Jems 2
2
Tọ́rụ́kụ́ma Ị́yẹ́ Mịẹnyẹ Ḅụ
1Ịyẹa mịnaapụ, mininiapụ ḅara wámịna Nyánáḅọ Jizọs Krais ḅụ, ipine nyáná Kị́nị́nyánáḅọ, jẹ́ éné jẹ́ éné tọ́rụ́kịrịkị́rị́ ḅara pa nyẹ́ mịẹ túminị́ pịrịma nna fịnị ḅara gosi. 2Ḅẹ́ ḅọ́rọ́ igbii nyáná owitụ́wọ, odoḅala na fíafía bịtẹ suaḅọ, ọmịna kubiri ogbo ḅom, sị gbẹ́rẹ́ simini ḅọ, káákáá bịtẹ suaḅọ sọ pịghị ḅom. 3Ị warị tụ́ma osigha nyána fíafía bịtẹ ma suaḅọ pịrị, warị ọ ḅẹ́, <<Mịnga tụ́ma ịkasị ḅụ kpọrọfịnị,>> warị siminiḅọ ma ḅẹ́, <<Ịrí anị angaá sẹ́fịnị, anịgha kpọrọfịnị kiri ma ḅụ ị ḅụọ angaá,>> 4anịsa ị ólóghó kórómam. Ị kị́rị́ma pupághámaḅoarị ọmịnị ogbobie, pịghị ḅẹ́rẹ́kọ pẹ́lẹ́arị ọmịna sitẹ́mẹ́ ḅụ ḅọ́rọ́.
5O pughu, ị́yẹ́ ibi mịnaapụ, Tamuno mị tuminikiri siminiapụ ma sẹ́lẹ́akịm sị nnị opuma minini nyánáapụ sọ sị nnị ma pịghị amadakiri ma nyáná bẹapụ sọ, Tamuno minini ọ ḅẹlẹmaapụ ma pịrịnyẹ. 6Kụ́ma ọmịnị siminiapụ dighisimam. Tẹ́apụ ọ pụ́nụ́marị pịghị ọ nụ́nụ́ ḅẹ́rẹ́kọapụ dámámụarịapụ, ngọ nyánápụ magha? 7Nnị anị pịghị n pa ọ sii ibi ẹ́rẹ́ ma dughosimaarị nyẹ.
8Ọ karakárányẹ ma mịẹarị ọ́ ḅọ́rọ́ so amadakiri ólóghó ma kokoarị dughonyẹ mịẹ diri ma bie nnị árịnyẹ, <<I nana kikiaḅọ ḅẹlẹma, ị́ ịḅụ ḅẹlẹma ḅara.>> 9Ị ḅọ́rọ́ tọ́rụ́ kụkụ ị siinyẹ mịẹarị. 10Gbẹ́rẹ́ ólóghó koro ḅọ, ólóghó mamgba kórómam. 11Dugho gbẹ́rẹ́ḅọ ma ḅẹ́, <<Amadọghụma,>> pịghị ḅẹm bẹ, <<Kị́nị́ ḅáma.>> Ị ḅọ́rọ́ amadọghụgha, kụ́ma ị́ ólóghó kórómam i ḅọ́rọ́ kị́nị́ ḅa ḅa. 12Anịgoo ọmịnị ẹ́gẹ́rẹ́kọọ pịghị anị ḅara pa duma kọọ, ólóghó ma sịbị ḅẹ́rẹ́kọ si pịghị ḅọ́rọ́ma bẹapụ ḅara. 13Tọ́rụ́kụrụkụ́rụ́ nyána amịna jẹa ḅọ pịrịghaḅọ Tamuno so tọ́rụ́kụrụkụ́rụ́ nyáná n ḅọ pịrịbịgha ọrẹ ḅẹ́rẹ́kọ ḅụ, kụ́ma tọ́rụ́kụrụkụ́rụ́ ḅẹ́rẹ́kọọ nẹngịm.
Minini Na Mịẹnyẹ Na
14Ịyẹa mịnaapụ, anị tẹ́ ibi mịẹ ọ pịrịbẹ, ọmịna ḅụ gbẹ́rẹ́ḅọ ḅẹ́ a minini nyánam, ḅọ́rọ́ ị́yẹ́ mịẹnyẹ anị diegha? Anị minini ma anị ine i dụaḅọ́rọ́ma bẹ? 15Ḅọ́rọ́ ḅẹ́ mịná owiapụ imi na mịná ẹ́rẹ́ámáapụ, suabịtẹ biiapụ pịghị fị́fị́nyẹ nyanagha. 16Anị tẹ́ ibi mịẹ n pịrịbẹ? Ị́ n ḅẹ́ sa, <<Tamuno ọ boma!>> Oju ọfịrịma sị ibima nyẹ́fị, kụ́ma n bii nyẹ ma ị pa n pịrịgha. 17Anị minini fịnị ḅara, anị ḅọ́rọ́ papa fịnị, fịrị ḅụ sọgha pa, anịsa, fịị anịị anị fịịmaá nyẹ.
18Kụ́ma gbẹ́rẹ́ḅọ ḅẹẹbẹm ḅẹ́, <<Gbẹ́rẹ́ḅọ minini nyánam, jụghọ ḅẹẹbẹm a mịẹnyẹ nyánam.>> A pagharaa bẹnyẹ, pa i die, tumḅọ minini nyáná si anị pa fịrị ḅụ suabịgha ḅara. A ị́yẹ́ minini pa i diebẹm ị́yẹ́ fịrị ḅụ ḅọ́rọ́. 19Ị mininim ḅẹ́ gbẹ́rẹ́ Tamuno ngéré anị fịnịnyẹ, anịma ibim! Ẹ́kpẹ́dua ma sọ mininim sị pịghị jighe jighem ḅáláfa ḅụ.
20Oḅoriḅọ i dọghụ n pa i die ḅẹ́ n pa fịrị ḅụ sugha minini nyẹ ḅụ ofori? 21Wámịna tádóḅọ Ebraham, ọ tọ́rọ pa Tamuno karakárá ḅo sọ, anịị ọrẹ mịẹnyẹ ḅụ ḅọ́rọ́, ori ọ tụ́wọ Aizik pa agbā mịẹ sa ẹ́bẹ ọ́gọ́nọ. 22Ị́yẹ́ arịgha ọrẹ minini na ọrẹ mịẹnyẹ nwángị gbólómam, ọrẹ minini anị ḅụ mịẹ kpainmam ọrẹ mịẹnyẹ ḅụ ḅọ́rọ́. 23Tọ́n diri ẹ́gẹ́rẹ́ ma ḅo karakárányẹ sọm, dughonyẹ ḅẹ́, Ebraham Tamuno ḅụ mininim, anịgo Tamuno ọrẹ akịm karakárá ibiamịẹnyẹḅọ. Anị ḅụ ḅọ́rọ́ n warị Tamuno nangwọ pa Ebraham sịị. 24Ị́yẹ́ arịgha ḅẹ́ wámịna mịẹnyẹ ḅụ ḅọ́rọ́ anị wa karakáráapụ sọọ nyẹ Tamuno tórúku wámịna minini ngéréghaa.
25Anị gbẹ́rẹ́ ḅara ma anị, Rahab sẹfị ọ́rụ́ḅọ ma, a karakárá ibiamịẹnyẹḅọ sọ ḅara, Tamuno tórúku, árị ibiamịẹnyẹ ḅụ ḅọ́rọ́ árị ḅo amafuru Izirẹlịawọ ma dakóróma ḅara sị jẹ́ asọ pa n die sị nnị mangị.
26Anịgo tẹ́mẹ́ nyanagha ojumẹnị fịịmaá ḅara anị mịẹnyẹ nyanagha minini fịịmaá ḅara.
Currently Selected:
Jems 2: IBY
Highlight
Copy
Compare
Share
Want to have your highlights saved across all your devices? Sign up or sign in
©2024 Luke Initiative for Scripture Translation
Jems 2
2
Tọ́rụ́kụ́ma Ị́yẹ́ Mịẹnyẹ Ḅụ
1Ịyẹa mịnaapụ, mininiapụ ḅara wámịna Nyánáḅọ Jizọs Krais ḅụ, ipine nyáná Kị́nị́nyánáḅọ, jẹ́ éné jẹ́ éné tọ́rụ́kịrịkị́rị́ ḅara pa nyẹ́ mịẹ túminị́ pịrịma nna fịnị ḅara gosi. 2Ḅẹ́ ḅọ́rọ́ igbii nyáná owitụ́wọ, odoḅala na fíafía bịtẹ suaḅọ, ọmịna kubiri ogbo ḅom, sị gbẹ́rẹ́ simini ḅọ, káákáá bịtẹ suaḅọ sọ pịghị ḅom. 3Ị warị tụ́ma osigha nyána fíafía bịtẹ ma suaḅọ pịrị, warị ọ ḅẹ́, <<Mịnga tụ́ma ịkasị ḅụ kpọrọfịnị,>> warị siminiḅọ ma ḅẹ́, <<Ịrí anị angaá sẹ́fịnị, anịgha kpọrọfịnị kiri ma ḅụ ị ḅụọ angaá,>> 4anịsa ị ólóghó kórómam. Ị kị́rị́ma pupághámaḅoarị ọmịnị ogbobie, pịghị ḅẹ́rẹ́kọ pẹ́lẹ́arị ọmịna sitẹ́mẹ́ ḅụ ḅọ́rọ́.
5O pughu, ị́yẹ́ ibi mịnaapụ, Tamuno mị tuminikiri siminiapụ ma sẹ́lẹ́akịm sị nnị opuma minini nyánáapụ sọ sị nnị ma pịghị amadakiri ma nyáná bẹapụ sọ, Tamuno minini ọ ḅẹlẹmaapụ ma pịrịnyẹ. 6Kụ́ma ọmịnị siminiapụ dighisimam. Tẹ́apụ ọ pụ́nụ́marị pịghị ọ nụ́nụ́ ḅẹ́rẹ́kọapụ dámámụarịapụ, ngọ nyánápụ magha? 7Nnị anị pịghị n pa ọ sii ibi ẹ́rẹ́ ma dughosimaarị nyẹ.
8Ọ karakárányẹ ma mịẹarị ọ́ ḅọ́rọ́ so amadakiri ólóghó ma kokoarị dughonyẹ mịẹ diri ma bie nnị árịnyẹ, <<I nana kikiaḅọ ḅẹlẹma, ị́ ịḅụ ḅẹlẹma ḅara.>> 9Ị ḅọ́rọ́ tọ́rụ́ kụkụ ị siinyẹ mịẹarị. 10Gbẹ́rẹ́ ólóghó koro ḅọ, ólóghó mamgba kórómam. 11Dugho gbẹ́rẹ́ḅọ ma ḅẹ́, <<Amadọghụma,>> pịghị ḅẹm bẹ, <<Kị́nị́ ḅáma.>> Ị ḅọ́rọ́ amadọghụgha, kụ́ma ị́ ólóghó kórómam i ḅọ́rọ́ kị́nị́ ḅa ḅa. 12Anịgoo ọmịnị ẹ́gẹ́rẹ́kọọ pịghị anị ḅara pa duma kọọ, ólóghó ma sịbị ḅẹ́rẹ́kọ si pịghị ḅọ́rọ́ma bẹapụ ḅara. 13Tọ́rụ́kụrụkụ́rụ́ nyána amịna jẹa ḅọ pịrịghaḅọ Tamuno so tọ́rụ́kụrụkụ́rụ́ nyáná n ḅọ pịrịbịgha ọrẹ ḅẹ́rẹ́kọ ḅụ, kụ́ma tọ́rụ́kụrụkụ́rụ́ ḅẹ́rẹ́kọọ nẹngịm.
Minini Na Mịẹnyẹ Na
14Ịyẹa mịnaapụ, anị tẹ́ ibi mịẹ ọ pịrịbẹ, ọmịna ḅụ gbẹ́rẹ́ḅọ ḅẹ́ a minini nyánam, ḅọ́rọ́ ị́yẹ́ mịẹnyẹ anị diegha? Anị minini ma anị ine i dụaḅọ́rọ́ma bẹ? 15Ḅọ́rọ́ ḅẹ́ mịná owiapụ imi na mịná ẹ́rẹ́ámáapụ, suabịtẹ biiapụ pịghị fị́fị́nyẹ nyanagha. 16Anị tẹ́ ibi mịẹ n pịrịbẹ? Ị́ n ḅẹ́ sa, <<Tamuno ọ boma!>> Oju ọfịrịma sị ibima nyẹ́fị, kụ́ma n bii nyẹ ma ị pa n pịrịgha. 17Anị minini fịnị ḅara, anị ḅọ́rọ́ papa fịnị, fịrị ḅụ sọgha pa, anịsa, fịị anịị anị fịịmaá nyẹ.
18Kụ́ma gbẹ́rẹ́ḅọ ḅẹẹbẹm ḅẹ́, <<Gbẹ́rẹ́ḅọ minini nyánam, jụghọ ḅẹẹbẹm a mịẹnyẹ nyánam.>> A pagharaa bẹnyẹ, pa i die, tumḅọ minini nyáná si anị pa fịrị ḅụ suabịgha ḅara. A ị́yẹ́ minini pa i diebẹm ị́yẹ́ fịrị ḅụ ḅọ́rọ́. 19Ị mininim ḅẹ́ gbẹ́rẹ́ Tamuno ngéré anị fịnịnyẹ, anịma ibim! Ẹ́kpẹ́dua ma sọ mininim sị pịghị jighe jighem ḅáláfa ḅụ.
20Oḅoriḅọ i dọghụ n pa i die ḅẹ́ n pa fịrị ḅụ sugha minini nyẹ ḅụ ofori? 21Wámịna tádóḅọ Ebraham, ọ tọ́rọ pa Tamuno karakárá ḅo sọ, anịị ọrẹ mịẹnyẹ ḅụ ḅọ́rọ́, ori ọ tụ́wọ Aizik pa agbā mịẹ sa ẹ́bẹ ọ́gọ́nọ. 22Ị́yẹ́ arịgha ọrẹ minini na ọrẹ mịẹnyẹ nwángị gbólómam, ọrẹ minini anị ḅụ mịẹ kpainmam ọrẹ mịẹnyẹ ḅụ ḅọ́rọ́. 23Tọ́n diri ẹ́gẹ́rẹ́ ma ḅo karakárányẹ sọm, dughonyẹ ḅẹ́, Ebraham Tamuno ḅụ mininim, anịgo Tamuno ọrẹ akịm karakárá ibiamịẹnyẹḅọ. Anị ḅụ ḅọ́rọ́ n warị Tamuno nangwọ pa Ebraham sịị. 24Ị́yẹ́ arịgha ḅẹ́ wámịna mịẹnyẹ ḅụ ḅọ́rọ́ anị wa karakáráapụ sọọ nyẹ Tamuno tórúku wámịna minini ngéréghaa.
25Anị gbẹ́rẹ́ ḅara ma anị, Rahab sẹfị ọ́rụ́ḅọ ma, a karakárá ibiamịẹnyẹḅọ sọ ḅara, Tamuno tórúku, árị ibiamịẹnyẹ ḅụ ḅọ́rọ́ árị ḅo amafuru Izirẹlịawọ ma dakóróma ḅara sị jẹ́ asọ pa n die sị nnị mangị.
26Anịgo tẹ́mẹ́ nyanagha ojumẹnị fịịmaá ḅara anị mịẹnyẹ nyanagha minini fịịmaá ḅara.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©2024 Luke Initiative for Scripture Translation