Fịlẹmọn 1
1
Pọl Gịẹ Fịlẹmọn Fịrịma Diri
1Mịị diri ma irị Pọl ḅara anịị anị sághị ḅoo nyẹ, irị ikólinaḅọ Krais Jizọs fịrị ma gosi. Timoti wámịna mị́naḅọ owitụ́wọ minini ma ḅụ i nana mị diri ma pa Fịlẹmọn wámịna nángwọ pịghị fịrịnwangị ḅụ gbẹ́rẹ́ḅọ fịrịmaarị. 2Mịị diri ma anị pịghị ḅó wámịna mị́naḅọ ẹ́rẹ́ḅọtụ́wọ Áfiya na pịghị wámịna ibi oku ma ọ́mụ́gbi gbẹ́rẹ́ḅọ Akipọs na pịghị Fịlẹmọn wárịbie kobirikobiri sọsị ma pịrịm. 3Wámịna Tamuno Daḅọ na wámịna Nyánáḅọ Jizọs Krais ọrẹ ḅẹlẹma na diin pá ọ pịrịị.
Fịlẹmọn Ḅẹlẹma Na Ori Míníni
4Mị́naḅọ owitụ́wọ Fịlẹmọn, a tẹ́ghẹ̄ sa gonyẹ́ gonyẹ́ a i goarị sị ịmịẹḅam pa i Tamuno ḅẹarị, 5a náa sị, ị́ nyána Tamuno túminị́ mamgba pịrị ḅẹlẹma gosi, na pịghị ị́yẹ́ míníni wámịna Nyánáḅọ Jizọs ḅụ. 6Á tẹ́ghẹ̄arị ḅẹ́ wamịnị na ọ́ nana nyána mịẹgbólóma kobiri mininiapụ ḅara póghóló akanyaḅo pághámaḅobẹm wámịna duma bie, wa nyána karịiḅi mamgbá wa ḅọ Krais na gbẹ́rẹ́nyẹ mịẹ sa. 7Ị́yẹ́ ḅẹlẹma wámịna mị́naḅọ owitụ́wọ, opu bieḅẹlẹ na ịwọ ịnyọ pá ịḅụ suamam ị Tamuno túminị́ tẹ́mẹ́ mịẹ ḅẹ́lẹ́mamam.
Ḅara Bi Nyẹ Onisimọs Sịbị Go
8Mịma go ị́yẹ́ Krais mị́naḅọ ḅárá, a íné ḅáláfaghaa ḅara í ḅẹbẹm si ị́ mịẹna ibinyẹ ma mịẹ. 9Kụ́ma, a nyáná ị pịrị ḅẹlẹma go, tẹ́ghẹ̄ anị a ị tẹ́ghẹ̄arị nyẹ. Á mịma mịẹarị irị Pọl mḅẹ́sọ, olom owitụ́wọ pịghị mị́sa ma ḅụ Jizọs Krais ikólinaḅọ. 10Á ị tẹ́ghẹ́arị Onisimọs sịbị ọgọ́nọ́, mị́sa tụwọ sọọ i pị́rị́máaḅọ Krais bie, a pa ịkóliwárị ma bie fịnị sa, a ḅo Krais bie daa sọọ ọ pịrịmam. 11Gbẹ́rẹ́sa biri, ọ sọnyẹ sọ ị pịrịgha, kụ́ma mị́sa ọ sọ́nyẹ sọ ị́ pịrịm, pịghị sọ́nyẹ sọ i pịrịị.
12A ọ fịrịma ḅọ ị pịrịarị, ori ịḅụ nyẹ́lam. 13A biibẹm ḅẹ́ a ọ pa mịnga warị, a ikólibie fịnịarị sa ibi oku ma go, si ori ị nwángị i pịrịarị fịrị ma nwángị. 14A bẹnyẹ bẹnyẹ mịẹbiegha ḅọ́rọ́ ị minigha, kụ́ma a biibẹm ḅẹ́ ị́ ịtemeḅie pa anị mịẹ anịḅọ kụrọ tọ́rụ́ nyẹ diighibieghaa ḅara.
15Didigha, mịma go anịị nnị ị́ ḅarabie Onisimọs fófóoma nyẹ mị kálásatụwọ ma ḅụ, sị ị sima ó nyánáakị mú gbámásó la. 16Mịnị ómóniḅọ ḅaraghá, kụ́ma ómóniḅọ nẹngịḅọ, a ḅẹlẹma mị́naḅọ owitụ́wọ Krais bie. Ori ịḅụ nyẹ́lam, kụ́ma ọ pịghị ịḅụ nyẹlaḅam ómóniḅọ ḅara, na pịghị mị́naḅọ owitụ́wọ Kị́nị́nyánáḅọ ma bie.
17Anị ẹrẹ́sị, ị ḅọ́rọ́ ị́yẹ́ ákị ị́ jẹa fịrịwangiḅọ ḅara, pịghị anị ḅara ma pa ọ si akị ị ị́yẹ́ ákị bẹ ḅara. 18Ọ ḅọ́rọ́ ị́ mịẹsimama nḅẹḅẹ́, anịgha ọ pịghị ị ḅara sa ọlọ́lọ́ pa ị́ sịbị sẹ. 19Mịnga nyẹ ma, a ị́ ḅara na gịẹbẹm, ḅẹ́ irị Pọl ị́ gbẹ́bẹm. Á pa i biekórómanaibịgha ḅẹ́ ịḅụgḅọrụ ọ ị́ ḅárabie ị́rị ọlọ sáá. 20Anịgo ị mị́naḅọ owitụ́wọ, mịị ibi ma pa i mịẹ Kị́nị́nyánáḅọ gosi. Ị́ mị́naḅọ owitụ́wọ ḅara Krais bie, mịẹsị i tẹmẹ bieḅẹlẹ.
21Á mị diri ma gịẹárị ḅara, a tẹ́mẹ́kụ́rọ nyánam ḅẹ́ ị a ị ḅara bii nyẹ ị mịẹbẹm, ị pịghị mịẹ a ḅiiḅara nẹ́ngimabẹm. 22Anị gbẹ́rẹ́ ḅara ma ḅụ, múno yọ tẹ́lẹ́ma í pịrịị, a mininim ḅẹẹ, Tamuno ị sịbị ọ tẹ́ghẹ̄ tẹghẹ̄ mamgba naábẹm sị sima ị́ pa ọ pịrị.
Kunema Kule
23Epafras i jẹa ikólinaḅọ Jizọs Krais fịrị ma go ḅẹm a obifama. 24Mak, na Aristakọs, na Demas na pịghị Luk í jẹa fịrịnwangịapụ ḅẹm a o bii. 25Kị́nị́nyánáḅọ Jizọs Krais tọ́rụ́kụrụkụ́rụ́ ọmịnị na fịnịị.
Currently Selected:
Fịlẹmọn 1: IBY
Highlight
Copy
Compare
Share
Want to have your highlights saved across all your devices? Sign up or sign in
©2024 Luke Initiative for Scripture Translation
Fịlẹmọn 1
1
Pọl Gịẹ Fịlẹmọn Fịrịma Diri
1Mịị diri ma irị Pọl ḅara anịị anị sághị ḅoo nyẹ, irị ikólinaḅọ Krais Jizọs fịrị ma gosi. Timoti wámịna mị́naḅọ owitụ́wọ minini ma ḅụ i nana mị diri ma pa Fịlẹmọn wámịna nángwọ pịghị fịrịnwangị ḅụ gbẹ́rẹ́ḅọ fịrịmaarị. 2Mịị diri ma anị pịghị ḅó wámịna mị́naḅọ ẹ́rẹ́ḅọtụ́wọ Áfiya na pịghị wámịna ibi oku ma ọ́mụ́gbi gbẹ́rẹ́ḅọ Akipọs na pịghị Fịlẹmọn wárịbie kobirikobiri sọsị ma pịrịm. 3Wámịna Tamuno Daḅọ na wámịna Nyánáḅọ Jizọs Krais ọrẹ ḅẹlẹma na diin pá ọ pịrịị.
Fịlẹmọn Ḅẹlẹma Na Ori Míníni
4Mị́naḅọ owitụ́wọ Fịlẹmọn, a tẹ́ghẹ̄ sa gonyẹ́ gonyẹ́ a i goarị sị ịmịẹḅam pa i Tamuno ḅẹarị, 5a náa sị, ị́ nyána Tamuno túminị́ mamgba pịrị ḅẹlẹma gosi, na pịghị ị́yẹ́ míníni wámịna Nyánáḅọ Jizọs ḅụ. 6Á tẹ́ghẹ̄arị ḅẹ́ wamịnị na ọ́ nana nyána mịẹgbólóma kobiri mininiapụ ḅara póghóló akanyaḅo pághámaḅobẹm wámịna duma bie, wa nyána karịiḅi mamgbá wa ḅọ Krais na gbẹ́rẹ́nyẹ mịẹ sa. 7Ị́yẹ́ ḅẹlẹma wámịna mị́naḅọ owitụ́wọ, opu bieḅẹlẹ na ịwọ ịnyọ pá ịḅụ suamam ị Tamuno túminị́ tẹ́mẹ́ mịẹ ḅẹ́lẹ́mamam.
Ḅara Bi Nyẹ Onisimọs Sịbị Go
8Mịma go ị́yẹ́ Krais mị́naḅọ ḅárá, a íné ḅáláfaghaa ḅara í ḅẹbẹm si ị́ mịẹna ibinyẹ ma mịẹ. 9Kụ́ma, a nyáná ị pịrị ḅẹlẹma go, tẹ́ghẹ̄ anị a ị tẹ́ghẹ̄arị nyẹ. Á mịma mịẹarị irị Pọl mḅẹ́sọ, olom owitụ́wọ pịghị mị́sa ma ḅụ Jizọs Krais ikólinaḅọ. 10Á ị tẹ́ghẹ́arị Onisimọs sịbị ọgọ́nọ́, mị́sa tụwọ sọọ i pị́rị́máaḅọ Krais bie, a pa ịkóliwárị ma bie fịnị sa, a ḅo Krais bie daa sọọ ọ pịrịmam. 11Gbẹ́rẹ́sa biri, ọ sọnyẹ sọ ị pịrịgha, kụ́ma mị́sa ọ sọ́nyẹ sọ ị́ pịrịm, pịghị sọ́nyẹ sọ i pịrịị.
12A ọ fịrịma ḅọ ị pịrịarị, ori ịḅụ nyẹ́lam. 13A biibẹm ḅẹ́ a ọ pa mịnga warị, a ikólibie fịnịarị sa ibi oku ma go, si ori ị nwángị i pịrịarị fịrị ma nwángị. 14A bẹnyẹ bẹnyẹ mịẹbiegha ḅọ́rọ́ ị minigha, kụ́ma a biibẹm ḅẹ́ ị́ ịtemeḅie pa anị mịẹ anịḅọ kụrọ tọ́rụ́ nyẹ diighibieghaa ḅara.
15Didigha, mịma go anịị nnị ị́ ḅarabie Onisimọs fófóoma nyẹ mị kálásatụwọ ma ḅụ, sị ị sima ó nyánáakị mú gbámásó la. 16Mịnị ómóniḅọ ḅaraghá, kụ́ma ómóniḅọ nẹngịḅọ, a ḅẹlẹma mị́naḅọ owitụ́wọ Krais bie. Ori ịḅụ nyẹ́lam, kụ́ma ọ pịghị ịḅụ nyẹlaḅam ómóniḅọ ḅara, na pịghị mị́naḅọ owitụ́wọ Kị́nị́nyánáḅọ ma bie.
17Anị ẹrẹ́sị, ị ḅọ́rọ́ ị́yẹ́ ákị ị́ jẹa fịrịwangiḅọ ḅara, pịghị anị ḅara ma pa ọ si akị ị ị́yẹ́ ákị bẹ ḅara. 18Ọ ḅọ́rọ́ ị́ mịẹsimama nḅẹḅẹ́, anịgha ọ pịghị ị ḅara sa ọlọ́lọ́ pa ị́ sịbị sẹ. 19Mịnga nyẹ ma, a ị́ ḅara na gịẹbẹm, ḅẹ́ irị Pọl ị́ gbẹ́bẹm. Á pa i biekórómanaibịgha ḅẹ́ ịḅụgḅọrụ ọ ị́ ḅárabie ị́rị ọlọ sáá. 20Anịgo ị mị́naḅọ owitụ́wọ, mịị ibi ma pa i mịẹ Kị́nị́nyánáḅọ gosi. Ị́ mị́naḅọ owitụ́wọ ḅara Krais bie, mịẹsị i tẹmẹ bieḅẹlẹ.
21Á mị diri ma gịẹárị ḅara, a tẹ́mẹ́kụ́rọ nyánam ḅẹ́ ị a ị ḅara bii nyẹ ị mịẹbẹm, ị pịghị mịẹ a ḅiiḅara nẹ́ngimabẹm. 22Anị gbẹ́rẹ́ ḅara ma ḅụ, múno yọ tẹ́lẹ́ma í pịrịị, a mininim ḅẹẹ, Tamuno ị sịbị ọ tẹ́ghẹ̄ tẹghẹ̄ mamgba naábẹm sị sima ị́ pa ọ pịrị.
Kunema Kule
23Epafras i jẹa ikólinaḅọ Jizọs Krais fịrị ma go ḅẹm a obifama. 24Mak, na Aristakọs, na Demas na pịghị Luk í jẹa fịrịnwangịapụ ḅẹm a o bii. 25Kị́nị́nyánáḅọ Jizọs Krais tọ́rụ́kụrụkụ́rụ́ ọmịnị na fịnịị.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©2024 Luke Initiative for Scripture Translation