1 Akanahota Akakolongwa 6
6
Chelemane ichenga Nyumba jha Chapanga
1Chelemane ngatumbu kuchenga Nyumba jha Bhambo Chapanga mu chaka cha miya ncheche na chemanine, kubhoke pa Akaichilahele kuhama ku Michile. Chenio kikibha chaka cha ncheche chu ulongoche gwa Chelemane kwa Akaichilahele, ku mwehe gwa zifo, yane mwehe ghu ubhele. 2Nyumba jhenie munahota nkolongwa Chelemane nganchenge Bhambo Chapanga ikibha kutandamala kwake mita makome mabhele na chaba, kupanuka kwake meta ticha na ukola kujhenda kunane meta kome na tato na nucho. 3Udamo gwa palonge ukibha ujhanuko gwake mita ncheche na nucho kubhoke upande ghumo gwa nyumba ade upande ghonge. Nu utandamaho gwake nnonge jha Nyumba jha Bhambo Chapanga ukibha meta ticha. 4Ngabheka madilicha nyumba jhenio, kila lidilicha likibha lijhanuka kwa nkate na likombao kwa panja. 5Helahela ngajhemeka heke kutindila, kupala kujheghemekela lipamanda kwa panja, ngabhatendeke yumba ya mupele kila upande. 6Chumba cha pahe kikibha na ujhanuko gwa meta ibhele na chentimeta ichiline nu nhwano, na chumba chubhele kuhobhoka kunane kikibha na ujhanuko gwa meta ibhele na chentimeta chabine nu nhwano, na chumba cha panane hake, kikibha na ujhanuko gwa meta itato. Hyumba ya nyumba jhenio ilekenila ku ujhanuko, nhwalo Chelemane akapongwiche kandina lipamanda lya panja kutindii nyumba, kupala nng'omba ikamulila nyumba yangajheghemeke jhe lipamanda.
7Kipinde Nyumba ikachengwa, pakajhokanikike jhe njobhelo ya nyundo hilu kilebhe chochoha cha choma pa chehemo jhukuchenga, nhwalo ikachengwitwe kwa maghanga ghighakibha ghabhachitwe na ghighalenganikilwe kwenio kughatoilwa.
8Nnyango ghukujhingilila mu chumba cha pahe ukibha upandi gwa kuchine mwa Nyumba jha Bhambo Chapanga. Nkate, mukibha na ngache jhukukwelela kujhenda pa chumbe chu kutumbula na chapakate na chu utato. 9Yene Chelemane ngaichenga nyumba, ngajhomolela. Kipaghalo cha Nyumba ngatengenicha kwa bolite na mbau ya mieleze. 10Kulitindii lipamanda lya panja lya nyumba jhenio, ngachenga hyumba ina kutandamala kujhenda kunane meta ibhele na lobo kila chumba, na yenie ikibha ilombine na nyumba jha Chapanga kwa bolite ya mieleze.
11Peniya, Bhambo Chapanga ngannobholila Chelemane, 12“Ku nhwalo gwa nyumba jhenio jhimichenga, anda mikamwile mihilo jhango jhoha na malaghalikilo ghango, nanenganikiya ghoha ghaninaghila tategwino Daude. 13Ne nitama panakate jha bhando bhango aka Ichilahele, hilu ninnekangana ng'o.”
14Bhahe, Chelemane ngachenga Nyumba jha Chapanga nukujhomolela.
Ilebhe ya nkate ya munyumba jha Chapanga
2 Ngongu 3:8-14
15Upande gwa nkate gwa lipamanda lya nyumba ngayekelela kwa mbau ya mieleze, kubhoka pa chakapo jha Nyumba jha Chapanga ade pa kipaghalo chake, na pa chakapo ngatandika mbau ya mibeloshe. 16Nkate jha nyumba kikibha chumbe cha Chehemo jha nyahinyahi Hake. Kikibha kichengwitwe kwa mbau ya mieleze kubhoke pa chakapo ade padale kupala abhaghanicha chehemo jha nyahinyahi Hake, kutandamala kwake kukibha meta ticha. 17Chumbe cha nnonge jha Chehemo jha Nyahinyahi Hake, kikibha na utandamaho gwake meta kome na nane. 18Mbau ya imieleze ibhekitwa mu mapamanda gha Nyumba jha Bhambo Chapanga jhenie kwa nkate ikalembekilwe kwa nnandanikilo gwa maboga na malobha ghighatolwike. Kila chehemo ikayekelilwe kwa mbau ya mieleze, hilu likibha jhe lighanga lilibhonikina mu lipamanda.
19Chehemo jha nkate hake mu Nyumba jhenie jha Chapanga, Chelemane ngatendekeya chumbe cha kanjika ku nhwalo gwa kubheke Lichanduko lya Lilaghano lya Bhambo Chapanga. 20Chumbe chenie kikibha kutandamala kujhenda kunane meta ticha, ujhanuko gwake meta ticha na ukola kwake meta ticha, chumbe chenie ngalembelekeya kwa chaabo jhambone. Helahela ngatendeke chehemo jhukupiikiya litambiko kwa mbau yi mieleze. 21Chelemane ngayekelela kwa chaabo jhambone chehemo jhenio jha nkate jha chumbi chenio na ngatanditiya mikufo jha chaabo chehemo jha nkate kubhoke upande ghumo ade ghonge, ngalembelikiya kwa chaabo. 22Nyumba jhoha kwa nkate ikayekalilwe kwa chaabo, helahela ngayekelila mecha jhoha jhukututukiya ubane jhibhii nkate jha chumbi chenio kwa chaabo.
23Ngatenganicha ihumbe ibhele ina mapapanilo ikemwa makelube kwa mbau ya micheitune, kila kihumbe chimo kikibha na utandamaho kujhenda kunane mita ncheche na nucho, ngaibhekita mu chumbi chenio cha nkate. 24Kila lipapanilo kutandamala kwake likibha mita ibhele na nucho, yene kutandamala kubhoke upandi gwa lipapanilo limo ade upande ghonge likibha na mita nhwano ihumbe yoha ibhele ikibha na ipemo inakulandana na utandamaho ghulandana. 25Likelube lenge likibha nu kutandamala kwa mita nhwano, makelube ghoha mabhele ghakibha na ipemo inakulandana nu kutandamala kwake. 26Utandamaho gwa likelube limo ukibha mita nhwano, helahela utandamaho gwa likelube lenge lela ukibha ghogholaghola. 27Makelube ghoha ngaghabhekwa mu chumbe cha nkate Chehemo jha Nyahinyahi Hake, kongo mapapanilo ghabhe mabhele ghaatambulilwe, lipapanilo lya jhumo ngilipapiha lipamanda limo na lipapanilo lya jhonge ngilipapiha lipamanda lenge, na kongo mapapanilo ghange ghala ngaghakobhikina panakate jha chumba. 28Na makelube gheniya ngaghayekelilwa kwa chaabo.
29Munane mwa mapamanda gha nkate na panja, ngilembelekilwa kwa micholu jha makelube ghina mapapanilo na mikongo jha mitende na micholu ya malobha ghighatolwike. 30Heleheela ngayekelila chakapo yoha ya hyumba ya panja na nkate kwa chaabo.
31Pannyango ghukujhingilii mu chumbi cha nkate hake ngatendeke milyango jha mbau ya micheitune. Milyango jhenie ikibha na ikolamino na mafelemo ibhonikina ibhii na pandi nhwano. 32Ku milyango mibhele jhenio jhi micheitune, ngabhacha ihumbe ina mapapanilo, na mitende na malobha ghighatolwike, ngaiyekelila mbao yenio na micholo jhenio kwa chaabo jha mbone. 33Helahela ngatengenicha lifelemo lilibhii telatela mapana nu kutandamala ku nhwalo gwa litangala lya kujhingiliii paudamo kwa mu ya micheitune, 34iyekelelo yake ibhele ya mbau yi mibeloshe na kila kiyekelelo chikihoto kukungutala. 35Panane jha iyekelelo ya milango jhenie, ngabhacha picha ya ihumbe ina mapapanilo, mitende na malobha ghighatolwike, ngayekelila micholo jhenio kwa chaabo.
36Kabhele ngachenga lwane lwa nkate kwa chapo itato ya maghanga ghighabhachitwe na chapo jhimo jha bolite jha mikongo jha mieleze jhilembelekilwe.
37Nchinge gwa Nyumba jha Bhambo Chapanga nguchengitwa mu mwehe gwa Zivu, yane mwehe ghu nhwano, mu chaka cha ncheche chu ulongoche gwa munahota nkolongwa Chelemane. 38Na mumwehe gwa Bule, yane mwehe gwa nane, mu chaka cha kome na jhimo chu ulongoche gwa Chelemane, kuchenga kwa Nyumba ngukujhomokila, na lihengo lyenio ngilijhomokila ngita hela Chelemane chalaghilwa. Bhahe, Chelemane ngaichenga Nyumba jhenio ku kipende cha yaka chaba.
Currently Selected:
1 Akanahota Akakolongwa 6: NdeBV
Highlight
Share
Copy
Want to have your highlights saved across all your devices? Sign up or sign in
The Old Testament in the Ndendeule Language @The Word for the World International and Ndendeule Language Translation. All rights reserved
1 Akanahota Akakolongwa 6
6
Chelemane ichenga Nyumba jha Chapanga
1Chelemane ngatumbu kuchenga Nyumba jha Bhambo Chapanga mu chaka cha miya ncheche na chemanine, kubhoke pa Akaichilahele kuhama ku Michile. Chenio kikibha chaka cha ncheche chu ulongoche gwa Chelemane kwa Akaichilahele, ku mwehe gwa zifo, yane mwehe ghu ubhele. 2Nyumba jhenie munahota nkolongwa Chelemane nganchenge Bhambo Chapanga ikibha kutandamala kwake mita makome mabhele na chaba, kupanuka kwake meta ticha na ukola kujhenda kunane meta kome na tato na nucho. 3Udamo gwa palonge ukibha ujhanuko gwake mita ncheche na nucho kubhoke upande ghumo gwa nyumba ade upande ghonge. Nu utandamaho gwake nnonge jha Nyumba jha Bhambo Chapanga ukibha meta ticha. 4Ngabheka madilicha nyumba jhenio, kila lidilicha likibha lijhanuka kwa nkate na likombao kwa panja. 5Helahela ngajhemeka heke kutindila, kupala kujheghemekela lipamanda kwa panja, ngabhatendeke yumba ya mupele kila upande. 6Chumba cha pahe kikibha na ujhanuko gwa meta ibhele na chentimeta ichiline nu nhwano, na chumba chubhele kuhobhoka kunane kikibha na ujhanuko gwa meta ibhele na chentimeta chabine nu nhwano, na chumba cha panane hake, kikibha na ujhanuko gwa meta itato. Hyumba ya nyumba jhenio ilekenila ku ujhanuko, nhwalo Chelemane akapongwiche kandina lipamanda lya panja kutindii nyumba, kupala nng'omba ikamulila nyumba yangajheghemeke jhe lipamanda.
7Kipinde Nyumba ikachengwa, pakajhokanikike jhe njobhelo ya nyundo hilu kilebhe chochoha cha choma pa chehemo jhukuchenga, nhwalo ikachengwitwe kwa maghanga ghighakibha ghabhachitwe na ghighalenganikilwe kwenio kughatoilwa.
8Nnyango ghukujhingilila mu chumba cha pahe ukibha upandi gwa kuchine mwa Nyumba jha Bhambo Chapanga. Nkate, mukibha na ngache jhukukwelela kujhenda pa chumbe chu kutumbula na chapakate na chu utato. 9Yene Chelemane ngaichenga nyumba, ngajhomolela. Kipaghalo cha Nyumba ngatengenicha kwa bolite na mbau ya mieleze. 10Kulitindii lipamanda lya panja lya nyumba jhenio, ngachenga hyumba ina kutandamala kujhenda kunane meta ibhele na lobo kila chumba, na yenie ikibha ilombine na nyumba jha Chapanga kwa bolite ya mieleze.
11Peniya, Bhambo Chapanga ngannobholila Chelemane, 12“Ku nhwalo gwa nyumba jhenio jhimichenga, anda mikamwile mihilo jhango jhoha na malaghalikilo ghango, nanenganikiya ghoha ghaninaghila tategwino Daude. 13Ne nitama panakate jha bhando bhango aka Ichilahele, hilu ninnekangana ng'o.”
14Bhahe, Chelemane ngachenga Nyumba jha Chapanga nukujhomolela.
Ilebhe ya nkate ya munyumba jha Chapanga
2 Ngongu 3:8-14
15Upande gwa nkate gwa lipamanda lya nyumba ngayekelela kwa mbau ya mieleze, kubhoka pa chakapo jha Nyumba jha Chapanga ade pa kipaghalo chake, na pa chakapo ngatandika mbau ya mibeloshe. 16Nkate jha nyumba kikibha chumbe cha Chehemo jha nyahinyahi Hake. Kikibha kichengwitwe kwa mbau ya mieleze kubhoke pa chakapo ade padale kupala abhaghanicha chehemo jha nyahinyahi Hake, kutandamala kwake kukibha meta ticha. 17Chumbe cha nnonge jha Chehemo jha Nyahinyahi Hake, kikibha na utandamaho gwake meta kome na nane. 18Mbau ya imieleze ibhekitwa mu mapamanda gha Nyumba jha Bhambo Chapanga jhenie kwa nkate ikalembekilwe kwa nnandanikilo gwa maboga na malobha ghighatolwike. Kila chehemo ikayekelilwe kwa mbau ya mieleze, hilu likibha jhe lighanga lilibhonikina mu lipamanda.
19Chehemo jha nkate hake mu Nyumba jhenie jha Chapanga, Chelemane ngatendekeya chumbe cha kanjika ku nhwalo gwa kubheke Lichanduko lya Lilaghano lya Bhambo Chapanga. 20Chumbe chenie kikibha kutandamala kujhenda kunane meta ticha, ujhanuko gwake meta ticha na ukola kwake meta ticha, chumbe chenie ngalembelekeya kwa chaabo jhambone. Helahela ngatendeke chehemo jhukupiikiya litambiko kwa mbau yi mieleze. 21Chelemane ngayekelela kwa chaabo jhambone chehemo jhenio jha nkate jha chumbi chenio na ngatanditiya mikufo jha chaabo chehemo jha nkate kubhoke upande ghumo ade ghonge, ngalembelikiya kwa chaabo. 22Nyumba jhoha kwa nkate ikayekalilwe kwa chaabo, helahela ngayekelila mecha jhoha jhukututukiya ubane jhibhii nkate jha chumbi chenio kwa chaabo.
23Ngatenganicha ihumbe ibhele ina mapapanilo ikemwa makelube kwa mbau ya micheitune, kila kihumbe chimo kikibha na utandamaho kujhenda kunane mita ncheche na nucho, ngaibhekita mu chumbi chenio cha nkate. 24Kila lipapanilo kutandamala kwake likibha mita ibhele na nucho, yene kutandamala kubhoke upandi gwa lipapanilo limo ade upande ghonge likibha na mita nhwano ihumbe yoha ibhele ikibha na ipemo inakulandana na utandamaho ghulandana. 25Likelube lenge likibha nu kutandamala kwa mita nhwano, makelube ghoha mabhele ghakibha na ipemo inakulandana nu kutandamala kwake. 26Utandamaho gwa likelube limo ukibha mita nhwano, helahela utandamaho gwa likelube lenge lela ukibha ghogholaghola. 27Makelube ghoha ngaghabhekwa mu chumbe cha nkate Chehemo jha Nyahinyahi Hake, kongo mapapanilo ghabhe mabhele ghaatambulilwe, lipapanilo lya jhumo ngilipapiha lipamanda limo na lipapanilo lya jhonge ngilipapiha lipamanda lenge, na kongo mapapanilo ghange ghala ngaghakobhikina panakate jha chumba. 28Na makelube gheniya ngaghayekelilwa kwa chaabo.
29Munane mwa mapamanda gha nkate na panja, ngilembelekilwa kwa micholu jha makelube ghina mapapanilo na mikongo jha mitende na micholu ya malobha ghighatolwike. 30Heleheela ngayekelila chakapo yoha ya hyumba ya panja na nkate kwa chaabo.
31Pannyango ghukujhingilii mu chumbi cha nkate hake ngatendeke milyango jha mbau ya micheitune. Milyango jhenie ikibha na ikolamino na mafelemo ibhonikina ibhii na pandi nhwano. 32Ku milyango mibhele jhenio jhi micheitune, ngabhacha ihumbe ina mapapanilo, na mitende na malobha ghighatolwike, ngaiyekelila mbao yenio na micholo jhenio kwa chaabo jha mbone. 33Helahela ngatengenicha lifelemo lilibhii telatela mapana nu kutandamala ku nhwalo gwa litangala lya kujhingiliii paudamo kwa mu ya micheitune, 34iyekelelo yake ibhele ya mbau yi mibeloshe na kila kiyekelelo chikihoto kukungutala. 35Panane jha iyekelelo ya milango jhenie, ngabhacha picha ya ihumbe ina mapapanilo, mitende na malobha ghighatolwike, ngayekelila micholo jhenio kwa chaabo.
36Kabhele ngachenga lwane lwa nkate kwa chapo itato ya maghanga ghighabhachitwe na chapo jhimo jha bolite jha mikongo jha mieleze jhilembelekilwe.
37Nchinge gwa Nyumba jha Bhambo Chapanga nguchengitwa mu mwehe gwa Zivu, yane mwehe ghu nhwano, mu chaka cha ncheche chu ulongoche gwa munahota nkolongwa Chelemane. 38Na mumwehe gwa Bule, yane mwehe gwa nane, mu chaka cha kome na jhimo chu ulongoche gwa Chelemane, kuchenga kwa Nyumba ngukujhomokila, na lihengo lyenio ngilijhomokila ngita hela Chelemane chalaghilwa. Bhahe, Chelemane ngaichenga Nyumba jhenio ku kipende cha yaka chaba.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Old Testament in the Ndendeule Language @The Word for the World International and Ndendeule Language Translation. All rights reserved