1Samweli 2
2
Hana jutenda kuloba
1Ndienu Hana jaaloba nukupwaaga.
“Nuntogule Bambu Sapanga mwoju jangu.
Nundumbalii Bambu Sapanga jojuwe makili gangu
Naaheka abaja bangu;
ndaba ndogule kuwesa kwangu, ndaba Bambu Sapanga junyangati kwaawesa abaja bango!”
2Ngajojubii jwa sapi ngati Bambu Sapanga;
ndaba ngajongi jojubii ngati jombi,
ngasejubii jongi jojaakomane bandu baki ngati Sapanga witu.
3Nkotuka kulilumbali,
nkotuka kuba ni ing'omu.
Ndaba Sapanga ndi Bambu Sapanga jojumanya.
Jombi ndi jwagapema mahengu gaki goti.
4Mipendi ya bana makili itei kutunyuka.
Lakini banga na makili aendale kupata makili.
5Bababii pa mwandi abii na posu jingi,
ndienu ahenga lihengu ili apata posu.
Lakini bababii ni inzala,
ndienu ngaseabii ni inzala kabee.
Mmbomba jwanga kuwesa kupapa jubeliki bana saba.
Lakini mmbomba jojubii na bana bingi,
ndienu anndei sanga mwana.
6Bambu Sapanga jukoma nukuyoa;
jombi jahulwii pai kwa bandu baawii,
najombi jaakelabuu kabee.
7Bambu Sapanga jahenga bandu bangi abia ahagu,
na bangi abii baabi na mali gingi.
Bangi jutenda kwaahulu,
na bangi jutenda kwaakwea.
8Jaakwea ahagu kuhuma kuluombi,
jaakwea bandu babii na mang'aliku kuhuma mu maliu,
jaatamika pamu na akolongu,
nakwalisisa iteu yi isima.
Ndaba misingi ju nndema ndi jaka Bambu Sapanga,
jombi jujemiki misingi ju nndema.
9“Jombi ndi jagulenda womi wa bandu bahobaleka,
lakini kutama kwa abaja kugasekuli kutali ku lwii.
Ndaba bandu apata kuwesa kwa makili gaki.
10Abaja baka Bambu Sapanga baatunula ipandi ipandi,
jilunduma kupete bombi ngati kitobi kunani.
Bambu Sapanga jagutemula nndema woti,
ampekiya makili bambu nkolongu waki,
jagukoa uwesu gwaka mundu joahagwi.”
11Ndipala Elikana jajenda kunyumba jaki ku Lama, lakini mwana Samweli jahigali ku Shilu, antumakiya Bambu Sapanga pai juku nngolu Eli.
Bana baka nngolu Eli
12Ndienu, bana akanalomi baka Eli babiya bandu biliya, ngasebunnzogipi Bambu Sapanga, 13wala kupete hindu yeyuye bandu bapalika kwaapeke akaagolu. Kila kipindi mundu pajabia ampiki matambiku gaki, kiipindi inyama jakona jakabela mtumisi juku nngolu jahika ni kijiku sekibii na minu matatu. 14Ntumisi jahomika kijiku hesi nkati ji kibega ni inyama jokapi jeapiiki homu ku kijiku hesi, jiikubika juku nngolu. Hela ndi ebahenga Aizilaeli boti babajenda ku Shilu kupia matambiku gabu. 15Lakini hata kabula ja mahuta gikinyama haga ngaseajosiki, ntumisi juku nngolu jahika nukumpwaagi mundu jojupiiki matambiku, “Mpikia nngolu inyama jukujosa, ndaba ngajiijopi inyama jeateliki kuhuma kwaku ila jejibii mbei pena.”
16Ana mundu ampwagi, “Leka oti mahuta gi inyama ajosa goti, ndienu wiijukua sokapi segupala,” hapa ndi ntumisi waka nngolu jijibua, “Mbekiya henu, anangasegupai niijukua kwa makili.”
17Mahakau ganga ga akakombu baka Eli gabiya makolongu ngamaa pamihu jaka Bambu Sapanga, kwa ndaba babia alongama matambiku gaka Bambu Sapanga.
Samweli ku Shilu
18Lakini Samweli jaendaliya kuntumaki Bambu Sapanga, koni juwati kizibau kihuu. 19Kila saka anyongo ansonila ingobu nzoku, nukumpelakee pajabia jujenda nu nndomi waki kumpiki Bambu Sapanga matambiku ga kila saka. 20Nngolu Eli jaapengila Elikana nu nhwanamundu kila pababiya ajenda kupiya matambiku, kupwaaga, “Bambu Sapanga jugupekiya bana kuku mbomba ajo ili kujukuu napwasi jaka jola jojabiya anndoba nu kumpia kwaka Bambu Sapanga.”
Ndipala babia ajenda kunyumba.
21Najombi Bambu Sapanga ammbonila ikia Hana, najombi japata bana atatu na akakamwali abeli. Kipindi sehesi, nkombu Samweli jaendaliya kukola nukutumika palongi jaka Bambu Sapanga.
Eli na bana baki
22Kipindi se hesi Eli jabiya nseja ngamaa. Pajajoa goa gabaahengiki bana baki kwa bandu Izilaeli, namuna ebabiya agone na akammbomba bababiya atumaki pi litanga li lihema lukuketangane, 23Eli jaalalukiya, “Boo, ndaba jaki nhenga majambu haga? Ndaba nyoini kuhuma kwa bandu boti kihakau senhenga. 24Mwiihenga hela mwabana bangu ndaba majambu haga goti ganyoini kuhuma kwa bandu baka Bambu Sapanga ndi gi kihakau.” 25Mundu ana ankosi nnzaki, guwesa kunndobe kwaka Bambu Sapanga ili Sapanga andekakiya. Lakini mundu ana ankosi Bambu Sapanga, ndi nya joantemulaje?
Lakini bana haba ngasebajoani atati babu, ndaba Bambu Sapanga japangi kwaakoma.
26Mwana Samweli jaendaliya kukola, Bambu Sapanga na bandu bajonzukiya kumpala.
Malobi gaka Sapanga kwaka Eli
27Lisoba limu, mundu jumu jwaka Sapanga annzendila Eli nukumpwagi, “Bambu Sapanga jupwaaga ana, ‘Boo, ngasenilimanyisa pangwendu kwi ibeleku yaka Aloni na aseja baku, pababii atumwa baka Falau ku nndema uku Misili?’ 28Kati ja makabila goa guku Izilaeli nunhagula Aloni ni ibeleku yaki kuba agolu bangu, andumakiya pandu pukupiiki litambiku, ili apogaliya ubani nu kuwata izibau palongi jangu. Naapekiya alongu ba atati baku matambiku gangu gaguge Aizilaeli bambikia kwa mwotu. 29Ndaba jakii ugaboni wipu na matambiku gangu nepani na matambiku gala ganalagalakiya ili anetilaje? Boo ndaba jakii watende isima bana baku kupeta nepane, sukulinenepesa beni kwa kula pandu papabii sapi ngani ya kila matambiku gaapia bandu bangu buku Izilaeli? 30Ndienu, Bambu Sapanga jwa Aizilaeli apwaaga, ‘Sakaka naapwaga bandu bumu nyumba jaku na bandu bunyumba ja atati baku biindumakiya nepani yaka yoti,’ lakini henu Bambu Sapanga jupwaaga, ‘Lijambu heli ndi libiya kutali nanepani,’ ndaba bombi baandende isima nanepani niitenda kwatendee isima, na bombi baatenda kunongama nanepani niitenda kwaalongama. 31Joaninya, masoba gahika papuje niikoma akakombu boti akanalomi mu ulongu waku na mu lukolu lwaku, kabee ngakwiikubi na mwanalomi jokapi jojiibiya jutama homu mbaka nseja. 32Nanagu wikuba ni kiholu munyumba jaku na waabonila ajaku wipu, kwa mali gingi gabiipata bandu bangi buku Izilaeli, lakini nga mundu kunyumba jaku ngakwiikubi nu nseja yaka yoti. 33Jumu kati ji ibeleku inu jiitenda kuhigali ili jundumakiya ngati nngolu, lakini naanhenga jubiya jwanga kulinga ni jibiya jojubii nu usungu ni ibeleku inu ikuwa kwa mang'aliku. 34Sakaka nginyuli jenze jiilangia gambwagiki haga ga sakaka kubanga bana baku abeli akanalomi, Hofini na Finehasi ndi lende. Boti abeli biikuwa lisoba limu. 35Ndienu, nanhagula nngolu jongi jojuhobaleka na jojihenga kila sindu sembala juhenga. Nansengila lukolu lolubii nganganganga, najombi jitumakiya palongi jaka bambu nkolongu. 36Jokapi jojihigaliya mu ulongu waku anzendila nngolu hoju nu kunndoba kipandi sa madini ga feza au mabumunda nukumpwagi, ‘Meka mu lihengu la kwaajangati agolu ili nhwesa kupata sindu sa kula.’”
Currently Selected:
1Samweli 2: MaBV
Highlight
Copy
Compare
Share
Want to have your highlights saved across all your devices? Sign up or sign in
The New Testament in Matengo Language ©The Word for the World International and Matengo Language Translation, 2020. All rights reserved.
1Samweli 2
2
Hana jutenda kuloba
1Ndienu Hana jaaloba nukupwaaga.
“Nuntogule Bambu Sapanga mwoju jangu.
Nundumbalii Bambu Sapanga jojuwe makili gangu
Naaheka abaja bangu;
ndaba ndogule kuwesa kwangu, ndaba Bambu Sapanga junyangati kwaawesa abaja bango!”
2Ngajojubii jwa sapi ngati Bambu Sapanga;
ndaba ngajongi jojubii ngati jombi,
ngasejubii jongi jojaakomane bandu baki ngati Sapanga witu.
3Nkotuka kulilumbali,
nkotuka kuba ni ing'omu.
Ndaba Sapanga ndi Bambu Sapanga jojumanya.
Jombi ndi jwagapema mahengu gaki goti.
4Mipendi ya bana makili itei kutunyuka.
Lakini banga na makili aendale kupata makili.
5Bababii pa mwandi abii na posu jingi,
ndienu ahenga lihengu ili apata posu.
Lakini bababii ni inzala,
ndienu ngaseabii ni inzala kabee.
Mmbomba jwanga kuwesa kupapa jubeliki bana saba.
Lakini mmbomba jojubii na bana bingi,
ndienu anndei sanga mwana.
6Bambu Sapanga jukoma nukuyoa;
jombi jahulwii pai kwa bandu baawii,
najombi jaakelabuu kabee.
7Bambu Sapanga jahenga bandu bangi abia ahagu,
na bangi abii baabi na mali gingi.
Bangi jutenda kwaahulu,
na bangi jutenda kwaakwea.
8Jaakwea ahagu kuhuma kuluombi,
jaakwea bandu babii na mang'aliku kuhuma mu maliu,
jaatamika pamu na akolongu,
nakwalisisa iteu yi isima.
Ndaba misingi ju nndema ndi jaka Bambu Sapanga,
jombi jujemiki misingi ju nndema.
9“Jombi ndi jagulenda womi wa bandu bahobaleka,
lakini kutama kwa abaja kugasekuli kutali ku lwii.
Ndaba bandu apata kuwesa kwa makili gaki.
10Abaja baka Bambu Sapanga baatunula ipandi ipandi,
jilunduma kupete bombi ngati kitobi kunani.
Bambu Sapanga jagutemula nndema woti,
ampekiya makili bambu nkolongu waki,
jagukoa uwesu gwaka mundu joahagwi.”
11Ndipala Elikana jajenda kunyumba jaki ku Lama, lakini mwana Samweli jahigali ku Shilu, antumakiya Bambu Sapanga pai juku nngolu Eli.
Bana baka nngolu Eli
12Ndienu, bana akanalomi baka Eli babiya bandu biliya, ngasebunnzogipi Bambu Sapanga, 13wala kupete hindu yeyuye bandu bapalika kwaapeke akaagolu. Kila kipindi mundu pajabia ampiki matambiku gaki, kiipindi inyama jakona jakabela mtumisi juku nngolu jahika ni kijiku sekibii na minu matatu. 14Ntumisi jahomika kijiku hesi nkati ji kibega ni inyama jokapi jeapiiki homu ku kijiku hesi, jiikubika juku nngolu. Hela ndi ebahenga Aizilaeli boti babajenda ku Shilu kupia matambiku gabu. 15Lakini hata kabula ja mahuta gikinyama haga ngaseajosiki, ntumisi juku nngolu jahika nukumpwaagi mundu jojupiiki matambiku, “Mpikia nngolu inyama jukujosa, ndaba ngajiijopi inyama jeateliki kuhuma kwaku ila jejibii mbei pena.”
16Ana mundu ampwagi, “Leka oti mahuta gi inyama ajosa goti, ndienu wiijukua sokapi segupala,” hapa ndi ntumisi waka nngolu jijibua, “Mbekiya henu, anangasegupai niijukua kwa makili.”
17Mahakau ganga ga akakombu baka Eli gabiya makolongu ngamaa pamihu jaka Bambu Sapanga, kwa ndaba babia alongama matambiku gaka Bambu Sapanga.
Samweli ku Shilu
18Lakini Samweli jaendaliya kuntumaki Bambu Sapanga, koni juwati kizibau kihuu. 19Kila saka anyongo ansonila ingobu nzoku, nukumpelakee pajabia jujenda nu nndomi waki kumpiki Bambu Sapanga matambiku ga kila saka. 20Nngolu Eli jaapengila Elikana nu nhwanamundu kila pababiya ajenda kupiya matambiku, kupwaaga, “Bambu Sapanga jugupekiya bana kuku mbomba ajo ili kujukuu napwasi jaka jola jojabiya anndoba nu kumpia kwaka Bambu Sapanga.”
Ndipala babia ajenda kunyumba.
21Najombi Bambu Sapanga ammbonila ikia Hana, najombi japata bana atatu na akakamwali abeli. Kipindi sehesi, nkombu Samweli jaendaliya kukola nukutumika palongi jaka Bambu Sapanga.
Eli na bana baki
22Kipindi se hesi Eli jabiya nseja ngamaa. Pajajoa goa gabaahengiki bana baki kwa bandu Izilaeli, namuna ebabiya agone na akammbomba bababiya atumaki pi litanga li lihema lukuketangane, 23Eli jaalalukiya, “Boo, ndaba jaki nhenga majambu haga? Ndaba nyoini kuhuma kwa bandu boti kihakau senhenga. 24Mwiihenga hela mwabana bangu ndaba majambu haga goti ganyoini kuhuma kwa bandu baka Bambu Sapanga ndi gi kihakau.” 25Mundu ana ankosi nnzaki, guwesa kunndobe kwaka Bambu Sapanga ili Sapanga andekakiya. Lakini mundu ana ankosi Bambu Sapanga, ndi nya joantemulaje?
Lakini bana haba ngasebajoani atati babu, ndaba Bambu Sapanga japangi kwaakoma.
26Mwana Samweli jaendaliya kukola, Bambu Sapanga na bandu bajonzukiya kumpala.
Malobi gaka Sapanga kwaka Eli
27Lisoba limu, mundu jumu jwaka Sapanga annzendila Eli nukumpwagi, “Bambu Sapanga jupwaaga ana, ‘Boo, ngasenilimanyisa pangwendu kwi ibeleku yaka Aloni na aseja baku, pababii atumwa baka Falau ku nndema uku Misili?’ 28Kati ja makabila goa guku Izilaeli nunhagula Aloni ni ibeleku yaki kuba agolu bangu, andumakiya pandu pukupiiki litambiku, ili apogaliya ubani nu kuwata izibau palongi jangu. Naapekiya alongu ba atati baku matambiku gangu gaguge Aizilaeli bambikia kwa mwotu. 29Ndaba jakii ugaboni wipu na matambiku gangu nepani na matambiku gala ganalagalakiya ili anetilaje? Boo ndaba jakii watende isima bana baku kupeta nepane, sukulinenepesa beni kwa kula pandu papabii sapi ngani ya kila matambiku gaapia bandu bangu buku Izilaeli? 30Ndienu, Bambu Sapanga jwa Aizilaeli apwaaga, ‘Sakaka naapwaga bandu bumu nyumba jaku na bandu bunyumba ja atati baku biindumakiya nepani yaka yoti,’ lakini henu Bambu Sapanga jupwaaga, ‘Lijambu heli ndi libiya kutali nanepani,’ ndaba bombi baandende isima nanepani niitenda kwatendee isima, na bombi baatenda kunongama nanepani niitenda kwaalongama. 31Joaninya, masoba gahika papuje niikoma akakombu boti akanalomi mu ulongu waku na mu lukolu lwaku, kabee ngakwiikubi na mwanalomi jokapi jojiibiya jutama homu mbaka nseja. 32Nanagu wikuba ni kiholu munyumba jaku na waabonila ajaku wipu, kwa mali gingi gabiipata bandu bangi buku Izilaeli, lakini nga mundu kunyumba jaku ngakwiikubi nu nseja yaka yoti. 33Jumu kati ji ibeleku inu jiitenda kuhigali ili jundumakiya ngati nngolu, lakini naanhenga jubiya jwanga kulinga ni jibiya jojubii nu usungu ni ibeleku inu ikuwa kwa mang'aliku. 34Sakaka nginyuli jenze jiilangia gambwagiki haga ga sakaka kubanga bana baku abeli akanalomi, Hofini na Finehasi ndi lende. Boti abeli biikuwa lisoba limu. 35Ndienu, nanhagula nngolu jongi jojuhobaleka na jojihenga kila sindu sembala juhenga. Nansengila lukolu lolubii nganganganga, najombi jitumakiya palongi jaka bambu nkolongu. 36Jokapi jojihigaliya mu ulongu waku anzendila nngolu hoju nu kunndoba kipandi sa madini ga feza au mabumunda nukumpwagi, ‘Meka mu lihengu la kwaajangati agolu ili nhwesa kupata sindu sa kula.’”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The New Testament in Matengo Language ©The Word for the World International and Matengo Language Translation, 2020. All rights reserved.