Kolosiapụ 3
3
Tọ́ntọ́ Duma Ngaa Ólóghó
1Anịsáa éné éné ọ Krais na fịị ḅụ saghịmáa ḅara, ọmịnị ọmịna tẹ́mẹ́bie pa sobie fịnịnyẹ ḅụ gbánaá Krais Tamuno ámáḅara angaá kpọrọfịnị angaá. 2Ọmịnị ọmịna kóróma pa sobie fịnịnyẹ ma ḅụ gbánā, kiribie fịnị nyẹ́maghaa. 3O fịịmam gosi, ọmịna duma mị́sa n pa Krais na Tamuno bie ḅọghum. 4Krais ọmịna duma ma, ọ ḅụ diepágháma sáá, ọmịnị sọ ọmịna ḅụ diepághámabẹm ipine ḅụ.
5Anịgosi, mịẹsị anị fịị, tuminikiri ị́yẹ́ duma bie fịnị pụghọ tarịarịnyẹ ma: yáakuu ḅụ ofori nwángị duma, ámánwángị ịlọ́lị duma, ámánwángị pughotarị, siinyẹ pughotarị na oputọrụ mịma sị ḅara sọ́ḅọ́rọ́ susi n kara tamuno pịrị. 6Mịnanyẹ ma gosi, Tamuno igani ḅo ọ bịpị pughughaapụ ma pịrịarị. 7Parị ọmịnị mịị asọ ma nwángịm, ọ kọọ duma ḅara gosi.
8Kụ́ma ọmịnị mị́sa mịnanyẹ mamgba ḅụ, ḅụ sií, mịnanyẹ ma anịị, bieoḅu, opu bieoḅu, sitẹ́mẹ́ nyáná jụghọ pịrị, kị́nị́ dughosima na ọmịna ịlọ́lị ẹ́gẹ́rẹ́kọọ. 9Iruo ẹ́gẹ́rẹ́kọọ jụghọ jụghọ pịrịma ọmịnị ọlọm oju ma na anị mịẹ mịẹnyẹ sịghịmáa ḅara ma, 10ịwọ oju ma sua sị árị ḅẹ́ sámámgba ọmịnị iwọarị, ọ pịghị sẹnịarị ḅara ọmịna Tẹ́mẹ́ḅọ nimi ḅụ sị pịghị ọ fịnị ḅara fịnị. 11Mịnga Girikiḅọ anịgha Juuḅọ ofori tọ́ngọ̄ pẹ́lẹ́ anịgha tọ́ngọ̄ pẹ́lẹ́ghaḅọ, biaapụ, tọ́rụ́ findighaapụ, ómóniapụ anịgha furoawọ, kụ́ma Krais ori nyẹ́mámgba pịghị nyẹ mamgba ḅụ imii.
12Anịgosi, Tamuno sẹlẹakị ọ ḅụ pịrị túminị́, tọ́ntọ́ pịghị ori ibima ḅẹlẹmaapụ ọ ḅụ́jịrịrị pa ọmịna suabịtẹ mịẹ, ibitẹ́mẹ́ nyáná, ḅụ sitéréma, diin duma na pịghị inema nyáná. 13Ọmịnị ngịrịma nyáná jụghọ jụghọ pịrị pịghịị siiḅụḅarasipịrị nyáná siinyẹ pa ọ mịẹapụ gonyẹ́ gonyẹ́ pịrị. Ọ siiḅụḅarasipịrị nyáná Kị́nị́nyánáḅọ so siiḅụḅarasi ọ pịrị ḅara. 14Mịná mịẹnyẹ mamgba ọgọnọ, ḅẹlẹma nyána, mịma anịị nyẹ mamgba kpọọ pa gbẹ́rẹ́nyẹ mịẹnyẹ anị kpain ḅara ḅụ.
15Krais diin ọmịna tẹ́mẹ́bie ḅẹrẹtọ, ọmịnị gbẹ́rẹ́ ojuapụ ḅara ma, nnị ọ siim ḅẹ́ ọ diin ḅụ ngaa. Ọ pịghị ịmịẹḅam pa Tamuno ḅẹẹ. 16O wáriso sị Krais ẹ́gẹ́rẹ́ ma bifụfụụ́ ḅara pa ọmịna bie ngaa nyẹ pa jụghọ jụghọ die pịghị opu níminyẹ ḅụ jụghọ jụghọ birinụ́nụ́, ọ núme diri ma súu pịghị núme súu pịghị tẹ́mẹ́ju núme suu ọmịna tẹ́mẹ́bie ịmịẹḅam pa Tamuno ḅẹẹarị. 17Ọ mịẹnyẹ gonyẹ́ gonyẹ́, ḅọ́rọ́ ẹ́gẹ́rẹ́ ḅụ anịgha mịẹnyẹ ḅụ, nyẹ gonyẹ́ gonyẹ́ mịẹ Kị́nị́nyánáḅọ Jizọs ẹrẹ ḅụ, ịmịẹḅam pa Tamuno Daḅọ ma pịrịarị ori ẹrẹ ḅụ ḅọ́rọ́.
Krais Ọḅụduaapụ Nna Wárị Tákubiri Bẹ Ḅara
18Taapụ ọ sịbị pa ọmịna deeapụ sughubie sua mịị ḅara ma anịị anị karakárá ḅara Kịnịyánáḅọ ma tórúku.
19Deeapụ ọmịnị ọmịna taapụ ḅẹlẹma si kụrọ ḅara pa nnị na ngaa ma.
20Awọamaapụ nyẹ gonyẹ́ gonyẹ́ ḅụ, ọmịnị ọmịna nyingiapụ na daapụ bịpị pughu, ḅẹ mịma Kị́nị́nyánáḅọ ḅụ ḅẹlẹm.
21Daapụ opuma ọmịna awọ iganima ma anịgha anị nna biesimabẹm.
22Ómóniapụ, ọmịnị ọmịna nyánáapụ tuminikiri bịpị pughu nyẹ gonyẹ́ gonyẹ́ ḅụ, ọmịnị anị mịẹ nna tọ́rụ́ ọ ḅụ laarị sa ngéréghaa, ọmịnị nna ḅẹlẹma nyánáḅoo ḅẹ́ ḅara, kụ́ma ọmịnị anị mịẹ karakárá tẹ́mẹ́bie na pịghị osigha pa Kị́nị́nyánáḅọ ma pịrị ḅụ. 23Ọ mịẹarịnyẹ gonyẹ́ gonyẹ́ ọmịnị ọmịna tẹ́mẹ́ mamgba pa anị mịẹ, sọ́ḅọ́rọ́ ọ fịrịnwangị Kị́nị́nyánáḅọ ma pịrịarị ọ nwángị tumḅọ pịrịgha. 24O biekóróma ḅẹ́ ọmịnị ilanyẹ nyánáḅobẹm Kị́nị́nyánáḅọ ma ḅara gbẹ́nyẹ ḅara. Kị́nị́nyánáḅọ Krais ma anịị ọ fịrịnwangị pịrịarịḅọ. 25Irima nyẹ mịẹ ḅo gonyẹ́ gonyẹ́ n sima n ḅo gbẹ́bẹm n ḅo mịẹ irima nyẹ ma ḅụ, tórúku pịghị anị ḅụ ofori.
Currently Selected:
Kolosiapụ 3: IBY
Highlight
Copy
Compare
Share
Want to have your highlights saved across all your devices? Sign up or sign in
©2024 Luke Initiative for Scripture Translation
Kolosiapụ 3
3
Tọ́ntọ́ Duma Ngaa Ólóghó
1Anịsáa éné éné ọ Krais na fịị ḅụ saghịmáa ḅara, ọmịnị ọmịna tẹ́mẹ́bie pa sobie fịnịnyẹ ḅụ gbánaá Krais Tamuno ámáḅara angaá kpọrọfịnị angaá. 2Ọmịnị ọmịna kóróma pa sobie fịnịnyẹ ma ḅụ gbánā, kiribie fịnị nyẹ́maghaa. 3O fịịmam gosi, ọmịna duma mị́sa n pa Krais na Tamuno bie ḅọghum. 4Krais ọmịna duma ma, ọ ḅụ diepágháma sáá, ọmịnị sọ ọmịna ḅụ diepághámabẹm ipine ḅụ.
5Anịgosi, mịẹsị anị fịị, tuminikiri ị́yẹ́ duma bie fịnị pụghọ tarịarịnyẹ ma: yáakuu ḅụ ofori nwángị duma, ámánwángị ịlọ́lị duma, ámánwángị pughotarị, siinyẹ pughotarị na oputọrụ mịma sị ḅara sọ́ḅọ́rọ́ susi n kara tamuno pịrị. 6Mịnanyẹ ma gosi, Tamuno igani ḅo ọ bịpị pughughaapụ ma pịrịarị. 7Parị ọmịnị mịị asọ ma nwángịm, ọ kọọ duma ḅara gosi.
8Kụ́ma ọmịnị mị́sa mịnanyẹ mamgba ḅụ, ḅụ sií, mịnanyẹ ma anịị, bieoḅu, opu bieoḅu, sitẹ́mẹ́ nyáná jụghọ pịrị, kị́nị́ dughosima na ọmịna ịlọ́lị ẹ́gẹ́rẹ́kọọ. 9Iruo ẹ́gẹ́rẹ́kọọ jụghọ jụghọ pịrịma ọmịnị ọlọm oju ma na anị mịẹ mịẹnyẹ sịghịmáa ḅara ma, 10ịwọ oju ma sua sị árị ḅẹ́ sámámgba ọmịnị iwọarị, ọ pịghị sẹnịarị ḅara ọmịna Tẹ́mẹ́ḅọ nimi ḅụ sị pịghị ọ fịnị ḅara fịnị. 11Mịnga Girikiḅọ anịgha Juuḅọ ofori tọ́ngọ̄ pẹ́lẹ́ anịgha tọ́ngọ̄ pẹ́lẹ́ghaḅọ, biaapụ, tọ́rụ́ findighaapụ, ómóniapụ anịgha furoawọ, kụ́ma Krais ori nyẹ́mámgba pịghị nyẹ mamgba ḅụ imii.
12Anịgosi, Tamuno sẹlẹakị ọ ḅụ pịrị túminị́, tọ́ntọ́ pịghị ori ibima ḅẹlẹmaapụ ọ ḅụ́jịrịrị pa ọmịna suabịtẹ mịẹ, ibitẹ́mẹ́ nyáná, ḅụ sitéréma, diin duma na pịghị inema nyáná. 13Ọmịnị ngịrịma nyáná jụghọ jụghọ pịrị pịghịị siiḅụḅarasipịrị nyáná siinyẹ pa ọ mịẹapụ gonyẹ́ gonyẹ́ pịrị. Ọ siiḅụḅarasipịrị nyáná Kị́nị́nyánáḅọ so siiḅụḅarasi ọ pịrị ḅara. 14Mịná mịẹnyẹ mamgba ọgọnọ, ḅẹlẹma nyána, mịma anịị nyẹ mamgba kpọọ pa gbẹ́rẹ́nyẹ mịẹnyẹ anị kpain ḅara ḅụ.
15Krais diin ọmịna tẹ́mẹ́bie ḅẹrẹtọ, ọmịnị gbẹ́rẹ́ ojuapụ ḅara ma, nnị ọ siim ḅẹ́ ọ diin ḅụ ngaa. Ọ pịghị ịmịẹḅam pa Tamuno ḅẹẹ. 16O wáriso sị Krais ẹ́gẹ́rẹ́ ma bifụfụụ́ ḅara pa ọmịna bie ngaa nyẹ pa jụghọ jụghọ die pịghị opu níminyẹ ḅụ jụghọ jụghọ birinụ́nụ́, ọ núme diri ma súu pịghị núme súu pịghị tẹ́mẹ́ju núme suu ọmịna tẹ́mẹ́bie ịmịẹḅam pa Tamuno ḅẹẹarị. 17Ọ mịẹnyẹ gonyẹ́ gonyẹ́, ḅọ́rọ́ ẹ́gẹ́rẹ́ ḅụ anịgha mịẹnyẹ ḅụ, nyẹ gonyẹ́ gonyẹ́ mịẹ Kị́nị́nyánáḅọ Jizọs ẹrẹ ḅụ, ịmịẹḅam pa Tamuno Daḅọ ma pịrịarị ori ẹrẹ ḅụ ḅọ́rọ́.
Krais Ọḅụduaapụ Nna Wárị Tákubiri Bẹ Ḅara
18Taapụ ọ sịbị pa ọmịna deeapụ sughubie sua mịị ḅara ma anịị anị karakárá ḅara Kịnịyánáḅọ ma tórúku.
19Deeapụ ọmịnị ọmịna taapụ ḅẹlẹma si kụrọ ḅara pa nnị na ngaa ma.
20Awọamaapụ nyẹ gonyẹ́ gonyẹ́ ḅụ, ọmịnị ọmịna nyingiapụ na daapụ bịpị pughu, ḅẹ mịma Kị́nị́nyánáḅọ ḅụ ḅẹlẹm.
21Daapụ opuma ọmịna awọ iganima ma anịgha anị nna biesimabẹm.
22Ómóniapụ, ọmịnị ọmịna nyánáapụ tuminikiri bịpị pughu nyẹ gonyẹ́ gonyẹ́ ḅụ, ọmịnị anị mịẹ nna tọ́rụ́ ọ ḅụ laarị sa ngéréghaa, ọmịnị nna ḅẹlẹma nyánáḅoo ḅẹ́ ḅara, kụ́ma ọmịnị anị mịẹ karakárá tẹ́mẹ́bie na pịghị osigha pa Kị́nị́nyánáḅọ ma pịrị ḅụ. 23Ọ mịẹarịnyẹ gonyẹ́ gonyẹ́ ọmịnị ọmịna tẹ́mẹ́ mamgba pa anị mịẹ, sọ́ḅọ́rọ́ ọ fịrịnwangị Kị́nị́nyánáḅọ ma pịrịarị ọ nwángị tumḅọ pịrịgha. 24O biekóróma ḅẹ́ ọmịnị ilanyẹ nyánáḅobẹm Kị́nị́nyánáḅọ ma ḅara gbẹ́nyẹ ḅara. Kị́nị́nyánáḅọ Krais ma anịị ọ fịrịnwangị pịrịarịḅọ. 25Irima nyẹ mịẹ ḅo gonyẹ́ gonyẹ́ n sima n ḅo gbẹ́bẹm n ḅo mịẹ irima nyẹ ma ḅụ, tórúku pịghị anị ḅụ ofori.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©2024 Luke Initiative for Scripture Translation