Puu Findi 5
5
Ánáná Tụ́wọ Ma Iko Diri Ma Findim
1A nnị iko diri ma arịm imine ọ́gọ́nọ fịnịḅọ ma ámáḅara; nnị anị ḅụ nyẹ gịẹ bimam mmẹẹ́ angaá mamgba ḅụ n warị sọ́nọ́ma angaá ḅụ agbā pa anị gbẹpalị. 2A warị gbẹ́rẹ́ opu sookumuḅọ arịị opu pụghọ pa dugho pághámaḅo ḅẹẹ, <<Tụọ anị ḅụ́gbẹ́ sị n gbẹpalị agbā ma si sị diri ma findi?>> 3Kụ́ma gbẹ́rẹ́ḅọ sọ ofori sobie anịgha tuminikiri ḅụ anịgha kiribie ine nnị iko diri ma findi bẹḅọ si anị bie dighi. 4A warị opuma owuú tegó n gbẹ́rẹ́ḅọ sọ arịgha ḅụ́gbẹ́ sị ine nnị iko diri ma findi bẹḅọ anịgha anị bie dighii. 5Sẹ́nịapụ ma ḅụ gbẹ́rẹ́ḅọ warị i ḅẹẹ, <<Mịnị owuma! Dighi! Juda ḅụ sághị ḅoo Ọkụ nama, Deviti furobie págháḅo Tụwọ ma, sọḅamam. Ori anịị ine sọ́nọ́ma angaá ḅụ nnị gbẹpalị agbaa ma si bẹḅọ sị diri ma findi.>>
6Anịsáa a warị gbẹ́rẹ́ ánáná tụwọ arịị sẹ́fịnịarị nyẹ imine ma ogboku, dumafịnị ínia nyẹ ma na sẹ́nịapụ ma anị ikelekelemam. Ánáná tụwọ ma fịnị ḅara sọ́ḅọ́rọ́ nnị anị ḅaamam, anị sọ́nọ́ma ikpangi na sọ́nọ́ma tọ́rụ́ nyanam anịị Tamuno sọ́nọ́ma Tẹ́mẹ́ ma, n pa tuminikiri gbọrụ fịrịma maá nyẹ. 7Ánáná Tụwọ ma muu nnị iko diri ma daákịm imine ọ́gọ́nọ kpọrọfị́nị́ḅọ ma amaḅara bie. 8Ori ọkọ mịẹ sa, dumafịnị ínia nyẹ ma na si ínia sẹ́nịapụ ma sóórókórom, Ánáná Tụwọ ma tórúku. Ọ́rụ́ḅọ ọ́rụ́ḅọ hapụ pa sị núme suu nyẹ na odoḅala bọlị ọlọm Insẹnsị bie bii nyẹ, mịma anịị Tamuno túminị́ ma tẹ́ghẹ̄. 9Nnị ịwọ núme sum ḅẹẹ:
<<Anịị ḅụ́gbẹm si
iko diri ma ákị
si n pa anị gbẹpalị
agbā ma si,
Tegó nnị ị ḅám,
pịghị ị́yẹ́ ọmbịnyẹ́ pa
túminị́ fẹ́ Tamuno pịrịm,
túminị́ ọrụ ọrụ ọrụ ḅụ
na pịghị ẹ́gẹ́rẹ́ ẹ́gẹ́rẹ́ ḅụ
sẹ sẹ sẹ ḅụ na pịghị túminị́ tọ́rụ́kịrịkị́rị́.
10I mịẹmam nnị
igwagwaapụ amadakiri sọọ
sị n fịrịnwangị wámịna Tamuno pịrị,
n pịghị tuminikiri ma ḅụ taábẹm.>>
11Anịsáa, a warị dighi si tọgha tọgha pughu sookumuapụ pụghọ naam túminị́ ine kịẹbịgha nyẹ! Nnị imine ma ịkélémam, ínia dumafịnị nyẹ ma na sẹ́nịapụ ma na. 12Nnị warị pụghọ saghị núme súúarị,
<<Nnị ḅáa Ánáná Tụwọ ma ḅụ́gbẹm,
sị ọ kụrọ na ngọ, níminyẹ na ịnyọ,
kuu, boma na túminí daákịị!>>
13A warị sobie dumanyẹ gonyẹ́ gonyẹ́ náa tuminikiri, sughubie fịnịnyẹ mamgba náa, pịghị tọ́rụ́bie, tuminikiri gbọrụ ḅụ dumafịnị nyẹ gonyẹ́ gonyẹ́ núme suarị:
<<Boma, túminí na kuu na,
ịnyọ na, fịnị ọ pịrị
Ori imine ma ọ́gọ́nọ
kpọrọfị́nị́ḅọ ma
na Ánáná Tụwọ ma pịrị,
ákị mú ḅẹsá ḅẹsá láa!>>
14Dúmafịnị nyẹ ma warị pagharaa <<Anị ọkọ fịnịị!>> Sẹ́nịapụ ma warị bịghịkoro sị susi Tamuno pịrịị.
Currently Selected:
Puu Findi 5: IBY
Highlight
Copy
Compare
Share
Want to have your highlights saved across all your devices? Sign up or sign in
©2024 Luke Initiative for Scripture Translation
Puu Findi 5
5
Ánáná Tụ́wọ Ma Iko Diri Ma Findim
1A nnị iko diri ma arịm imine ọ́gọ́nọ fịnịḅọ ma ámáḅara; nnị anị ḅụ nyẹ gịẹ bimam mmẹẹ́ angaá mamgba ḅụ n warị sọ́nọ́ma angaá ḅụ agbā pa anị gbẹpalị. 2A warị gbẹ́rẹ́ opu sookumuḅọ arịị opu pụghọ pa dugho pághámaḅo ḅẹẹ, <<Tụọ anị ḅụ́gbẹ́ sị n gbẹpalị agbā ma si sị diri ma findi?>> 3Kụ́ma gbẹ́rẹ́ḅọ sọ ofori sobie anịgha tuminikiri ḅụ anịgha kiribie ine nnị iko diri ma findi bẹḅọ si anị bie dighi. 4A warị opuma owuú tegó n gbẹ́rẹ́ḅọ sọ arịgha ḅụ́gbẹ́ sị ine nnị iko diri ma findi bẹḅọ anịgha anị bie dighii. 5Sẹ́nịapụ ma ḅụ gbẹ́rẹ́ḅọ warị i ḅẹẹ, <<Mịnị owuma! Dighi! Juda ḅụ sághị ḅoo Ọkụ nama, Deviti furobie págháḅo Tụwọ ma, sọḅamam. Ori anịị ine sọ́nọ́ma angaá ḅụ nnị gbẹpalị agbaa ma si bẹḅọ sị diri ma findi.>>
6Anịsáa a warị gbẹ́rẹ́ ánáná tụwọ arịị sẹ́fịnịarị nyẹ imine ma ogboku, dumafịnị ínia nyẹ ma na sẹ́nịapụ ma anị ikelekelemam. Ánáná tụwọ ma fịnị ḅara sọ́ḅọ́rọ́ nnị anị ḅaamam, anị sọ́nọ́ma ikpangi na sọ́nọ́ma tọ́rụ́ nyanam anịị Tamuno sọ́nọ́ma Tẹ́mẹ́ ma, n pa tuminikiri gbọrụ fịrịma maá nyẹ. 7Ánáná Tụwọ ma muu nnị iko diri ma daákịm imine ọ́gọ́nọ kpọrọfị́nị́ḅọ ma amaḅara bie. 8Ori ọkọ mịẹ sa, dumafịnị ínia nyẹ ma na si ínia sẹ́nịapụ ma sóórókórom, Ánáná Tụwọ ma tórúku. Ọ́rụ́ḅọ ọ́rụ́ḅọ hapụ pa sị núme suu nyẹ na odoḅala bọlị ọlọm Insẹnsị bie bii nyẹ, mịma anịị Tamuno túminị́ ma tẹ́ghẹ̄. 9Nnị ịwọ núme sum ḅẹẹ:
<<Anịị ḅụ́gbẹm si
iko diri ma ákị
si n pa anị gbẹpalị
agbā ma si,
Tegó nnị ị ḅám,
pịghị ị́yẹ́ ọmbịnyẹ́ pa
túminị́ fẹ́ Tamuno pịrịm,
túminị́ ọrụ ọrụ ọrụ ḅụ
na pịghị ẹ́gẹ́rẹ́ ẹ́gẹ́rẹ́ ḅụ
sẹ sẹ sẹ ḅụ na pịghị túminị́ tọ́rụ́kịrịkị́rị́.
10I mịẹmam nnị
igwagwaapụ amadakiri sọọ
sị n fịrịnwangị wámịna Tamuno pịrị,
n pịghị tuminikiri ma ḅụ taábẹm.>>
11Anịsáa, a warị dighi si tọgha tọgha pughu sookumuapụ pụghọ naam túminị́ ine kịẹbịgha nyẹ! Nnị imine ma ịkélémam, ínia dumafịnị nyẹ ma na sẹ́nịapụ ma na. 12Nnị warị pụghọ saghị núme súúarị,
<<Nnị ḅáa Ánáná Tụwọ ma ḅụ́gbẹm,
sị ọ kụrọ na ngọ, níminyẹ na ịnyọ,
kuu, boma na túminí daákịị!>>
13A warị sobie dumanyẹ gonyẹ́ gonyẹ́ náa tuminikiri, sughubie fịnịnyẹ mamgba náa, pịghị tọ́rụ́bie, tuminikiri gbọrụ ḅụ dumafịnị nyẹ gonyẹ́ gonyẹ́ núme suarị:
<<Boma, túminí na kuu na,
ịnyọ na, fịnị ọ pịrị
Ori imine ma ọ́gọ́nọ
kpọrọfị́nị́ḅọ ma
na Ánáná Tụwọ ma pịrị,
ákị mú ḅẹsá ḅẹsá láa!>>
14Dúmafịnị nyẹ ma warị pagharaa <<Anị ọkọ fịnịị!>> Sẹ́nịapụ ma warị bịghịkoro sị susi Tamuno pịrịị.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©2024 Luke Initiative for Scripture Translation