Ẹ́fịsọsapụ 5
5
Baá Bie Duma Kọọarị
1Ọmịnị kọkọ Tamuno kpọma ḅẹlẹma awọ anịgo ọmịnị ọ daa nyẹ mịẹ. 2Ḅẹlẹma pịghị ọmịna duma bie ḅẹrẹtọ, Krais sọ wa ḅẹlẹma ḅara sị ọ ḅụ pa ibima kụ́nụ́ agbaa mịẹ na igwagwaá Tamuno pịrị.
3Ọmịnị kọkọ Tamuno túminị́, anịgo anị ibighaa ḅẹ́ yáakuu ḅụ ófórigha nwángị kọọ anịgha, ịlọ́lị duma anịgha oputọrụ, ḅẹ́ nnị anị gbolomanyẹ goo o mịná bie. 4Anịgha anị ḅụ́gbẹ́ ḅẹ́ ọmịnị ịlọ́lị ẹ́gẹ́rẹ́kọọ, anịgha Tamuno dighi ḅáláfaghaa ẹ́gẹ́rẹ́ anịgha biri ḅụ ḅẹlẹgha ẹ́gẹ́rẹ́ kọọ, tụ́ma ọmịnị ịmịẹḅam pa Tamuno ḅẹẹ. 5Ọmịnị ine nimitélémabẹm ḅẹ́ yáakuu ḅụ ofori nwángị kọarịḅọ, ịlọ́lị tumḅọ anịgha oputọrụ nyanaḅọ, ọkọ fịnịị nyẹ mịẹapụ diekiri nyánábịgha Krais na Tamuno amadakiri. Oputọrụ fịnị ḅara so ḅọ́rọ́ susi jẹ́ tamuno pịrị. 6Minima sị gbẹ́rẹ́ḅọ sọ ofori ofori ẹ́gẹ́rẹ́ pa oḅori pa ọ sị, mịma gosi anị Tamuno igani goo ori osighaapụ ḅụụ koro bẹnyẹ. 7Anịgo, ọkọ fịnị túminị́ na mịẹgbólóma nyẹ nyáná ma.
8Gbẹ́rẹ́sa biri ọ kánákáná ma bie imi, kụ́ma mị́sa ọ Kị́nị́nyánáḅọ awọ sọ maá sáá, ọ baá ma bie imi, anịgo o duma kọọ baá ma awọ ḅara. 9Baá ma anịị ibinyẹ gonyẹ́ gonyẹ́ akuoarị nyẹ, karakárá ibiamịẹnyẹ mamgba na pịghị tụ́manyẹ mamgba, 10pịghị ḅụ́kọ́rọ́ma Kị́nị́nyánáḅọ ma ḅẹlẹma nyẹ dọghụ pághámaḅo. 11Túminị́ nwángịarị sọnyẹ ḅụ ófórigha fịrị ma na mịẹnyẹ nyáná ma, anịị kánákánábie fịnịnyẹ ma. Anịmanakaragha nnị pághámá ḅo éné ogbo. 12Anị opuma ḅụgịrịrịmam bịpị ḅụ dugho Tamuno nímighaapụ ma mịẹarịnyẹ ḅọghu angaá ḅụ. 13Kụ́ma baá ma ḅụ biakoro nyẹ gonyẹ́ gonyẹ́ túminị́ anị fịnị ḅara árịbẹm. 14Baá ma anị mịẹsị wa ine nyẹ gonyẹ́ gonyẹ́ árịarị nyẹ. Anị n go dughonyẹ,
<<Saghị sẹ, mụ́noḅọ,
fịị ma ḅụ saghị,
anịsáa Krais baá
ịḅụ biakoro ḅẹ́m.>>
15Anịgosi ọ ḅụẹbị ọkọarị duma ḅara, oḅoriapụ ḅáraghaa kụ́ma nyẹ nimiapụ ḅara. 16Yẹ́ asọ nyáná sa gonyẹ́ gonyẹ́ pa ibifịrị nwángị tegó sáá ma sii sáá. 17Anịgo oḅoriapụ sọ ma, kụ́ma dọghụ pághámaḅo Kị́nị́nyánáḅọ i ḅara binyẹ sị i mịẹ. 18Ọmịnị iru ḅuu tọ́rụ́ḅáma tegó anị ọmịna duma famabẹm, kụ́ma Tẹ́mẹ́ ma ọ ḅụ sọ bifụfụụ́. 19O tọ́ntọ́ núme na núme na, na pịghị tẹ́mẹ́ dighi saghị núme pa ẹ́gẹ́rẹ kọọ jụghọ jụghọ pịrị, ọ tẹ́mẹ́bie núme suu si Kị́nị́nyánáḅọ ma boma. 20Sámámgba ịmịẹḅam pa Tamuno Daḅọ ma ḅẹẹ nyẹ gonyẹ́ gonyẹ́ ḅụ Wányánáḅọ Jizọs Krais ma ẹrẹ ḅụ.
Deeapụ Na Taaapụ Na Ngá Gboloma Bẹ Ḅara
21Ọmịnị ọmịna ḅụ siterema jụghọ jụghọ pịrị ọ nyáná Krais pịrị osigha gosi.
22Taapụ, ọmịnị ọmịna ḅụ siterema ọmịna deeapụ pịrị, ọmịnị ọmịna ḅụ siterema Kị́nị́nyánáḅọ pịrịbẹ ḅara. 23Deeḅọ ma kụ́rọ nyáná ḅara ma ọ táa fịnị angaá anịị Krais so kụ́rọ nyáná ḅara Tamuno kubiri ogbo ma fịnị angaá; Krais ma ọ ḅụgbọrụ anịị Tamuno kubiri ogbo ma dụaḅọ́rọ́maḅọ, anịị ori oju. 24Anịgosi taapụ ibiḅara pa nna ḅụ siterema nna deeapụ pịrị nyẹ gonyẹ́ gonyẹ́ ḅụ, Tamuno kubiri ogbo ma anị ḅụ siterema Krais pịrịarị ḅara.
25Deeapụ ọmịnị ọmịna taapụ ḅẹlẹma, Krais Tamuno kubiri ogbo ma ḅẹlẹma ḅara sị fịị anị pịrị. 26Ọ mịma mịẹm pa Tamuno kubiri ogbo ma fófóoma Tamuno pịrị, ori ẹ́gẹ́rẹ́ ḅụ ḅọ́rọ́, ọ tárị mingi pa anị sịrị fiafiama fama sa. 27Ọ Tamuno kubiri ogbo ma saghị ọ ḅụ pịrịbẹ ḅara anị fíafía ḅụ, yóri yóri, fu nyanagha, ikara anịgha ịlọ́lị nyánágha nyẹ. Kụ́ma tọ́ntọ́ pịghị bịpị ḅụ laagha Tamuno kubiri ogbo. 28Anịgosi deeapụ nna taapụ ḅẹlẹma nnị nna oju ḅẹlẹma ḅara. Amịna táaḅọ ḅẹlẹma ḅọ amịna ḅụ ḅẹ́lẹ́mam. 29Amịna ḅụ ḅẹ́lẹ́maghaḅọ ofori, anịmanakaragha wa fị́nyẹ pa anị pịrịm, ibiḅara pa anị dighidighi, Krais Tamuno kubiri ogbo ma díghídíghíarị ḅara. 30Wamịnị anị ori oju ma ḅụ gbẹ́rẹ́apụ. 31Tọ́ntọ́ diri ma dugho ḅara ḅẹẹ, <<Mịma gosi anịị owitụ́wọ amịna daa na amịna nyingiḅọ wáriso si mú amịna táaḅọ na gbẹ́rẹ́nyẹ mịẹ anị sáá nnị mmẹapụ ma ḅo gbẹ́rẹ́ḅọ sọ́bẹm>>. 32Póghóló pịghị ḅọghu karakárányẹ imi mị́sa págháa nyẹ mịị tọ́ntọ́ ẹ́gẹ́rẹ́ ma ḅụ, a akanyaḅom ḅẹ́ anị dughoarị nyẹ ma Krais na Tamuno kubiri ogbo ma gbolomam. 33Kụ́ma anị pịghị o gbolomam: deeḅọ gonyẹ́ gonyẹ́ amịna táaḅọ ḅẹ́lẹ́mabẹm ori ọ ḅụ ḅẹlẹma ḅara, táaḅọ gonyẹ́ gonyẹ́ pịghị osigha pa amịna deeḅọ pịrịbẹm.
Currently Selected:
Ẹ́fịsọsapụ 5: IBY
Highlight
Copy
Compare
Share
Want to have your highlights saved across all your devices? Sign up or sign in
©2024 Luke Initiative for Scripture Translation
Ẹ́fịsọsapụ 5
5
Baá Bie Duma Kọọarị
1Ọmịnị kọkọ Tamuno kpọma ḅẹlẹma awọ anịgo ọmịnị ọ daa nyẹ mịẹ. 2Ḅẹlẹma pịghị ọmịna duma bie ḅẹrẹtọ, Krais sọ wa ḅẹlẹma ḅara sị ọ ḅụ pa ibima kụ́nụ́ agbaa mịẹ na igwagwaá Tamuno pịrị.
3Ọmịnị kọkọ Tamuno túminị́, anịgo anị ibighaa ḅẹ́ yáakuu ḅụ ófórigha nwángị kọọ anịgha, ịlọ́lị duma anịgha oputọrụ, ḅẹ́ nnị anị gbolomanyẹ goo o mịná bie. 4Anịgha anị ḅụ́gbẹ́ ḅẹ́ ọmịnị ịlọ́lị ẹ́gẹ́rẹ́kọọ, anịgha Tamuno dighi ḅáláfaghaa ẹ́gẹ́rẹ́ anịgha biri ḅụ ḅẹlẹgha ẹ́gẹ́rẹ́ kọọ, tụ́ma ọmịnị ịmịẹḅam pa Tamuno ḅẹẹ. 5Ọmịnị ine nimitélémabẹm ḅẹ́ yáakuu ḅụ ofori nwángị kọarịḅọ, ịlọ́lị tumḅọ anịgha oputọrụ nyanaḅọ, ọkọ fịnịị nyẹ mịẹapụ diekiri nyánábịgha Krais na Tamuno amadakiri. Oputọrụ fịnị ḅara so ḅọ́rọ́ susi jẹ́ tamuno pịrị. 6Minima sị gbẹ́rẹ́ḅọ sọ ofori ofori ẹ́gẹ́rẹ́ pa oḅori pa ọ sị, mịma gosi anị Tamuno igani goo ori osighaapụ ḅụụ koro bẹnyẹ. 7Anịgo, ọkọ fịnị túminị́ na mịẹgbólóma nyẹ nyáná ma.
8Gbẹ́rẹ́sa biri ọ kánákáná ma bie imi, kụ́ma mị́sa ọ Kị́nị́nyánáḅọ awọ sọ maá sáá, ọ baá ma bie imi, anịgo o duma kọọ baá ma awọ ḅara. 9Baá ma anịị ibinyẹ gonyẹ́ gonyẹ́ akuoarị nyẹ, karakárá ibiamịẹnyẹ mamgba na pịghị tụ́manyẹ mamgba, 10pịghị ḅụ́kọ́rọ́ma Kị́nị́nyánáḅọ ma ḅẹlẹma nyẹ dọghụ pághámaḅo. 11Túminị́ nwángịarị sọnyẹ ḅụ ófórigha fịrị ma na mịẹnyẹ nyáná ma, anịị kánákánábie fịnịnyẹ ma. Anịmanakaragha nnị pághámá ḅo éné ogbo. 12Anị opuma ḅụgịrịrịmam bịpị ḅụ dugho Tamuno nímighaapụ ma mịẹarịnyẹ ḅọghu angaá ḅụ. 13Kụ́ma baá ma ḅụ biakoro nyẹ gonyẹ́ gonyẹ́ túminị́ anị fịnị ḅara árịbẹm. 14Baá ma anị mịẹsị wa ine nyẹ gonyẹ́ gonyẹ́ árịarị nyẹ. Anị n go dughonyẹ,
<<Saghị sẹ, mụ́noḅọ,
fịị ma ḅụ saghị,
anịsáa Krais baá
ịḅụ biakoro ḅẹ́m.>>
15Anịgosi ọ ḅụẹbị ọkọarị duma ḅara, oḅoriapụ ḅáraghaa kụ́ma nyẹ nimiapụ ḅara. 16Yẹ́ asọ nyáná sa gonyẹ́ gonyẹ́ pa ibifịrị nwángị tegó sáá ma sii sáá. 17Anịgo oḅoriapụ sọ ma, kụ́ma dọghụ pághámaḅo Kị́nị́nyánáḅọ i ḅara binyẹ sị i mịẹ. 18Ọmịnị iru ḅuu tọ́rụ́ḅáma tegó anị ọmịna duma famabẹm, kụ́ma Tẹ́mẹ́ ma ọ ḅụ sọ bifụfụụ́. 19O tọ́ntọ́ núme na núme na, na pịghị tẹ́mẹ́ dighi saghị núme pa ẹ́gẹ́rẹ kọọ jụghọ jụghọ pịrị, ọ tẹ́mẹ́bie núme suu si Kị́nị́nyánáḅọ ma boma. 20Sámámgba ịmịẹḅam pa Tamuno Daḅọ ma ḅẹẹ nyẹ gonyẹ́ gonyẹ́ ḅụ Wányánáḅọ Jizọs Krais ma ẹrẹ ḅụ.
Deeapụ Na Taaapụ Na Ngá Gboloma Bẹ Ḅara
21Ọmịnị ọmịna ḅụ siterema jụghọ jụghọ pịrị ọ nyáná Krais pịrị osigha gosi.
22Taapụ, ọmịnị ọmịna ḅụ siterema ọmịna deeapụ pịrị, ọmịnị ọmịna ḅụ siterema Kị́nị́nyánáḅọ pịrịbẹ ḅara. 23Deeḅọ ma kụ́rọ nyáná ḅara ma ọ táa fịnị angaá anịị Krais so kụ́rọ nyáná ḅara Tamuno kubiri ogbo ma fịnị angaá; Krais ma ọ ḅụgbọrụ anịị Tamuno kubiri ogbo ma dụaḅọ́rọ́maḅọ, anịị ori oju. 24Anịgosi taapụ ibiḅara pa nna ḅụ siterema nna deeapụ pịrị nyẹ gonyẹ́ gonyẹ́ ḅụ, Tamuno kubiri ogbo ma anị ḅụ siterema Krais pịrịarị ḅara.
25Deeapụ ọmịnị ọmịna taapụ ḅẹlẹma, Krais Tamuno kubiri ogbo ma ḅẹlẹma ḅara sị fịị anị pịrị. 26Ọ mịma mịẹm pa Tamuno kubiri ogbo ma fófóoma Tamuno pịrị, ori ẹ́gẹ́rẹ́ ḅụ ḅọ́rọ́, ọ tárị mingi pa anị sịrị fiafiama fama sa. 27Ọ Tamuno kubiri ogbo ma saghị ọ ḅụ pịrịbẹ ḅara anị fíafía ḅụ, yóri yóri, fu nyanagha, ikara anịgha ịlọ́lị nyánágha nyẹ. Kụ́ma tọ́ntọ́ pịghị bịpị ḅụ laagha Tamuno kubiri ogbo. 28Anịgosi deeapụ nna taapụ ḅẹlẹma nnị nna oju ḅẹlẹma ḅara. Amịna táaḅọ ḅẹlẹma ḅọ amịna ḅụ ḅẹ́lẹ́mam. 29Amịna ḅụ ḅẹ́lẹ́maghaḅọ ofori, anịmanakaragha wa fị́nyẹ pa anị pịrịm, ibiḅara pa anị dighidighi, Krais Tamuno kubiri ogbo ma díghídíghíarị ḅara. 30Wamịnị anị ori oju ma ḅụ gbẹ́rẹ́apụ. 31Tọ́ntọ́ diri ma dugho ḅara ḅẹẹ, <<Mịma gosi anịị owitụ́wọ amịna daa na amịna nyingiḅọ wáriso si mú amịna táaḅọ na gbẹ́rẹ́nyẹ mịẹ anị sáá nnị mmẹapụ ma ḅo gbẹ́rẹ́ḅọ sọ́bẹm>>. 32Póghóló pịghị ḅọghu karakárányẹ imi mị́sa págháa nyẹ mịị tọ́ntọ́ ẹ́gẹ́rẹ́ ma ḅụ, a akanyaḅom ḅẹ́ anị dughoarị nyẹ ma Krais na Tamuno kubiri ogbo ma gbolomam. 33Kụ́ma anị pịghị o gbolomam: deeḅọ gonyẹ́ gonyẹ́ amịna táaḅọ ḅẹ́lẹ́mabẹm ori ọ ḅụ ḅẹlẹma ḅara, táaḅọ gonyẹ́ gonyẹ́ pịghị osigha pa amịna deeḅọ pịrịbẹm.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©2024 Luke Initiative for Scripture Translation