Galesiaapụ 3
3
Minini Ḅụ Ngéré Anịị Tumḅọ Dụaḅọ́rọ́ma Nyánáarị Nyẹ
1Ọmịnị oḅorisọ Galesiaapụ, tụọ diri pa ọ mịẹ? Ọmịna tórúku, anị ọ ḅụ koro ḅẹ́ ḅara, n dugho ọ pịrịm Jizọs Krais ḅara warị fịị ḅara mgbẹsẹ sị́ ọgọnọ. 2Ọ mịị gbẹ́rẹ́nyẹ ma dugho i pịrị, ọ Tamuno Tẹ́mẹ́ ma nyáná ḅo ólóghó ma warị ḅụ anịgha ibi oku ma náa sị pịghị anị minini ḅụ ḅọ́rọ́. 3Ọ tọ́rọ́ pa ọkọfịnị oḅorisọ bẹ ọmịnị Tamuno Tẹ́mẹ́ pa sághịm, ọ sị ḅẹ́ ọmịnị ine ọmịna ịnyọ pa mị duma kọọ mú kunema láa bẹ? 4Ọmịnị árị tọ́rụ́siarị mamgba ḅụ, ọ dawọḅo nyẹ ofori? Ọkọfịnị nyẹ ofori, ọ nyẹ dawọḅom. 5Tamuno ori ọ Tẹ́mẹ́ ma pa ọ pịrị, pịghị ọmịna ogboku bie ḅụ́gbérépuma fịrị nwángịị, ḅẹ́ ọmịnị ólóghó ma wárim gosi? Anịgha ḅẹ́ ọmịnị ibi oku ma naam sị anị ḅụ minini?
6Ọmịnị Ebraham dighi nị, tọ́ntọ́ diri ma dugho ḅara, <<Ọ Tamuno ḅụ mininim, Tamuno pịghị ọ daákịm ḅẹ́ ori karakárá ibiamịẹnyẹḅọ ori minini gosi.>> 7O nimiḅo ḅẹẹ, karakárá Ebraham furoawọ anịị minini nyánáapụ ma. 8Tọ́ndiri ma pághá bẹnyẹ ma dugho kórómamam ḅẹ́ Tamuno Juughaapụ ma pa ọ ḅụ na karakárá ḅụ ḅụ warịbẹm, minini ḅụ ḅọ́rọ́. Anịgo ibi oku ma dugho Ebraham pịrịmam ḅẹẹ, <<Ịḅụ ḅọ́rọ́ Tamuno tuminikiri sẹ gbọrụ karịibimabẹm>>. 9Anịgo wamịnị arịm ḅẹẹ, minini nyánáapụ gonyẹ́ gonyẹ́ karịibima nyánábẹm nnị Ebraham karịibima ḅara ori minini gosi.
10Kórómáarịapụ ḅẹ́ nnị ine Tamuno na karakárá ḅụ fịnịbẹm ólóghó ma koko ḅụ, mịnaapụ ma sifịla ḅụ anịị nnị duma kọọarị nyẹ. Ḅẹẹ, n gịẹ kórómamam ḅẹ́, si fị́lā fịnị kị́nị́mamgba pịrị, <<Ólóghó Diri ma dughonyẹ mamgba mịẹgha ḅo.>> 11Mị́sa wa ḅo nimiḅom ḅẹ́ ólóghó ma ḅụ ḅọ́rọ́ nnị gbẹ́rẹ́ḅọ sọ pa Tamuno na karakárá ḅụ ḅụ warịgha, <<Tegó tọ́ndiri ma dughom ḅẹ́, n minini ḅụ Tamuno na karakárá ḅụ ḅụ warịḅọ ma ngéré anịị duma bẹḅọ.>> 12Ólóghó ma anị minini na ḅẹnyẹ ḅẹnyẹ nyanagha tụ́ma Tọ́ndiri ma dugho ḅara ḅẹ́, <<Ólóghó ma binyẹ mamgba mịẹ ḅo anị ḅụ ḅọ́rọ́ dumabẹm.>>
13Krais sifịla sọ wa pịrịmaá ḅara ma, ọ wa dụaḅọ́rọ́māmám ólóghó ma akuoo si fị́lā ḅụ; Tọ́ndiri ma dugho ḅara ḅẹ́, <<Nnị pa sị ọ́gọ́nọ ḅụ sụ́ká ḅa ḅọ gonyẹ́ gonyẹ́ Tamuno sifịla n ḅọ sịbị ọgọnọ gbānám.>> 14Krais mịma mịẹm sị Tamuno mini Ebraham pịrị karịibima ma, Juughaapụ ma sọ nyáná ḅo bẹ ḅara Krais Jizọs ḅụ ḅọ́rọ́, anịgo minini ḅụ ḅọ́rọ́ wamịnị ine Tamuno minini Tẹ́mẹ́ ma nyáná ḅo bẹ ḅara.
Ólóghó Ma Na Mini pịrịnyẹ Bie Kịrịnyẹ
15Ịyẹa mịnaapụ, a éné gbọrụ mịẹarịnyẹ pa nyẹ pa, o diebẹm; mmẹapụ nyẹ mini sáá, anị gịẹ sua diri bie, ḅara pụnụ; ḅẹ́ mịị anị fịnị bẹ ḅara, gbẹ́rẹ́ḅọ ine anị kaabịgha, anịgha nyẹ sua anị ḅụ. 16Mị́sa Tamuno nyẹ mini pa Ebraham na ọ furobie págháḅo nyẹ pịrịm. Tọ́ndiri ma <<O furobie págháḅoapụ,>> ḅẹgha, kuma o furobie Págháḅo ḅọ, mịma dughoarị gbẹ́rẹ́ḅọ ngéré mịị gbẹ́rẹ́ḅọ ma anịị Krais. 17Mịnga a dughoarị ḅẹ́ Tamuno Ebraham na ọḅọọ fịm warị mini ḅẹ́ ori anị warịbẹm. Anịgo n pịrị ólóghó ma kụ́rá ndẹ́ẹ na sue ḅo ḅọ́rọ́ sáá ine anị ọḅọọ ma kaabịgha sị Tamuno mini nyẹ ma pa ḅuuma. 18Ḅọ́rọ́ ḅẹ́ Tamuno dienyẹ ma ólóghó ma ḅụ gbánam, anịsáa anị mịnị o mini nyẹ ḅụ gbánāgha. Kụ́ma Tamuno ọrẹ tọ́rụ́kụrụkụ́rụ́ gosi mini nyẹ ori anị pa Ebraham pịrịm.
19Mị́sa, ọ tegósi ólóghó ma pịrị, ori anị pa suam pa diepágháma ḅẹ́ irima mịẹnyẹ siinyẹ. Mị ólóghó ma anị fị́nị́ mú Ebraham furo tụwọ ma ḅo bẹ sáá láabẹm, n mịị mini pịrịnyẹ ma minini pịrịḅọ. Sookumuapụ anịị mịị ólóghó ma saghị ḅọ́rọ́ma nyẹ, Mosis warị Tamuno na túminị́ ma ogboku sẹ ḅọ dighi. 20Mị́sa mmẹapụ ọḅọọ fị sáá nnị ogboku sẹ ḅọ bim, Kụ́ma mịị ọḅọọ ma ogboku sẹ ḅọ nyanagha tegó Tamuno ori gbẹ́rẹ́ḅọọ.
21Mịma anị die ḅẹ́ ólóghó ma anị Tamuno mini nyẹ na kuragha? Ọkọfịnị nyẹ ofori! Ḅọ́rọ́ tuminikiriapụ duma pịrịbẹ ólóghó nyanaḅomam anị sáá, kị́nị́mamgba karakárá ibiamịẹnyẹapụ sọ́bẹm nnị anị kokoarị sáá. 22Tọ́ndiri ma dughom ḅẹ́ tuminikiri gbọrụ sii kụ́rọ ma sughubie imi; anịgo n mini wa pịrị dienyẹ ma wámịna minini Jizọs Krais ḅụ ḅọ́rọ́, mininiapụ ma ngéré anịị nnị pa pịrịapụ.
23Kụ́ma minini ma na ḅo laagha sáá, ólóghó ma wamịnị kị́nị́mamgba ikasim ikólinaapụ ḅara, akị mú minini anị ḅụ die sa láa. 24Anịgo ólóghó ma anị wa didighiḅọ, akị mú Krais ḅo sáá láa, sị minini ḅụ ḅọ́rọ́ n wa pa Tamuno na karakárá ḅụ ḅụ fịnị. 25Mị́sa minini sa ma ḅo láa maá sáá, ólóghó ma mịnị wa didighiḅọ sọgha. 26Anịgosi ọmịnị kị́nị́mamgba Tamuno awọ sọmam ọmịna minini Jizọs Krais ḅụ ḅọ́rọ́. 27Ọmịnị kị́nị́mamgba o mingi saramam sị o Krais na gbẹ́rẹ́ ḅụ ḅụ fịnị, mị́sa n Krais duma pa ọ́ suamam sọ́ḅọ́rọ́ ọmịna suabịtẹ. 28Mị́sa kịrịnyẹ mịnị oforii, Juu anịgha Juughaapụ, ómóniapụ anịgha furoawọ, owitụ́wọ anịgha ọ́rụ́ḅọ, ọmịnị kị́nị́mamgba ọmịnị gbẹ́rẹ́nyẹ Jizọs Krais ḅụ. 29Ọmịnị ḅọ́rọ́ Krais nyẹ nḅẹḅẹ́, ọmịnị Ebraham awọ. Ọ Tamuno mini karịibima ma nyánáḅobẹm.
Currently Selected:
Galesiaapụ 3: IBY
Highlight
Copy
Compare
Share
Want to have your highlights saved across all your devices? Sign up or sign in
©2024 Luke Initiative for Scripture Translation
Galesiaapụ 3
3
Minini Ḅụ Ngéré Anịị Tumḅọ Dụaḅọ́rọ́ma Nyánáarị Nyẹ
1Ọmịnị oḅorisọ Galesiaapụ, tụọ diri pa ọ mịẹ? Ọmịna tórúku, anị ọ ḅụ koro ḅẹ́ ḅara, n dugho ọ pịrịm Jizọs Krais ḅara warị fịị ḅara mgbẹsẹ sị́ ọgọnọ. 2Ọ mịị gbẹ́rẹ́nyẹ ma dugho i pịrị, ọ Tamuno Tẹ́mẹ́ ma nyáná ḅo ólóghó ma warị ḅụ anịgha ibi oku ma náa sị pịghị anị minini ḅụ ḅọ́rọ́. 3Ọ tọ́rọ́ pa ọkọfịnị oḅorisọ bẹ ọmịnị Tamuno Tẹ́mẹ́ pa sághịm, ọ sị ḅẹ́ ọmịnị ine ọmịna ịnyọ pa mị duma kọọ mú kunema láa bẹ? 4Ọmịnị árị tọ́rụ́siarị mamgba ḅụ, ọ dawọḅo nyẹ ofori? Ọkọfịnị nyẹ ofori, ọ nyẹ dawọḅom. 5Tamuno ori ọ Tẹ́mẹ́ ma pa ọ pịrị, pịghị ọmịna ogboku bie ḅụ́gbérépuma fịrị nwángịị, ḅẹ́ ọmịnị ólóghó ma wárim gosi? Anịgha ḅẹ́ ọmịnị ibi oku ma naam sị anị ḅụ minini?
6Ọmịnị Ebraham dighi nị, tọ́ntọ́ diri ma dugho ḅara, <<Ọ Tamuno ḅụ mininim, Tamuno pịghị ọ daákịm ḅẹ́ ori karakárá ibiamịẹnyẹḅọ ori minini gosi.>> 7O nimiḅo ḅẹẹ, karakárá Ebraham furoawọ anịị minini nyánáapụ ma. 8Tọ́ndiri ma pághá bẹnyẹ ma dugho kórómamam ḅẹ́ Tamuno Juughaapụ ma pa ọ ḅụ na karakárá ḅụ ḅụ warịbẹm, minini ḅụ ḅọ́rọ́. Anịgo ibi oku ma dugho Ebraham pịrịmam ḅẹẹ, <<Ịḅụ ḅọ́rọ́ Tamuno tuminikiri sẹ gbọrụ karịibimabẹm>>. 9Anịgo wamịnị arịm ḅẹẹ, minini nyánáapụ gonyẹ́ gonyẹ́ karịibima nyánábẹm nnị Ebraham karịibima ḅara ori minini gosi.
10Kórómáarịapụ ḅẹ́ nnị ine Tamuno na karakárá ḅụ fịnịbẹm ólóghó ma koko ḅụ, mịnaapụ ma sifịla ḅụ anịị nnị duma kọọarị nyẹ. Ḅẹẹ, n gịẹ kórómamam ḅẹ́, si fị́lā fịnị kị́nị́mamgba pịrị, <<Ólóghó Diri ma dughonyẹ mamgba mịẹgha ḅo.>> 11Mị́sa wa ḅo nimiḅom ḅẹ́ ólóghó ma ḅụ ḅọ́rọ́ nnị gbẹ́rẹ́ḅọ sọ pa Tamuno na karakárá ḅụ ḅụ warịgha, <<Tegó tọ́ndiri ma dughom ḅẹ́, n minini ḅụ Tamuno na karakárá ḅụ ḅụ warịḅọ ma ngéré anịị duma bẹḅọ.>> 12Ólóghó ma anị minini na ḅẹnyẹ ḅẹnyẹ nyanagha tụ́ma Tọ́ndiri ma dugho ḅara ḅẹ́, <<Ólóghó ma binyẹ mamgba mịẹ ḅo anị ḅụ ḅọ́rọ́ dumabẹm.>>
13Krais sifịla sọ wa pịrịmaá ḅara ma, ọ wa dụaḅọ́rọ́māmám ólóghó ma akuoo si fị́lā ḅụ; Tọ́ndiri ma dugho ḅara ḅẹ́, <<Nnị pa sị ọ́gọ́nọ ḅụ sụ́ká ḅa ḅọ gonyẹ́ gonyẹ́ Tamuno sifịla n ḅọ sịbị ọgọnọ gbānám.>> 14Krais mịma mịẹm sị Tamuno mini Ebraham pịrị karịibima ma, Juughaapụ ma sọ nyáná ḅo bẹ ḅara Krais Jizọs ḅụ ḅọ́rọ́, anịgo minini ḅụ ḅọ́rọ́ wamịnị ine Tamuno minini Tẹ́mẹ́ ma nyáná ḅo bẹ ḅara.
Ólóghó Ma Na Mini pịrịnyẹ Bie Kịrịnyẹ
15Ịyẹa mịnaapụ, a éné gbọrụ mịẹarịnyẹ pa nyẹ pa, o diebẹm; mmẹapụ nyẹ mini sáá, anị gịẹ sua diri bie, ḅara pụnụ; ḅẹ́ mịị anị fịnị bẹ ḅara, gbẹ́rẹ́ḅọ ine anị kaabịgha, anịgha nyẹ sua anị ḅụ. 16Mị́sa Tamuno nyẹ mini pa Ebraham na ọ furobie págháḅo nyẹ pịrịm. Tọ́ndiri ma <<O furobie págháḅoapụ,>> ḅẹgha, kuma o furobie Págháḅo ḅọ, mịma dughoarị gbẹ́rẹ́ḅọ ngéré mịị gbẹ́rẹ́ḅọ ma anịị Krais. 17Mịnga a dughoarị ḅẹ́ Tamuno Ebraham na ọḅọọ fịm warị mini ḅẹ́ ori anị warịbẹm. Anịgo n pịrị ólóghó ma kụ́rá ndẹ́ẹ na sue ḅo ḅọ́rọ́ sáá ine anị ọḅọọ ma kaabịgha sị Tamuno mini nyẹ ma pa ḅuuma. 18Ḅọ́rọ́ ḅẹ́ Tamuno dienyẹ ma ólóghó ma ḅụ gbánam, anịsáa anị mịnị o mini nyẹ ḅụ gbánāgha. Kụ́ma Tamuno ọrẹ tọ́rụ́kụrụkụ́rụ́ gosi mini nyẹ ori anị pa Ebraham pịrịm.
19Mị́sa, ọ tegósi ólóghó ma pịrị, ori anị pa suam pa diepágháma ḅẹ́ irima mịẹnyẹ siinyẹ. Mị ólóghó ma anị fị́nị́ mú Ebraham furo tụwọ ma ḅo bẹ sáá láabẹm, n mịị mini pịrịnyẹ ma minini pịrịḅọ. Sookumuapụ anịị mịị ólóghó ma saghị ḅọ́rọ́ma nyẹ, Mosis warị Tamuno na túminị́ ma ogboku sẹ ḅọ dighi. 20Mị́sa mmẹapụ ọḅọọ fị sáá nnị ogboku sẹ ḅọ bim, Kụ́ma mịị ọḅọọ ma ogboku sẹ ḅọ nyanagha tegó Tamuno ori gbẹ́rẹ́ḅọọ.
21Mịma anị die ḅẹ́ ólóghó ma anị Tamuno mini nyẹ na kuragha? Ọkọfịnị nyẹ ofori! Ḅọ́rọ́ tuminikiriapụ duma pịrịbẹ ólóghó nyanaḅomam anị sáá, kị́nị́mamgba karakárá ibiamịẹnyẹapụ sọ́bẹm nnị anị kokoarị sáá. 22Tọ́ndiri ma dughom ḅẹ́ tuminikiri gbọrụ sii kụ́rọ ma sughubie imi; anịgo n mini wa pịrị dienyẹ ma wámịna minini Jizọs Krais ḅụ ḅọ́rọ́, mininiapụ ma ngéré anịị nnị pa pịrịapụ.
23Kụ́ma minini ma na ḅo laagha sáá, ólóghó ma wamịnị kị́nị́mamgba ikasim ikólinaapụ ḅara, akị mú minini anị ḅụ die sa láa. 24Anịgo ólóghó ma anị wa didighiḅọ, akị mú Krais ḅo sáá láa, sị minini ḅụ ḅọ́rọ́ n wa pa Tamuno na karakárá ḅụ ḅụ fịnị. 25Mị́sa minini sa ma ḅo láa maá sáá, ólóghó ma mịnị wa didighiḅọ sọgha. 26Anịgosi ọmịnị kị́nị́mamgba Tamuno awọ sọmam ọmịna minini Jizọs Krais ḅụ ḅọ́rọ́. 27Ọmịnị kị́nị́mamgba o mingi saramam sị o Krais na gbẹ́rẹ́ ḅụ ḅụ fịnị, mị́sa n Krais duma pa ọ́ suamam sọ́ḅọ́rọ́ ọmịna suabịtẹ. 28Mị́sa kịrịnyẹ mịnị oforii, Juu anịgha Juughaapụ, ómóniapụ anịgha furoawọ, owitụ́wọ anịgha ọ́rụ́ḅọ, ọmịnị kị́nị́mamgba ọmịnị gbẹ́rẹ́nyẹ Jizọs Krais ḅụ. 29Ọmịnị ḅọ́rọ́ Krais nyẹ nḅẹḅẹ́, ọmịnị Ebraham awọ. Ọ Tamuno mini karịibima ma nyánáḅobẹm.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©2024 Luke Initiative for Scripture Translation