1Samweli 9
9
Samweli juketangana na Sauli
1Ndienu, mu likabila laka Benjamini kwabii na mundu jumu jojubii na mali gingi na jojumanyakini ngamaa joankema Kishi. Jombi jabia mwana waka Abieli, msokoo waka Zelo ji kibeleku saka Bekolati ju lukolu lwaka Afia. 2Kishi jabiya na mwana mwanalomi joankema Sauli. Sauli jabia nkombu jojunyambiki ngamaa, na ngasejabii mundu mu Izilaeli jojalengana na Sauli sukunyamba. Sauli jabiya nndasu ngani kupeta mundu jokapi mu nndema uku Izilaeli, bandu boti bunhikila mu mabega.
3Lisoba limu, maponda gaka Kishi atati baka Sauli, gatei kuhoba. Kishi ampwagila Sauli, “Munzukua ntumisi jumu, gujenda kugataputa maponda.” 4Ndienu japeta mu nndema uku Efulaimu uku itombi ni lieneu luku Shalisha, lakini ngasebagabweni kokuje. Ndienu bahika ku Shalimu na hoku ngasebagabweni. Baataputa mu nndema uku Benjamini hata hela ngasebagapataje. 5Pabahika mu nndema uku Sufu, Sauli ampwagila ntumisi waki, “Tubuja ku nyumba ana ngaela atati bangu biikotuka kuholale maponda, na henu bibiya butuholale twepani.”
6Ntumisi jola ampwagila, “Lenda oti kasokopi mu musi gongo jubii mundu waka Sapanga jojuwe antende isima ngamaa, kila seapwaaga kikuba sa sakaka. Ndienu tunzendila, pangi juwesa kutupwagi tujenda indela boo kogabii maponda.”
7Sauli anndalukiya, “Lakini anantunzendii twampekiya kyane? Linga posu mu mipuku jitu jijomwiki na ngasetubii na sokapi sukumpeke mundu waka Sapanga. Boo, tubii na kike?”
8Ntumisi anzibua Sauli, “Linga nepani mina lingengalema limu lisoku la madini ga shaba. Naampekiya mundu waka Sapanga hoju ili jutupwagila majambu kupete sapwali jitu.” 9Puutumbuli bandu buku Izilaeli ana ngati apala kunndoba Sapanga sindu, bapwaaga, “Henu guhika tujenda kwaka mundu jojubona.”
Ndaba mundu joankema nndota masoba ga mwandi akemika jojubona. 10Sauli anzibua, “Heli ndi lijambu laamboni, tuboka.” Ndienu bajenda ku musi mojabia jutama ntumisi waka Sapanga. 11Pababia akwela kitombi kujenda ku musi, baketangana na akakamwali babia ajenda kuteka masi mu kiliba. Baalalukiya akakamwali haba, “Boo, jojubona jubii ku muse?”
12Akambomba bala bajibua, “Hena jubii kabee palongi jino, ana nhengiki nnyata mbaka munketane. Jujingii pelelenu pa musi, ndaba lelenu bandu ajenda kukupia matambiku. 13Apalapa pamwiijingila pe kumusi, mwankolila kabula ngasejupiti pandu pukunndumbali ku kitombi ili kula. Ndienu jiikula posu pamu na bandu baabii hapa. Mwenikatai babakokiki bala biikula posu. Ndienu nzenndannya nnyata, mwakaketangana naku sajenu.” 14Ndienu Sauli nu ntumisi waki bajenda ku musi. Pababia ajingi ku mumusi, bummbona Samweli juhuma ku musi, nu juhika koabii kon jujenda pandu pukulumbali.
15Ndienu Bambu Sapanga jabiya ampwagi Samweli, lisoba limu kabula Sauli jukunnzende ampwagila, 16“Kilabu muda ngati gongo nagupelakiya mundu kuhuma likabila la Benjamini, nawehapa gunzakani mahuta ili jubia bambu nkolongu panani ja bandu bangu buku Izilaeli. Jombi jaokoa bandu bangu kuhuma mu mang'aliku ga Apilisti na bandu bangu aneli ili naajangati nanepani nyoini kilelu sabu.”
17Hata Samweli paammbona Sauli, Bambu Sapanga ampwagila, “Hoju ndi mundu jola jonugupwagila majambu gaki, kupwaaga jombi ndi jaalongusa bandu bangu buku Izilaeli.”
18Sauli anhegaliya Samweli mundyangu nu kunndaluki, “Gupepa koku, gunangia panyumba jaka mundu jojagabona na kwaapwagi bandu majambu gabu?”
19Samweli anzibua, “Nepani ndi nenibona. Nndonguliya kujenda pandu pukulumbali, ndaba lelenu ngiti nkula pamu na nepani. Kilabu pulukela majambu goti gagubii nagu ngiti ndenda kugujibu nukuguleka wiijenda. 20Majambu ga maponda gagahobiki masoba matatu gagapetiki, mwiihola ndaba gapatakini. Lakini nya jobumpala ngani bandu buku Izilaeli? Boo nga wehapa na bandu nyumba ja atati bako?”
21Sauli jajibua, “Nepani ndi ju likabila laka Benjamini, likabila lisoku kupeta makabila goti guku Izilaeli. Na mu likabila loti la Abenjamini alongu bangu nepani ndi abii asoku ngani. Lakini ndaba jakii gunongale hela?”
22Ndienu, Samweli ampelika Sauli nu ntumisi waki pasengu, pandu piisima ngani. Kobatemi ageni babaakokiki kwabii na ageni ngati selasini elahe. 23Samweli ampwagila mundu jojuteleka jola, “Leta kipandi si inyama senugupekiya senugupwagila gukibeka pulutengu.” 24Jojuteleka jola jajenda nu kuleta inyama ju nhunguu nukuibeka palongi jaka Sauli. Ndienu Samweli ampwagila Sauli, “Linga seagubeki, ndienu abei palongi jaku. Henu gukula ndaba abei kwa ndaba jaku ili guwesa kula pamu na ageni.” 25Pabakelubuka mu musi kuhuma pandu pukunndumbali, Samweli anntandakia kitanda Sauli panani ji nhwaga sa nyumba, balongalania nukugone hoku.
Samweli ampaki mahuta Sauli
26Bajumuka pulukela ngani, Samweli ankema Sauli kuhuma ku nhaga. “Jumuka ili nugunhindakiya kubuja kunyumba#9:26 Nyumba ya Aizilaeli akubika ngiti ligolu, asengika hela ndaba jukugone. .” Sauli jajumuka lukela ngani na boa abeli, jombi na Samweli, bapita nukulonguana mu indela. 27Ebahika ku mwisu ja musi, Samweli ampwagila Sauli, “Mpwagila nkombu hoju julonguliya palongi jitu.” Nkombu pajabiya juboi, Samweli jaendaliya kupwaaga, “Lenda oti ngiti nugubola goti gajumbwagi Sapanga.”
Currently Selected:
1Samweli 9: MaBV
Highlight
Copy
Compare
Share
Want to have your highlights saved across all your devices? Sign up or sign in
The New Testament in Matengo Language ©The Word for the World International and Matengo Language Translation, 2020. All rights reserved.
1Samweli 9
9
Samweli juketangana na Sauli
1Ndienu, mu likabila laka Benjamini kwabii na mundu jumu jojubii na mali gingi na jojumanyakini ngamaa joankema Kishi. Jombi jabia mwana waka Abieli, msokoo waka Zelo ji kibeleku saka Bekolati ju lukolu lwaka Afia. 2Kishi jabiya na mwana mwanalomi joankema Sauli. Sauli jabia nkombu jojunyambiki ngamaa, na ngasejabii mundu mu Izilaeli jojalengana na Sauli sukunyamba. Sauli jabiya nndasu ngani kupeta mundu jokapi mu nndema uku Izilaeli, bandu boti bunhikila mu mabega.
3Lisoba limu, maponda gaka Kishi atati baka Sauli, gatei kuhoba. Kishi ampwagila Sauli, “Munzukua ntumisi jumu, gujenda kugataputa maponda.” 4Ndienu japeta mu nndema uku Efulaimu uku itombi ni lieneu luku Shalisha, lakini ngasebagabweni kokuje. Ndienu bahika ku Shalimu na hoku ngasebagabweni. Baataputa mu nndema uku Benjamini hata hela ngasebagapataje. 5Pabahika mu nndema uku Sufu, Sauli ampwagila ntumisi waki, “Tubuja ku nyumba ana ngaela atati bangu biikotuka kuholale maponda, na henu bibiya butuholale twepani.”
6Ntumisi jola ampwagila, “Lenda oti kasokopi mu musi gongo jubii mundu waka Sapanga jojuwe antende isima ngamaa, kila seapwaaga kikuba sa sakaka. Ndienu tunzendila, pangi juwesa kutupwagi tujenda indela boo kogabii maponda.”
7Sauli anndalukiya, “Lakini anantunzendii twampekiya kyane? Linga posu mu mipuku jitu jijomwiki na ngasetubii na sokapi sukumpeke mundu waka Sapanga. Boo, tubii na kike?”
8Ntumisi anzibua Sauli, “Linga nepani mina lingengalema limu lisoku la madini ga shaba. Naampekiya mundu waka Sapanga hoju ili jutupwagila majambu kupete sapwali jitu.” 9Puutumbuli bandu buku Izilaeli ana ngati apala kunndoba Sapanga sindu, bapwaaga, “Henu guhika tujenda kwaka mundu jojubona.”
Ndaba mundu joankema nndota masoba ga mwandi akemika jojubona. 10Sauli anzibua, “Heli ndi lijambu laamboni, tuboka.” Ndienu bajenda ku musi mojabia jutama ntumisi waka Sapanga. 11Pababia akwela kitombi kujenda ku musi, baketangana na akakamwali babia ajenda kuteka masi mu kiliba. Baalalukiya akakamwali haba, “Boo, jojubona jubii ku muse?”
12Akambomba bala bajibua, “Hena jubii kabee palongi jino, ana nhengiki nnyata mbaka munketane. Jujingii pelelenu pa musi, ndaba lelenu bandu ajenda kukupia matambiku. 13Apalapa pamwiijingila pe kumusi, mwankolila kabula ngasejupiti pandu pukunndumbali ku kitombi ili kula. Ndienu jiikula posu pamu na bandu baabii hapa. Mwenikatai babakokiki bala biikula posu. Ndienu nzenndannya nnyata, mwakaketangana naku sajenu.” 14Ndienu Sauli nu ntumisi waki bajenda ku musi. Pababia ajingi ku mumusi, bummbona Samweli juhuma ku musi, nu juhika koabii kon jujenda pandu pukulumbali.
15Ndienu Bambu Sapanga jabiya ampwagi Samweli, lisoba limu kabula Sauli jukunnzende ampwagila, 16“Kilabu muda ngati gongo nagupelakiya mundu kuhuma likabila la Benjamini, nawehapa gunzakani mahuta ili jubia bambu nkolongu panani ja bandu bangu buku Izilaeli. Jombi jaokoa bandu bangu kuhuma mu mang'aliku ga Apilisti na bandu bangu aneli ili naajangati nanepani nyoini kilelu sabu.”
17Hata Samweli paammbona Sauli, Bambu Sapanga ampwagila, “Hoju ndi mundu jola jonugupwagila majambu gaki, kupwaaga jombi ndi jaalongusa bandu bangu buku Izilaeli.”
18Sauli anhegaliya Samweli mundyangu nu kunndaluki, “Gupepa koku, gunangia panyumba jaka mundu jojagabona na kwaapwagi bandu majambu gabu?”
19Samweli anzibua, “Nepani ndi nenibona. Nndonguliya kujenda pandu pukulumbali, ndaba lelenu ngiti nkula pamu na nepani. Kilabu pulukela majambu goti gagubii nagu ngiti ndenda kugujibu nukuguleka wiijenda. 20Majambu ga maponda gagahobiki masoba matatu gagapetiki, mwiihola ndaba gapatakini. Lakini nya jobumpala ngani bandu buku Izilaeli? Boo nga wehapa na bandu nyumba ja atati bako?”
21Sauli jajibua, “Nepani ndi ju likabila laka Benjamini, likabila lisoku kupeta makabila goti guku Izilaeli. Na mu likabila loti la Abenjamini alongu bangu nepani ndi abii asoku ngani. Lakini ndaba jakii gunongale hela?”
22Ndienu, Samweli ampelika Sauli nu ntumisi waki pasengu, pandu piisima ngani. Kobatemi ageni babaakokiki kwabii na ageni ngati selasini elahe. 23Samweli ampwagila mundu jojuteleka jola, “Leta kipandi si inyama senugupekiya senugupwagila gukibeka pulutengu.” 24Jojuteleka jola jajenda nu kuleta inyama ju nhunguu nukuibeka palongi jaka Sauli. Ndienu Samweli ampwagila Sauli, “Linga seagubeki, ndienu abei palongi jaku. Henu gukula ndaba abei kwa ndaba jaku ili guwesa kula pamu na ageni.” 25Pabakelubuka mu musi kuhuma pandu pukunndumbali, Samweli anntandakia kitanda Sauli panani ji nhwaga sa nyumba, balongalania nukugone hoku.
Samweli ampaki mahuta Sauli
26Bajumuka pulukela ngani, Samweli ankema Sauli kuhuma ku nhaga. “Jumuka ili nugunhindakiya kubuja kunyumba#9:26 Nyumba ya Aizilaeli akubika ngiti ligolu, asengika hela ndaba jukugone. .” Sauli jajumuka lukela ngani na boa abeli, jombi na Samweli, bapita nukulonguana mu indela. 27Ebahika ku mwisu ja musi, Samweli ampwagila Sauli, “Mpwagila nkombu hoju julonguliya palongi jitu.” Nkombu pajabiya juboi, Samweli jaendaliya kupwaaga, “Lenda oti ngiti nugubola goti gajumbwagi Sapanga.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The New Testament in Matengo Language ©The Word for the World International and Matengo Language Translation, 2020. All rights reserved.