Uamusi 19
19
Nndawi ni libangu laki
1Mumasoba gehaga Aizilaeli ngaseabii na bambu nkolongu, kwabia nu nndawi jumu jojwabia jutama ngati nngeni kutali na misi jengi mu nndema uku Efulaimu. Mundu hoju jwajukwii libangu kuhuma ku Betelehemu ku nndema uku Yuda. 2Lakini libangu lela latenda ugoni na mundu jongi nu Nndawi jola jatenda kuhyome, anndeka jubuja kunyumba ja atati baki ku Beteleemu nukutama kwa miei nsesi. 3Lisoba limu nndomi waki jwajenda kuntaputa, jwapala kulonge naku sapi nukunkelabu kunyumba jaki. Ndi mwanalomi jola jwajenda pamu nu ntumisi waki na maponda mabeli. Pabahika kola mmbomba jola ampelika nkati kwa atati baki, nabombi akoanu baki anzopa sukutogule. 4Akoanu baki ngaseanzetaki juboka panyumba najombi jwatama kola kwa masoba matatu, Nndawi jola nu ntumisi waki bakula na kunywa nukugone kola. 5Lisoba lunsesi jajumuka pulukela ngani, jiliandia kuboka lakini atati baka mmbomba jola bumpwagila, “Kula posu hoti kidogu ili gupata makili ndienu guboka.” 6Ndi bandu abeli bala batenda kutama, bakula na kunywa pamu. Ndi akoanu baki bala bumpwagila, “Pepa koku gugonila pamba ikilu jenze nu kutogule.”
7Mundu jola pajwajema koni jupala kuboka, akohanu baki anndobiki ngamaa juigalia najombi jwatenda kuigali ikilu jela. 8Lisoba lu nhwanu mndawi jola jwatenda kujumuka pulukela koni jupala kuboka. Lakini atati baki mmbomba jola bumpwagila, “Gukula oti posu ili gupata makili, gulendalia lioba mutu ndi guboka.” Ndi boti abeli bakula pamu.
9Nndawi jola pamu ni libangu laki pamu nu nntumisi waki pabajumuka kuboka, akoanu baki bumpwagila Nndawi jola, “Henu lioba lijingi ni ikilu jiegali. Gugonila pamba na gutoguliaje. Kilabu pulukela ngani wiilaba nu kutumbuli sapwali jukubuja kunyumba.”
10Lakini nndawi jola jwakana kugone kola ikilu jela. Ndi jwajumuka nu kuboka jwaika pambipi na musi guku Yebusi goguwe masoba gani agukema Yelusalemu. Jwabia na maponda mabeli gala gagabia bagatandiki ingobu pamu ni libangu laki. 11Pababia ahegali ku musi uku Yebusi, lyoba labia litenda kujingi, najombi ntumisi ampwagila nkolongu waki, “Gupepa koku, tujingala mu musi gongo gwa Ayebusi, tugonila momu ikilu jenu.” 12Nkolongu waki ampwagila, ngatwiijingi mu musi wa bandu ageni gwanga gwa Aizilaeli. Tuendalia na sapwali mbaka ku Gibea. 13Tukasana twakahika kumusi uku Gibea au ku Lama na twakagonila musi gumu kati ja misi jeheji. 14Ndienu, baendalia na sapwali jabu mbaka lioba palajingala babia pambipi na musi wa Gibea gogugwe gwabia musi wilikabila la Benjamini. 15Bajingala kumusi uku Gibea ili awesa kugone momu ikilu. Bajenda kutama pulubanza lwa musi wala ngamundu jojaajopa kunyumba jaki ili agonila.
16Pakamii pala jabia nseja jumu jahuma munngonda jaki. Nseja hoju jwabia mwenei ju nndema ji itombi yuku Efulaimu na jwabia jutama ku kumusi uku Gibea. Bandu bu punndema gola babia bilikabila la Benjamini. 17Nseja hoju pajwalinga nu kummbona mundu jojwabia mu sapwali pajwabia mu lubanza kola, anndalukia, “Uhumiki kwako na gujenda kwako?”
18Najombi jwajibua, “Tuhumiki ku Betileemu ku nndema uku Yuda na tujenda kunndema ukutali gogubii pandu pi itombi yuku Efulaimu. Hoku ndi konndama na sajenu nhuma ku musi uku Betileemu ku Yuda na nyenda kunyumba jangu kokuje Bambu Sapanga atenda kunndumbali, ngamundu jokapi jojutujopiki kunyumba jaki. 19Lakini twepani twaatumisi baku tubii na manyai na nndele wa kula maponda gito. Kabee tubii na mabumunda na divai, hei indosa nepani ni libangu langu nu nkombu witu jotulongini naku. Ngasetukipai sindu sokapi.”
20Nseja jola jwapwaga, “Lukwali lubia pamu na mwanganya! Tubokaninya kunyumba jangu. Nukumpekia hindu yoti yempala ila mwiigone kulubanza lwa musi hago.” 21Ndi jwaapelika kunyumba jaki na kwaapeke nndelee maponda gaki. Bandu bala bababia mu sapwali basamba mu magolu gabu, bakula na kunywa.
22Pababia atenda kulijeka, bandu abaja ba musi gola bahika sukusituki mu nyumba jela nu kukong'onda punndyangu. Bumpwagila nseja jojubii na nyumba jola, “Mpia kunza mwanalomi jola jojwahika kwaku, tugonila naku.”
23Lakini nseja jojwabii na nyumba jola jwahika kunza na kwaampwagi, “Nga hela mwaalongu bango, nunndoba mwiihenga ubaja hogu. Hoju nngeni wango mwanhenge kihakau hesi. 24Jubii kamwali wangu jojuwe jwakona kamwali ngasejuwaiki kugone na mwanalomi kabee libii kabe libangu luku nngeni wango. Nnekakia naapia kunza mwaajukua na kwaahenge ngati hempala, lakini mundu ajo mwanhenge lijambu likihakau heli.” 25Lakini akanalomi bala ngasebunzowani. Henu Nndawi jola julijukua libangu laki lela nukulipia kunza. Nabombi bunzukua nukugone naku nu kunhenge majambu gi iyoni ikilu joha mbaka pulukela. Pakwahegaliya kukusa bunndeka juyetuana.
26Pulukela mmbomba jola jwahika mbaka punndyangu ja nyumba juku nseja jola mojwabii nkolongu waki, jwaabuka pai punndyangu pala nukutama pala mbaka pulukela ngani. 27Nkolongu juka mmbomba jola pajwajumuka pulukela, jwaogula milyangu ja nyumba nu kupita kunza ili juendalia na sapwali. Apalapala julikolila libangu lela ligoni pai punndiyangu, maboku gaki gakamwi pelemu junndyangu. 28Ampwagila, “Gujema tuboka.” Lakini jombi ngasejwajibwiki sindo. Anzukua nukummbeka panani jiliponda laki nu kumpeleka mbaka kunyumba jaki. 29Pajwahika kunyumba jaki jwajukua mpamba nukulisekuseku libangu laki lela ipandi komi niibeli. Kila likabila la Izilaeli jilipelakiya kipandi simu. 30Boti bababona lijambu lela bapwaga, “Lijambu ngati heli ngaseliwaiki kubonekana toka lisoba lebahika Aizilaeli kuhuma ku Misili mbaka lelenu. Tuliholaliya nukupwagani nukuamu tuhenga kike.”
Currently Selected:
Uamusi 19: MaBV
Highlight
Copy
Compare
Share
Want to have your highlights saved across all your devices? Sign up or sign in
The New Testament in Matengo Language ©The Word for the World International and Matengo Language Translation, 2020. All rights reserved.
Uamusi 19
19
Nndawi ni libangu laki
1Mumasoba gehaga Aizilaeli ngaseabii na bambu nkolongu, kwabia nu nndawi jumu jojwabia jutama ngati nngeni kutali na misi jengi mu nndema uku Efulaimu. Mundu hoju jwajukwii libangu kuhuma ku Betelehemu ku nndema uku Yuda. 2Lakini libangu lela latenda ugoni na mundu jongi nu Nndawi jola jatenda kuhyome, anndeka jubuja kunyumba ja atati baki ku Beteleemu nukutama kwa miei nsesi. 3Lisoba limu nndomi waki jwajenda kuntaputa, jwapala kulonge naku sapi nukunkelabu kunyumba jaki. Ndi mwanalomi jola jwajenda pamu nu ntumisi waki na maponda mabeli. Pabahika kola mmbomba jola ampelika nkati kwa atati baki, nabombi akoanu baki anzopa sukutogule. 4Akoanu baki ngaseanzetaki juboka panyumba najombi jwatama kola kwa masoba matatu, Nndawi jola nu ntumisi waki bakula na kunywa nukugone kola. 5Lisoba lunsesi jajumuka pulukela ngani, jiliandia kuboka lakini atati baka mmbomba jola bumpwagila, “Kula posu hoti kidogu ili gupata makili ndienu guboka.” 6Ndi bandu abeli bala batenda kutama, bakula na kunywa pamu. Ndi akoanu baki bala bumpwagila, “Pepa koku gugonila pamba ikilu jenze nu kutogule.”
7Mundu jola pajwajema koni jupala kuboka, akohanu baki anndobiki ngamaa juigalia najombi jwatenda kuigali ikilu jela. 8Lisoba lu nhwanu mndawi jola jwatenda kujumuka pulukela koni jupala kuboka. Lakini atati baki mmbomba jola bumpwagila, “Gukula oti posu ili gupata makili, gulendalia lioba mutu ndi guboka.” Ndi boti abeli bakula pamu.
9Nndawi jola pamu ni libangu laki pamu nu nntumisi waki pabajumuka kuboka, akoanu baki bumpwagila Nndawi jola, “Henu lioba lijingi ni ikilu jiegali. Gugonila pamba na gutoguliaje. Kilabu pulukela ngani wiilaba nu kutumbuli sapwali jukubuja kunyumba.”
10Lakini nndawi jola jwakana kugone kola ikilu jela. Ndi jwajumuka nu kuboka jwaika pambipi na musi guku Yebusi goguwe masoba gani agukema Yelusalemu. Jwabia na maponda mabeli gala gagabia bagatandiki ingobu pamu ni libangu laki. 11Pababia ahegali ku musi uku Yebusi, lyoba labia litenda kujingi, najombi ntumisi ampwagila nkolongu waki, “Gupepa koku, tujingala mu musi gongo gwa Ayebusi, tugonila momu ikilu jenu.” 12Nkolongu waki ampwagila, ngatwiijingi mu musi wa bandu ageni gwanga gwa Aizilaeli. Tuendalia na sapwali mbaka ku Gibea. 13Tukasana twakahika kumusi uku Gibea au ku Lama na twakagonila musi gumu kati ja misi jeheji. 14Ndienu, baendalia na sapwali jabu mbaka lioba palajingala babia pambipi na musi wa Gibea gogugwe gwabia musi wilikabila la Benjamini. 15Bajingala kumusi uku Gibea ili awesa kugone momu ikilu. Bajenda kutama pulubanza lwa musi wala ngamundu jojaajopa kunyumba jaki ili agonila.
16Pakamii pala jabia nseja jumu jahuma munngonda jaki. Nseja hoju jwabia mwenei ju nndema ji itombi yuku Efulaimu na jwabia jutama ku kumusi uku Gibea. Bandu bu punndema gola babia bilikabila la Benjamini. 17Nseja hoju pajwalinga nu kummbona mundu jojwabia mu sapwali pajwabia mu lubanza kola, anndalukia, “Uhumiki kwako na gujenda kwako?”
18Najombi jwajibua, “Tuhumiki ku Betileemu ku nndema uku Yuda na tujenda kunndema ukutali gogubii pandu pi itombi yuku Efulaimu. Hoku ndi konndama na sajenu nhuma ku musi uku Betileemu ku Yuda na nyenda kunyumba jangu kokuje Bambu Sapanga atenda kunndumbali, ngamundu jokapi jojutujopiki kunyumba jaki. 19Lakini twepani twaatumisi baku tubii na manyai na nndele wa kula maponda gito. Kabee tubii na mabumunda na divai, hei indosa nepani ni libangu langu nu nkombu witu jotulongini naku. Ngasetukipai sindu sokapi.”
20Nseja jola jwapwaga, “Lukwali lubia pamu na mwanganya! Tubokaninya kunyumba jangu. Nukumpekia hindu yoti yempala ila mwiigone kulubanza lwa musi hago.” 21Ndi jwaapelika kunyumba jaki na kwaapeke nndelee maponda gaki. Bandu bala bababia mu sapwali basamba mu magolu gabu, bakula na kunywa.
22Pababia atenda kulijeka, bandu abaja ba musi gola bahika sukusituki mu nyumba jela nu kukong'onda punndyangu. Bumpwagila nseja jojubii na nyumba jola, “Mpia kunza mwanalomi jola jojwahika kwaku, tugonila naku.”
23Lakini nseja jojwabii na nyumba jola jwahika kunza na kwaampwagi, “Nga hela mwaalongu bango, nunndoba mwiihenga ubaja hogu. Hoju nngeni wango mwanhenge kihakau hesi. 24Jubii kamwali wangu jojuwe jwakona kamwali ngasejuwaiki kugone na mwanalomi kabee libii kabe libangu luku nngeni wango. Nnekakia naapia kunza mwaajukua na kwaahenge ngati hempala, lakini mundu ajo mwanhenge lijambu likihakau heli.” 25Lakini akanalomi bala ngasebunzowani. Henu Nndawi jola julijukua libangu laki lela nukulipia kunza. Nabombi bunzukua nukugone naku nu kunhenge majambu gi iyoni ikilu joha mbaka pulukela. Pakwahegaliya kukusa bunndeka juyetuana.
26Pulukela mmbomba jola jwahika mbaka punndyangu ja nyumba juku nseja jola mojwabii nkolongu waki, jwaabuka pai punndyangu pala nukutama pala mbaka pulukela ngani. 27Nkolongu juka mmbomba jola pajwajumuka pulukela, jwaogula milyangu ja nyumba nu kupita kunza ili juendalia na sapwali. Apalapala julikolila libangu lela ligoni pai punndiyangu, maboku gaki gakamwi pelemu junndyangu. 28Ampwagila, “Gujema tuboka.” Lakini jombi ngasejwajibwiki sindo. Anzukua nukummbeka panani jiliponda laki nu kumpeleka mbaka kunyumba jaki. 29Pajwahika kunyumba jaki jwajukua mpamba nukulisekuseku libangu laki lela ipandi komi niibeli. Kila likabila la Izilaeli jilipelakiya kipandi simu. 30Boti bababona lijambu lela bapwaga, “Lijambu ngati heli ngaseliwaiki kubonekana toka lisoba lebahika Aizilaeli kuhuma ku Misili mbaka lelenu. Tuliholaliya nukupwagani nukuamu tuhenga kike.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The New Testament in Matengo Language ©The Word for the World International and Matengo Language Translation, 2020. All rights reserved.