1Samweli 27
27
Daudi jutama kwa Apilisti
1Daudi jilipwagila mmwoju jaki, “Lisoba limu, Sauli jiitenda kungoma. Lijambu laamboni kwangu ndi kutili ku nndema wa Apilisti. Sauli jikotuka kunndaputa nkati ji mipaka ju nndema guku Izilaeli, nanepani niibiya na mwomi.” 2Ndienu, apalapa Daudi na bandu baki mia sita bajenda ku Akishi mwana waka Maoki bambu nkolongu juku Gati. 3Daudi na bandu baki, pamu na alongu baki batama na Akishi ku Gati. Daudi jabiya na akaambomba abeli, Ahinoamu kuhuma ku Yezeleeli na Abigaili mbomba jojuwelii na alomi kuhuma ku musi uku Kalimeli. 4Sauli pajajoa kubanga Daudi jutili ku Gati ngaseampwata kabete.
5Lisoba limu Daudi ampwagila Akishi, “Ana gunyetakali nuguloba gumbekiya musi gumu munndema waku ili gubiya pandu pangu pukutama. Ndaba jaki ntumisi waku kutama na wehapa mu musi gongo gu ubambu nkolongu.” 6Lisoba heli, Akishi ampekiya musi uku Sikilagi. Ndienu tumbuka lisoba heli musi uku Sikilagi wabiya mali gaka bambu nkolongu juku Yuda. 7Daudi jatama mu nndema wa Apilisti kwa saka simu na mie nsesi.
8Mu kipindi se hesi, Daudi na bandu baki baalapula Ageshuli na Agilizi na Aamaleki, babube babii benei bu nndema hogu tumbuka pa mwandi. Jaalapula munndema wabu mbaka ku Shuli, mu mpaka uku Misili. 9Daudi jaalapula bandu bu nndema hogu na ngaseandei mundu mwomi jokapi, jubiya mwanalomi au mmbomba, jagakamula makondoo na maponda na ngamia ni ingobu, ndienu jakelubuka nu kuhika ku Akishi. 10Akishi kila ejabiya anndaluki, “Lelenu ukakomana na nyanye?”
Daudi anzibua, “Bandu bu upandi gu kusini juku Yuda, au upandi gu kusini ju nndema ja Ayelameeli au upandi gu kusini ja Akeni.” 11Daudi ngaseandei mundu jokapi mwomi jukubi mwanalomi au mmbomba ili juletwa ku Gati, jaholaliya mwoju jaki, “Awesa kulandi kupete twepani nu kupwaaga, ‘Daudi jahenga lihengu heli na ale.’” Ndienu Daudi ejayobali kuhenga kipindi soti pajatemi munndema wa Apilisti. 12Lakini, Akishi anhobaliya Daudi, koni juholale, “Ndienu jindumakiya nepani mu kutama kwaki kwoti.”
Currently Selected:
1Samweli 27: MaBV
Highlight
Copy
Compare
Share
Want to have your highlights saved across all your devices? Sign up or sign in
The New Testament in Matengo Language ©The Word for the World International and Matengo Language Translation, 2020. All rights reserved.
1Samweli 27
27
Daudi jutama kwa Apilisti
1Daudi jilipwagila mmwoju jaki, “Lisoba limu, Sauli jiitenda kungoma. Lijambu laamboni kwangu ndi kutili ku nndema wa Apilisti. Sauli jikotuka kunndaputa nkati ji mipaka ju nndema guku Izilaeli, nanepani niibiya na mwomi.” 2Ndienu, apalapa Daudi na bandu baki mia sita bajenda ku Akishi mwana waka Maoki bambu nkolongu juku Gati. 3Daudi na bandu baki, pamu na alongu baki batama na Akishi ku Gati. Daudi jabiya na akaambomba abeli, Ahinoamu kuhuma ku Yezeleeli na Abigaili mbomba jojuwelii na alomi kuhuma ku musi uku Kalimeli. 4Sauli pajajoa kubanga Daudi jutili ku Gati ngaseampwata kabete.
5Lisoba limu Daudi ampwagila Akishi, “Ana gunyetakali nuguloba gumbekiya musi gumu munndema waku ili gubiya pandu pangu pukutama. Ndaba jaki ntumisi waku kutama na wehapa mu musi gongo gu ubambu nkolongu.” 6Lisoba heli, Akishi ampekiya musi uku Sikilagi. Ndienu tumbuka lisoba heli musi uku Sikilagi wabiya mali gaka bambu nkolongu juku Yuda. 7Daudi jatama mu nndema wa Apilisti kwa saka simu na mie nsesi.
8Mu kipindi se hesi, Daudi na bandu baki baalapula Ageshuli na Agilizi na Aamaleki, babube babii benei bu nndema hogu tumbuka pa mwandi. Jaalapula munndema wabu mbaka ku Shuli, mu mpaka uku Misili. 9Daudi jaalapula bandu bu nndema hogu na ngaseandei mundu mwomi jokapi, jubiya mwanalomi au mmbomba, jagakamula makondoo na maponda na ngamia ni ingobu, ndienu jakelubuka nu kuhika ku Akishi. 10Akishi kila ejabiya anndaluki, “Lelenu ukakomana na nyanye?”
Daudi anzibua, “Bandu bu upandi gu kusini juku Yuda, au upandi gu kusini ju nndema ja Ayelameeli au upandi gu kusini ja Akeni.” 11Daudi ngaseandei mundu jokapi mwomi jukubi mwanalomi au mmbomba ili juletwa ku Gati, jaholaliya mwoju jaki, “Awesa kulandi kupete twepani nu kupwaaga, ‘Daudi jahenga lihengu heli na ale.’” Ndienu Daudi ejayobali kuhenga kipindi soti pajatemi munndema wa Apilisti. 12Lakini, Akishi anhobaliya Daudi, koni juholale, “Ndienu jindumakiya nepani mu kutama kwaki kwoti.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The New Testament in Matengo Language ©The Word for the World International and Matengo Language Translation, 2020. All rights reserved.