1Samweli 12
12
Samweli julongee na Aizilaeli
1Samweli jaapwagila bandu buku Izilaeli boti, “Goti gambwagi, nagajoini. Nunhimika bambu nkolongu ili jundongua. 2Henu, mmbii na bambu nkolongu jukunndongosa. Lakini nepani sajenu nu nseja, na bana bangu akanalomi abii pamu na mwanganya. Mii ni kilongosi winu tumbuka panabii nu nkombu mbaka sajenu. 3Mii pamba ana nahengiki lijambu lokapi liliya, ndienu nndandila palongi jaka Bambu Sapanga na palongi jaka bambu nkolongu winu joanhagwi. Boo Nyagiki makambaku ga ng'ombi au maponda gaka mundu jokapi? Boo, nunhengi le liya mundu jokapi? Boo, nunhinyalaki mundu jokapi? Boo nyopiki hongu kwaka mundu jokapi ili kutemu sanga kupalika? Ana nhengiki hela ngiti ndenda kukelabuki yoti.”
4Bandu bajibua, “Kye ngasegutukongiki, wala ngaseutulimbalaki wala ngasegujukwi sindu sokapi kwaka mundu.”
5Samweli jajibua, “Bambu Sapanga ndi jojugabweni nukujoana kuhuma kwinu mwanganya, na bambu nkolongu waki joanhagwi lelenu ndi jojagabweni nukujoana kubanga ngasemii ni likosa.”
Bombi bajibua, “Jombi ndi jojagabweni nukujoana.”
6“Samweli jaapwagila kabee, Bambu Sapanga ndi joanhagula Musa na Aloni na kwaapia akahoku binu ku nndema uku Misili. 7Ndienu nnzemaninya pammbii hapa ili nepani na mwanganya tutemuliwa palongi jaka Bambu Sapanga, nanepani ngiti numpwagila kupete mahengu gaki ga nginyuli gajagahenga ili kunhokoo mwanganya na akahoku binu. 8Kipindi Yakobu na alongu baki pabajenda ku Misili, na Amisili pababiya atenda kwaang'alisa akahoku binu, na akahoku binu banndelila Bambu Sapanga, najombi jaatuma Musa na Aloni babube ndi babaapia akahoku binu mundema uku Misili nu kunhenga ntama mu nndema gongo. 9Lakini bombi bunzewiki Bambu Sapanga, Sapanga wabu, najombi jaaleka Apilisiti na bambu nkolongu juku Moabu na Sisela jojabii nkolongu ja alonda ku Azoli baalapula. Milema joti jakomana na akahoku binu na kaawesa. 10Akahoku binu bundelila Bambu Sapanga, bapwaaga, ‘Tuhengiki mahakau kwa ndaba tugulei wehapa wa Bambu Sapanga, sukuitumaki Mabaali na Maashitaloti. Utuhenga tuwesa kwaawesa abaja bitu natwepani twagulumbaliya wehapa.’ 11Ndienu, Bambu Sapanga paantuma Gidioni na mwenikatai antuma Bedani au Balaka. Kabee antuma Yefuta na mwisu waki janduma nepani Samweli. Kila jumu witu jaokua kuhuma mwa abaja binu babuyongaliti nanamu mwakatama su lukwali. 12Lakini pamummbona bambu nkolongu Naashi jwa Aamoni jupala kuhika kukomana nabu, munkana Bambu Sapanga jojuwe ndi Bambu nkolongu winu, mwambwagila, ‘Ngahela bambu nkolongu ndi jojatulongusa.’
13“Henu bambu nkolongu jomulihaguliya ndi jonzo. Mundoba Bambu Sapanga jumpekiya bambu nkolongu, najombi jumpeki. 14Ana muntende isima Bambu Sapanga nu kuntumaki nu kunzoane Sapanga sanga kukotoka kuhenga sejulagalaki. Ana mwanganya mwabeti pamu na bambu nkolongu ana mumpwatiki Bambu Sapanga, Sapanga winu ndienu majambu ginu giijenda sapi. 15Lakini ananga kunzoane Bambu Sapanga, nukukotoka kuhenga ngati ejalagalaki, ndienu jombi jwikomana na mwanganya pamu na bambu nkolongu winu. 16Ndienu, ntulia nukulilingali lijambu heli likolongu lelule Bambu Sapanga jiihenga palongi jinu. 17Boo, sajenu lee nga kipindi sukuhusa ingano? Lakini nepani naandoba Bambu Sapanga juleta itobi ni iyula, nanamu mwiimanya nu kubona kihakau sinu semwahengiki palongi jaka Bambu Sapanga sukupala bumpekiya bambu nkolongu ndi kihakua se kitei kukola.”
18Ndienu, Samweli anndoba Bambu Sapanga, najombi jatuma kitobi ni iyula mu lisoba heli. Bandu boti baajogopa ngamaa Bambu Sapanga na Samweli. 19Ndienu bandu boti bumpwagila Samweli, “Gupepa koku, gutulobila twepani twaatumisi baku kwaka Bambu Sapanga, Sapanga waku ili twiikua, ndaba tuhengiki mahakau makolongu ni kihakau hesi sukumpala bambu nkolongu witu.”
20Samweli jaajibua, “Mwiijogopa, jeni pee nhengiki mahakau haga, mwiikotoka kupwata Bambu Sapanga ila mutuntumakiya kwa mwoju winu woti. 21Mwaaipwata isapanga yi isoli yanga na faida wala ngajiiwesi kunhokoa, ndaba isapanga yi isoli. 22Kwa ndaba jaka mweni Bambu Sapanga ngajaaleke bandu baki kwa ndaba kunndengani mwanganya mmbia mwabandu baki. 23Kabee kwangu nepani nganiikotoki kunndobe kwaka Bambu Sapanga, ana ngotwiki kunndobe nibiya ndei kihakau palongi jaka Bambu Sapanga. Niiendaliya kumbola indela jaki jaamboni na ju usakaka. 24Ndienu, mwanganya mundumbaliya Bambu Sapanga nu kuntumaki sukunhobale kwa mwoju winu woti. Nkombuka majambu makolongu gajunhengi Bambu Sapanga. 25Lakini ana nhendali kuhenga mahakau, mwikuwa tipitipi mwanganya pamu na bambu nkolongu winu.”
Currently Selected:
1Samweli 12: MaBV
Highlight
Copy
Compare
Share
Want to have your highlights saved across all your devices? Sign up or sign in
The New Testament in Matengo Language ©The Word for the World International and Matengo Language Translation, 2020. All rights reserved.
1Samweli 12
12
Samweli julongee na Aizilaeli
1Samweli jaapwagila bandu buku Izilaeli boti, “Goti gambwagi, nagajoini. Nunhimika bambu nkolongu ili jundongua. 2Henu, mmbii na bambu nkolongu jukunndongosa. Lakini nepani sajenu nu nseja, na bana bangu akanalomi abii pamu na mwanganya. Mii ni kilongosi winu tumbuka panabii nu nkombu mbaka sajenu. 3Mii pamba ana nahengiki lijambu lokapi liliya, ndienu nndandila palongi jaka Bambu Sapanga na palongi jaka bambu nkolongu winu joanhagwi. Boo Nyagiki makambaku ga ng'ombi au maponda gaka mundu jokapi? Boo, nunhengi le liya mundu jokapi? Boo, nunhinyalaki mundu jokapi? Boo nyopiki hongu kwaka mundu jokapi ili kutemu sanga kupalika? Ana nhengiki hela ngiti ndenda kukelabuki yoti.”
4Bandu bajibua, “Kye ngasegutukongiki, wala ngaseutulimbalaki wala ngasegujukwi sindu sokapi kwaka mundu.”
5Samweli jajibua, “Bambu Sapanga ndi jojugabweni nukujoana kuhuma kwinu mwanganya, na bambu nkolongu waki joanhagwi lelenu ndi jojagabweni nukujoana kubanga ngasemii ni likosa.”
Bombi bajibua, “Jombi ndi jojagabweni nukujoana.”
6“Samweli jaapwagila kabee, Bambu Sapanga ndi joanhagula Musa na Aloni na kwaapia akahoku binu ku nndema uku Misili. 7Ndienu nnzemaninya pammbii hapa ili nepani na mwanganya tutemuliwa palongi jaka Bambu Sapanga, nanepani ngiti numpwagila kupete mahengu gaki ga nginyuli gajagahenga ili kunhokoo mwanganya na akahoku binu. 8Kipindi Yakobu na alongu baki pabajenda ku Misili, na Amisili pababiya atenda kwaang'alisa akahoku binu, na akahoku binu banndelila Bambu Sapanga, najombi jaatuma Musa na Aloni babube ndi babaapia akahoku binu mundema uku Misili nu kunhenga ntama mu nndema gongo. 9Lakini bombi bunzewiki Bambu Sapanga, Sapanga wabu, najombi jaaleka Apilisiti na bambu nkolongu juku Moabu na Sisela jojabii nkolongu ja alonda ku Azoli baalapula. Milema joti jakomana na akahoku binu na kaawesa. 10Akahoku binu bundelila Bambu Sapanga, bapwaaga, ‘Tuhengiki mahakau kwa ndaba tugulei wehapa wa Bambu Sapanga, sukuitumaki Mabaali na Maashitaloti. Utuhenga tuwesa kwaawesa abaja bitu natwepani twagulumbaliya wehapa.’ 11Ndienu, Bambu Sapanga paantuma Gidioni na mwenikatai antuma Bedani au Balaka. Kabee antuma Yefuta na mwisu waki janduma nepani Samweli. Kila jumu witu jaokua kuhuma mwa abaja binu babuyongaliti nanamu mwakatama su lukwali. 12Lakini pamummbona bambu nkolongu Naashi jwa Aamoni jupala kuhika kukomana nabu, munkana Bambu Sapanga jojuwe ndi Bambu nkolongu winu, mwambwagila, ‘Ngahela bambu nkolongu ndi jojatulongusa.’
13“Henu bambu nkolongu jomulihaguliya ndi jonzo. Mundoba Bambu Sapanga jumpekiya bambu nkolongu, najombi jumpeki. 14Ana muntende isima Bambu Sapanga nu kuntumaki nu kunzoane Sapanga sanga kukotoka kuhenga sejulagalaki. Ana mwanganya mwabeti pamu na bambu nkolongu ana mumpwatiki Bambu Sapanga, Sapanga winu ndienu majambu ginu giijenda sapi. 15Lakini ananga kunzoane Bambu Sapanga, nukukotoka kuhenga ngati ejalagalaki, ndienu jombi jwikomana na mwanganya pamu na bambu nkolongu winu. 16Ndienu, ntulia nukulilingali lijambu heli likolongu lelule Bambu Sapanga jiihenga palongi jinu. 17Boo, sajenu lee nga kipindi sukuhusa ingano? Lakini nepani naandoba Bambu Sapanga juleta itobi ni iyula, nanamu mwiimanya nu kubona kihakau sinu semwahengiki palongi jaka Bambu Sapanga sukupala bumpekiya bambu nkolongu ndi kihakua se kitei kukola.”
18Ndienu, Samweli anndoba Bambu Sapanga, najombi jatuma kitobi ni iyula mu lisoba heli. Bandu boti baajogopa ngamaa Bambu Sapanga na Samweli. 19Ndienu bandu boti bumpwagila Samweli, “Gupepa koku, gutulobila twepani twaatumisi baku kwaka Bambu Sapanga, Sapanga waku ili twiikua, ndaba tuhengiki mahakau makolongu ni kihakau hesi sukumpala bambu nkolongu witu.”
20Samweli jaajibua, “Mwiijogopa, jeni pee nhengiki mahakau haga, mwiikotoka kupwata Bambu Sapanga ila mutuntumakiya kwa mwoju winu woti. 21Mwaaipwata isapanga yi isoli yanga na faida wala ngajiiwesi kunhokoa, ndaba isapanga yi isoli. 22Kwa ndaba jaka mweni Bambu Sapanga ngajaaleke bandu baki kwa ndaba kunndengani mwanganya mmbia mwabandu baki. 23Kabee kwangu nepani nganiikotoki kunndobe kwaka Bambu Sapanga, ana ngotwiki kunndobe nibiya ndei kihakau palongi jaka Bambu Sapanga. Niiendaliya kumbola indela jaki jaamboni na ju usakaka. 24Ndienu, mwanganya mundumbaliya Bambu Sapanga nu kuntumaki sukunhobale kwa mwoju winu woti. Nkombuka majambu makolongu gajunhengi Bambu Sapanga. 25Lakini ana nhendali kuhenga mahakau, mwikuwa tipitipi mwanganya pamu na bambu nkolongu winu.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The New Testament in Matengo Language ©The Word for the World International and Matengo Language Translation, 2020. All rights reserved.