1Samweli 14
14
Yonasani jubii nganganganga
1Lisoba limu, Yonasani mwana waka bambu nkolongu Sauli ampwagila nkombu joantotuli hindu yukukomane, “Hikaje tujenda kwii ku ngomi ja Apilisti.” Lakini Yonasani ngasejaapwagi atati baki. 2Sauli jabiya jubei kambi ja pai ju nkongu nkomamanga ku Migiloni, kunza ja musi uku Gibea, koni jubii na alonda mia sita. 3Ahiya mwana waka Ahitubu nndongu waka Ikabodi mwana waka Finehasi nu nsokoo waka Eli, mngolu waka Bambu Sapanga ku musi uku Shilu, jabiya ndi jojuweti kizibau saka nngolu. Bandu ngasebamanyiki ana Yonasani jutei kuboka.
4Mu kandela kajapeta ka Mikimashi, Yonasani japalika jupetila ili juhika mu ngomi ja Apilisti, kwabii na malibu mabeli gagahonguliki, upandi gongo nu upandi gongi. Lilibu limu bilikema Bosesi na lengi bilikema Sene. 5Lilibu limu labiya upandi uku kasikazini mwa musi uku Mikimashi ni lilibu lengi labiya upandi ukusini pambipi na musi uku Gibea.
6Yonasani ampwagila nkombu jola joantotuli hindu yukukomane, “Hika tujenda ku likambi la bandu banga kummanya Sapanga. Pangi kwa Bambu Sapanga juwesa kutujangati kuwesa bandu haba, ndaba Bambu Sapanga ngasejuoko sukuhobale bandu bingi au bandu asoku.”
7Nkombu jojatotwi hindu yukukomane ampwagila, “Henga sokapi segupala kuhenga, nepani mii pamu na wehapa ndaba leguholale heli ndi leninhenga nepani.”
8Yonasani ampwagila, “Tulombuka twaajendila bandu bala ili atubonaje. 9Ana apwagiki twaalendila, mbaka ahika pamba patubii ndienu ngiti tujema apamba na wala ngatujende. 10Lakini ana apwagiki tujenda, ndienu ngiti tujenda ndaba heji ndi nginyuli kuba Bambu Sapanga jutuhengiki twaawesa.”
11Ndienu boti abeli bapitila ili Apilisti baabona. Apilisti pababona bapwaaga, “Nndinga Aebulania bala ahuma mu mabomba mobabii ajobiki.” 12Apilisti baabii mu ngomi bunkema Yonasani nu nkombu joantotuli hindu yukukomane, “Hika kwitu kongo, natwepani ngiti tundangia sindu.”
Yonasani ampwagila nkombu jola, “Mbwata, Bambu Sapanga jutuhengiki twaawesa.” 13Ndienu, Yonasani jakwela kwa maboku na magolu nu nkombu jola jatenda kumpwata. Yonasani jaasambuliya Apilisiti na kwaabua pai nu nkombu jola jupwata munyuma jutenda kwaakoma. 14Yonasani jatumbuliya kukomana, koni jubii nu nkombu jojatotwi hindu yukukomane, jaakoma ngati alonda ba Apilisiti ishilini mu lieneu lelihika nusu heka. 15Mu nndema wa Apilisiti, bandu boti batenda kujogopa, kabee na alonda mu likambi na bandu mu matui na alonda bababii mu ngomi, hata babakomana batenda kubagaja, nndema watenda kubagaja, na kwabii ni kiholu kikolongu.
Apilisti atenda kusindwa
16Alonda baka Sauli ku Gibea mu nndema waka Benjamini baabona alonda biki Pilisiti bingi atenda kutilani na ngasebanyiki sukuhenga. 17Sauli jaapwagila bandu bajabii naku, “Mulibalanga ili kumanya aka nya babututiliki.” Pabilibalanga bamanya Yonasani nu nkombu jojatotwi hindu yukukomane ngasebabii. 18Sauli ampwagila nngolu Ahiya, “Leta Lisanduku laka Sapanga.” Kipindi sehesi Lisanduku li Lilaganu labia pamu na Aizilaeli. 19Sauli pajabiya jakona jakalonge nu nngolu, ngondu mu likambi la Apilisti yatenda kujonzukeka nakanopi. “Ndienu Sauli ampwagila nngolu wiileta kabee Lisanduku li Lilaganu laka Sapanga.” 20Ndienu, Sauli na bandu baki biliandia kujingii mu kukomana ngondu kwa Apilisiti. Lakini Apilisiti batumbuliya kukomana beni na beni. 21Aebulania bababii upandi wa Apilisti, na babapiti naku kulikambi bang'anambuka nu kujongana na Aizilaeli bababii pamu na Sauli na Yonasani. 22Hata Aizilaeli bangi babiya ajobiki munndema wi itombi yuku Efulaimu, pabajoa Apilisti babiya atenda kutila, na bombi kabee baabenga na kwaalapu.
23Hela ndi Bambu Sapanga jaajangatiya Aizilaeli kuwesa. Ngondu jaendaliya mbaka musi uku Beti Aveni.
Majambu gagapitila ngondu ejajomuka
24Lisoba lela, Aizilaeli baasumbwi ngamaa ndaba Sauli jabiya jaalapisi alonda koni jupwaaga, “Mundu jokapi jojikula posu kabula ja lyoba kujingi, na kabula jukulepa kisasi kwa abaja bangu jupata yambamba.” Ndienu lisoba loti, nga mundu jojaonza posu jokapi. 25Alonda boti pabahika pandu pakibii kiholi, bugukolila busi guhabuka kila pandu. 26Hata hela alonda pabahika mwikiholi nu kugukole busi wakatona mandondu kila pandu, ngamundu jojalenga kula busi hogu kujogopa lilaganu lepajaalapila. 27Lakini Yonasani ngasejajoini atati baki ejaalapisa alonda. Ndienu jatondabiya ndonga jaki jejabii naku, jatobakiya mu lisega la busi, jakula busi we hogu. Hapa jilijoaninya jubii na makili. 28Mundu jumu ampwagila, “Atati baku jaalapisa alonda su ukali kupwaaga, ‘Mundu jokapi jojikula posu lelenu jiipata yaambamba.’” Ndi ndaba waabona bandu boti pamba atei kusoka ni inzala.
29Yonasani jajibua, “Atati bangu baasumbuu bandu. Henu nepani nilijoane mii na makili, ndaba honziki busi kidogo. 30Ana pee alonda bitu bakakuliki kidogu kuhuma mu hindu yeanyagiki kwa abaja babu, ndi bakapata makili na kwaakoma Apilisti bingi ngamaa.”
31Lisoba lela, Aizilaeli baalapula Apilisti, tumbuka ku Mikimashi mbaka ku Aiyaloni. Lakini kipindi sehesi Aizilaeli asokiki kwi inzala. 32Ndienu batilila hindu yebanyagiki kwa makili kuhuma kwa Apilisiti, bajukua makondoo na makambaku na matoli na basinza bakula inyama mbei jejibii na mwai. 33Bandu bangi bumpwagila Sauli, “Linga bandu bahenga mahakau kwaka Bambu Sapanga kwa kula inyama jejibii na mwai.”
Sauli jaapwagila bandu, “Mwanganya nhengiki kihakau, nhingaliya lilibu likolongu lelale pamii pamba.” 34Sauli jaapwagila, “Nzendaninya mwakaapwagila bandu boti aleta ng'ombi na makondoo gabu pamba, asinza na kula pamba. Biitenda mahakau kupete Bambu Sapanga, sa kula inyama jejibii na mwai.” Ndienu ikilu jela joti bapelika ng'ombi yabu nukusinza papu. 35Ndienu, Sauli ansengila Bambu Sapanga pandu pukupiki matambiku. Hapa ndi pabiya pandu pukupiki matambiki pu utumbuli papuje Sauli ansengila Bambu Sapanga.
36Ndienu, Sauli jaapwagila bandu. “Tujenda twakaapwata Apilisti ikilu, twakaajobaliya na kwaanyaga mali gabu mbaka pulukela, ngatwaandeki mundu jokapi mwomi.”
Bandu ampwagila, “Nhenga sokapi segukibona ndi sasapi kwaku.”
Lakini nngolu jaapwagila, “Tuloba oti kwaka Bambu Sapanga.”
37Ndienu, Sauli anndalukiya Sapanga, “Boo, nyenda kukomana na Apilisiti? Boo winyangatiya twaawesaje?” Lakini Sapanga ngaseanzibua sindu sokapi lisoba heli. 38Sauli jaapwaga, “Nhikaninya mwakakilongosi ba bandu, ili tumanya mahakau boo gatuhengiki lelenu. 39Napa kwaka Bambu Sapanga jojubii mwomi na jojuwe jaokua Aizilaeli, hata ngati ndi mwanawa Yonasani, jupalika kuwa.” Lakini nga mundu jojupwaaga lilobi. 40Ndienu, Sauli ampwagila, “Mwanganya mwaboti nzemaninya upandi golago, ndienu nepani na Yonasani twiijenda upandi gongo.”
Bombi bajibua, “Henga sokapi segubona saamboni.”
41Sauli jaapwaaga, “Mwaa Bambu Sapanga wa Aizilaeli, ndaba ngasegunyibwiki nepani nu ntumisi waku? Mwaa Bambu Sapanga jwa Izilaeli, ana mahakau gabii nakati jangu nepani au Yonasani mwanangu, ndienu, ututemula kwi lilibu lukutemuli. Lakini ana kubii makosa haga gabii kwa bandu baku buku Iizilaeli, amua ku lilibu lukutemuli la Sumimu.” Yonasani na Sauli babonikana kuba na mahakau, lakini bandu babonikana ngaseabii mahakau. 42Sauli japwaaga, “Mpega gudugudu kati jangu na mwanangu Yonasani.” Yonasani jabonikana kuba na mahakau. 43Ndienu Sauli ampwagila Yonasani, “Mbwagila seguhengiki.”
Yonasani jajibua, “Nakuliki busi kidogu kukutumii ndonga jangu. Mii pamba na mii tayali kuwa.”
44Sauli jaapwaga, “Nunndoba Sapanga jungoma ana nganankomi jojuhengiki hela.”
45Lakini alonda bumpwagila Sauli, “Mbona Yonasani ndi jojutuhenga tuwesaje henu tunkomaje? Lijambu leheli libia kutali. Tulapi kwaka Bambu Sapanga jojubii mwomi, hata lijunzu lu mumutu waki ngalihabuki pai. Sejwikihengiki lelenu, Bambu Sapanga jutei kunzangatila.” Ndienu, alonda bunkombula Yonasani najombi ngasebunkomiki.
46Ndienu Sauli jakotuka kwaapwatali Apilisiti, nabombi Apilisiti bakelubuka kwabu.
Ulongosi waka Sauli na alongu baki
47Sauli ejabiya bambu nkolongu juku Izilaeli, jakomana na abaja baki kila upandi. Jaakomana na Amoabu na Aamoni na Aedomu na bambu nkolongu juku Sola na Apilisti. Kila ejukomana nabu ngondu jutendika kwaawesa. 48Jukomana su uwesu nkolongu, jaawesa Aamaleki. Jaokua Aizilaeli kuhuma mwa bandu boti baakomana naku.
49Bana akanalomi baka Sauli babiya Yonasani na Ishivi na Malikishua. Akakamwali baki babii abeli, ju kutumbuli ankema Melabu nu nsoku akema Mikali. 50Nhwanu waka Sauli ankemika Ahinoamu kamwali waka Ahimaasi. Nndonda jwa alonda baka Sauli ankema Abineli, mwana waka Neli atati asoku baka Sauli. 51Atati baka Sauli babiya Kishi na atati baka Abineli babiya Neli mwana waka Abieli.
52Kwabii nu kukomana kukolongu kati ja Apilisti kipindi soti saka Sauli pajabii jutama mu nndema, kila kipindi Sauli pajupatika mundu jojubii na makili au nkolongu anzukua nu kunzingisa mu ulonda.
Currently Selected:
1Samweli 14: MaBV
Highlight
Copy
Compare
Share
Want to have your highlights saved across all your devices? Sign up or sign in
The New Testament in Matengo Language ©The Word for the World International and Matengo Language Translation, 2020. All rights reserved.
1Samweli 14
14
Yonasani jubii nganganganga
1Lisoba limu, Yonasani mwana waka bambu nkolongu Sauli ampwagila nkombu joantotuli hindu yukukomane, “Hikaje tujenda kwii ku ngomi ja Apilisti.” Lakini Yonasani ngasejaapwagi atati baki. 2Sauli jabiya jubei kambi ja pai ju nkongu nkomamanga ku Migiloni, kunza ja musi uku Gibea, koni jubii na alonda mia sita. 3Ahiya mwana waka Ahitubu nndongu waka Ikabodi mwana waka Finehasi nu nsokoo waka Eli, mngolu waka Bambu Sapanga ku musi uku Shilu, jabiya ndi jojuweti kizibau saka nngolu. Bandu ngasebamanyiki ana Yonasani jutei kuboka.
4Mu kandela kajapeta ka Mikimashi, Yonasani japalika jupetila ili juhika mu ngomi ja Apilisti, kwabii na malibu mabeli gagahonguliki, upandi gongo nu upandi gongi. Lilibu limu bilikema Bosesi na lengi bilikema Sene. 5Lilibu limu labiya upandi uku kasikazini mwa musi uku Mikimashi ni lilibu lengi labiya upandi ukusini pambipi na musi uku Gibea.
6Yonasani ampwagila nkombu jola joantotuli hindu yukukomane, “Hika tujenda ku likambi la bandu banga kummanya Sapanga. Pangi kwa Bambu Sapanga juwesa kutujangati kuwesa bandu haba, ndaba Bambu Sapanga ngasejuoko sukuhobale bandu bingi au bandu asoku.”
7Nkombu jojatotwi hindu yukukomane ampwagila, “Henga sokapi segupala kuhenga, nepani mii pamu na wehapa ndaba leguholale heli ndi leninhenga nepani.”
8Yonasani ampwagila, “Tulombuka twaajendila bandu bala ili atubonaje. 9Ana apwagiki twaalendila, mbaka ahika pamba patubii ndienu ngiti tujema apamba na wala ngatujende. 10Lakini ana apwagiki tujenda, ndienu ngiti tujenda ndaba heji ndi nginyuli kuba Bambu Sapanga jutuhengiki twaawesa.”
11Ndienu boti abeli bapitila ili Apilisti baabona. Apilisti pababona bapwaaga, “Nndinga Aebulania bala ahuma mu mabomba mobabii ajobiki.” 12Apilisti baabii mu ngomi bunkema Yonasani nu nkombu joantotuli hindu yukukomane, “Hika kwitu kongo, natwepani ngiti tundangia sindu.”
Yonasani ampwagila nkombu jola, “Mbwata, Bambu Sapanga jutuhengiki twaawesa.” 13Ndienu, Yonasani jakwela kwa maboku na magolu nu nkombu jola jatenda kumpwata. Yonasani jaasambuliya Apilisiti na kwaabua pai nu nkombu jola jupwata munyuma jutenda kwaakoma. 14Yonasani jatumbuliya kukomana, koni jubii nu nkombu jojatotwi hindu yukukomane, jaakoma ngati alonda ba Apilisiti ishilini mu lieneu lelihika nusu heka. 15Mu nndema wa Apilisiti, bandu boti batenda kujogopa, kabee na alonda mu likambi na bandu mu matui na alonda bababii mu ngomi, hata babakomana batenda kubagaja, nndema watenda kubagaja, na kwabii ni kiholu kikolongu.
Apilisti atenda kusindwa
16Alonda baka Sauli ku Gibea mu nndema waka Benjamini baabona alonda biki Pilisiti bingi atenda kutilani na ngasebanyiki sukuhenga. 17Sauli jaapwagila bandu bajabii naku, “Mulibalanga ili kumanya aka nya babututiliki.” Pabilibalanga bamanya Yonasani nu nkombu jojatotwi hindu yukukomane ngasebabii. 18Sauli ampwagila nngolu Ahiya, “Leta Lisanduku laka Sapanga.” Kipindi sehesi Lisanduku li Lilaganu labia pamu na Aizilaeli. 19Sauli pajabiya jakona jakalonge nu nngolu, ngondu mu likambi la Apilisti yatenda kujonzukeka nakanopi. “Ndienu Sauli ampwagila nngolu wiileta kabee Lisanduku li Lilaganu laka Sapanga.” 20Ndienu, Sauli na bandu baki biliandia kujingii mu kukomana ngondu kwa Apilisiti. Lakini Apilisiti batumbuliya kukomana beni na beni. 21Aebulania bababii upandi wa Apilisti, na babapiti naku kulikambi bang'anambuka nu kujongana na Aizilaeli bababii pamu na Sauli na Yonasani. 22Hata Aizilaeli bangi babiya ajobiki munndema wi itombi yuku Efulaimu, pabajoa Apilisti babiya atenda kutila, na bombi kabee baabenga na kwaalapu.
23Hela ndi Bambu Sapanga jaajangatiya Aizilaeli kuwesa. Ngondu jaendaliya mbaka musi uku Beti Aveni.
Majambu gagapitila ngondu ejajomuka
24Lisoba lela, Aizilaeli baasumbwi ngamaa ndaba Sauli jabiya jaalapisi alonda koni jupwaaga, “Mundu jokapi jojikula posu kabula ja lyoba kujingi, na kabula jukulepa kisasi kwa abaja bangu jupata yambamba.” Ndienu lisoba loti, nga mundu jojaonza posu jokapi. 25Alonda boti pabahika pandu pakibii kiholi, bugukolila busi guhabuka kila pandu. 26Hata hela alonda pabahika mwikiholi nu kugukole busi wakatona mandondu kila pandu, ngamundu jojalenga kula busi hogu kujogopa lilaganu lepajaalapila. 27Lakini Yonasani ngasejajoini atati baki ejaalapisa alonda. Ndienu jatondabiya ndonga jaki jejabii naku, jatobakiya mu lisega la busi, jakula busi we hogu. Hapa jilijoaninya jubii na makili. 28Mundu jumu ampwagila, “Atati baku jaalapisa alonda su ukali kupwaaga, ‘Mundu jokapi jojikula posu lelenu jiipata yaambamba.’” Ndi ndaba waabona bandu boti pamba atei kusoka ni inzala.
29Yonasani jajibua, “Atati bangu baasumbuu bandu. Henu nepani nilijoane mii na makili, ndaba honziki busi kidogo. 30Ana pee alonda bitu bakakuliki kidogu kuhuma mu hindu yeanyagiki kwa abaja babu, ndi bakapata makili na kwaakoma Apilisti bingi ngamaa.”
31Lisoba lela, Aizilaeli baalapula Apilisti, tumbuka ku Mikimashi mbaka ku Aiyaloni. Lakini kipindi sehesi Aizilaeli asokiki kwi inzala. 32Ndienu batilila hindu yebanyagiki kwa makili kuhuma kwa Apilisiti, bajukua makondoo na makambaku na matoli na basinza bakula inyama mbei jejibii na mwai. 33Bandu bangi bumpwagila Sauli, “Linga bandu bahenga mahakau kwaka Bambu Sapanga kwa kula inyama jejibii na mwai.”
Sauli jaapwagila bandu, “Mwanganya nhengiki kihakau, nhingaliya lilibu likolongu lelale pamii pamba.” 34Sauli jaapwagila, “Nzendaninya mwakaapwagila bandu boti aleta ng'ombi na makondoo gabu pamba, asinza na kula pamba. Biitenda mahakau kupete Bambu Sapanga, sa kula inyama jejibii na mwai.” Ndienu ikilu jela joti bapelika ng'ombi yabu nukusinza papu. 35Ndienu, Sauli ansengila Bambu Sapanga pandu pukupiki matambiku. Hapa ndi pabiya pandu pukupiki matambiki pu utumbuli papuje Sauli ansengila Bambu Sapanga.
36Ndienu, Sauli jaapwagila bandu. “Tujenda twakaapwata Apilisti ikilu, twakaajobaliya na kwaanyaga mali gabu mbaka pulukela, ngatwaandeki mundu jokapi mwomi.”
Bandu ampwagila, “Nhenga sokapi segukibona ndi sasapi kwaku.”
Lakini nngolu jaapwagila, “Tuloba oti kwaka Bambu Sapanga.”
37Ndienu, Sauli anndalukiya Sapanga, “Boo, nyenda kukomana na Apilisiti? Boo winyangatiya twaawesaje?” Lakini Sapanga ngaseanzibua sindu sokapi lisoba heli. 38Sauli jaapwaga, “Nhikaninya mwakakilongosi ba bandu, ili tumanya mahakau boo gatuhengiki lelenu. 39Napa kwaka Bambu Sapanga jojubii mwomi na jojuwe jaokua Aizilaeli, hata ngati ndi mwanawa Yonasani, jupalika kuwa.” Lakini nga mundu jojupwaaga lilobi. 40Ndienu, Sauli ampwagila, “Mwanganya mwaboti nzemaninya upandi golago, ndienu nepani na Yonasani twiijenda upandi gongo.”
Bombi bajibua, “Henga sokapi segubona saamboni.”
41Sauli jaapwaaga, “Mwaa Bambu Sapanga wa Aizilaeli, ndaba ngasegunyibwiki nepani nu ntumisi waku? Mwaa Bambu Sapanga jwa Izilaeli, ana mahakau gabii nakati jangu nepani au Yonasani mwanangu, ndienu, ututemula kwi lilibu lukutemuli. Lakini ana kubii makosa haga gabii kwa bandu baku buku Iizilaeli, amua ku lilibu lukutemuli la Sumimu.” Yonasani na Sauli babonikana kuba na mahakau, lakini bandu babonikana ngaseabii mahakau. 42Sauli japwaaga, “Mpega gudugudu kati jangu na mwanangu Yonasani.” Yonasani jabonikana kuba na mahakau. 43Ndienu Sauli ampwagila Yonasani, “Mbwagila seguhengiki.”
Yonasani jajibua, “Nakuliki busi kidogu kukutumii ndonga jangu. Mii pamba na mii tayali kuwa.”
44Sauli jaapwaga, “Nunndoba Sapanga jungoma ana nganankomi jojuhengiki hela.”
45Lakini alonda bumpwagila Sauli, “Mbona Yonasani ndi jojutuhenga tuwesaje henu tunkomaje? Lijambu leheli libia kutali. Tulapi kwaka Bambu Sapanga jojubii mwomi, hata lijunzu lu mumutu waki ngalihabuki pai. Sejwikihengiki lelenu, Bambu Sapanga jutei kunzangatila.” Ndienu, alonda bunkombula Yonasani najombi ngasebunkomiki.
46Ndienu Sauli jakotuka kwaapwatali Apilisiti, nabombi Apilisiti bakelubuka kwabu.
Ulongosi waka Sauli na alongu baki
47Sauli ejabiya bambu nkolongu juku Izilaeli, jakomana na abaja baki kila upandi. Jaakomana na Amoabu na Aamoni na Aedomu na bambu nkolongu juku Sola na Apilisti. Kila ejukomana nabu ngondu jutendika kwaawesa. 48Jukomana su uwesu nkolongu, jaawesa Aamaleki. Jaokua Aizilaeli kuhuma mwa bandu boti baakomana naku.
49Bana akanalomi baka Sauli babiya Yonasani na Ishivi na Malikishua. Akakamwali baki babii abeli, ju kutumbuli ankema Melabu nu nsoku akema Mikali. 50Nhwanu waka Sauli ankemika Ahinoamu kamwali waka Ahimaasi. Nndonda jwa alonda baka Sauli ankema Abineli, mwana waka Neli atati asoku baka Sauli. 51Atati baka Sauli babiya Kishi na atati baka Abineli babiya Neli mwana waka Abieli.
52Kwabii nu kukomana kukolongu kati ja Apilisti kipindi soti saka Sauli pajabii jutama mu nndema, kila kipindi Sauli pajupatika mundu jojubii na makili au nkolongu anzukua nu kunzingisa mu ulonda.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The New Testament in Matengo Language ©The Word for the World International and Matengo Language Translation, 2020. All rights reserved.