Galesiaapụ 1
1
Pọl Sịbịpị
1Irị Pọl, n sịḅọ ḅẹẹ o ḅo mị nfịrịmaḅọ ma fịrị nwangịị, ị́yẹ́ sị ma, tumḅọ ḅara saghị ḅogha anịgha túminị́ mịẹnyẹ ḅụ ḅọ́rọ́, kụ́ma Jizọs Krais ḅara na pịghị Tamuno Daḅọ ma ḅara saghịḅom, fịị ḅụ ọ saghịma ḅọ. 2Mịnga fịnị mịná owiapụ mamgba bịpị suam ḅẹẹ, a Galesia bie fịnị Tamuno kubiri ogbo mamgba bii.
3Ḅẹ́ Tamuno wámịna Daḅọ na pịghị Kị́nị́nyánáḅọ Jizọs Krais tọ́rụ́kụrụkụ́rụ́ na diin pa ọ pịrị. 4Krais ori duma pa igwagwaá wa pịrịm wámịna sii gosi, Tamuno Daḅọ ma bi ḅara. 5Boma fịnị Tamuno ma pịrị mú ḅẹsá ḅẹsá la. Anị ọkọ fịnị.
Gbẹ́rẹ́ Ibi Oku Ngéré Anịị Fịnịnyẹ
6Anị i tọ́rụ́ nẹngịm ḅẹ́ ọmịnị álála Tamuno ma sịghịmam, Krais tọ́rụ́kụrụkụ́rụ́ ḅụ ọ sịḅọ ma sị pịghị jẹ́ oku daákịarị ọ sị nyẹ ḅẹ́ anịị ibi oku ma. 7Jẹ́ ibi oku ofori, a mịma dughoarị tegó jẹ́apụ imi ḅụḅáláḅálá pa ọ pịrịarịapụ n pịghị asọ dọghụ Krais ibi oku ma dima dọ́ghụm. 8Ḅọ́rọ́ wamịnị anịgha sobie sághị ḅo sookumuḅọ ḅo jẹ́ ibi oku dugho wásáma ọ pịrị, kịrịnyẹ wa dugho ọ pịrịmaá nganyẹ ma ḅụ, Tamuno si fị́lā pa n ḅọ sịbị ọgọnọ ḅụ gbánabẹm mú gbámásó láa. 9Wa sima dughobẹm, wa parị dugho ḅara ḅẹ́; ḅọ́rọ́ ḅẹ́ jụghọ ḅo jẹ́nyẹ dugho ọ pịrị, ọ daákịmaá nganyẹ ma ḅụ kịrịnyẹ, si fị́lā nḅọ sịbị ọgọnọ gbánabẹm mú gbámásó láa. 10Mịma anị die ḅẹ́ a túminị́ ḅẹlẹma bẹnyẹ mịẹarị? Ọkọ fịnịgha, a binyẹ anịị Tamuno ḅẹlẹma bẹnyẹ. Ḅọ́rọ́ ḅẹ́ a túminị́ go pa iḅẹlẹma bẹnyẹ mịẹarị, anịsáa a ine Krais fịrịnwangịḅọ ẹrẹ fịbịghaa.
Pọl Ḅára Warị Nfịrịmaḅọ Sọ Ḅara
11O kúru a dugho ọ pịrị ị́yẹ́ a mịnaapụ, a dugho wásámaarị ibi oku ma kị́nị́ ḅara sághị ḅogha. 12A kị́nị́ ḅara anị nyánáḅoghaa, anịgha kị́nị́ anị pa i die, Jizọs Krais ọ ḅara na anị diefindi i pịrịm.
13Ọ naamam, a pa ngá ḅara a Juuapụ tẹ́ghẹ̄ ma kọọarị sáá, a ọḅụdighigha ḅara pa Krais asọduaapụ ma pa tọ́rụ́siarịma ḅara, a pịghị ị́yẹ́ ịnyọ láa ḅara mịẹm árị ḅẹ́ a Tamuno kubiri ogbo ma gulugulumam. 14A Juuapụ tẹ́ghẹ̄ ma kọọ i bịrịapụ i jẹa Juuapụ mamgba nẹngịm, a ine ḅara, a wámịna tádọ́apụ saghị ḅọ́rọ́ma wa pịrị ámá mịẹmịẹnyẹ ma ọlọ sẹ́mam. 15Tamuno ọrẹ tọ́rụ́kụrụkụ́rụ́ ḅụ tarị i sẹ́lẹ́akịm nịị nnị i yiigha sa ḅẹ́ a ḅo fịrịnwangị ọ pịrị. Ọ dọghụ sa ḅẹ́ ori ọ Tụ́wọ ma pa i die 16a ine o gboloma ibi oku dugho wásáma bẹ ḅara pa Juughaapụ pịrị, a mangị mú kị́nị́ gbilaghaa a mịẹbẹnyẹ. 17A iwóo Jerusalem mugha mú tarị nfịrịmaapụ ma ḅara nyẹ gbíla, anịmanakaragha a Arebiya ḅẹrẹtọ yọ múm, miẹfamaa sa a so Damasikọs ama ḅoo.
18Tẹ́rẹ́ a kụ́rá ḅo ḅọ́rọ́ sáá, anịị a so Jerusalem mú nyẹ mú Pita na irịa, warị ọ nana aningáa jie a dii fịnị. 19A jẹ́ nfịrịmaḅọ arịgha tụ́ma Jems ngéré Kịnịnyáná Jizọs numboru. 20Karakárányẹ anịị a gịẹárị nyẹ, Tamuno nimim ḅẹ́ a iruoghaa. 21Mịẹfáma sáá a tọgha angaá múm Siriya na Silisiya ḅẹrẹtọ yọ. 22Anịsa ma ḅụ Krais kubiri ogbo mamgba Judiya ḅẹ́rẹ́kọ yọ bie fịnịnyẹ na nnị inimigha ịrị tụọ. 23Jẹ́apụ dughoarị nyẹ ngéré anịị n níminyẹ: <<Ḅẹ́ parị wa pa tọ́rụ́siarịma ḅọ ma mị́sa ọ fama dọghụ minini ma dugho wásámaarị.>> 24Anịgo, nnị Tamuno túminim i sịbị gosi.
Currently Selected:
Galesiaapụ 1: IBY
Highlight
Copy
Compare
Share
Want to have your highlights saved across all your devices? Sign up or sign in
©2024 Luke Initiative for Scripture Translation
Galesiaapụ 1
1
Pọl Sịbịpị
1Irị Pọl, n sịḅọ ḅẹẹ o ḅo mị nfịrịmaḅọ ma fịrị nwangịị, ị́yẹ́ sị ma, tumḅọ ḅara saghị ḅogha anịgha túminị́ mịẹnyẹ ḅụ ḅọ́rọ́, kụ́ma Jizọs Krais ḅara na pịghị Tamuno Daḅọ ma ḅara saghịḅom, fịị ḅụ ọ saghịma ḅọ. 2Mịnga fịnị mịná owiapụ mamgba bịpị suam ḅẹẹ, a Galesia bie fịnị Tamuno kubiri ogbo mamgba bii.
3Ḅẹ́ Tamuno wámịna Daḅọ na pịghị Kị́nị́nyánáḅọ Jizọs Krais tọ́rụ́kụrụkụ́rụ́ na diin pa ọ pịrị. 4Krais ori duma pa igwagwaá wa pịrịm wámịna sii gosi, Tamuno Daḅọ ma bi ḅara. 5Boma fịnị Tamuno ma pịrị mú ḅẹsá ḅẹsá la. Anị ọkọ fịnị.
Gbẹ́rẹ́ Ibi Oku Ngéré Anịị Fịnịnyẹ
6Anị i tọ́rụ́ nẹngịm ḅẹ́ ọmịnị álála Tamuno ma sịghịmam, Krais tọ́rụ́kụrụkụ́rụ́ ḅụ ọ sịḅọ ma sị pịghị jẹ́ oku daákịarị ọ sị nyẹ ḅẹ́ anịị ibi oku ma. 7Jẹ́ ibi oku ofori, a mịma dughoarị tegó jẹ́apụ imi ḅụḅáláḅálá pa ọ pịrịarịapụ n pịghị asọ dọghụ Krais ibi oku ma dima dọ́ghụm. 8Ḅọ́rọ́ wamịnị anịgha sobie sághị ḅo sookumuḅọ ḅo jẹ́ ibi oku dugho wásáma ọ pịrị, kịrịnyẹ wa dugho ọ pịrịmaá nganyẹ ma ḅụ, Tamuno si fị́lā pa n ḅọ sịbị ọgọnọ ḅụ gbánabẹm mú gbámásó láa. 9Wa sima dughobẹm, wa parị dugho ḅara ḅẹ́; ḅọ́rọ́ ḅẹ́ jụghọ ḅo jẹ́nyẹ dugho ọ pịrị, ọ daákịmaá nganyẹ ma ḅụ kịrịnyẹ, si fị́lā nḅọ sịbị ọgọnọ gbánabẹm mú gbámásó láa. 10Mịma anị die ḅẹ́ a túminị́ ḅẹlẹma bẹnyẹ mịẹarị? Ọkọ fịnịgha, a binyẹ anịị Tamuno ḅẹlẹma bẹnyẹ. Ḅọ́rọ́ ḅẹ́ a túminị́ go pa iḅẹlẹma bẹnyẹ mịẹarị, anịsáa a ine Krais fịrịnwangịḅọ ẹrẹ fịbịghaa.
Pọl Ḅára Warị Nfịrịmaḅọ Sọ Ḅara
11O kúru a dugho ọ pịrị ị́yẹ́ a mịnaapụ, a dugho wásámaarị ibi oku ma kị́nị́ ḅara sághị ḅogha. 12A kị́nị́ ḅara anị nyánáḅoghaa, anịgha kị́nị́ anị pa i die, Jizọs Krais ọ ḅara na anị diefindi i pịrịm.
13Ọ naamam, a pa ngá ḅara a Juuapụ tẹ́ghẹ̄ ma kọọarị sáá, a ọḅụdighigha ḅara pa Krais asọduaapụ ma pa tọ́rụ́siarịma ḅara, a pịghị ị́yẹ́ ịnyọ láa ḅara mịẹm árị ḅẹ́ a Tamuno kubiri ogbo ma gulugulumam. 14A Juuapụ tẹ́ghẹ̄ ma kọọ i bịrịapụ i jẹa Juuapụ mamgba nẹngịm, a ine ḅara, a wámịna tádọ́apụ saghị ḅọ́rọ́ma wa pịrị ámá mịẹmịẹnyẹ ma ọlọ sẹ́mam. 15Tamuno ọrẹ tọ́rụ́kụrụkụ́rụ́ ḅụ tarị i sẹ́lẹ́akịm nịị nnị i yiigha sa ḅẹ́ a ḅo fịrịnwangị ọ pịrị. Ọ dọghụ sa ḅẹ́ ori ọ Tụ́wọ ma pa i die 16a ine o gboloma ibi oku dugho wásáma bẹ ḅara pa Juughaapụ pịrị, a mangị mú kị́nị́ gbilaghaa a mịẹbẹnyẹ. 17A iwóo Jerusalem mugha mú tarị nfịrịmaapụ ma ḅara nyẹ gbíla, anịmanakaragha a Arebiya ḅẹrẹtọ yọ múm, miẹfamaa sa a so Damasikọs ama ḅoo.
18Tẹ́rẹ́ a kụ́rá ḅo ḅọ́rọ́ sáá, anịị a so Jerusalem mú nyẹ mú Pita na irịa, warị ọ nana aningáa jie a dii fịnị. 19A jẹ́ nfịrịmaḅọ arịgha tụ́ma Jems ngéré Kịnịnyáná Jizọs numboru. 20Karakárányẹ anịị a gịẹárị nyẹ, Tamuno nimim ḅẹ́ a iruoghaa. 21Mịẹfáma sáá a tọgha angaá múm Siriya na Silisiya ḅẹrẹtọ yọ. 22Anịsa ma ḅụ Krais kubiri ogbo mamgba Judiya ḅẹ́rẹ́kọ yọ bie fịnịnyẹ na nnị inimigha ịrị tụọ. 23Jẹ́apụ dughoarị nyẹ ngéré anịị n níminyẹ: <<Ḅẹ́ parị wa pa tọ́rụ́siarịma ḅọ ma mị́sa ọ fama dọghụ minini ma dugho wásámaarị.>> 24Anịgo, nnị Tamuno túminim i sịbị gosi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©2024 Luke Initiative for Scripture Translation