Kukomboka 7
7
Bandu bahaguliwi na Bambu Sapanga
Kuboka 34:11-16
1“Bambu Sapanga, Sapanga winu, jwanhikisa ku nndema goguwe mwiijenda kugujukuu gubiya gwinu na jaabenga bandu bi milema jingi kuhuma mu nndema hogu. Pamwiijingala mu nndeme gomugujende kugujukua jaabenga bandu ba makabila gangi saba makolongu na gagabi namakili kupeta mwanganya palongi jinu makabila ge ndi, Ahiti na Agiligashi na Aamoli na Akanani na Apelizi na Ahivi na Ayebusi. 2Kabee, Bambu Sapanga, Sapanga winu, kwaalapu na kwaawesa bandu haba mpalika kwaakoma tipitipi, mwiihenga lilaganu lokapi na bombi wala mwaabone ikia. 3Mwiitoguleka nabu, wala mwaapia akakamwali binu au akakombu binu kutoguleka nabu. 4Ananhengiki hela bombi baahenga bana binu asindwa kumpwata Bambu Sapanga, nukwaahenga bi ilumbaliya isapanga yengi, ni inyela yaka Bambu Sapanga jibia kwinu mwanganya, na jaankoma mala jimu. 5Lakini mwaatendila ana, mwaibombulana pandu pabu paasengiki kwa malibu pukupiki matambiku nu kusekulana mapanda ga Ashela nukujosa kwa mwotu imong'umong'u yabu yu kubasa. 6Nhenga hela ndaba mwanganya mwabandu baka Bambu Sapanga, Sapanga winu. Kati ja bandu boti bu punndema junhagwi mwanganya ili mbia mwabandu baki mweni.”
7“Bambu Sapanga ngase jumpai mwanganya nu kunhagu kwa ndaba mwanganya mwabii mwabingi ngani kupeta bandu bangi, mwanganya mwabii mwa asoku kupeta bandu bi milema jengi. 8Lakini kwa ndaba jaka Bambu Sapanga jutenda kumpala nukupwata kuliga kwaki kujaaligi akahoku binu, ndi ndaba junhokwi kwa sukutumi makili gaki gingi nukumpia kuhuma kukuhenga mahengu gu utumwa, toka pai juulongosi uka bambu nkolongu Falau juku Misili. 9Henu, mmanya kubanga Bambu Sapanga, Sapanga winu, ndi Sapanga na ndi Sapanga jojuhobaleka, jojulipwata lilaganu laki na kwaahenge gaamboni ibeleku hingi yeipwata mihilu jaki. 10Lakini jwaalepa sekipalika kwa babunsuki bala, wala ngajikotoki kwaalapu babunsukila. 11Henu nhangalia kupwata mihilu, na malagalaki ganundangalaki lelenu.”
Bandu baajetake mihilu bitenda kupengewa
Kukomboka 28:1-14
12“Ana mugajowani malagalaki aga nukugapwata nukugahenga, Bambu Sapanga, Sapanga winu, ngajalijewi lilaganu laki na mwanganya janndangia wamboni waki ngati ejaalagila akahoku binu. 13Jwampala nukumpenge, nanamu mwiijonzukika na kuba na bana bingi, jajipengila migonda jinu ili mpata ilebi na divai na mahuta gi mizeituni, jampengila sukumpeke ng'ombi na makondoo gingi mu nndema gojaalagila akahoku binu kubanga jampekia mwanganya. 14Mwiipengaliwa kupeta bandu bangi boti bu pundema. Pikilanda jinu ngakwiikubi na mwanalomi au mmbomba jwanga kuwesa kuba na bana. 15Bambu Sapanga jamboakia magonzu goti na ngagampati magonzu gokapi gukujogopesa ngati gagumpata ku Misili, lakini magonzu haga isijaapekia abaja binu. 16Mwaakoma bandu bundema wokapi goguwe Bambu Sapanga, Sapanga winu, janhenga mwaawesa, wala mwaabone ikia. Mwilumbali isapanga yabu, ndaba lihengu heli libia ntegu kwinu”.
17“Mwalipwagi mu mioju jinu, ‘Bandu haba abi bingi kupeta twepani, twiiwesa boo kwaabenga mu nndema mone?’ 18Mwaajogopa, nkombuka Bambu Sapanga, Sapanga winu, eanhengila Falau nu nndema woti uku Misili. 19Nkombuka malapuli makolongu gamugabona kwa mihu ginu, nginyuli na majambu gukujogoa na makili makolongu nu uwesu nkolongu, goguwe Bambu Sapanga, Sapanga winu, jatumia ili kunkombola, hela ndi ejaahenga bandu bamwaajogopa. 20Kupeta haga Bambu Sapanga, Sapanga winu, jagatuma manyigu pikilanda jabu nakwaakoma babitila nu kujoba. 21Ndienu, mwajogopa, kwa ndaba Bambu Sapanga, Sapanga winu, jubii pikilanda jinu. Jombi ndi Sapanga nkolongu jukujogopesa. 22Bambu Sapanga, Sapanga winu, jaambenga bandu bi milema hei kadili mwanganya emwiihegalia kulongo mbolimboli. Ngamwiiwesi kwaakoma goti kwa mala jimu, ndaba ananhengiki hela inyama yumukinyoi yiitenda kujonzukeka nu kunzogupesa mwanganya. 23Bambu Sapanga, Sapanga winu, jaabeka abaja binu janzangatiya kwaawesa na jaahenga ahangajika mpaka mwaakoma tipitipi. 24Jaanhenga mwaakamula aka bambu akolongu babu. Mwaakoma na mwiitenda kwaajewa. Nga mundu jokapi jojiwesa kumpengale, mbaka pamwiibiya mwaakomiki. 25Mwaitinia pa mwotu imong'umong'u yabu yoti yukubasa. Mwaitokule madini ga feza gabu wala zahabu yabu, wala mwaitola kuba mali ginu. Kuhenga hela ndi kwiibiya ntegu kwinu na sibiya sindu sukusukisa kwaka Bambu Sapanga, Sapanga winu. 26Mwiipeleka kunyumba jinu sindu sokapi sukusukisa, ana nhengiki hela mwiipata yambamba ngati sindu hesi. Ndi lasima kukisuki nu kukipolesa lihamu ngani ndaba ndi sindu hesi Sapanga jikiligi mbamba.
Currently Selected:
Kukomboka 7: MaBV
Highlight
Copy
Compare
Share
Want to have your highlights saved across all your devices? Sign up or sign in
The New Testament in Matengo Language ©The Word for the World International and Matengo Language Translation, 2020. All rights reserved.
Kukomboka 7
7
Bandu bahaguliwi na Bambu Sapanga
Kuboka 34:11-16
1“Bambu Sapanga, Sapanga winu, jwanhikisa ku nndema goguwe mwiijenda kugujukuu gubiya gwinu na jaabenga bandu bi milema jingi kuhuma mu nndema hogu. Pamwiijingala mu nndeme gomugujende kugujukua jaabenga bandu ba makabila gangi saba makolongu na gagabi namakili kupeta mwanganya palongi jinu makabila ge ndi, Ahiti na Agiligashi na Aamoli na Akanani na Apelizi na Ahivi na Ayebusi. 2Kabee, Bambu Sapanga, Sapanga winu, kwaalapu na kwaawesa bandu haba mpalika kwaakoma tipitipi, mwiihenga lilaganu lokapi na bombi wala mwaabone ikia. 3Mwiitoguleka nabu, wala mwaapia akakamwali binu au akakombu binu kutoguleka nabu. 4Ananhengiki hela bombi baahenga bana binu asindwa kumpwata Bambu Sapanga, nukwaahenga bi ilumbaliya isapanga yengi, ni inyela yaka Bambu Sapanga jibia kwinu mwanganya, na jaankoma mala jimu. 5Lakini mwaatendila ana, mwaibombulana pandu pabu paasengiki kwa malibu pukupiki matambiku nu kusekulana mapanda ga Ashela nukujosa kwa mwotu imong'umong'u yabu yu kubasa. 6Nhenga hela ndaba mwanganya mwabandu baka Bambu Sapanga, Sapanga winu. Kati ja bandu boti bu punndema junhagwi mwanganya ili mbia mwabandu baki mweni.”
7“Bambu Sapanga ngase jumpai mwanganya nu kunhagu kwa ndaba mwanganya mwabii mwabingi ngani kupeta bandu bangi, mwanganya mwabii mwa asoku kupeta bandu bi milema jengi. 8Lakini kwa ndaba jaka Bambu Sapanga jutenda kumpala nukupwata kuliga kwaki kujaaligi akahoku binu, ndi ndaba junhokwi kwa sukutumi makili gaki gingi nukumpia kuhuma kukuhenga mahengu gu utumwa, toka pai juulongosi uka bambu nkolongu Falau juku Misili. 9Henu, mmanya kubanga Bambu Sapanga, Sapanga winu, ndi Sapanga na ndi Sapanga jojuhobaleka, jojulipwata lilaganu laki na kwaahenge gaamboni ibeleku hingi yeipwata mihilu jaki. 10Lakini jwaalepa sekipalika kwa babunsuki bala, wala ngajikotoki kwaalapu babunsukila. 11Henu nhangalia kupwata mihilu, na malagalaki ganundangalaki lelenu.”
Bandu baajetake mihilu bitenda kupengewa
Kukomboka 28:1-14
12“Ana mugajowani malagalaki aga nukugapwata nukugahenga, Bambu Sapanga, Sapanga winu, ngajalijewi lilaganu laki na mwanganya janndangia wamboni waki ngati ejaalagila akahoku binu. 13Jwampala nukumpenge, nanamu mwiijonzukika na kuba na bana bingi, jajipengila migonda jinu ili mpata ilebi na divai na mahuta gi mizeituni, jampengila sukumpeke ng'ombi na makondoo gingi mu nndema gojaalagila akahoku binu kubanga jampekia mwanganya. 14Mwiipengaliwa kupeta bandu bangi boti bu pundema. Pikilanda jinu ngakwiikubi na mwanalomi au mmbomba jwanga kuwesa kuba na bana. 15Bambu Sapanga jamboakia magonzu goti na ngagampati magonzu gokapi gukujogopesa ngati gagumpata ku Misili, lakini magonzu haga isijaapekia abaja binu. 16Mwaakoma bandu bundema wokapi goguwe Bambu Sapanga, Sapanga winu, janhenga mwaawesa, wala mwaabone ikia. Mwilumbali isapanga yabu, ndaba lihengu heli libia ntegu kwinu”.
17“Mwalipwagi mu mioju jinu, ‘Bandu haba abi bingi kupeta twepani, twiiwesa boo kwaabenga mu nndema mone?’ 18Mwaajogopa, nkombuka Bambu Sapanga, Sapanga winu, eanhengila Falau nu nndema woti uku Misili. 19Nkombuka malapuli makolongu gamugabona kwa mihu ginu, nginyuli na majambu gukujogoa na makili makolongu nu uwesu nkolongu, goguwe Bambu Sapanga, Sapanga winu, jatumia ili kunkombola, hela ndi ejaahenga bandu bamwaajogopa. 20Kupeta haga Bambu Sapanga, Sapanga winu, jagatuma manyigu pikilanda jabu nakwaakoma babitila nu kujoba. 21Ndienu, mwajogopa, kwa ndaba Bambu Sapanga, Sapanga winu, jubii pikilanda jinu. Jombi ndi Sapanga nkolongu jukujogopesa. 22Bambu Sapanga, Sapanga winu, jaambenga bandu bi milema hei kadili mwanganya emwiihegalia kulongo mbolimboli. Ngamwiiwesi kwaakoma goti kwa mala jimu, ndaba ananhengiki hela inyama yumukinyoi yiitenda kujonzukeka nu kunzogupesa mwanganya. 23Bambu Sapanga, Sapanga winu, jaabeka abaja binu janzangatiya kwaawesa na jaahenga ahangajika mpaka mwaakoma tipitipi. 24Jaanhenga mwaakamula aka bambu akolongu babu. Mwaakoma na mwiitenda kwaajewa. Nga mundu jokapi jojiwesa kumpengale, mbaka pamwiibiya mwaakomiki. 25Mwaitinia pa mwotu imong'umong'u yabu yoti yukubasa. Mwaitokule madini ga feza gabu wala zahabu yabu, wala mwaitola kuba mali ginu. Kuhenga hela ndi kwiibiya ntegu kwinu na sibiya sindu sukusukisa kwaka Bambu Sapanga, Sapanga winu. 26Mwiipeleka kunyumba jinu sindu sokapi sukusukisa, ana nhengiki hela mwiipata yambamba ngati sindu hesi. Ndi lasima kukisuki nu kukipolesa lihamu ngani ndaba ndi sindu hesi Sapanga jikiligi mbamba.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The New Testament in Matengo Language ©The Word for the World International and Matengo Language Translation, 2020. All rights reserved.