Puu Findi 2
2
Nnị Pa Ẹ́fịsọs Ḅụ Fịnị Sọsị Ma Fịrịma Oku
1<<Mịị oku ma gịẹ pa Ẹ́fịsọs ḅụ fịnị sọsị ma sookumuḅọ fịrịma:
<<Mịị oku ma sọ́nọ́ma ḅálōló ma ọlọ ḅọ ma ori amaḅara bie saghịḅom sị pịghị odoḅala pa tẹ́mẹ́ tọndọ gbananyẹ ma ḅụ nwángị ikelemáarịḅọ. 2A ị́yẹ́ mịẹ́nyẹ nimim i kọmaá duma; a nimim ịrị ịnyọsua fịrịnwangịmaá ḅara ị pịghị ngịrịma nyanamaá ḅara. A nimim ḅẹẹ ịrị ine sii túminị́ dighi tọ́rụ́sibịgha, ị pịghị nfịrịmaapụ pa nna ḅụ sịịapụ ma dáadighiman, kụ́ma nnị ọkọ fịnịgha, sị warị dọghụ pághámaḅom ḅẹẹ nnị iruonyẹ dughoapụ. 3Ọmịnị ngịrịma nyánam, ori ẹrẹ go tọ́rụ́siarịmam ọ pịghị minigha ịnyọ ọ́ḅụ faá. 4Kụ́ma mịma anịị a nyáná pa ọ pụ́nụ́manyẹ: parị ọmịnị ị ḅẹlẹma ḅara ọmịnị ọkọ pa ị ḅẹlẹmagha. 5Biekóróma ọ bịghị kóró lama ḅara! Ọmịnị ọmịna sii ḅụ pịghị sị parị ọ mịẹmịẹnyẹ ma mịẹ. Ọ sii ḅụ pịghịgha pịghịgha, a ọ dámáḅobẹm sị ọmịna tọndọ gbananyẹ ma ákị anị fịnịkiri. 6Kụ́ma mịma anịị a pa ọ túminí bẹnyẹ; ḅẹẹ ọ Nikolasị duarịapụ ma mịẹarịnyẹ ḅẹlẹmagha.
7<<Biri nyanaḅọ gonyẹ́ gonyẹ́ náa, Tẹ́mẹ́ ma dugho pa sọsị ma pịrịarịnyẹ!
<<Sọḅaapụ a kụrọ pa n pịrịbẹm sị nnị dúma pịrị sị ma sịmgbọlụ fịị, paradaisị ḅụ fịnị Tamuno onu ma.
Nnị Pa Samaina Ḅụ Fịnị Sọsị Ma Fịrịma Oku
8<<Mịị oku ma gịẹ pa Samaina ḅụ fịnị sookumuḅọ ma fịrịma:
<<Mịị oku ma párịḅọ ma na pịghị kunemaḅọ ma, fị́ị sị pịghị sima duma fịnịḅọ ma ḅara sághị ḅom. 9A ọmịna ḅụḅáláḅálá nimim; a pịghị ọmịna ịgónyí nimim anịsọ ọ pa ngọ nyánam! A nimim nnị ọ ḅụ ḅụ dugho síí ẹ́gẹ́rẹ́, ḅẹ́eapụ ḅẹẹ nnị Juuapụ kụ́ma nnị Juuapụgha; nnị anịị Satanị kubiri ogbo! 10Ḅáláfama ọmịnị árịdụmaarị tọ́rụ́siarị ma gosi. Pughu! Ẹ́kpẹ́dua ma ọ pa daádighi ma bie suubẹm ori ọ́ḅụ jẹ́apụ pa ikóliwarịbie gbi sua bẹ sa, ọmịna ḅụḅáláḅálá fịnị mú oyia dii láabẹm. Sẹ́kụrọ i pịrị, anị ḅọ́rọ́ fịị bii sọ, anịsáa a dúma ogunu ma pa ọ pịrịbẹm. 11Biri nyánáḅọ gonyẹ́ gonyẹ́ náa, Tẹ́mẹ́ ma dugho sọsị ma pịrịarịnyẹ! Sọḅaapụ mmẹẹ́ kárámá fịị ma ḅara pa n lámábịgha.
Nnị Pa Pegamọm Ḅụ Fịnị Sọsị Ma Fịrịma Oku
12<<Mịị oku ma gịẹ pa Pegamọm ḅụ fịnị sookumuḅọ ma fịrịmam:
<<Mịị anịị mmẹẹ́ a tọ́rụ́ áláápụ́-ágidi ma ọlọḅọ ma ḅárá saghị ḅoo oku. 13A nimim ọmịnị ngaa angaá, anịị Satanị ma ori imine nyáná ngaa. Anịsọ ọ pa sẹ́kụrọ ị́yẹ́ ẹrẹ ma pịrịm ọ pa ịḅụ mininim nnị Antipasi ị́yẹ́ karakárá onyésẹ̄ḅọ ma ḅá sa ọmịna opu ama bie anịị Satanị ma ngaa angaá. 14Kụ́ma a jẹ́ kálányẹ nyánam a pa ọmịnị ọlọọ bẹnyẹ: ọmịna ḅụ jẹ́apụ Balaam dienyẹ ma duaarị Balak dieḅọ nnị Izirẹlịawọ daa mú siinyẹ bie suu bẹ ḅara, ori n suma ḅara ḅẹẹ nnị n pa igwagwaá nkára tamuno pịrị fị́nyẹ fịị sị pịghị yáakuu ḅụ ófórigha nwángị kọọ. 15Anị gbẹ́rẹ́ ḅara ma jẹ́apụ imi ọmịna ogbobie Nikolasị ọḅụduaapụ dienyẹ ma duaarịapụ. 16Mị́sa ọmịnị ọmịna sii ḅụ pịghị! Ọ ḅọ́rọ́ minigha, a ḅọlọgha sáá ḅụ ọ́ dámáḅobẹm sị i bịpịbie saghị págháḅo áláápụ́-ágidi ma pa owu pa n págháma.
17<<Biri nyánáḅọ gonyẹ́ gonyẹ́ náa Tẹ́mẹ́ ma dugho sọsị ma pịrịarịnyẹ! Sọḅaapụ anịị a ḅọghu jẹa manna ma pịrịbẹapụ. A pịghị pị́na dapịrị pa ọ́rụ́ḅọ ọ́rụ́ḅọ pịrịbẹm nnị ịwọ ẹ́rẹ́ gịẹnyẹ anị ọ́gọ́nọ gbẹ́rẹ́ḅọ sọ nimigha nyẹ anị daakịarịḅọ ma sighima.
Nnị Pa Tiyatira Ḅụ Fịnị Sọsị Ma Fịrịma Oku
18<<Mịị oku ma gịẹ pa Tiyatira ḅụ fịnị sookumuḅọ ma fịrịma:
<<Mị oku ma Tamuno Tụwọ ḅara anịị anị saghị ḅoo nyẹ, ọ tọ́rụ fịnị kọrị ḅara pa kọrịarị, ọ ḅụọ biaarị sọ́ḅọ́rọ́ nnị mụ́nụ́mụ́nụ́ma ḅala. 19A ọmịna mịẹnyẹ nimim. A ọmịna ḅẹlẹma nimim, ọmịna minini, ọmịna fịrị ḅara na ọmịna ngịrịma. A nimim ḅẹẹ mị́sa ọ fịrịnwangị parị ọ nwángị ḅara nẹngịm.
20<<Kụ́ma mịma anịị a pa ọmịna ọlọọ nyẹ: o Jesibẹl pa siḅọ ma daákịm, a ḅụ sịḅọ ḅẹẹ árị ikiakoro ọ́rụ́ḅọ. A diearịnyẹ ma ḅụ ḅọ́rọ́ árị ị́yẹ́ fịrịnwangịapụ daá irimaarị si nnị yáakuu ḅụ ofori nwángị kọarị sị pịghị n pa igwagwaá nkára tamuno pịrị fị́nyẹ fịarị. 21A sáá pa a pịrịmam ḅẹ́ árị arị sii ḅụ pịghị, kụ́ma a pịghị dọghụgha árị yáakuu ḅụ ofori nwángị duma ḅụ. 22Anịgo a á pá múnonyẹ ọ́gọ́nọ ḅụ gbíbẹm árị na árị ama dọghụapụ na ibima tọ́rụ́siarị bẹ angaá. A mịma mịẹbẹm ḅọ́rọ́ nnị árị na mịẹ siiamịẹnyẹ ma ḅụ pịghịgha pịghịgha. 23A pịghị árị awọ ḅaabẹm, anịsáa sọsị mamgba minibẹm ḅẹẹ ịrị anịị kị́nị́mamgba kóróma na n biiarị nyẹ nimiḅọ. A pịghị ọ́rụ́ḅọ ọ́rụ́ḅọ gbẹ́bẹm n ḅo fịrị ḅara láa ḅara.
24<<Kụ́ma ọmịnị kọọapụ ma Tiyatira ḅụ mịnị mịị sii dienyẹ ma duagha; na ọ pa dáwọ ḅogha jẹ́apụ pa Satanị póghóló ḅọghunyẹ sị nyẹ.>> (A dugho ọ pịrịarị a mịnị jẹ́ ikúnyẹ pa ọmịna sịbị gbanabịgha). 25Pa ị nyánányẹ ma ọlọ sẹ́ma ákị muu a ḅoo sáá láa.
26<<Sọḅaḅọ sị pịghị i tẹ́mẹ́ binyẹ mịẹ mú kunema láa ḅọ, a sẹ taa kụrọ ma pa n pịrịbẹm, 27a kụrọ nyánáḅoo maá ḅara Daḅọ ma ḅara sị tọgha sẹ táarị. Anị ḅoo ma ikúlélu kụrọ pa n taábẹm; ori árịamaḅẹlẹ gbi kọ́sịma ḅara pa nnị gbikọsimabẹm. 28A pịghị dedeḅálōlo ma pa ọ pịrịbẹm. 29Biri nyanaḅọ gonyẹ́ gonyẹ́ náa, Tẹ́mẹ́ ma dugho sọsị mamgba pịrịarịnyẹ!
Currently Selected:
Puu Findi 2: IBY
Highlight
Copy
Compare
Share
Want to have your highlights saved across all your devices? Sign up or sign in
©2024 Luke Initiative for Scripture Translation
Puu Findi 2
2
Nnị Pa Ẹ́fịsọs Ḅụ Fịnị Sọsị Ma Fịrịma Oku
1<<Mịị oku ma gịẹ pa Ẹ́fịsọs ḅụ fịnị sọsị ma sookumuḅọ fịrịma:
<<Mịị oku ma sọ́nọ́ma ḅálōló ma ọlọ ḅọ ma ori amaḅara bie saghịḅom sị pịghị odoḅala pa tẹ́mẹ́ tọndọ gbananyẹ ma ḅụ nwángị ikelemáarịḅọ. 2A ị́yẹ́ mịẹ́nyẹ nimim i kọmaá duma; a nimim ịrị ịnyọsua fịrịnwangịmaá ḅara ị pịghị ngịrịma nyanamaá ḅara. A nimim ḅẹẹ ịrị ine sii túminị́ dighi tọ́rụ́sibịgha, ị pịghị nfịrịmaapụ pa nna ḅụ sịịapụ ma dáadighiman, kụ́ma nnị ọkọ fịnịgha, sị warị dọghụ pághámaḅom ḅẹẹ nnị iruonyẹ dughoapụ. 3Ọmịnị ngịrịma nyánam, ori ẹrẹ go tọ́rụ́siarịmam ọ pịghị minigha ịnyọ ọ́ḅụ faá. 4Kụ́ma mịma anịị a nyáná pa ọ pụ́nụ́manyẹ: parị ọmịnị ị ḅẹlẹma ḅara ọmịnị ọkọ pa ị ḅẹlẹmagha. 5Biekóróma ọ bịghị kóró lama ḅara! Ọmịnị ọmịna sii ḅụ pịghị sị parị ọ mịẹmịẹnyẹ ma mịẹ. Ọ sii ḅụ pịghịgha pịghịgha, a ọ dámáḅobẹm sị ọmịna tọndọ gbananyẹ ma ákị anị fịnịkiri. 6Kụ́ma mịma anịị a pa ọ túminí bẹnyẹ; ḅẹẹ ọ Nikolasị duarịapụ ma mịẹarịnyẹ ḅẹlẹmagha.
7<<Biri nyanaḅọ gonyẹ́ gonyẹ́ náa, Tẹ́mẹ́ ma dugho pa sọsị ma pịrịarịnyẹ!
<<Sọḅaapụ a kụrọ pa n pịrịbẹm sị nnị dúma pịrị sị ma sịmgbọlụ fịị, paradaisị ḅụ fịnị Tamuno onu ma.
Nnị Pa Samaina Ḅụ Fịnị Sọsị Ma Fịrịma Oku
8<<Mịị oku ma gịẹ pa Samaina ḅụ fịnị sookumuḅọ ma fịrịma:
<<Mịị oku ma párịḅọ ma na pịghị kunemaḅọ ma, fị́ị sị pịghị sima duma fịnịḅọ ma ḅara sághị ḅom. 9A ọmịna ḅụḅáláḅálá nimim; a pịghị ọmịna ịgónyí nimim anịsọ ọ pa ngọ nyánam! A nimim nnị ọ ḅụ ḅụ dugho síí ẹ́gẹ́rẹ́, ḅẹ́eapụ ḅẹẹ nnị Juuapụ kụ́ma nnị Juuapụgha; nnị anịị Satanị kubiri ogbo! 10Ḅáláfama ọmịnị árịdụmaarị tọ́rụ́siarị ma gosi. Pughu! Ẹ́kpẹ́dua ma ọ pa daádighi ma bie suubẹm ori ọ́ḅụ jẹ́apụ pa ikóliwarịbie gbi sua bẹ sa, ọmịna ḅụḅáláḅálá fịnị mú oyia dii láabẹm. Sẹ́kụrọ i pịrị, anị ḅọ́rọ́ fịị bii sọ, anịsáa a dúma ogunu ma pa ọ pịrịbẹm. 11Biri nyánáḅọ gonyẹ́ gonyẹ́ náa, Tẹ́mẹ́ ma dugho sọsị ma pịrịarịnyẹ! Sọḅaapụ mmẹẹ́ kárámá fịị ma ḅara pa n lámábịgha.
Nnị Pa Pegamọm Ḅụ Fịnị Sọsị Ma Fịrịma Oku
12<<Mịị oku ma gịẹ pa Pegamọm ḅụ fịnị sookumuḅọ ma fịrịmam:
<<Mịị anịị mmẹẹ́ a tọ́rụ́ áláápụ́-ágidi ma ọlọḅọ ma ḅárá saghị ḅoo oku. 13A nimim ọmịnị ngaa angaá, anịị Satanị ma ori imine nyáná ngaa. Anịsọ ọ pa sẹ́kụrọ ị́yẹ́ ẹrẹ ma pịrịm ọ pa ịḅụ mininim nnị Antipasi ị́yẹ́ karakárá onyésẹ̄ḅọ ma ḅá sa ọmịna opu ama bie anịị Satanị ma ngaa angaá. 14Kụ́ma a jẹ́ kálányẹ nyánam a pa ọmịnị ọlọọ bẹnyẹ: ọmịna ḅụ jẹ́apụ Balaam dienyẹ ma duaarị Balak dieḅọ nnị Izirẹlịawọ daa mú siinyẹ bie suu bẹ ḅara, ori n suma ḅara ḅẹẹ nnị n pa igwagwaá nkára tamuno pịrị fị́nyẹ fịị sị pịghị yáakuu ḅụ ófórigha nwángị kọọ. 15Anị gbẹ́rẹ́ ḅara ma jẹ́apụ imi ọmịna ogbobie Nikolasị ọḅụduaapụ dienyẹ ma duaarịapụ. 16Mị́sa ọmịnị ọmịna sii ḅụ pịghị! Ọ ḅọ́rọ́ minigha, a ḅọlọgha sáá ḅụ ọ́ dámáḅobẹm sị i bịpịbie saghị págháḅo áláápụ́-ágidi ma pa owu pa n págháma.
17<<Biri nyánáḅọ gonyẹ́ gonyẹ́ náa Tẹ́mẹ́ ma dugho sọsị ma pịrịarịnyẹ! Sọḅaapụ anịị a ḅọghu jẹa manna ma pịrịbẹapụ. A pịghị pị́na dapịrị pa ọ́rụ́ḅọ ọ́rụ́ḅọ pịrịbẹm nnị ịwọ ẹ́rẹ́ gịẹnyẹ anị ọ́gọ́nọ gbẹ́rẹ́ḅọ sọ nimigha nyẹ anị daakịarịḅọ ma sighima.
Nnị Pa Tiyatira Ḅụ Fịnị Sọsị Ma Fịrịma Oku
18<<Mịị oku ma gịẹ pa Tiyatira ḅụ fịnị sookumuḅọ ma fịrịma:
<<Mị oku ma Tamuno Tụwọ ḅara anịị anị saghị ḅoo nyẹ, ọ tọ́rụ fịnị kọrị ḅara pa kọrịarị, ọ ḅụọ biaarị sọ́ḅọ́rọ́ nnị mụ́nụ́mụ́nụ́ma ḅala. 19A ọmịna mịẹnyẹ nimim. A ọmịna ḅẹlẹma nimim, ọmịna minini, ọmịna fịrị ḅara na ọmịna ngịrịma. A nimim ḅẹẹ mị́sa ọ fịrịnwangị parị ọ nwángị ḅara nẹngịm.
20<<Kụ́ma mịma anịị a pa ọmịna ọlọọ nyẹ: o Jesibẹl pa siḅọ ma daákịm, a ḅụ sịḅọ ḅẹẹ árị ikiakoro ọ́rụ́ḅọ. A diearịnyẹ ma ḅụ ḅọ́rọ́ árị ị́yẹ́ fịrịnwangịapụ daá irimaarị si nnị yáakuu ḅụ ofori nwángị kọarị sị pịghị n pa igwagwaá nkára tamuno pịrị fị́nyẹ fịarị. 21A sáá pa a pịrịmam ḅẹ́ árị arị sii ḅụ pịghị, kụ́ma a pịghị dọghụgha árị yáakuu ḅụ ofori nwángị duma ḅụ. 22Anịgo a á pá múnonyẹ ọ́gọ́nọ ḅụ gbíbẹm árị na árị ama dọghụapụ na ibima tọ́rụ́siarị bẹ angaá. A mịma mịẹbẹm ḅọ́rọ́ nnị árị na mịẹ siiamịẹnyẹ ma ḅụ pịghịgha pịghịgha. 23A pịghị árị awọ ḅaabẹm, anịsáa sọsị mamgba minibẹm ḅẹẹ ịrị anịị kị́nị́mamgba kóróma na n biiarị nyẹ nimiḅọ. A pịghị ọ́rụ́ḅọ ọ́rụ́ḅọ gbẹ́bẹm n ḅo fịrị ḅara láa ḅara.
24<<Kụ́ma ọmịnị kọọapụ ma Tiyatira ḅụ mịnị mịị sii dienyẹ ma duagha; na ọ pa dáwọ ḅogha jẹ́apụ pa Satanị póghóló ḅọghunyẹ sị nyẹ.>> (A dugho ọ pịrịarị a mịnị jẹ́ ikúnyẹ pa ọmịna sịbị gbanabịgha). 25Pa ị nyánányẹ ma ọlọ sẹ́ma ákị muu a ḅoo sáá láa.
26<<Sọḅaḅọ sị pịghị i tẹ́mẹ́ binyẹ mịẹ mú kunema láa ḅọ, a sẹ taa kụrọ ma pa n pịrịbẹm, 27a kụrọ nyánáḅoo maá ḅara Daḅọ ma ḅara sị tọgha sẹ táarị. Anị ḅoo ma ikúlélu kụrọ pa n taábẹm; ori árịamaḅẹlẹ gbi kọ́sịma ḅara pa nnị gbikọsimabẹm. 28A pịghị dedeḅálōlo ma pa ọ pịrịbẹm. 29Biri nyanaḅọ gonyẹ́ gonyẹ́ náa, Tẹ́mẹ́ ma dugho sọsị mamgba pịrịarịnyẹ!
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©2024 Luke Initiative for Scripture Translation