2 Tẹsalonaikaapụ 3
3
Tẹ́ghẹ̄ Wa Pịrịị
1Kunemaá, I Daa awọ, ọ tẹ́ghẹ̄ wa pịrị, ḅẹẹ Kị́nị́nyánáḅọ oku ma álála kaá wásámabẹm, sị nnị pịghị kuu ḅụ ẹ́gẹ́rẹ́ ma daakị ọmịnị sọ anị daakị ḅara. 2Pịghị tẹ́ghẹ̄ ḅẹẹ Tamuno wa dụaḅọ́rọ́maa silálá si túminị́ ḅarabie, tegó túminị́ mamgba oku ma mininigha. 3Kụ́ma Kị́nị́nyánáḅọ ma ọmịnị ọ ḅụ tẹ́mẹ́ gbánā ọ pịghị ọ ḅụ ịnyọ suabẹm, sị pịghị o koko sii tumḅọ ma ḅarabie. 4Kị́nị́nyánáḅọ mịẹm sị wamịnị ine tẹ́mẹ́kụ́rọ nyáná ọ fịnị angaá; wa pịghị mininim ḅẹẹ ọmịnị ibiḅara mịẹarị ọ pịghị wa dugho ọ pịrịnyẹ ma mịẹ tórúku muubẹm. 5Kị́nị́nyánáḅọ o daa mú sị ọmịnị dụḅaḅá ḅara pa Tamuno ḅẹlẹma akanyaḅo na pịghị Krais pịrịarị ngịrịma.
Tumḅọ Nwángị Bẹ Fịrị
6Wámịna Daa awọ, wa Wámịna Nyánáḅọ Jizọs Krais ẹrẹ ḅụ kụ́rọ́ma dugho ọ pịrịarị ḅẹẹ ọ ḅụ fóofóo ma mini nna ḅara pa fịrịnwangị dọghụghaapụ fịnị angaá na pịghị wa pa n pịrị againma ma duaghaapụ fịnị angaá. 7Ọmịna ḅụgbọrụ kọkọ ibima nimi ḅẹẹ wa mịẹnyẹ anịị ọmịnị sọ mịẹbẹnyẹ. Wa itilagha wamịnị ọ nana fịnị sáá. 8Wa gbẹ́rẹ́ḅọ sọ ḅárásua daákịgha anị gbẹ́nyẹ gbẹẹgha pa, tụ́ma wa tọ́rụ́siarị fịrị nwángịm, wa dii na ḅá ḅụ fịrị nwángịgha sị ọmịnị wámịna ḅụ igbii ngumabịgha ḅara. 9Wa mịma mịẹm, ḅẹgha ḅẹẹ wa kụrọ nyanagha, ọmịna ḅara ḅárásua bi, wa mịma mịẹm sị ọmịnị sọ árị sị wa dua wa mịẹḅara mịẹ. 10Wamịnị ọ́ nana fịnị sáá, wa kọkọ dugho ọ pịrị pịrị, ḅẹẹ, <<Mini fịrịnwangịghaḅọ, o minima n ḅọ nyẹ́fị>>.
11Wa mịma dughom tegó wa naam ḅẹ́ jẹ́apụ ọmịna bie imii, itila duma kọọarịapụ, n mịẹ dọghụnyẹ ngéré anịị tọ́rụ́ pa jẹ́apụ mịẹmịẹnyẹ ḅụ suu si nna anganyẹ wáriso. 12Kị́nị́nyánáḅọ Jizọs Krais ẹrẹ ḅụ wa kụ́rọ́ma dugho túminị́ ma pịrịm pịghị n birinụ́nụ́ ḅẹẹ n gbụ́nụ́nụ́ duma kọọ pịghị fịrịnwangị sị pa nna ḅụ siḅe. 13Kụ́ma ọmịnị i Daa awọ, ịnyọ ọ ḅụ fama ibifịrị nwángị ḅụ.
14Jẹ́apụ ine imibẹm anị ngá mini wa pa fịrịmaarị oku ma osiibịghaapụ. Ọmịnị ọ ḅụ ẹbị anị túminị́ ma fịnị angaá ọ pịghị nnị na mịẹgbólóma nyẹ nyánáma, sị n ḅụ́gịrịrị ḅẹ́ ḅara. 15Kụ́ma iruonaapụ ḅara pa nna akịma, kụ́ma n birinụ́nụ́ ọmịna Daa awọ ḅara.
Kunema Sịbịpị
16Wámịna Nyánáḅọ ori ọ ḅụgbọrụ ọ ḅarabie diin saghị ḅoḅọ diin pa ọ pịrị sámámgba ḅụ asọ kirikiri ḅụ. Kị́nị́nyánáḅọ ọmịnị kị́nị́mamgba na fịnịị.
17Ịrị Pọl i ḅara pa mịị sịbịpị ma gịẹm. Mịị a ḅara pụnụ a gịẹ diri gonyẹ́ gonyẹ́ pịrị pịrị ḅara; mịị a gịẹ gịẹ ḅara.
18Wámịna Nyánáḅọ Jizọs Krais tọ́rụ́kụrụkụ́rụ́ ọmịnị kị́nị́mamgba na fịnịị.
Currently Selected:
2 Tẹsalonaikaapụ 3: IBY
Highlight
Copy
Compare
Share
Want to have your highlights saved across all your devices? Sign up or sign in
©2024 Luke Initiative for Scripture Translation
2 Tẹsalonaikaapụ 3
3
Tẹ́ghẹ̄ Wa Pịrịị
1Kunemaá, I Daa awọ, ọ tẹ́ghẹ̄ wa pịrị, ḅẹẹ Kị́nị́nyánáḅọ oku ma álála kaá wásámabẹm, sị nnị pịghị kuu ḅụ ẹ́gẹ́rẹ́ ma daakị ọmịnị sọ anị daakị ḅara. 2Pịghị tẹ́ghẹ̄ ḅẹẹ Tamuno wa dụaḅọ́rọ́maa silálá si túminị́ ḅarabie, tegó túminị́ mamgba oku ma mininigha. 3Kụ́ma Kị́nị́nyánáḅọ ma ọmịnị ọ ḅụ tẹ́mẹ́ gbánā ọ pịghị ọ ḅụ ịnyọ suabẹm, sị pịghị o koko sii tumḅọ ma ḅarabie. 4Kị́nị́nyánáḅọ mịẹm sị wamịnị ine tẹ́mẹ́kụ́rọ nyáná ọ fịnị angaá; wa pịghị mininim ḅẹẹ ọmịnị ibiḅara mịẹarị ọ pịghị wa dugho ọ pịrịnyẹ ma mịẹ tórúku muubẹm. 5Kị́nị́nyánáḅọ o daa mú sị ọmịnị dụḅaḅá ḅara pa Tamuno ḅẹlẹma akanyaḅo na pịghị Krais pịrịarị ngịrịma.
Tumḅọ Nwángị Bẹ Fịrị
6Wámịna Daa awọ, wa Wámịna Nyánáḅọ Jizọs Krais ẹrẹ ḅụ kụ́rọ́ma dugho ọ pịrịarị ḅẹẹ ọ ḅụ fóofóo ma mini nna ḅara pa fịrịnwangị dọghụghaapụ fịnị angaá na pịghị wa pa n pịrị againma ma duaghaapụ fịnị angaá. 7Ọmịna ḅụgbọrụ kọkọ ibima nimi ḅẹẹ wa mịẹnyẹ anịị ọmịnị sọ mịẹbẹnyẹ. Wa itilagha wamịnị ọ nana fịnị sáá. 8Wa gbẹ́rẹ́ḅọ sọ ḅárásua daákịgha anị gbẹ́nyẹ gbẹẹgha pa, tụ́ma wa tọ́rụ́siarị fịrị nwángịm, wa dii na ḅá ḅụ fịrị nwángịgha sị ọmịnị wámịna ḅụ igbii ngumabịgha ḅara. 9Wa mịma mịẹm, ḅẹgha ḅẹẹ wa kụrọ nyanagha, ọmịna ḅara ḅárásua bi, wa mịma mịẹm sị ọmịnị sọ árị sị wa dua wa mịẹḅara mịẹ. 10Wamịnị ọ́ nana fịnị sáá, wa kọkọ dugho ọ pịrị pịrị, ḅẹẹ, <<Mini fịrịnwangịghaḅọ, o minima n ḅọ nyẹ́fị>>.
11Wa mịma dughom tegó wa naam ḅẹ́ jẹ́apụ ọmịna bie imii, itila duma kọọarịapụ, n mịẹ dọghụnyẹ ngéré anịị tọ́rụ́ pa jẹ́apụ mịẹmịẹnyẹ ḅụ suu si nna anganyẹ wáriso. 12Kị́nị́nyánáḅọ Jizọs Krais ẹrẹ ḅụ wa kụ́rọ́ma dugho túminị́ ma pịrịm pịghị n birinụ́nụ́ ḅẹẹ n gbụ́nụ́nụ́ duma kọọ pịghị fịrịnwangị sị pa nna ḅụ siḅe. 13Kụ́ma ọmịnị i Daa awọ, ịnyọ ọ ḅụ fama ibifịrị nwángị ḅụ.
14Jẹ́apụ ine imibẹm anị ngá mini wa pa fịrịmaarị oku ma osiibịghaapụ. Ọmịnị ọ ḅụ ẹbị anị túminị́ ma fịnị angaá ọ pịghị nnị na mịẹgbólóma nyẹ nyánáma, sị n ḅụ́gịrịrị ḅẹ́ ḅara. 15Kụ́ma iruonaapụ ḅara pa nna akịma, kụ́ma n birinụ́nụ́ ọmịna Daa awọ ḅara.
Kunema Sịbịpị
16Wámịna Nyánáḅọ ori ọ ḅụgbọrụ ọ ḅarabie diin saghị ḅoḅọ diin pa ọ pịrị sámámgba ḅụ asọ kirikiri ḅụ. Kị́nị́nyánáḅọ ọmịnị kị́nị́mamgba na fịnịị.
17Ịrị Pọl i ḅara pa mịị sịbịpị ma gịẹm. Mịị a ḅara pụnụ a gịẹ diri gonyẹ́ gonyẹ́ pịrị pịrị ḅara; mịị a gịẹ gịẹ ḅara.
18Wámịna Nyánáḅọ Jizọs Krais tọ́rụ́kụrụkụ́rụ́ ọmịnị kị́nị́mamgba na fịnịị.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©2024 Luke Initiative for Scripture Translation