2 Kọrịntịapụ 4
4
Tẹ́mẹ́ Ngọ Ọ́rọ Átụ́ma Ḅẹlẹbie
1Tamuno ọrẹ lolomakúkúbie ḅụ mị fịrị ma pa wa pịrịmam ḅẹ́ wa nwángị, anịgo gbẹ́rẹ́nyẹ sọ mịẹbịgha si wámịna tẹ́mẹ́ oḅudáa. 2Wa ḅọghu na pịghị ḅụ́gịrịrịma fịrị mamgba sịghịmam, anịmanakaragha wa karakárá mamgba dughom túminị́ tórúku anị fịnị na ibiḅara, sị túminị́ wa nimi bẹ ḅara, pịghị nimi nna tẹ́mẹ́bie ḅẹ́ wa kọọ ẹ́gẹ́rẹ́ ma karakárányẹ Tamuno tórúku. 3Ḅọ́rọ́ wa dugho pághámaarị ẹ́gẹ́rẹ́ ma ḅọghu angaá imi, anị ḅọghu angaá fịnị faarịapụ ma pịrịm. 4Mịị tuminikiri tamuno ma mininighaapụ ma kóróma tọ́rụ́pụ́mamam anịgo nnị ine baá ma arịgha anịị Krais ipine gboloma sị ibi oku ma ḅụ sághị ḅoarị baá, ori ma anị gbẹ́rẹ́sa Tamuno ma na kịkaḅọ. 5Wa wámịna ḅụ dugho wásámagha, kụma wa Krais dugho wásámaarị ḅẹ́ ori anị Kị́nị́nyánáḅọ sị wamịnị, ọmịna fịrịnwangịapụ Jizọs ẹrẹ́sị. 6Dugho Tamuno ma ḅẹẹ, <<Kánákáná ma bie baá bia pághábẹm!>> Mịị gbẹ́rẹ́ Tamuno ma anị mịẹsị ọri baá bia wámịna tẹ́mẹ́bie sọọ nyẹ. Mịma ḅụ ḅọ́rọ́, wa Tamuno ipine nimi ḅụ sághị ḅoarị baá ma nyanam biarị nyẹ Krais tọ́rụ́ ogbo.
7Kụ́ma wamịnị mị ngọ ma nyánam ọ́rọ átụ́ma ḅẹlẹbie pa diepágháma ḅẹ́ kụrọmamgba nẹ́ngị kụ́rọ Tamuno ḅara sághị ḅom, wámịna ḅara sághịḅogha. 8Sa ḅụ akị mú sa la, ḅụḅáláḅálá wa lam asọ gonyẹ́ gonyẹ́ ḅụ kụ́ma ḅụḅáláḅálá ma wa gbẹḅagha, jẹ́ sa wa tẹ́mẹ́bie mmẹẹ́ mmẹẹ́ mịẹm; kụ́ma wa jighegha wámịna biekpọ ḅụ. 9Nnị wa pa tọ́rụ́siarịmam kụ́ma Tamuno wa dighi tọ́rụ́sigha; nnị wa fomu gbim kụ́ma wa gulugulumagha. 10Sámámgba wa wámịna mẹnị oju ḅụ Jizọs fịị ma dighi ikelekelearị, Jizọs duma ma anị ḅụ diepágháma bẹ ḅara wámịna ḅụbie. 11Wámịna duma éné mamgba fịị wamịnị na imi Jizọs gosi, sị túminị́ ori duma árị bẹ ḅara wámịna mẹnị oju ma ḅụ. 12Mịma dughoarị ḅẹ́ fịị fịrịwangịarị wámịna duma bie, kụ́ma duma fịrịwangịarị ọmịna bie.
13Tamuno diri ma dughoarị ḅẹ́, <<A ẹ́gẹ́rẹ́kọọm a mininim gosi.>> Anị gbẹ́rẹ́ tẹ́mẹ́ minini ma, wamịnị ẹ́gẹ́rẹ́kọọm wa mininim gosi. 14Wa nimim ḅẹẹ, Tamuno, Kị́nị́nyánáḅọ Jizọs sághị duma bie suaḅọ pịghị wamịnị na Jizọs saghịmabẹm, n pịghị wamịnị na ọ́ nana kobirịbẹm ọ tórúku. 15Mịị mamgba ọ ọmịna sịbị go, sị Tamuno tọ́rụ́kụrụkụ́rụ́ mú tọgha tọghaapụ la sa, nnị tọgha tẹ́ghẹ̄ ịmịẹḅam pa Tamuno ḅẹbẹm ọrẹ ipine ḅụ.
Minini Ḅụ Duma Kọọ
16Mịma go anị wámịna tẹ́mẹ́bie kụrọmagha sọ, wamịnị ọkọ minighaa, karakárányẹ ḅẹẹ wámịna ojumẹnị kẹ́lẹ́kẹlẹ ḅụrụarị, kụ́ma wámịna tẹ́mẹ́bie duma ma anịị ene gbọrụ gbọrụ ḅụ nnị anị mịẹ iwomaarị. 17Ḅẹ́ mị kálá sáátụọ ḅụ wámịnị arịarị tọ́rụ́siarị ma, dụḅa wásáma gbámásó boma akuoo wa pịrịbẹm wamịnị árị ḅụḅáláḅálá ma nẹ́ngịbẹm. 18Wa wámịna tọ́rụ́ pa wamịnị arịarị nyẹ ḅụ gbánāgha kụ́ma tọ́rụ́ arịgha nyẹ ḅụ, tọ́rụ́ arịarị nyẹ ma fịnị ḅọlọgha kụ́ma tọ́rụ́ arịgha nyẹ ma fịnị gbámásom.
Currently Selected:
2 Kọrịntịapụ 4: IBY
Highlight
Copy
Compare
Share
Want to have your highlights saved across all your devices? Sign up or sign in
©2024 Luke Initiative for Scripture Translation
2 Kọrịntịapụ 4
4
Tẹ́mẹ́ Ngọ Ọ́rọ Átụ́ma Ḅẹlẹbie
1Tamuno ọrẹ lolomakúkúbie ḅụ mị fịrị ma pa wa pịrịmam ḅẹ́ wa nwángị, anịgo gbẹ́rẹ́nyẹ sọ mịẹbịgha si wámịna tẹ́mẹ́ oḅudáa. 2Wa ḅọghu na pịghị ḅụ́gịrịrịma fịrị mamgba sịghịmam, anịmanakaragha wa karakárá mamgba dughom túminị́ tórúku anị fịnị na ibiḅara, sị túminị́ wa nimi bẹ ḅara, pịghị nimi nna tẹ́mẹ́bie ḅẹ́ wa kọọ ẹ́gẹ́rẹ́ ma karakárányẹ Tamuno tórúku. 3Ḅọ́rọ́ wa dugho pághámaarị ẹ́gẹ́rẹ́ ma ḅọghu angaá imi, anị ḅọghu angaá fịnị faarịapụ ma pịrịm. 4Mịị tuminikiri tamuno ma mininighaapụ ma kóróma tọ́rụ́pụ́mamam anịgo nnị ine baá ma arịgha anịị Krais ipine gboloma sị ibi oku ma ḅụ sághị ḅoarị baá, ori ma anị gbẹ́rẹ́sa Tamuno ma na kịkaḅọ. 5Wa wámịna ḅụ dugho wásámagha, kụma wa Krais dugho wásámaarị ḅẹ́ ori anị Kị́nị́nyánáḅọ sị wamịnị, ọmịna fịrịnwangịapụ Jizọs ẹrẹ́sị. 6Dugho Tamuno ma ḅẹẹ, <<Kánákáná ma bie baá bia pághábẹm!>> Mịị gbẹ́rẹ́ Tamuno ma anị mịẹsị ọri baá bia wámịna tẹ́mẹ́bie sọọ nyẹ. Mịma ḅụ ḅọ́rọ́, wa Tamuno ipine nimi ḅụ sághị ḅoarị baá ma nyanam biarị nyẹ Krais tọ́rụ́ ogbo.
7Kụ́ma wamịnị mị ngọ ma nyánam ọ́rọ átụ́ma ḅẹlẹbie pa diepágháma ḅẹ́ kụrọmamgba nẹ́ngị kụ́rọ Tamuno ḅara sághị ḅom, wámịna ḅara sághịḅogha. 8Sa ḅụ akị mú sa la, ḅụḅáláḅálá wa lam asọ gonyẹ́ gonyẹ́ ḅụ kụ́ma ḅụḅáláḅálá ma wa gbẹḅagha, jẹ́ sa wa tẹ́mẹ́bie mmẹẹ́ mmẹẹ́ mịẹm; kụ́ma wa jighegha wámịna biekpọ ḅụ. 9Nnị wa pa tọ́rụ́siarịmam kụ́ma Tamuno wa dighi tọ́rụ́sigha; nnị wa fomu gbim kụ́ma wa gulugulumagha. 10Sámámgba wa wámịna mẹnị oju ḅụ Jizọs fịị ma dighi ikelekelearị, Jizọs duma ma anị ḅụ diepágháma bẹ ḅara wámịna ḅụbie. 11Wámịna duma éné mamgba fịị wamịnị na imi Jizọs gosi, sị túminị́ ori duma árị bẹ ḅara wámịna mẹnị oju ma ḅụ. 12Mịma dughoarị ḅẹ́ fịị fịrịwangịarị wámịna duma bie, kụ́ma duma fịrịwangịarị ọmịna bie.
13Tamuno diri ma dughoarị ḅẹ́, <<A ẹ́gẹ́rẹ́kọọm a mininim gosi.>> Anị gbẹ́rẹ́ tẹ́mẹ́ minini ma, wamịnị ẹ́gẹ́rẹ́kọọm wa mininim gosi. 14Wa nimim ḅẹẹ, Tamuno, Kị́nị́nyánáḅọ Jizọs sághị duma bie suaḅọ pịghị wamịnị na Jizọs saghịmabẹm, n pịghị wamịnị na ọ́ nana kobirịbẹm ọ tórúku. 15Mịị mamgba ọ ọmịna sịbị go, sị Tamuno tọ́rụ́kụrụkụ́rụ́ mú tọgha tọghaapụ la sa, nnị tọgha tẹ́ghẹ̄ ịmịẹḅam pa Tamuno ḅẹbẹm ọrẹ ipine ḅụ.
Minini Ḅụ Duma Kọọ
16Mịma go anị wámịna tẹ́mẹ́bie kụrọmagha sọ, wamịnị ọkọ minighaa, karakárányẹ ḅẹẹ wámịna ojumẹnị kẹ́lẹ́kẹlẹ ḅụrụarị, kụ́ma wámịna tẹ́mẹ́bie duma ma anịị ene gbọrụ gbọrụ ḅụ nnị anị mịẹ iwomaarị. 17Ḅẹ́ mị kálá sáátụọ ḅụ wámịnị arịarị tọ́rụ́siarị ma, dụḅa wásáma gbámásó boma akuoo wa pịrịbẹm wamịnị árị ḅụḅáláḅálá ma nẹ́ngịbẹm. 18Wa wámịna tọ́rụ́ pa wamịnị arịarị nyẹ ḅụ gbánāgha kụ́ma tọ́rụ́ arịgha nyẹ ḅụ, tọ́rụ́ arịarị nyẹ ma fịnị ḅọlọgha kụ́ma tọ́rụ́ arịgha nyẹ ma fịnị gbámásom.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©2024 Luke Initiative for Scripture Translation