Uamusi 13
13
Kusaliwa kwaka Samusoni
1Aizilaeli bahenga kabee mahakau palongi jaka Bambu Sapanga, najombi jwaaleka Afilisiti baalongusa sakwaang'alisa kwa yaka alubaini.
2Ndienu jwabii mundu jumu ku Sola ju likabila la Dani mundu wehoju liina laki ankemika Manoa. Nhwanu waki jwabia ngasejupapa. 3Lisoba limu Ntumi jukunani waka Bambu Sapanga jwatenda kumpiti mmbomba hoju nukumpwagi, “Wehapa ngasegupapa, ngasegubii na bana. Lakini wiipata kitumbu nukubeleka mwana mwanalomi. 4Henu gulilingalia ngamaa, wiikunywa divai wala uwembi wala wiikula sindu sokapi sesaguhenga wijetakewa na Sapanga, 5ndaba wiipata kitumbu nu kubeleka mwana mwanalomi. Majunzu gaka mwana hoju wammoga hata kulenga, ndaba jwiibia bumbei kuhenga lihengu laka Sapanga toka mulitumbu la amabu baki mbaka pajikuwa, najombi jwaakombula Aizilaeli mu ulongosi wa Afilisiti.”
6Mmbomba jola jwajenda kumpwagi nndomi waki, “Jwambitila mundu waka Sapanga jojuwe sula jaki jabia ngati juku ntumi jukunani jwaka Sapanga nanatu natenda kujogopa. Ngasenunndaluki kojwaumii wala ngasejwanoguli liina laki. 7Lakini jwambwagila, niipata kitumbu nukubeleka mwana mwanalomi. Jwambwagila niikunywa divai wala sindu sukulobe wala kula sokapi sesinhenga niijetakalewa na Sapanga. Ndaba jwiibia bumbei kuhenga lihengu laka Sapanga toka mulitumbu la amabu baki mbaka pajikuwa.”
8Ndienu, Manoa anndoba Bambu Sapanga, kupwaga, “Mwaa Bambu Sapanga nundoba guntuma kabee ntumisi waku jola jomuntuma ili jutubola namna junkoa mwana hoju jojisaliwa.”
9Bambu Sapanga jwajowani kuloba kwaka Manoa, nu ntumi jukunani waka Sapanga jola anzendila kabee mmbomba jola pajwabia jutemi kungonda. Lakini Manoa nndomi waka mmbomba jola ngasejwabii pamu najombi. 10Mmbomba jola jwajombatika nyatanyata, nukumpwagi nndomi waki, “Linga! Mundu jojwammbitila lisoba lela jumbitii kabee.”
11Manoa jalongana nu nhwanamundu mbaka kwaka mundu hoju, nukunndaluki, “Bo, wehapa lee ndi mundu jowalongila nu nhwanu wango?”
Mundu jola anzibua, “Anenganenga.”
12Ndi Manoa andalukiya, “Henu malobi gaku haga hegiitimia tuhenga majambu boo kwaka mwana we hojo? Boo, ni lihengu laki lee libia kike?”
13Ntumi jukunani waka Bambu Sapanga ampwagila Manoa, “Nhwanu waku jupalika kupwata goka ganunndagalaki. 14Jwiikula sindu sokapi sealenganaki kwi mizabibu, wala jwiikunywa divai au sindu sukulobe wala kula sindu sokapi sesanhenga jijetakalewa na Sapanga. Goka ganunndagalaki jagapwata.”
15Manoa Ampwagila ntumi waka Bambu Sapanga jola, “Pepa koku gutama kidogu tuguhandalia inyama ja kambui.” 16Ntumi jukunani waka Bambu Sapanga jola ampwagila Manoa, “Hata ana mwiinasimisa kutama nganiikuli posu jino. Lakini ana gupai lenganakia litambiku lukutini, umpiikia Bambu Sapanga.” Manoa ngasejwamanyiki hoju jwabia ntumi jukunani waka Bambu Sapanga.
17Ndienu Manoa ampwagila ntumi jukunani waka Bambu Sapanga jola, “Tupwagila liina laku ili tuguhengila isima kipindi malobi gaku pagiitimia.”
18Ntumi jukunani waka Bambu Sapanga anzibua, “Boo, ndaba jaki gupala kumanya liina lango? Liina langu ne nganhwesi kulimanya.”
19Ndienu Manoa jajukua kambui ni litambiku lu uwembi nukuibeka panani jililibu ili kumpiiki Bambu Sapanga. Najombi Ntumi jukunani waka Bambu Sapanga jahenga hindu yukusangasa koni Manoa nu nhwanu waki atenda kulingali. 20Ndi kipindi Manoa nu nhwanu waki pababia alingali mwotu gogunyaka ni mienge hejikwela kunani kwaka Sapanga, kuhuma pandu pukupiki matambiku bummbona ntumi jukunani mu mwotu hogu jukwela kujenda kunani kwaka Sapanga. Ndi Manoa nu nhwanu waki bapega magoti nukunngungamali Sapanga. 21Ntumi jukunani hoju ngaseampitila kabee Manoa nu nhwanu waki. Ndi Manoa jwamanya hoju jwabia ntumi waka Bambu Sapanga.
22Ndienu Manoa ampwagila nhwanu waki, “Sakaka twiitenda kuwa ndaba tumbweni Sapanga.”
23Lakini nhwanu waki jwajibua, “Ana Bambu Sapanga jwakapala kutukoma, nga jwakajopiki litambiku litu lukutini ni liilebi, wala ngajwakatulangi majambu haga wala kutupeke malagalaki.”
24Ndienu nhwanu waka Manoa jwabelika mwana mwanalomi na ankema Samusoni. Mwana jola jwatenda kukola najombi Bambu Sapanga jwatenda kumpengee. 25Loho waka Bambu Sapanga jatumbulia kuhenga lihengu nkati jaki kipindi pajwabii ku likambi luku Dani, pikilanda juku musi uku Sola nuku Eshitaoli.
Currently Selected:
Uamusi 13: MaBV
Highlight
Copy
Compare
Share
Want to have your highlights saved across all your devices? Sign up or sign in
The New Testament in Matengo Language ©The Word for the World International and Matengo Language Translation, 2020. All rights reserved.
Uamusi 13
13
Kusaliwa kwaka Samusoni
1Aizilaeli bahenga kabee mahakau palongi jaka Bambu Sapanga, najombi jwaaleka Afilisiti baalongusa sakwaang'alisa kwa yaka alubaini.
2Ndienu jwabii mundu jumu ku Sola ju likabila la Dani mundu wehoju liina laki ankemika Manoa. Nhwanu waki jwabia ngasejupapa. 3Lisoba limu Ntumi jukunani waka Bambu Sapanga jwatenda kumpiti mmbomba hoju nukumpwagi, “Wehapa ngasegupapa, ngasegubii na bana. Lakini wiipata kitumbu nukubeleka mwana mwanalomi. 4Henu gulilingalia ngamaa, wiikunywa divai wala uwembi wala wiikula sindu sokapi sesaguhenga wijetakewa na Sapanga, 5ndaba wiipata kitumbu nu kubeleka mwana mwanalomi. Majunzu gaka mwana hoju wammoga hata kulenga, ndaba jwiibia bumbei kuhenga lihengu laka Sapanga toka mulitumbu la amabu baki mbaka pajikuwa, najombi jwaakombula Aizilaeli mu ulongosi wa Afilisiti.”
6Mmbomba jola jwajenda kumpwagi nndomi waki, “Jwambitila mundu waka Sapanga jojuwe sula jaki jabia ngati juku ntumi jukunani jwaka Sapanga nanatu natenda kujogopa. Ngasenunndaluki kojwaumii wala ngasejwanoguli liina laki. 7Lakini jwambwagila, niipata kitumbu nukubeleka mwana mwanalomi. Jwambwagila niikunywa divai wala sindu sukulobe wala kula sokapi sesinhenga niijetakalewa na Sapanga. Ndaba jwiibia bumbei kuhenga lihengu laka Sapanga toka mulitumbu la amabu baki mbaka pajikuwa.”
8Ndienu, Manoa anndoba Bambu Sapanga, kupwaga, “Mwaa Bambu Sapanga nundoba guntuma kabee ntumisi waku jola jomuntuma ili jutubola namna junkoa mwana hoju jojisaliwa.”
9Bambu Sapanga jwajowani kuloba kwaka Manoa, nu ntumi jukunani waka Sapanga jola anzendila kabee mmbomba jola pajwabia jutemi kungonda. Lakini Manoa nndomi waka mmbomba jola ngasejwabii pamu najombi. 10Mmbomba jola jwajombatika nyatanyata, nukumpwagi nndomi waki, “Linga! Mundu jojwammbitila lisoba lela jumbitii kabee.”
11Manoa jalongana nu nhwanamundu mbaka kwaka mundu hoju, nukunndaluki, “Bo, wehapa lee ndi mundu jowalongila nu nhwanu wango?”
Mundu jola anzibua, “Anenganenga.”
12Ndi Manoa andalukiya, “Henu malobi gaku haga hegiitimia tuhenga majambu boo kwaka mwana we hojo? Boo, ni lihengu laki lee libia kike?”
13Ntumi jukunani waka Bambu Sapanga ampwagila Manoa, “Nhwanu waku jupalika kupwata goka ganunndagalaki. 14Jwiikula sindu sokapi sealenganaki kwi mizabibu, wala jwiikunywa divai au sindu sukulobe wala kula sindu sokapi sesanhenga jijetakalewa na Sapanga. Goka ganunndagalaki jagapwata.”
15Manoa Ampwagila ntumi waka Bambu Sapanga jola, “Pepa koku gutama kidogu tuguhandalia inyama ja kambui.” 16Ntumi jukunani waka Bambu Sapanga jola ampwagila Manoa, “Hata ana mwiinasimisa kutama nganiikuli posu jino. Lakini ana gupai lenganakia litambiku lukutini, umpiikia Bambu Sapanga.” Manoa ngasejwamanyiki hoju jwabia ntumi jukunani waka Bambu Sapanga.
17Ndienu Manoa ampwagila ntumi jukunani waka Bambu Sapanga jola, “Tupwagila liina laku ili tuguhengila isima kipindi malobi gaku pagiitimia.”
18Ntumi jukunani waka Bambu Sapanga anzibua, “Boo, ndaba jaki gupala kumanya liina lango? Liina langu ne nganhwesi kulimanya.”
19Ndienu Manoa jajukua kambui ni litambiku lu uwembi nukuibeka panani jililibu ili kumpiiki Bambu Sapanga. Najombi Ntumi jukunani waka Bambu Sapanga jahenga hindu yukusangasa koni Manoa nu nhwanu waki atenda kulingali. 20Ndi kipindi Manoa nu nhwanu waki pababia alingali mwotu gogunyaka ni mienge hejikwela kunani kwaka Sapanga, kuhuma pandu pukupiki matambiku bummbona ntumi jukunani mu mwotu hogu jukwela kujenda kunani kwaka Sapanga. Ndi Manoa nu nhwanu waki bapega magoti nukunngungamali Sapanga. 21Ntumi jukunani hoju ngaseampitila kabee Manoa nu nhwanu waki. Ndi Manoa jwamanya hoju jwabia ntumi waka Bambu Sapanga.
22Ndienu Manoa ampwagila nhwanu waki, “Sakaka twiitenda kuwa ndaba tumbweni Sapanga.”
23Lakini nhwanu waki jwajibua, “Ana Bambu Sapanga jwakapala kutukoma, nga jwakajopiki litambiku litu lukutini ni liilebi, wala ngajwakatulangi majambu haga wala kutupeke malagalaki.”
24Ndienu nhwanu waka Manoa jwabelika mwana mwanalomi na ankema Samusoni. Mwana jola jwatenda kukola najombi Bambu Sapanga jwatenda kumpengee. 25Loho waka Bambu Sapanga jatumbulia kuhenga lihengu nkati jaki kipindi pajwabii ku likambi luku Dani, pikilanda juku musi uku Sola nuku Eshitaoli.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The New Testament in Matengo Language ©The Word for the World International and Matengo Language Translation, 2020. All rights reserved.