Filipaiapụ 4
4
Againma
1Anịma gosi, ịyẹa nángwọ́apụ, ọmịnị a ḅẹlẹma sị anị dọghụapụ, ị́yẹ́ bieḅẹlẹ na ị́yẹ́ ogunu. Mị ḅara ma anịị ọ pa sẹ́kụrọ bẹnyẹ Kị́nị́nyánáḅọ ma bie, ịyẹa nángwọ́apụ. 2Uodiya na Sintiki, páisisi, a ọ tẹ́ghẹ̄m ọmịnị ọmịna nụná ma kunema, ẹ́rẹ́mịnaapụ ḅara Krais bie. 3Ịrịsọ ị́yẹ́ ibi árụ́ḅọ, a biim ḅẹ́ i ḅárásua mịná ẹ́rẹ́ámáapụ ma pịrị, nnị ịnyọfama i nana fịrịnwangịmam ibi oku ma dugho wásáma ḅụ, nnị na Kilementi na pịghị ijẹa fịrịnwangịapụ, nna ẹ́rẹ́ Kị́nị́nyánáḅọ duma diri ma bie fịnịapụ.
4Sámámgba bieḅẹlẹ ḅẹ i Kị́nị́nyánáḅọ bie imi gosi. A sima anị dughom dụrụkụụ!
5Diin ḅara pa kị́nị́mamgba na ngaa Kị́nị́nyánáḅọ ma ḅọlọgha sáá ḅụ ḅoarị. 6Ḅụḅáláḅálá pa ịḅụ pịrịma ḅẹnyẹ ḅẹnyẹ ḅụ kụ́ma ị́yẹ́ tẹ́ghẹ̄ ḅụ, Tamuno ḅara ị dọghụnyẹ bi, ịmịẹḅam tẹ́mẹ́ pa ọ ḅara i bi dọghụnyẹ bii. 7Anịsáa Tamuno ma diin, opuma tumḅọ akanyaḅo nẹ́ngị nyẹ warị Krais Jizọs ḅụ ị́yẹ́ tẹ́mẹ́bie na ikúkúbie koko warịbẹm.
8Kunemaá, ịyẹa nángwọ́apụ ọ mịnanyẹ ma pa ọmịna tẹ́mẹ́bie sua bima, ibi nyẹ gonyẹ́ gonyẹ́ sị túminị́ túminíarị nyẹ, tụ́manyẹ gonyẹ́ gonyẹ́, osigha nyánányẹ gonyẹ́ gonyẹ́, karakárányẹ gonyẹ́ gonyẹ́, fíafía nyẹ gonyẹ́ gonyẹ́, ḅẹlẹma na ibinyẹ na pighi kuu na ibi nyẹ. 9Pa fịrị ḅụ suu ọmịnị i ḅara dawọ pịghị nyánáḅonyẹ ị́yẹ́ ẹ́gẹ́rẹ́ ḅụ na pịghị ị́yẹ́ mịẹnyẹ ḅụ. Anịsáa, diin pa wa pịrịarịḅọ ma ọ́ nana fịnịbẹm.
Ịmịẹḅam Ọ Pa Ị Dienyẹ Ḅụ
10Ị́yẹ́ duma bie a opuma bieḅẹlẹm Krais ḅụ, ḅẹ sáá ḅo ibima ḅọ́rọ́ sáá, o ḅo pịghị sima diem ḅẹ ọmịnị i dighi tọ́rụ́sigha. A dughoghaa ḅẹ ọmịnị i dighi tọ́rụsim, kụ́ma asọ findi ọ pịrịghaa ḅẹ o mịnị anị mịẹ. 11A go mịma dughoarị nyẹ ḅẹgha ḅẹ́ nyẹ i palịmam tegó a dawọḅomam a nyánányẹ itọrụ bi bẹ ḅara. 12A nimimam anị fịnị ḅara nyẹ tumḅọ pálịma sáá, na pịghị nyẹ bifụfụ sáá. A mịị ḅọghunyẹ ma dawọḅomam, tumḅọ nyánányẹ n ḅo tọ́rụ́ bi bẹ ḅara sámámgba pịghị ngaa mamgba ḅụ, a fị́fúrobima ọ, a fúro mpara fị o, a ḅọ́rọ́ nyẹ nyáná bima anịgha a ḅẹnyẹ ḅẹnyẹ nyánágha. 13A ine nyẹ gonyẹ́ gonyẹ́ mịẹbẹm Krais ḅụ ḅọ́rọ́, ori ịnyọ pa i pịrịarịḅọ.
14Kụ́ma ọmịnị ibiḅara mịẹm ḅẹ ọ ḅárásua i pịrịị ị́yẹ́ ḅụḅáláḅálá ma ḅụ. 15Ọmịnị Filipaiapụ, ọmịnị ibima nimii ḅẹ́ a Masidoniya wáriso sáá, a ịwọma ibi oku ma dugho wásámaarị sáá, ọmịnị ngéré anịị ḅárásua i pịrị sọsị, ọmịnị anịị ị́yẹ́ sọnyẹ na ị́yẹ́ faá ḅụ diekiri nyánáapụ. 16Gbẹ́rẹ́ sáá ngéréghaa, a ḅárásua bi sáá Tẹ́salonaika ḅụ, o pa i fịrịmam. 17Ḅẹgha ḅẹ́ a diepịrịnyẹ daakị dọ́ghụm, tụ́ma túminị́ árị sị sọnyẹ sọ ọ pịrịbẹnyẹ. 18A nyẹ gonyẹ́ gonyẹ́ nyanaḅomam bi ḅara ḅụ, anị bi wasam! A binyẹ gonyẹ́ gonyẹ́ a nyánam mị́sa Epaforoditọs ọmịna dienyẹ akuoo i pịrịmaá sáá. Anị nnị mịẹ Tamuno pịrị akị dọghụ igwaa. 19I Tamuno Krais Jizọs ḅụ ḅọ́rọ́, ori mánámāná ngọ ma ḅụ ọ pali nyẹ gonyẹ́ gonyẹ́ pa ọ pịrịbẹm.
20Boma fịnị wámịna Tamuno Daḅọ pịrị mú ḅẹsá ḅẹsá láa! Anị ọkọ fịnịị.
Kunema Sịbịpị
21Krais Jizọs bie fịnị tọ́ntọ́apụ ma bi fama. Mịnga i nana fịnị mininiapụ ma fịrịmam ḅẹ a o bii. 22Tamuno tọ́ntọ́apụ ma fịrịmam ḅẹ́ a o bii, dada Táarịḅọ ma wárịapụ.
23Wámịna Nyánáḅọ Jizọs Krais tọ́rụ́kụrụkụ́rụ́ ọmịnị kị́nị́mamgba na fịnịị.
Currently Selected:
Filipaiapụ 4: IBY
Highlight
Copy
Compare
Share
Want to have your highlights saved across all your devices? Sign up or sign in
©2024 Luke Initiative for Scripture Translation
Filipaiapụ 4
4
Againma
1Anịma gosi, ịyẹa nángwọ́apụ, ọmịnị a ḅẹlẹma sị anị dọghụapụ, ị́yẹ́ bieḅẹlẹ na ị́yẹ́ ogunu. Mị ḅara ma anịị ọ pa sẹ́kụrọ bẹnyẹ Kị́nị́nyánáḅọ ma bie, ịyẹa nángwọ́apụ. 2Uodiya na Sintiki, páisisi, a ọ tẹ́ghẹ̄m ọmịnị ọmịna nụná ma kunema, ẹ́rẹ́mịnaapụ ḅara Krais bie. 3Ịrịsọ ị́yẹ́ ibi árụ́ḅọ, a biim ḅẹ́ i ḅárásua mịná ẹ́rẹ́ámáapụ ma pịrị, nnị ịnyọfama i nana fịrịnwangịmam ibi oku ma dugho wásáma ḅụ, nnị na Kilementi na pịghị ijẹa fịrịnwangịapụ, nna ẹ́rẹ́ Kị́nị́nyánáḅọ duma diri ma bie fịnịapụ.
4Sámámgba bieḅẹlẹ ḅẹ i Kị́nị́nyánáḅọ bie imi gosi. A sima anị dughom dụrụkụụ!
5Diin ḅara pa kị́nị́mamgba na ngaa Kị́nị́nyánáḅọ ma ḅọlọgha sáá ḅụ ḅoarị. 6Ḅụḅáláḅálá pa ịḅụ pịrịma ḅẹnyẹ ḅẹnyẹ ḅụ kụ́ma ị́yẹ́ tẹ́ghẹ̄ ḅụ, Tamuno ḅara ị dọghụnyẹ bi, ịmịẹḅam tẹ́mẹ́ pa ọ ḅara i bi dọghụnyẹ bii. 7Anịsáa Tamuno ma diin, opuma tumḅọ akanyaḅo nẹ́ngị nyẹ warị Krais Jizọs ḅụ ị́yẹ́ tẹ́mẹ́bie na ikúkúbie koko warịbẹm.
8Kunemaá, ịyẹa nángwọ́apụ ọ mịnanyẹ ma pa ọmịna tẹ́mẹ́bie sua bima, ibi nyẹ gonyẹ́ gonyẹ́ sị túminị́ túminíarị nyẹ, tụ́manyẹ gonyẹ́ gonyẹ́, osigha nyánányẹ gonyẹ́ gonyẹ́, karakárányẹ gonyẹ́ gonyẹ́, fíafía nyẹ gonyẹ́ gonyẹ́, ḅẹlẹma na ibinyẹ na pighi kuu na ibi nyẹ. 9Pa fịrị ḅụ suu ọmịnị i ḅara dawọ pịghị nyánáḅonyẹ ị́yẹ́ ẹ́gẹ́rẹ́ ḅụ na pịghị ị́yẹ́ mịẹnyẹ ḅụ. Anịsáa, diin pa wa pịrịarịḅọ ma ọ́ nana fịnịbẹm.
Ịmịẹḅam Ọ Pa Ị Dienyẹ Ḅụ
10Ị́yẹ́ duma bie a opuma bieḅẹlẹm Krais ḅụ, ḅẹ sáá ḅo ibima ḅọ́rọ́ sáá, o ḅo pịghị sima diem ḅẹ ọmịnị i dighi tọ́rụ́sigha. A dughoghaa ḅẹ ọmịnị i dighi tọ́rụsim, kụ́ma asọ findi ọ pịrịghaa ḅẹ o mịnị anị mịẹ. 11A go mịma dughoarị nyẹ ḅẹgha ḅẹ́ nyẹ i palịmam tegó a dawọḅomam a nyánányẹ itọrụ bi bẹ ḅara. 12A nimimam anị fịnị ḅara nyẹ tumḅọ pálịma sáá, na pịghị nyẹ bifụfụ sáá. A mịị ḅọghunyẹ ma dawọḅomam, tumḅọ nyánányẹ n ḅo tọ́rụ́ bi bẹ ḅara sámámgba pịghị ngaa mamgba ḅụ, a fị́fúrobima ọ, a fúro mpara fị o, a ḅọ́rọ́ nyẹ nyáná bima anịgha a ḅẹnyẹ ḅẹnyẹ nyánágha. 13A ine nyẹ gonyẹ́ gonyẹ́ mịẹbẹm Krais ḅụ ḅọ́rọ́, ori ịnyọ pa i pịrịarịḅọ.
14Kụ́ma ọmịnị ibiḅara mịẹm ḅẹ ọ ḅárásua i pịrịị ị́yẹ́ ḅụḅáláḅálá ma ḅụ. 15Ọmịnị Filipaiapụ, ọmịnị ibima nimii ḅẹ́ a Masidoniya wáriso sáá, a ịwọma ibi oku ma dugho wásámaarị sáá, ọmịnị ngéré anịị ḅárásua i pịrị sọsị, ọmịnị anịị ị́yẹ́ sọnyẹ na ị́yẹ́ faá ḅụ diekiri nyánáapụ. 16Gbẹ́rẹ́ sáá ngéréghaa, a ḅárásua bi sáá Tẹ́salonaika ḅụ, o pa i fịrịmam. 17Ḅẹgha ḅẹ́ a diepịrịnyẹ daakị dọ́ghụm, tụ́ma túminị́ árị sị sọnyẹ sọ ọ pịrịbẹnyẹ. 18A nyẹ gonyẹ́ gonyẹ́ nyanaḅomam bi ḅara ḅụ, anị bi wasam! A binyẹ gonyẹ́ gonyẹ́ a nyánam mị́sa Epaforoditọs ọmịna dienyẹ akuoo i pịrịmaá sáá. Anị nnị mịẹ Tamuno pịrị akị dọghụ igwaa. 19I Tamuno Krais Jizọs ḅụ ḅọ́rọ́, ori mánámāná ngọ ma ḅụ ọ pali nyẹ gonyẹ́ gonyẹ́ pa ọ pịrịbẹm.
20Boma fịnị wámịna Tamuno Daḅọ pịrị mú ḅẹsá ḅẹsá láa! Anị ọkọ fịnịị.
Kunema Sịbịpị
21Krais Jizọs bie fịnị tọ́ntọ́apụ ma bi fama. Mịnga i nana fịnị mininiapụ ma fịrịmam ḅẹ a o bii. 22Tamuno tọ́ntọ́apụ ma fịrịmam ḅẹ́ a o bii, dada Táarịḅọ ma wárịapụ.
23Wámịna Nyánáḅọ Jizọs Krais tọ́rụ́kụrụkụ́rụ́ ọmịnị kị́nị́mamgba na fịnịị.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©2024 Luke Initiative for Scripture Translation