلکه وا خاطر این کِه کُفر اَگُفتی، چونکه آدمی و به خوت خدا اَگِی.» 34عیسی بهشُ جواب ایدا: «مگه توو شریعت شما نوشته نِبودِن که ”مه اُمگو، شما خدائُونین“؟ 35اگه خدا به اُ کسویی که کَلُم خدا بهشُ رسیدِن، ’خدائُون‘ اَگِت - و اییُ اَدونیم که هیچ کسمتی اَ نوشته ئُوی مقدّس بی اعتبار نابو - 36پَ چطو به کسی که بَپ به اُ تقدیس ایکِردِن و وا ایی دنیا ایفِرِستادِن، اَگِی ”کُفر اَگُفتی،“ فَکَه وا خاطریکه که اُمگو: ”پُس خدام“؟ 37اگه کاروی بَپ خو اَنجُم نادَم، پَ به مه ایمُن مَیاری. 38ولی اگه کاروی بَپ خو اَنجُم اَدَم، حتی اگه به مه ایمُن نِتارین، به اُ کارُ ایمُن بیارین تا بُدُنین و باورت بُبو که بَپ در مِن و مه در بَپ.» 39پَ یه بار دگه شُخواست که گیری ایبِکَردُنِن، ولی عیسی اَ دَسِ اُشُ در رَه.
40دوبارَه عیسی به اُ پِل رود اُردن رَه، و اُجا مُند، همو جایی که یحیی اَوِّلُ تعمید شَدا. 41خیلیُ پهلو عیسی هُندِن. اُشُ شُگُو: «یحیی هیچ نِشُنه و معجزه اینَکِه، ولی یحیی هرچه دربارۀ ایی مَرد ایگو، راست هَستَه.» 42خیلیُ اُجا به عیسی ایمُن شُوا.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©️2024 Korpu Company