Galesiaapụ 5
5
Krais Bie Wa Nyáná Ḅụ́nyana
1Krais ḅụ́nyana pa wa pịrịmam. Mị́sa árị ḅẹ́ ọ ḅụ́nyánáapụ ḅara pa fịnịm. Ọ́mị́nị́ jẹ́ pa ómóni sọ ólóghó ma pịrịma.
2O pughu, ịrị Pọl anịị mịma dugho ọ pịrịarịnyẹ, ḅọ́rọ́ ọmịnị ọmịna ḅụ warịsom ḅẹ́ nnị ọmịna tọ́ngọ̄ pẹ́lẹ́ anị dughoarị ḅẹ́ Krais ọmịna ḅụ sọnyẹ sọgha 3A pịghị jẹ́ pa anị dughobẹm, amịna ḅụ wárịso sị nnị n ḅọ tọ́ngọ̄ pẹ́lẹ́, nḅọ ólóghó bịpị ḅụ imi, nḅọ ólóghó gbọrụ ma kokobẹm. 4Ọmịnị ólóghó ma koko ḅụ ḅọ́rọ́ Tamuno na karakárá ḅụ fịnị dọghụapụ, ọmịnị ọmịna ḅụ fófóomámam Krais ḅụ, ọ Tamuno ma tọ́rụ́kụrụkụ́rụ́ ḅụ sóóró pághámam. 5Kụ́ma wamịnị, wámịna tọ́rụ́ dighinyẹ anịị ḅẹ́ Tamuno wa pa ọ nana karakárá ḅụ warịbẹm; mịma anị wa kúruarị nyẹ, Tamuno Tẹ́mẹ́ ma mị fịrị ma nwángịarị wámịna minini ḅụ ḅọ́rọ́. 6Wa ḅo Krais Jizọs na gbẹ́rẹ́nyẹ mịẹ sáá, tumḅọ tọ́ngọ̄ pẹ́lẹ́ na tumḅọ tọ́ngọ̄ pẹ́lẹ́gha na mịẹnyẹ ofori. Nyẹ ḅụ sọnyẹ anịị minini ḅẹlẹma ḅụ ḅọ́rọ́ anị ḅụ die pághámaarị nyẹ.
7Ọmịnị ibiḅara pa mangịarị! Tụọ okiki karakárá ma mịẹ ḅụ? 8Mịma ọ́ sị Tamuno ma anị mịẹghaa. 9Nnị dugho ḅara, <<Yisti kálányẹ anịị mịẹsị fịtúrú kpo ma sughuarị nyẹ.>> 10A Kị́nị́nyánáḅọ ḅụ tẹ́mẹ́kụ́rọ nyánam ọ fịnị angaá ḅẹ́ ọ jẹ́ kịrị kóróma nyánábịgha, pịghị ọmịna sịbịbie galagalamarịḅọ ma n ḅọ tẹ́ nyẹ, tẹ́ nyẹ o Tamuno ḅara gbẹ́nyẹ nyánáḅobẹm.
11Ị́yẹ́ a mịnaapụ, ḅọ́rọ́ ḅẹ́ a pa tọ́ngọ̄ pẹ́lẹ́ mịẹnyẹ gbolomanyẹ dugho wásámaarị n tegósi pa i pa tọ́rụ́siarịmaarị? Ḅọ́rọ́ anịma karakárányẹ, Krais mgbẹsẹ sị́ gboloma sị a dugho wásámaarị nyẹ ma ḅẹ́rẹ́ dighibịgha. 12Anị i ḅụḅẹ́lẹbẹm ḅọ́rọ́ ḅẹ́ ḅụḅáláḅálá pa ọ pịrịarịapụ ma tọ́ngọ̄ pẹ́lẹ́ mịẹnyẹ gosi, ine gbẹ́rẹ́ sáá nna kụkọ poo.
13Ịyẹa mịnaapụ Tamuno ọ sịmam ḅẹ́ ọ mịnị ómóniapụ sọ ma, kụ́ma ọ minima sị mị́sa ọ nyáná ḅụ nyána ma mịẹsị ọmịna ojumẹnị ḅẹrẹtọ ọ pịrị. Anịmanakaragha ọ ḅẹlẹma ḅụ fịrịnwangị jụghọ jụghọ pịrị. 14Ólóghó mamgba gbẹ́rẹ́nyẹ dughoarị, <<I jẹa tumḅọ ḅẹlẹma ị́ ịḅụ ḅẹlẹma ḅara.>> 15Kụ́ma ḅọ́rọ́ ḅẹ́ o pirinama ḅara pa ngá ọkụma, jụghọ jụghọ onwiarị jụghọ jụghọ kaa pẹ́arị, ọ ḅụ ẹbị anịgha ọ gbẹ́rẹ́ sáá jụghọ jụghọ gulugulumabẹm.
Tọ́ntọ́ Tẹ́mẹ́ Ma Kụ́rọ Pa Duma Kọarị
16A dughoarị nyẹ ma mịị anị: Tẹ́mẹ́ ma wáriso sị anị ḅẹrẹtọ ị pịrị, anị sáá, ọmịnị ọmịna ojumẹnị ma dọghụ sii duma mịẹnyẹ ma mịẹbịghaa. 17Siiamịẹnyẹ ojumẹnị dọghụnyẹ kịrịm Tẹ́mẹ́ ma dọghụarị nyẹ ḅụ, Tẹ́mẹ́ ma dọghụnyẹ pịghị kịrịm siiamịẹnyẹ ojumẹnị ma ḅụ. Mịná mmẹapụ ma iruonaapụ ḅụ imim, anịgosi ị́ ine ị mịẹ na ibinyẹ mịẹgha. 18Kụ́ma ḅọ́rọ́ Tẹ́mẹ́ ma ị daa múuarị sa ị mịnị ólóghó sughubie oforii.
19Siiamịẹnyẹ ojumẹnị ma nwángịarị fịrị kị́nị́mamgba arịarị, mịị anị: yáakuu ḅụ ofori nwángị kọọ, ịlọ́lị duma, obiri ḅara pa nyẹ mịẹ, 20susi n kara nyẹ pịrị, diri kọrị, kị́nị́ pa ị́yẹ́ iruonaḅọ mịẹ, kamkoro, jughonyẹ mọnị, owi tẹ́mẹ́, ịḅụ ibi ngéré dọghụ, puama dighi kubiri ogbo, ogbo kaa ḅẹlẹma. 21Tọ́rụ akụ, iru ḅụ tọ́rụ́ḅáma, iru ḅụ na sẹfị duma ḅẹlẹma, na anị na kịkamanyẹ. A o biri nụ́nụ́m, parị a o biri nụ́nụ́máa ḅárá ḅẹ́ mịnanyẹ ma mịẹarịapụ Tamuno amadakiri ma ḅụ diekiri nyánábịgha.
22Kụ́ma Tẹ́mẹ́ ma pághámaḅoarị sịmgbọlụ anịị, ḅẹlẹma, bieḅẹlẹ, diin, ngịrịma, ibitẹ́mẹ́ nyána jụghọ jụghọ pịrị ibinyẹ, tẹ́mẹ́ gbánā, 23ḅụ sitéréma na ḅụ ọlọ. Mịma nẹ́ngị nyẹ ólóghó bịpị ḅụ ofori. 24Krais Jizọs ḅụ fịnịapụ ma gonyẹ́ gonyẹ́ nna ojumẹnị na anị tarịarịnyẹ ma ḅamam sị ánị fịị. 25Tẹ́mẹ́ ma duma pa wa pịrịmam anịgo wámịnị ọ wáriso ọ wámịna duma bie ḅẹrẹtọ. 26Wamịnị opuamịẹnyẹ mịẹma anịgha jụghọ jụghọ igani ma anịgha jụghọ nyẹ mọnị.
Currently Selected:
Galesiaapụ 5: IBY
Highlight
Copy
Compare
Share
Want to have your highlights saved across all your devices? Sign up or sign in
©2024 Luke Initiative for Scripture Translation
Galesiaapụ 5
5
Krais Bie Wa Nyáná Ḅụ́nyana
1Krais ḅụ́nyana pa wa pịrịmam. Mị́sa árị ḅẹ́ ọ ḅụ́nyánáapụ ḅara pa fịnịm. Ọ́mị́nị́ jẹ́ pa ómóni sọ ólóghó ma pịrịma.
2O pughu, ịrị Pọl anịị mịma dugho ọ pịrịarịnyẹ, ḅọ́rọ́ ọmịnị ọmịna ḅụ warịsom ḅẹ́ nnị ọmịna tọ́ngọ̄ pẹ́lẹ́ anị dughoarị ḅẹ́ Krais ọmịna ḅụ sọnyẹ sọgha 3A pịghị jẹ́ pa anị dughobẹm, amịna ḅụ wárịso sị nnị n ḅọ tọ́ngọ̄ pẹ́lẹ́, nḅọ ólóghó bịpị ḅụ imi, nḅọ ólóghó gbọrụ ma kokobẹm. 4Ọmịnị ólóghó ma koko ḅụ ḅọ́rọ́ Tamuno na karakárá ḅụ fịnị dọghụapụ, ọmịnị ọmịna ḅụ fófóomámam Krais ḅụ, ọ Tamuno ma tọ́rụ́kụrụkụ́rụ́ ḅụ sóóró pághámam. 5Kụ́ma wamịnị, wámịna tọ́rụ́ dighinyẹ anịị ḅẹ́ Tamuno wa pa ọ nana karakárá ḅụ warịbẹm; mịma anị wa kúruarị nyẹ, Tamuno Tẹ́mẹ́ ma mị fịrị ma nwángịarị wámịna minini ḅụ ḅọ́rọ́. 6Wa ḅo Krais Jizọs na gbẹ́rẹ́nyẹ mịẹ sáá, tumḅọ tọ́ngọ̄ pẹ́lẹ́ na tumḅọ tọ́ngọ̄ pẹ́lẹ́gha na mịẹnyẹ ofori. Nyẹ ḅụ sọnyẹ anịị minini ḅẹlẹma ḅụ ḅọ́rọ́ anị ḅụ die pághámaarị nyẹ.
7Ọmịnị ibiḅara pa mangịarị! Tụọ okiki karakárá ma mịẹ ḅụ? 8Mịma ọ́ sị Tamuno ma anị mịẹghaa. 9Nnị dugho ḅara, <<Yisti kálányẹ anịị mịẹsị fịtúrú kpo ma sughuarị nyẹ.>> 10A Kị́nị́nyánáḅọ ḅụ tẹ́mẹ́kụ́rọ nyánam ọ fịnị angaá ḅẹ́ ọ jẹ́ kịrị kóróma nyánábịgha, pịghị ọmịna sịbịbie galagalamarịḅọ ma n ḅọ tẹ́ nyẹ, tẹ́ nyẹ o Tamuno ḅara gbẹ́nyẹ nyánáḅobẹm.
11Ị́yẹ́ a mịnaapụ, ḅọ́rọ́ ḅẹ́ a pa tọ́ngọ̄ pẹ́lẹ́ mịẹnyẹ gbolomanyẹ dugho wásámaarị n tegósi pa i pa tọ́rụ́siarịmaarị? Ḅọ́rọ́ anịma karakárányẹ, Krais mgbẹsẹ sị́ gboloma sị a dugho wásámaarị nyẹ ma ḅẹ́rẹ́ dighibịgha. 12Anị i ḅụḅẹ́lẹbẹm ḅọ́rọ́ ḅẹ́ ḅụḅáláḅálá pa ọ pịrịarịapụ ma tọ́ngọ̄ pẹ́lẹ́ mịẹnyẹ gosi, ine gbẹ́rẹ́ sáá nna kụkọ poo.
13Ịyẹa mịnaapụ Tamuno ọ sịmam ḅẹ́ ọ mịnị ómóniapụ sọ ma, kụ́ma ọ minima sị mị́sa ọ nyáná ḅụ nyána ma mịẹsị ọmịna ojumẹnị ḅẹrẹtọ ọ pịrị. Anịmanakaragha ọ ḅẹlẹma ḅụ fịrịnwangị jụghọ jụghọ pịrị. 14Ólóghó mamgba gbẹ́rẹ́nyẹ dughoarị, <<I jẹa tumḅọ ḅẹlẹma ị́ ịḅụ ḅẹlẹma ḅara.>> 15Kụ́ma ḅọ́rọ́ ḅẹ́ o pirinama ḅara pa ngá ọkụma, jụghọ jụghọ onwiarị jụghọ jụghọ kaa pẹ́arị, ọ ḅụ ẹbị anịgha ọ gbẹ́rẹ́ sáá jụghọ jụghọ gulugulumabẹm.
Tọ́ntọ́ Tẹ́mẹ́ Ma Kụ́rọ Pa Duma Kọarị
16A dughoarị nyẹ ma mịị anị: Tẹ́mẹ́ ma wáriso sị anị ḅẹrẹtọ ị pịrị, anị sáá, ọmịnị ọmịna ojumẹnị ma dọghụ sii duma mịẹnyẹ ma mịẹbịghaa. 17Siiamịẹnyẹ ojumẹnị dọghụnyẹ kịrịm Tẹ́mẹ́ ma dọghụarị nyẹ ḅụ, Tẹ́mẹ́ ma dọghụnyẹ pịghị kịrịm siiamịẹnyẹ ojumẹnị ma ḅụ. Mịná mmẹapụ ma iruonaapụ ḅụ imim, anịgosi ị́ ine ị mịẹ na ibinyẹ mịẹgha. 18Kụ́ma ḅọ́rọ́ Tẹ́mẹ́ ma ị daa múuarị sa ị mịnị ólóghó sughubie oforii.
19Siiamịẹnyẹ ojumẹnị ma nwángịarị fịrị kị́nị́mamgba arịarị, mịị anị: yáakuu ḅụ ofori nwángị kọọ, ịlọ́lị duma, obiri ḅara pa nyẹ mịẹ, 20susi n kara nyẹ pịrị, diri kọrị, kị́nị́ pa ị́yẹ́ iruonaḅọ mịẹ, kamkoro, jughonyẹ mọnị, owi tẹ́mẹ́, ịḅụ ibi ngéré dọghụ, puama dighi kubiri ogbo, ogbo kaa ḅẹlẹma. 21Tọ́rụ akụ, iru ḅụ tọ́rụ́ḅáma, iru ḅụ na sẹfị duma ḅẹlẹma, na anị na kịkamanyẹ. A o biri nụ́nụ́m, parị a o biri nụ́nụ́máa ḅárá ḅẹ́ mịnanyẹ ma mịẹarịapụ Tamuno amadakiri ma ḅụ diekiri nyánábịgha.
22Kụ́ma Tẹ́mẹ́ ma pághámaḅoarị sịmgbọlụ anịị, ḅẹlẹma, bieḅẹlẹ, diin, ngịrịma, ibitẹ́mẹ́ nyána jụghọ jụghọ pịrị ibinyẹ, tẹ́mẹ́ gbánā, 23ḅụ sitéréma na ḅụ ọlọ. Mịma nẹ́ngị nyẹ ólóghó bịpị ḅụ ofori. 24Krais Jizọs ḅụ fịnịapụ ma gonyẹ́ gonyẹ́ nna ojumẹnị na anị tarịarịnyẹ ma ḅamam sị ánị fịị. 25Tẹ́mẹ́ ma duma pa wa pịrịmam anịgo wámịnị ọ wáriso ọ wámịna duma bie ḅẹrẹtọ. 26Wamịnị opuamịẹnyẹ mịẹma anịgha jụghọ jụghọ igani ma anịgha jụghọ nyẹ mọnị.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©2024 Luke Initiative for Scripture Translation