Rôm 13
13
Đah kôranh chiă uănh
1Ăn lĕ rngôch bunuyh tông nau kôranh chiă uănh; yorlah mâu geh ôh nau dơi chiă uănh mâu luh tă bơh Brah Ndu; phung kôranh chiă uănh geh aƀaơ bơh Brah Ndu njêng da dê. 2Yor nây mbu nơm tâm rdâng ma kôranh chiă uănh jêng tâm rdâng đah nau Brah Ndu njêng; jêh ri phung bunuyh ƀư kơt nây mra dơn nau tâm rmal ma păng nơm. 3Yorlah kôranh chiă uănh mâu di ma phung ueh ôh klach, ƀiălah phung djơh mhĭk klach. May ŭch lĕ mâu klach ma kôranh chiă uănh hĕ? Ƀư hom nau ueh, jêh ri may mra geh nau tâm rnê; 4yorlah khân păng jêng oh mon ma Brah Ndu ŭch ƀư ueh ma may. Ƀiălah tơlah may ƀư nau mhĭk, klach hom, yorlah khân păng djôt đao mâu di jêng mâu geh nau; khân păng jêng oh mon ma Brah Ndu gay ma ƀư nau rmal ma mbu nơm ƀư djơh mhĭk. 5Yor nây tông hom kôranh chiă uănh, mâu knŏng yor klach geh nau tâm rmal ôh, ƀiălah yor nuih n'hâm sŏng đŏng. 6Yor nau nây khân may chê̆ pi, yorlah kôranh chiă uănh jêng phung oh mon Brah Ndu gay ma djôt kan nây.#Mat 22:21; Mark 12:17; Luk 20:25. 7Mplơ̆ hom ma lĕ rngôch bunuyh nau khân may nơm iang rnon: chê̆ hom pi ma nơm, ăn khân may nơm chê̆ hom; chê̆ kao play hom ma nơm, ăn khân may nơm chê̆; klach ma nơm khư klach; yơk ma nơm khư yơk.
Nau rŏng ƀư lôch nau vay
8Lơi ƀư iang rnon moh nau đah bu ôh, knŏng iang rnon nau rŏng ndrăng nơm; yorlah mbu nơm rŏng ma phung chiau meng păng nơm jêng hŏ ƀư lôch jêh nau vay. 9Yorlah lĕ nau vay ntăm: “May lơi ƀư tih nau văng tĭr, lơi nkhĭt bunuyh ôh, lơi ntŭng, lơi may kơnh ir,”#Ngluh 20:13-15,17; Nkah 5:17-19,21. jêh ri lĕ rngôch nau vay ntăm êng, ngơi trăch jêh tâm trong aơ: “Ăn may rŏng ma phung chiau meng tâm ban ma may rŏng ma may nơm.”#Lêvi 19:18. 10Nau rŏng mâu mâp ƀư mhĭk ma phung chiau meng ôh; yor ri, nau rŏng jêng ƀư lôch nau vay.
Kah gĭt hom
11Ƀư hom tâm ban lĕ, yorlah khân may gĭt khân may nơm dôl gŭ rêh tâm moh nôk. Tât jêh mông khân may kah rngăl bê̆ch, yorlah aƀaơ nau tâm rklaih dăch lơn đah nar he rlau lơn dôl he mhe chroh. 12Măng dăch lĕ, nar dăch ang, pôri he doh mƀăr lơi hom lĕ kan nau ngo, jêh ri nsoh ao tâm lơh bơh ang chrat. 13Gŭ rêh hom tâm nau sŏng srăng nâm bu hăn dôl nôk nar, lơi rlau rnâng jêh ri nhŭl ndrănh ôh, lơi văng tĭr, lơi gŭ blă blơ, lơi tâm jin tâm lah tâm djrel jêh ri lơi mâu nach. 14Ƀiălah ăn khân may nsoh hom Kôranh Brah jêng Brah Yêsu Krist, lơi joi nau ƀư mpay ma lĕ nau kơnh ŭch nglay săk.
Currently Selected:
Rôm 13: CMO2023
Highlight
Share
Copy
Want to have your highlights saved across all your devices? Sign up or sign in
© 2023 United Bible Societies. All rights reserved.
Rôm 13
13
Đah kôranh chiă uănh
1Ăn lĕ rngôch bunuyh tông nau kôranh chiă uănh; yorlah mâu geh ôh nau dơi chiă uănh mâu luh tă bơh Brah Ndu; phung kôranh chiă uănh geh aƀaơ bơh Brah Ndu njêng da dê. 2Yor nây mbu nơm tâm rdâng ma kôranh chiă uănh jêng tâm rdâng đah nau Brah Ndu njêng; jêh ri phung bunuyh ƀư kơt nây mra dơn nau tâm rmal ma păng nơm. 3Yorlah kôranh chiă uănh mâu di ma phung ueh ôh klach, ƀiălah phung djơh mhĭk klach. May ŭch lĕ mâu klach ma kôranh chiă uănh hĕ? Ƀư hom nau ueh, jêh ri may mra geh nau tâm rnê; 4yorlah khân păng jêng oh mon ma Brah Ndu ŭch ƀư ueh ma may. Ƀiălah tơlah may ƀư nau mhĭk, klach hom, yorlah khân păng djôt đao mâu di jêng mâu geh nau; khân păng jêng oh mon ma Brah Ndu gay ma ƀư nau rmal ma mbu nơm ƀư djơh mhĭk. 5Yor nây tông hom kôranh chiă uănh, mâu knŏng yor klach geh nau tâm rmal ôh, ƀiălah yor nuih n'hâm sŏng đŏng. 6Yor nau nây khân may chê̆ pi, yorlah kôranh chiă uănh jêng phung oh mon Brah Ndu gay ma djôt kan nây.#Mat 22:21; Mark 12:17; Luk 20:25. 7Mplơ̆ hom ma lĕ rngôch bunuyh nau khân may nơm iang rnon: chê̆ hom pi ma nơm, ăn khân may nơm chê̆ hom; chê̆ kao play hom ma nơm, ăn khân may nơm chê̆; klach ma nơm khư klach; yơk ma nơm khư yơk.
Nau rŏng ƀư lôch nau vay
8Lơi ƀư iang rnon moh nau đah bu ôh, knŏng iang rnon nau rŏng ndrăng nơm; yorlah mbu nơm rŏng ma phung chiau meng păng nơm jêng hŏ ƀư lôch jêh nau vay. 9Yorlah lĕ nau vay ntăm: “May lơi ƀư tih nau văng tĭr, lơi nkhĭt bunuyh ôh, lơi ntŭng, lơi may kơnh ir,”#Ngluh 20:13-15,17; Nkah 5:17-19,21. jêh ri lĕ rngôch nau vay ntăm êng, ngơi trăch jêh tâm trong aơ: “Ăn may rŏng ma phung chiau meng tâm ban ma may rŏng ma may nơm.”#Lêvi 19:18. 10Nau rŏng mâu mâp ƀư mhĭk ma phung chiau meng ôh; yor ri, nau rŏng jêng ƀư lôch nau vay.
Kah gĭt hom
11Ƀư hom tâm ban lĕ, yorlah khân may gĭt khân may nơm dôl gŭ rêh tâm moh nôk. Tât jêh mông khân may kah rngăl bê̆ch, yorlah aƀaơ nau tâm rklaih dăch lơn đah nar he rlau lơn dôl he mhe chroh. 12Măng dăch lĕ, nar dăch ang, pôri he doh mƀăr lơi hom lĕ kan nau ngo, jêh ri nsoh ao tâm lơh bơh ang chrat. 13Gŭ rêh hom tâm nau sŏng srăng nâm bu hăn dôl nôk nar, lơi rlau rnâng jêh ri nhŭl ndrănh ôh, lơi văng tĭr, lơi gŭ blă blơ, lơi tâm jin tâm lah tâm djrel jêh ri lơi mâu nach. 14Ƀiălah ăn khân may nsoh hom Kôranh Brah jêng Brah Yêsu Krist, lơi joi nau ƀư mpay ma lĕ nau kơnh ŭch nglay săk.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023 United Bible Societies. All rights reserved.