Ẹ́fịsọsapụ 3
3
Pọl Nwángị Fịrị Juughaapụ Ma Ogbobie
1Mịma gosi, irị Pọl, Jizọs Krais ikólinaḅọ ọmịnị Juughaapụ ma sịbị goo.
2Ọ naamam ḅẹ́ Tamuno ori tọ́rụ́kụrụkụ́rụ́ ḅụ mịị fịrị ma pa i pịrịmam ọmịna sịbị gosi. 3Tamuno ọ tọ warị sị ḅọghunyẹ ma diefindi i pịrịm, pịghị mịẹsị a anị nimi a pịghị kálá ḅara pa parị anị gịẹ ọ fịrịmamam. 4Ḅẹ́ ḅọ́rọ́ ọmịnị a gịẹnyẹ ma goo, o ḅo akanyaḅobẹm Krais gboloma sị a akanyaḅomaá ḅọghunyẹ. 5Tamuno anị diefindi áyásaapụ pịrịghaa kụma mị́sa ọ Tẹ́mẹ́ ḅụ ḅọ́rọ́ anị diefindi ori tọ́ntọ́ nfịrịmaapụ na ikiakoroapụ pịrịmam. 6Mịị ḅọghunyẹ ma dughoarị ḅẹ́ ibi oku ma ḅụ ḅọ́rọ́ Juughaapụ na Juuapụ na diekiri nyánam Tamuno karịibima ḅụ, nnị gbẹ́rẹ́apụ oju ma ḅụ pịghị diekiri nyánam, Tamuno Krais Jizọs ḅụ ḅọ́rọ́ minini nyẹ ma ḅụ.
7A ḅo fịrịnwangịḅọ sọọ mị ibi oku ma pịrịm Tamuno pa die i pịrị tọ́rụ́kụrụkụ́rụ́ gosi, ọ pa i pịrịnyẹ ori kụ́rọ nwángịarị fịrị ḅụ ḅọ́rọ́. 8Tamuno tọ́ntọ́apụ mamgba ḅụ irịị ịrụ́ḅam, anịsọ Tamuno pa mị opuma nyẹ́la fịrị ma pa i pịrịm ḅẹ́ a muu dugho wásáma Juughaapụ ma pịrị Krais ḅụ fịnị sị tumḅọ ine dọghụpágháma ḅofámábịghaa ngọ, 9pịghị mịẹsị túminị́ mamgba árị, Tamuno ọ tọ́ọ ḅọ́rọ́ma sị ḅọghunyẹ ma anị kiriakị. Tamuno ori nyẹ gonyẹ́ gonyẹ́ tẹ́mẹ́ḅọ ori ḅọghunyẹ ma pa túminị́ ḅọghumam ḅọ́rọ́maa ḅụọ ḅụọ ḅụ. 10Tamuno go nwọ mịẹnyẹ anịị ḅẹ́ mị́sa Tamuno kubiri ogbo ma ḅụ ḅọ́rọ́ anị o Tamuno kịrịkị́rị́ níminyẹ mamgba pa so ọgọnọ sịbịdaaapụ mamgba na ḅẹ́rẹ́tọapụ mamgba diebẹnyẹ. 11Tamuno mịma mịẹm ọ tọ́ọ warị ḅara, o pịghị mịẹsị anị wámịna Nyánáḅọ Krais Jizọs ḅụ ḅo kiriakịnyẹ. 12Krais na gbẹ́rẹ́ḅụ ḅụ fịnị na wámịna minini ọ ḅụ, wamịnị ine Tamuno tórúku ḅobẹm ḅáláfaghaa ḅụ, pịghị biegbana ḅụ. 13Anịgo a ọ tẹ́ghẹ̄m ḅẹ́ anị ọ biesima ma, a árị ọ pịrịarị tọ́rụ́siarị ma, anịị ọmịna sịbị gosi.
Pọl Tẹ́ghẹ̄ Ẹ́fịsọsapụ Pịrị Tẹ́ghẹ̄
14Anịgosi a ẹkpẹrẹkị Daḅọ ma pịrịm, 15ori anịị so ma na kiri ma bie fịnị warifuro mamgba karakárá ẹrẹ pa pịrịḅọ. 16A tẹ́ghẹ̄arị ḅẹ́ Tamuno opu ngọ nyánáḅọ ori ipine ḅụ, kụ́rọ pa ọ pịrị, ọ Tẹ́mẹ́ ḅụ ḅọ́rọ́ ọmịnị ịnyọsua bẹ ḅara ọmịna tẹ́mẹ́bie. 17A pịghị tẹ́ghẹ̄arị ḅẹ́ minini ḅụ ḅọ́rọ́ Krais ọmịna tẹ́mẹ́bie ngábẹm sámámgba. A pa tẹ́ghẹ̄arị ḅẹ́ ọmiẹ bẹnyẹ gonyẹ́ gonyẹ́ ọ ḅẹlẹma ḅụ ḅọ́rọ́ anị mịẹ, 18ọmịnị na Tamuno tọ́ntọ́apụ mamgba ine akanyaḅo bẹ ḅara Krais ḅẹlẹma kpọma findi láa ḅara, anị nangwọ láa ḅara, anị sóghólo láa ḅara na anị póghóló láa ḅara. 19Ọ ḅo Krais ḅẹlẹma nimii, anị opuma dụḅam, ọmịnị ine anị akanyaḅo famabịghaa sị Tamuno ma fịnị ḅara ọmịna duma bie sọ bi sị pịghị ọsụ sara.
20Mị́sa ipine fịnị Tamuno pịrị, ori opu kụ́rọ wámịna bie fịrịnwangịarị nyẹ, ori ine mịẹ gbánāma bẹḅọ wamịnị ine bii bẹnyẹ anịgha kóróma bẹnyẹ mịẹ bẹḅọ 21ipine fịnị Tamuno pịrị, Tamuno kubiri ogbo ma bie pịghị Jizọs Krais ḅụ akị mú ḅẹsá ḅẹsá láa! Anị ọkọ fịnịị.
Currently Selected:
Ẹ́fịsọsapụ 3: IBY
Highlight
Copy
Compare
Share
Want to have your highlights saved across all your devices? Sign up or sign in
©2024 Luke Initiative for Scripture Translation
Ẹ́fịsọsapụ 3
3
Pọl Nwángị Fịrị Juughaapụ Ma Ogbobie
1Mịma gosi, irị Pọl, Jizọs Krais ikólinaḅọ ọmịnị Juughaapụ ma sịbị goo.
2Ọ naamam ḅẹ́ Tamuno ori tọ́rụ́kụrụkụ́rụ́ ḅụ mịị fịrị ma pa i pịrịmam ọmịna sịbị gosi. 3Tamuno ọ tọ warị sị ḅọghunyẹ ma diefindi i pịrịm, pịghị mịẹsị a anị nimi a pịghị kálá ḅara pa parị anị gịẹ ọ fịrịmamam. 4Ḅẹ́ ḅọ́rọ́ ọmịnị a gịẹnyẹ ma goo, o ḅo akanyaḅobẹm Krais gboloma sị a akanyaḅomaá ḅọghunyẹ. 5Tamuno anị diefindi áyásaapụ pịrịghaa kụma mị́sa ọ Tẹ́mẹ́ ḅụ ḅọ́rọ́ anị diefindi ori tọ́ntọ́ nfịrịmaapụ na ikiakoroapụ pịrịmam. 6Mịị ḅọghunyẹ ma dughoarị ḅẹ́ ibi oku ma ḅụ ḅọ́rọ́ Juughaapụ na Juuapụ na diekiri nyánam Tamuno karịibima ḅụ, nnị gbẹ́rẹ́apụ oju ma ḅụ pịghị diekiri nyánam, Tamuno Krais Jizọs ḅụ ḅọ́rọ́ minini nyẹ ma ḅụ.
7A ḅo fịrịnwangịḅọ sọọ mị ibi oku ma pịrịm Tamuno pa die i pịrị tọ́rụ́kụrụkụ́rụ́ gosi, ọ pa i pịrịnyẹ ori kụ́rọ nwángịarị fịrị ḅụ ḅọ́rọ́. 8Tamuno tọ́ntọ́apụ mamgba ḅụ irịị ịrụ́ḅam, anịsọ Tamuno pa mị opuma nyẹ́la fịrị ma pa i pịrịm ḅẹ́ a muu dugho wásáma Juughaapụ ma pịrị Krais ḅụ fịnị sị tumḅọ ine dọghụpágháma ḅofámábịghaa ngọ, 9pịghị mịẹsị túminị́ mamgba árị, Tamuno ọ tọ́ọ ḅọ́rọ́ma sị ḅọghunyẹ ma anị kiriakị. Tamuno ori nyẹ gonyẹ́ gonyẹ́ tẹ́mẹ́ḅọ ori ḅọghunyẹ ma pa túminị́ ḅọghumam ḅọ́rọ́maa ḅụọ ḅụọ ḅụ. 10Tamuno go nwọ mịẹnyẹ anịị ḅẹ́ mị́sa Tamuno kubiri ogbo ma ḅụ ḅọ́rọ́ anị o Tamuno kịrịkị́rị́ níminyẹ mamgba pa so ọgọnọ sịbịdaaapụ mamgba na ḅẹ́rẹ́tọapụ mamgba diebẹnyẹ. 11Tamuno mịma mịẹm ọ tọ́ọ warị ḅara, o pịghị mịẹsị anị wámịna Nyánáḅọ Krais Jizọs ḅụ ḅo kiriakịnyẹ. 12Krais na gbẹ́rẹ́ḅụ ḅụ fịnị na wámịna minini ọ ḅụ, wamịnị ine Tamuno tórúku ḅobẹm ḅáláfaghaa ḅụ, pịghị biegbana ḅụ. 13Anịgo a ọ tẹ́ghẹ̄m ḅẹ́ anị ọ biesima ma, a árị ọ pịrịarị tọ́rụ́siarị ma, anịị ọmịna sịbị gosi.
Pọl Tẹ́ghẹ̄ Ẹ́fịsọsapụ Pịrị Tẹ́ghẹ̄
14Anịgosi a ẹkpẹrẹkị Daḅọ ma pịrịm, 15ori anịị so ma na kiri ma bie fịnị warifuro mamgba karakárá ẹrẹ pa pịrịḅọ. 16A tẹ́ghẹ̄arị ḅẹ́ Tamuno opu ngọ nyánáḅọ ori ipine ḅụ, kụ́rọ pa ọ pịrị, ọ Tẹ́mẹ́ ḅụ ḅọ́rọ́ ọmịnị ịnyọsua bẹ ḅara ọmịna tẹ́mẹ́bie. 17A pịghị tẹ́ghẹ̄arị ḅẹ́ minini ḅụ ḅọ́rọ́ Krais ọmịna tẹ́mẹ́bie ngábẹm sámámgba. A pa tẹ́ghẹ̄arị ḅẹ́ ọmiẹ bẹnyẹ gonyẹ́ gonyẹ́ ọ ḅẹlẹma ḅụ ḅọ́rọ́ anị mịẹ, 18ọmịnị na Tamuno tọ́ntọ́apụ mamgba ine akanyaḅo bẹ ḅara Krais ḅẹlẹma kpọma findi láa ḅara, anị nangwọ láa ḅara, anị sóghólo láa ḅara na anị póghóló láa ḅara. 19Ọ ḅo Krais ḅẹlẹma nimii, anị opuma dụḅam, ọmịnị ine anị akanyaḅo famabịghaa sị Tamuno ma fịnị ḅara ọmịna duma bie sọ bi sị pịghị ọsụ sara.
20Mị́sa ipine fịnị Tamuno pịrị, ori opu kụ́rọ wámịna bie fịrịnwangịarị nyẹ, ori ine mịẹ gbánāma bẹḅọ wamịnị ine bii bẹnyẹ anịgha kóróma bẹnyẹ mịẹ bẹḅọ 21ipine fịnị Tamuno pịrị, Tamuno kubiri ogbo ma bie pịghị Jizọs Krais ḅụ akị mú ḅẹsá ḅẹsá láa! Anị ọkọ fịnịị.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©2024 Luke Initiative for Scripture Translation