Puu Findi 22
22
Duma Tọ́rụ́ Mingi
1Sookumuḅọ ma pịghị duma mingi pịrị tọ́rụ́ ma pa i diem, yóri yóriarị sọ́ḅọ́rọ́ mgbọ́lụ iti, Tamuno ma na Ánáná Tụwọ ma imine ḅụ saghị ḅo, 2opu ámá asọ ogboku ḅụ sághị siriḅoarị, okolo ma ẹ́rẹ́ḅara na amaḅara ḅụ duma pịrịarị sị ma imii, mgbọ́lụ suarị oyi mmẹẹ́ sa findi gbẹ́rẹ́ kụ́rá bie, gbẹ́rẹ́ sáá gbẹ́rẹ́ akalụ́ bie, anị ányị́nyá ma anịị n pa sẹ ma gwọarị nyẹ. 3Nnị Tamuno sii fị́lā ḅụ fịnịḅọ arịbịgha opu ámá ma bie. Tamuno na Ánáná Tụwọ ma imine anịị nnị árị ḅẹnyẹ opu ámá ma bie, ori fịrịnwangịapụ sọ susi ọ pịrịbẹm. 4Nnị ọ tórúku árịbẹm, n pịghị ori ẹrẹ gịẹbẹm nna fụ́ḅára ogbo. 5Dii mịnị oforibịgha, n pịghị tọndọ baá anịgha ịrụa baá dọghụbịgha, tegó Kịnịnyáná Tamuno ma nna baá sọọbẹm, n pịghị ámányánáapụ ḅara pa taábẹm ákị muu ḅẹsá ḅẹsá láa. 6Anịsáa sookumuḅọ ma warị i ḅẹ́, <<Mịná ẹ́gẹ́rẹ ma karakárányẹ pịghị ine ḅụ tẹ́mẹ́ gbánā bẹnyẹ. Kịnịnyáná Tamuno ma ori a Tẹ́mẹ́ pa ori ikiakoroapụ ma pịrịarịḅọ, ori a sookumuḅọ fịrịmamam ḅẹ́ ọ ḅoo pa ori a fịrịnwangịapụ die ḅọlọgha sáá ḅụ pághá bẹnyẹ.>>
Jizọs Sima Ḅoarị
7Jizọs ḅẹm, <<Dighii! A álála ḅoarị! Bieḅẹlẹapụ, anịị mịị diri ma ikiakoro ẹ́gẹ́rẹ́ ma dughonyẹ mịẹarịapụ!>>
8Irị Jọn anị mịnanyẹ mamgba naaḅọ pịghị anị arịị. A náa fama pịghị árị fama sáá, a mịná nyẹ ma pa i die sookumuḅọ ma ḅụọ angaá sóórókórom, kálányẹ kọọm a susi ọ pịrịị. 9Kụ́ma ori i ḅẹ́m, <<Mịnị mịẹma! Irị fịrịnwangịḅọ, ịrị na jẹ́ mininiapụ ma fịnị ḅara, anịị ikiakoroapụ ma na pịghị mị diri ma ikiakoronyẹ ma náa sị anị mịẹarịapụ mamgba. Susi Tamuno pịrị!>>
10Ọ warị i ḅẹẹ, <<Mịị diri ma ikiakoro ẹ́gẹ́rẹ́ ma pa ḅọghunyẹ mịẹma, tegó sáá ma kikiamam mịnanyẹ ma kiriakị bẹ sáá. 11Siinyẹ mịẹarị ḅo gonyẹ́ gonyẹ́ pa fịnị siinyẹ mịẹ, ịlọlịfịnị ḅo gonyẹ́ gonyẹ́ pa ịlọ́lị fịnịị, ibi tumḅọ gonyẹ́ gonyẹ́ pa fịnị ibinyẹ mịẹ, tọ́ntọ́ fịnị ḅo gonyẹ́ gonyẹ́ pa tọ́ntọ́ fịnịị.>> 12Jizọs ḅẹ́m, <<Dighii, a álála ḅoarị! A iyẹ gbẹ́ẹ̄ nyẹ na ḅobẹm, a pa ọ́rụ́ḅọ ọ́rụ́ḅọ gbẹ́bẹm nḅọ mịẹmáa nyẹ ḅụ ḅọ́rọ́. 13Irị anịị Alịfa na Omega, Parị parị ma pịghị Kunema ma, Sughu Sághị pịghị anị Kunema.>>
14Karịiḅi fịnị nna koro bịtẹ siri fiafiamamáapụ ma pịrị, nnị anịị kụrọnyanáapụ sị sịmgbọlụ ma fịị duma pịrị sị ma ḅụ, sị pịghị opu ḅụ́pọ́ ma ḅụ ḅọ́rọ́ opu ámá ma sọọ. 15Kụ́ma nụ́ngọbie anịị obiri na pịghị tọ́rụ́kịrịkị́rị́ egberi ikiakoroapụ, yáakuu ḅụ ofori nwángị kọọapụ, susi n kárányẹ pịrịarịapụ na pịghị iruonyẹ ḅẹlẹmaapụ ẹ́gẹ́rẹ́ ḅụ na pịghị mịẹnyẹ ḅụ.
16<<Irị Jizọs ị́yẹ́ sookumuḅọ fịrịmam ḅẹẹ, o ḅoo mịnanyẹ ma dugho wásámáa ọ pịrị sọsị mamgbabie, Deviti furobie anịị a saghị págháḅo nyẹ; irị anịị baá pịrị dede ḅálōló ma.>>
17Tẹ́mẹ́ ma na deeyaa biiḅọ ma ḅẹẹm, <<Ḅoo!>> Mịma náa ḅo gonyẹ́ gonyẹ́ pịghị ḅẹẹbẹm, <<Ḅoo!>> Pụghọ sámụ́nọ ḅo gonyẹ́ gonyẹ́ ḅoo; dọghụḅọ gonyẹ́ gonyẹ́ duma pịrị mingi ma daakị, igbii gbẹ́gha pa.
Kunema Ẹ́gẹ́rẹ́
18Irị Jọn mị diri ma ikiakoro ẹ́gẹ́rẹ ma naapụ gonyẹ́ gonyẹ́ biri nụ́nụ́arị; ḅọ́rọ́ kị́nị́ anị ḅụ nyẹ sua sua, Tamuno nna fomḅara ḅụ nyẹ suabẹm anịị mịị diri ma bie n gịẹ kóróma tọ́rụ́siarị díghíarị ḅụḅáláḅálá ma. 19Ḅọ́rọ́ kị́nị́ nyẹ si ákị ákị mịẹ diri ma ikiakoro ẹ́gẹ́rẹ́ ma bie, Tamuno nna diekiri siakịịbẹm duma pịrị sịmgbọlụ sị ma ḅụ na pịghị Tọ́ntọ́ opu ámá ma ḅụ n gịẹ kórómanyẹ mịị diri ma bie.
20Ori ma onyẹ́sẹ mịnanyẹ mamgba pịrịḅọ bẹ mịnanyẹ karakárányẹ dughom ḅẹẹ, <<Tụ́ma nyẹẹ! A álála ḅooarị!>>
Anị ọkọ fịnị. Ḅoo, Kị́nị́nyánáḅọ Jizọs!
21Kị́nị́nyánáḅọ Jizọs tọ́rụ́kụrụkụ́rụ́ kị́nị́mamgba na fịnịị. Anị ọkọ fịnịị.
Currently Selected:
Puu Findi 22: IBY
Highlight
Copy
Compare
Share
Want to have your highlights saved across all your devices? Sign up or sign in
©2024 Luke Initiative for Scripture Translation
Puu Findi 22
22
Duma Tọ́rụ́ Mingi
1Sookumuḅọ ma pịghị duma mingi pịrị tọ́rụ́ ma pa i diem, yóri yóriarị sọ́ḅọ́rọ́ mgbọ́lụ iti, Tamuno ma na Ánáná Tụwọ ma imine ḅụ saghị ḅo, 2opu ámá asọ ogboku ḅụ sághị siriḅoarị, okolo ma ẹ́rẹ́ḅara na amaḅara ḅụ duma pịrịarị sị ma imii, mgbọ́lụ suarị oyi mmẹẹ́ sa findi gbẹ́rẹ́ kụ́rá bie, gbẹ́rẹ́ sáá gbẹ́rẹ́ akalụ́ bie, anị ányị́nyá ma anịị n pa sẹ ma gwọarị nyẹ. 3Nnị Tamuno sii fị́lā ḅụ fịnịḅọ arịbịgha opu ámá ma bie. Tamuno na Ánáná Tụwọ ma imine anịị nnị árị ḅẹnyẹ opu ámá ma bie, ori fịrịnwangịapụ sọ susi ọ pịrịbẹm. 4Nnị ọ tórúku árịbẹm, n pịghị ori ẹrẹ gịẹbẹm nna fụ́ḅára ogbo. 5Dii mịnị oforibịgha, n pịghị tọndọ baá anịgha ịrụa baá dọghụbịgha, tegó Kịnịnyáná Tamuno ma nna baá sọọbẹm, n pịghị ámányánáapụ ḅara pa taábẹm ákị muu ḅẹsá ḅẹsá láa. 6Anịsáa sookumuḅọ ma warị i ḅẹ́, <<Mịná ẹ́gẹ́rẹ ma karakárányẹ pịghị ine ḅụ tẹ́mẹ́ gbánā bẹnyẹ. Kịnịnyáná Tamuno ma ori a Tẹ́mẹ́ pa ori ikiakoroapụ ma pịrịarịḅọ, ori a sookumuḅọ fịrịmamam ḅẹ́ ọ ḅoo pa ori a fịrịnwangịapụ die ḅọlọgha sáá ḅụ pághá bẹnyẹ.>>
Jizọs Sima Ḅoarị
7Jizọs ḅẹm, <<Dighii! A álála ḅoarị! Bieḅẹlẹapụ, anịị mịị diri ma ikiakoro ẹ́gẹ́rẹ́ ma dughonyẹ mịẹarịapụ!>>
8Irị Jọn anị mịnanyẹ mamgba naaḅọ pịghị anị arịị. A náa fama pịghị árị fama sáá, a mịná nyẹ ma pa i die sookumuḅọ ma ḅụọ angaá sóórókórom, kálányẹ kọọm a susi ọ pịrịị. 9Kụ́ma ori i ḅẹ́m, <<Mịnị mịẹma! Irị fịrịnwangịḅọ, ịrị na jẹ́ mininiapụ ma fịnị ḅara, anịị ikiakoroapụ ma na pịghị mị diri ma ikiakoronyẹ ma náa sị anị mịẹarịapụ mamgba. Susi Tamuno pịrị!>>
10Ọ warị i ḅẹẹ, <<Mịị diri ma ikiakoro ẹ́gẹ́rẹ́ ma pa ḅọghunyẹ mịẹma, tegó sáá ma kikiamam mịnanyẹ ma kiriakị bẹ sáá. 11Siinyẹ mịẹarị ḅo gonyẹ́ gonyẹ́ pa fịnị siinyẹ mịẹ, ịlọlịfịnị ḅo gonyẹ́ gonyẹ́ pa ịlọ́lị fịnịị, ibi tumḅọ gonyẹ́ gonyẹ́ pa fịnị ibinyẹ mịẹ, tọ́ntọ́ fịnị ḅo gonyẹ́ gonyẹ́ pa tọ́ntọ́ fịnịị.>> 12Jizọs ḅẹ́m, <<Dighii, a álála ḅoarị! A iyẹ gbẹ́ẹ̄ nyẹ na ḅobẹm, a pa ọ́rụ́ḅọ ọ́rụ́ḅọ gbẹ́bẹm nḅọ mịẹmáa nyẹ ḅụ ḅọ́rọ́. 13Irị anịị Alịfa na Omega, Parị parị ma pịghị Kunema ma, Sughu Sághị pịghị anị Kunema.>>
14Karịiḅi fịnị nna koro bịtẹ siri fiafiamamáapụ ma pịrị, nnị anịị kụrọnyanáapụ sị sịmgbọlụ ma fịị duma pịrị sị ma ḅụ, sị pịghị opu ḅụ́pọ́ ma ḅụ ḅọ́rọ́ opu ámá ma sọọ. 15Kụ́ma nụ́ngọbie anịị obiri na pịghị tọ́rụ́kịrịkị́rị́ egberi ikiakoroapụ, yáakuu ḅụ ofori nwángị kọọapụ, susi n kárányẹ pịrịarịapụ na pịghị iruonyẹ ḅẹlẹmaapụ ẹ́gẹ́rẹ́ ḅụ na pịghị mịẹnyẹ ḅụ.
16<<Irị Jizọs ị́yẹ́ sookumuḅọ fịrịmam ḅẹẹ, o ḅoo mịnanyẹ ma dugho wásámáa ọ pịrị sọsị mamgbabie, Deviti furobie anịị a saghị págháḅo nyẹ; irị anịị baá pịrị dede ḅálōló ma.>>
17Tẹ́mẹ́ ma na deeyaa biiḅọ ma ḅẹẹm, <<Ḅoo!>> Mịma náa ḅo gonyẹ́ gonyẹ́ pịghị ḅẹẹbẹm, <<Ḅoo!>> Pụghọ sámụ́nọ ḅo gonyẹ́ gonyẹ́ ḅoo; dọghụḅọ gonyẹ́ gonyẹ́ duma pịrị mingi ma daakị, igbii gbẹ́gha pa.
Kunema Ẹ́gẹ́rẹ́
18Irị Jọn mị diri ma ikiakoro ẹ́gẹ́rẹ ma naapụ gonyẹ́ gonyẹ́ biri nụ́nụ́arị; ḅọ́rọ́ kị́nị́ anị ḅụ nyẹ sua sua, Tamuno nna fomḅara ḅụ nyẹ suabẹm anịị mịị diri ma bie n gịẹ kóróma tọ́rụ́siarị díghíarị ḅụḅáláḅálá ma. 19Ḅọ́rọ́ kị́nị́ nyẹ si ákị ákị mịẹ diri ma ikiakoro ẹ́gẹ́rẹ́ ma bie, Tamuno nna diekiri siakịịbẹm duma pịrị sịmgbọlụ sị ma ḅụ na pịghị Tọ́ntọ́ opu ámá ma ḅụ n gịẹ kórómanyẹ mịị diri ma bie.
20Ori ma onyẹ́sẹ mịnanyẹ mamgba pịrịḅọ bẹ mịnanyẹ karakárányẹ dughom ḅẹẹ, <<Tụ́ma nyẹẹ! A álála ḅooarị!>>
Anị ọkọ fịnị. Ḅoo, Kị́nị́nyánáḅọ Jizọs!
21Kị́nị́nyánáḅọ Jizọs tọ́rụ́kụrụkụ́rụ́ kị́nị́mamgba na fịnịị. Anị ọkọ fịnịị.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©2024 Luke Initiative for Scripture Translation