Rôm 2
2
Nau Brah Ndu phat dôih
1Pônây, hơi bunuyh ri, nđâp tơlah mbu moh may jêng kđôi, tơlah may phat dôih bunuyh êng, may mâu dơi koh dŏng may nơm; yorlah dôl may phat dôih khân păng, may tâm rmal may nơm yơh, yorlah may phat dôih bu ƀiălah may ƀư tâm ban ma bu đŏng.#Mat 7:1; Luk 6:37. 2He gĭt nau Brah Ndu phat dôih ma phung bunuyh ƀư lĕ nau tâm ban pônây jêng di ma nau nanê̆ ngăn. 3Hơi bunuyh ri, nôk may phat dôih bunuyh êng ƀư lĕ nau pônây ƀiălah may ăt ƀư tâm ban, may mĭn may mra klaih bơh nau Brah Ndu phat dôih hĕ? 4Mâu lah may uănh dơm dam lĕ ma nau âk rmeh nuih n'hâm ueh, nau srôih jêh ri nau yô̆ Păng? May mâu gĭt hĕ nuih n'hâm ueh Brah Ndu njŭn leo may tâm rmal nau tih may nơm? 5Ƀiălah nuih n'hâm may dăng, mâu rmal nau tih, may prăp nkrem tâm may nơm nau ji nuih hâu ngăn tâm nar Brah Ndu ji nuih, jêng nôk Brah Ndu phat dôih sŏng mra tâm mpơl, 6yorlah păng mra mplơ̆ ma ăp nơm tĭng nâm kan khân păng ƀư.#Mprơ Ơm 62:12; Hôr 24:12. 7Mbu nơm nâp nuih n'hâm ƀư nau ueh, tĭng joi nau chrêk rmah, nau yơk jêh ri nau mâu blau khĭt, Păng mra ăn nau rêh n'ho ro. 8Bi ma mbu nơm mbeh, mâu tông bâr nau ngăn, ƀiălah tông bâr nau kue, mra sŏk dơn nau ji nuih hâu ngăn jêh ri nau ji nuih. 9Nau rêh ni jêh ri nau rngot klâng mra nkhŭt jŭr ma lĕ rngôch bunuyh ƀư mhĭk, lor lơn ma phung Yuđa, pakơi ma phung Grek. 10Ƀiălah nau chrêk rmah, nau yơk jêh ri nau đăp mpăn mra tât ma lĕ rngôch bunuyh ƀư ueh, lor lơn ma phung Yuđa, pakơi ma phung Grek. 11Yorlah Brah Ndu mâu gŭ du ding ma bu ôh.#Nkah 10:17.
12Lĕ rngôch mbu nơm mâu geh nau vay#2:12 Nâm bu ntĭt nau vay Y-Môis. ƀiălah ƀư tih, mra rai roh tâm păng mâu geh nau vay ôh; bi lĕ rngôch mbu nơm geh nau vay ƀiălah ƀư tih, nau vay nây mra phat dôih păng. 13Yorlah mâu di bunuyh iăt rŏ nau vay dơi kơp jêng sŏng srăng tanăp Brah Ndu, ƀiălah bunuyh ƀư tĭng nau vay jêng bunuyh dơi kơp sŏng srăng. 14Phung bu năch ơm mâu geh nau vay, ƀiălah khân păng mơng ƀư tâm ban ma nau vay ntĭm nti, nđâp tơlah mâu geh nau vay, khân păng jêng nau vay ma khân păng nơm. 15Khân păng tâm mpơl moh kan nau vay ntăm nchih kach jêh tâm nuih n'hâm khân păng; nuih n'hâm sŏng khân păng ƀư nanê̆ nau nây, bi nau mĭn khân păng geh tơ̆ mbơh kât, geh tơ̆ koh dŏng ma khân păng. 16Ta nar nây, Brah Ndu ăn Yêsu Krist mra phat dôih lĕ nau kan ndâp kon bunuyh bơh Brah Yêsu Krist, tĭng nâm Nau Mhe Mhan Ueh gâp nti.
Nau tâm gop ta nklang phung Yuđa jêh ri nau vay
17Ƀiălah tơlah may geh amoh phung Yuđa; may nsing ma nau vay; may tâm rnê ma may nơm yor Brah Ndu; 18may gĭt nau Păng ŭch jêh ri may kơp rnglah êng nau ueh nau di, yorlah nau vay sâm nti may; 19jêh ri tơlah may kơp êng săk may nơm jêng nơm njŭn trong ma phung chieh măt, jêng nau ang ma phung gŭ tâm nau ngo klĕng, 20jêng nơm nti ma phung rluk mâl, jêng nơm nti ma phung kon se. May ntôn lah tâm mpơl nau gĭt rbăng jêh ri nau ngăn geh tâm nau vay, 21pôri mâm ƀư may nti ma bu ƀiălah mâu nti ma may nơm? May nti lah lơi ntŭng, ƀiălah mâm ƀư may ntŭng? 22May lah lơi ƀư tih nau văng tĭr, ƀiălah mâm ƀư may văng tĭr? May tâm rmot ngăn ma rup brah, ƀiălah mâm ƀư may ntŭng ndô ndơ lĕ jây rhŏ brah? 23May rnê êng ma nau vay, ƀiălah mâm ƀư may ƀư tih nau vay, ƀư bêk Brah Ndu? 24Tâm ban geh nau nchih: “Yor khân may yơh phung bu năch ngơi mưch rmot ma amoh Brah Ndu.”#Êsai 52:5 (LXX); Êsê 36:22.
25Tơlah may tông prăp nau vay, nau koh ntâu jêng rnoh khlay; ƀiălah tơlah may ƀư tih nau vay, nđâp tơlah may geh nau koh ntâu tâm ban ma mâu geh koh ntâu. 26Pôri, tơlah du huê mâu ŭch koh ntâu, ƀiălah tông prăp lĕ nau vay ntăm tâm nau vay, pôri nau bunuyh nây mâu ŭch koh ntâu mâu dơi kơp tâm ban ma lôch koh ntâu jêh hĕ? 27Phung bunuyh ơm mâu koh ntâu ta săk jăn, ƀiălah tông prăp nau vay, mra phat dôih may, jêng nơm geh samƀŭt nau vay jêh ri nau koh ntâu, ƀiălah ƀư tih đah nau vay. 28Yorlah du huê bunuyh knŏng padih jêng phung Yuđa, păng mâu jêng phung Yuđa ngăn ôh, bi nau koh ntâu ta săk jăn padih mâu di jêng nau koh ntâu ngăn ôh. 29Ƀiălah du huê bunuyh tâm trôm jêng phung Yuđa, rĭ mơ ngăn jêng phung Yuđa; nau koh ntâu ngăn luh tă bơh tâm nuih n'hâm, yor ma Brah Huêng Ueh, mâu di tĭng rplay samƀŭt ôh. Du huê bunuyh tâm ban pônây mra dơi nau tâm rnê, mâu di tă bơh kon bunuyh ôh, ƀiălah tă bơh Brah Ndu.#Nkah 30:6.
Currently Selected:
Rôm 2: CMO2023
Highlight
Share
Copy
Want to have your highlights saved across all your devices? Sign up or sign in
© 2023 United Bible Societies. All rights reserved.
Rôm 2
2
Nau Brah Ndu phat dôih
1Pônây, hơi bunuyh ri, nđâp tơlah mbu moh may jêng kđôi, tơlah may phat dôih bunuyh êng, may mâu dơi koh dŏng may nơm; yorlah dôl may phat dôih khân păng, may tâm rmal may nơm yơh, yorlah may phat dôih bu ƀiălah may ƀư tâm ban ma bu đŏng.#Mat 7:1; Luk 6:37. 2He gĭt nau Brah Ndu phat dôih ma phung bunuyh ƀư lĕ nau tâm ban pônây jêng di ma nau nanê̆ ngăn. 3Hơi bunuyh ri, nôk may phat dôih bunuyh êng ƀư lĕ nau pônây ƀiălah may ăt ƀư tâm ban, may mĭn may mra klaih bơh nau Brah Ndu phat dôih hĕ? 4Mâu lah may uănh dơm dam lĕ ma nau âk rmeh nuih n'hâm ueh, nau srôih jêh ri nau yô̆ Păng? May mâu gĭt hĕ nuih n'hâm ueh Brah Ndu njŭn leo may tâm rmal nau tih may nơm? 5Ƀiălah nuih n'hâm may dăng, mâu rmal nau tih, may prăp nkrem tâm may nơm nau ji nuih hâu ngăn tâm nar Brah Ndu ji nuih, jêng nôk Brah Ndu phat dôih sŏng mra tâm mpơl, 6yorlah păng mra mplơ̆ ma ăp nơm tĭng nâm kan khân păng ƀư.#Mprơ Ơm 62:12; Hôr 24:12. 7Mbu nơm nâp nuih n'hâm ƀư nau ueh, tĭng joi nau chrêk rmah, nau yơk jêh ri nau mâu blau khĭt, Păng mra ăn nau rêh n'ho ro. 8Bi ma mbu nơm mbeh, mâu tông bâr nau ngăn, ƀiălah tông bâr nau kue, mra sŏk dơn nau ji nuih hâu ngăn jêh ri nau ji nuih. 9Nau rêh ni jêh ri nau rngot klâng mra nkhŭt jŭr ma lĕ rngôch bunuyh ƀư mhĭk, lor lơn ma phung Yuđa, pakơi ma phung Grek. 10Ƀiălah nau chrêk rmah, nau yơk jêh ri nau đăp mpăn mra tât ma lĕ rngôch bunuyh ƀư ueh, lor lơn ma phung Yuđa, pakơi ma phung Grek. 11Yorlah Brah Ndu mâu gŭ du ding ma bu ôh.#Nkah 10:17.
12Lĕ rngôch mbu nơm mâu geh nau vay#2:12 Nâm bu ntĭt nau vay Y-Môis. ƀiălah ƀư tih, mra rai roh tâm păng mâu geh nau vay ôh; bi lĕ rngôch mbu nơm geh nau vay ƀiălah ƀư tih, nau vay nây mra phat dôih păng. 13Yorlah mâu di bunuyh iăt rŏ nau vay dơi kơp jêng sŏng srăng tanăp Brah Ndu, ƀiălah bunuyh ƀư tĭng nau vay jêng bunuyh dơi kơp sŏng srăng. 14Phung bu năch ơm mâu geh nau vay, ƀiălah khân păng mơng ƀư tâm ban ma nau vay ntĭm nti, nđâp tơlah mâu geh nau vay, khân păng jêng nau vay ma khân păng nơm. 15Khân păng tâm mpơl moh kan nau vay ntăm nchih kach jêh tâm nuih n'hâm khân păng; nuih n'hâm sŏng khân păng ƀư nanê̆ nau nây, bi nau mĭn khân păng geh tơ̆ mbơh kât, geh tơ̆ koh dŏng ma khân păng. 16Ta nar nây, Brah Ndu ăn Yêsu Krist mra phat dôih lĕ nau kan ndâp kon bunuyh bơh Brah Yêsu Krist, tĭng nâm Nau Mhe Mhan Ueh gâp nti.
Nau tâm gop ta nklang phung Yuđa jêh ri nau vay
17Ƀiălah tơlah may geh amoh phung Yuđa; may nsing ma nau vay; may tâm rnê ma may nơm yor Brah Ndu; 18may gĭt nau Păng ŭch jêh ri may kơp rnglah êng nau ueh nau di, yorlah nau vay sâm nti may; 19jêh ri tơlah may kơp êng săk may nơm jêng nơm njŭn trong ma phung chieh măt, jêng nau ang ma phung gŭ tâm nau ngo klĕng, 20jêng nơm nti ma phung rluk mâl, jêng nơm nti ma phung kon se. May ntôn lah tâm mpơl nau gĭt rbăng jêh ri nau ngăn geh tâm nau vay, 21pôri mâm ƀư may nti ma bu ƀiălah mâu nti ma may nơm? May nti lah lơi ntŭng, ƀiălah mâm ƀư may ntŭng? 22May lah lơi ƀư tih nau văng tĭr, ƀiălah mâm ƀư may văng tĭr? May tâm rmot ngăn ma rup brah, ƀiălah mâm ƀư may ntŭng ndô ndơ lĕ jây rhŏ brah? 23May rnê êng ma nau vay, ƀiălah mâm ƀư may ƀư tih nau vay, ƀư bêk Brah Ndu? 24Tâm ban geh nau nchih: “Yor khân may yơh phung bu năch ngơi mưch rmot ma amoh Brah Ndu.”#Êsai 52:5 (LXX); Êsê 36:22.
25Tơlah may tông prăp nau vay, nau koh ntâu jêng rnoh khlay; ƀiălah tơlah may ƀư tih nau vay, nđâp tơlah may geh nau koh ntâu tâm ban ma mâu geh koh ntâu. 26Pôri, tơlah du huê mâu ŭch koh ntâu, ƀiălah tông prăp lĕ nau vay ntăm tâm nau vay, pôri nau bunuyh nây mâu ŭch koh ntâu mâu dơi kơp tâm ban ma lôch koh ntâu jêh hĕ? 27Phung bunuyh ơm mâu koh ntâu ta săk jăn, ƀiălah tông prăp nau vay, mra phat dôih may, jêng nơm geh samƀŭt nau vay jêh ri nau koh ntâu, ƀiălah ƀư tih đah nau vay. 28Yorlah du huê bunuyh knŏng padih jêng phung Yuđa, păng mâu jêng phung Yuđa ngăn ôh, bi nau koh ntâu ta săk jăn padih mâu di jêng nau koh ntâu ngăn ôh. 29Ƀiălah du huê bunuyh tâm trôm jêng phung Yuđa, rĭ mơ ngăn jêng phung Yuđa; nau koh ntâu ngăn luh tă bơh tâm nuih n'hâm, yor ma Brah Huêng Ueh, mâu di tĭng rplay samƀŭt ôh. Du huê bunuyh tâm ban pônây mra dơi nau tâm rnê, mâu di tă bơh kon bunuyh ôh, ƀiălah tă bơh Brah Ndu.#Nkah 30:6.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023 United Bible Societies. All rights reserved.