1 Timoti 4
4
Birinụ́nụ́ Epele Nyẹ́dieapụ Gosi
1Tọ́ntọ́ Tẹ́mẹ́ ma ḅọghugha ḅara pa dugho pághámam ḅẹ́ kunema sáá biri ma ḅụ jẹ́apụ minini ma wárịsóbẹm; si epele ti tẹ́mẹ́ ma pughu sị pịghị sitẹ́mẹ́ diearịnyẹ ma dua. 2Ọkọfịnị nyẹ́die ma dugho wásámáarịapụ anịị mmẹẹ́ a tọ́rụ́ agidi epeletiapụ, nna tẹ́mẹ́bie fịịmam sọ ḅọ́rọ́ nnị ọfịrị ikúlélu pa dọ́ghụ́ma nyẹ. 3Ọkọfịnị túminị́ diearị bẹ anị karakáragha tumḅọ taa yaa, pịghị jẹa fị́nyẹ fịị. Kụ́ma Tamuno anị fị́nyẹ ọrụ ma tẹ́mẹm ḅẹ́ tumḅọ imiẹḅa tẹ́ghẹ̄ẹ̄ kọọ sọ sáá n ḅo anị fịị, mịma miẹbẹapụ anịị mininiapụ ma pịghị karakárá ma nimimaapụ. 4Tamuno tẹ́mẹ́nyẹ gonyẹ́ gonyẹ́ ibim; tumḅọ sịghị na ibi nyẹ ofori, kụ́ma nnị nyẹ gonyẹ́ gonyẹ́ daákịbẹm ịmịẹḅam tẹ́ghẹ̄ bịpị ḅụ, 5tegó Tamuno ẹ́gẹ́rẹ́ ma na tẹ́ghẹ̄ na mịẹm si anị Tamuno daakị ibinyẹ sọọ.
Jizọs Krais Ibi Fịrịnwangịḅọ
6Ị ḅọ́rọ́ mịnanyẹ ma pa mininiapụ ma biekóróma kóróma, anịị a dugho kórómanyẹ ma, ịrị Krais Jizọs ibi fịrịnwangịḅọ sọ́bẹm, minini ma karakárá ḅụ n dighi pághámaḅoḅọ na pịghị ị́ duamaa karakárá dienyẹ ma. 7Ọmịnị ọmịna ḅụ fófóoma tumḅọ dugho naibigha tamuno osigha olom lughu ma ḅụ, ọmịnị ọmịna ojumẹnị pa dawọnyẹ ḅụ sua Tamuno tọ́ọ ḅara ḅụ. 8Oju jighema ti ma sọnyẹ nyánam, kụ́ma tẹ́mẹ́ju fịrịnwangị ma sọnyẹ sọ́ḅám asọ kịrịkị́rị́ ḅụ tegó anị duma pa wa pịrịbẹm, mị́sa na pịghị ḅoarị sáá.
9Mị tụ́ma dughonyẹ tumḅọ karakáráma ákịbẹnyẹ pịghị anị minini. 10Wamịnị ịnyọ pa tụ́ma fịrị nwángịm tegó wamịnị wámịna tọ́rụ́ dighinyẹ pa dumafịnị Tamuno ma ḅụ gbánam, kị́nị́mamgba Dụaḅọ́rọ́maḅọ nyẹ mamgba nẹ́ngị nyẹ anịị mininiapụ.
11Mịnanyẹ ma pa n die pịghị ọ́rụ́ḅọ ọ́rụ́ḅọ ḅẹẹ nnị ị dughonyẹ ma mịẹ. 12Minima gbẹ́rẹ́ḅọ so idighialima ḅẹ́ ịrị ásátụ́wọ, kụ́ma mininiapụ ma ogbo arịị ḅẹ́ ịrị anịị nnị tọ́rụ́ saghị dighi bẹḅọ, ẹ́gẹ́rẹ́ bịpị ḅụ, ị́yẹ́ mịẹmịẹnyẹ ḅụ, ị́yẹ́ ḅẹlẹma ḅụ, ị́yẹ́ minini ḅụ na pịghị ị́yẹ́ tẹ́mẹ́bie fíafía ḅụ. 13A fịnị wárii si ḅoo bẹ sáá láa, sáá ngúmá tọ́ndiri ma goo págháma kubiri ogbobie, ẹ́gẹ́rẹ́ ma dugho wásáma pịghị nyẹ́die.
14Iḅụbie fịnị tẹ́mẹ́ju dienyẹ ma, ị nyánáḅọ nyẹ nnị ị sịbị ikiakoro sa, na pịghị sẹ́nịapụ ma ḅara pa ị sịbị gbánā sáá, anị dighitọ́rụ́si ma. 15Mịnanyẹ ma pa fịrị ḅụ sua; ịḅụ pa gbẹ́rẹ́ sáá anị bie suu, sị kị́nị́mamgba ị́yẹ́ bịpị muu árị bẹ ḅara. 16Ḅụ ẹbị, i duma kọọarị ḅara na pịghị ị nyẹ́diearị ḅara. Pa ị mịẹarịnyẹ ma mịẹ tegó ị́ ọkọmiẹmiẹ ị́ ịḅụ na ị naarịapụ ma duaḅọ́rọ́mabẹm.
Currently Selected:
1 Timoti 4: IBY
Highlight
Copy
Compare
Share
Want to have your highlights saved across all your devices? Sign up or sign in
©2024 Luke Initiative for Scripture Translation
1 Timoti 4
4
Birinụ́nụ́ Epele Nyẹ́dieapụ Gosi
1Tọ́ntọ́ Tẹ́mẹ́ ma ḅọghugha ḅara pa dugho pághámam ḅẹ́ kunema sáá biri ma ḅụ jẹ́apụ minini ma wárịsóbẹm; si epele ti tẹ́mẹ́ ma pughu sị pịghị sitẹ́mẹ́ diearịnyẹ ma dua. 2Ọkọfịnị nyẹ́die ma dugho wásámáarịapụ anịị mmẹẹ́ a tọ́rụ́ agidi epeletiapụ, nna tẹ́mẹ́bie fịịmam sọ ḅọ́rọ́ nnị ọfịrị ikúlélu pa dọ́ghụ́ma nyẹ. 3Ọkọfịnị túminị́ diearị bẹ anị karakáragha tumḅọ taa yaa, pịghị jẹa fị́nyẹ fịị. Kụ́ma Tamuno anị fị́nyẹ ọrụ ma tẹ́mẹm ḅẹ́ tumḅọ imiẹḅa tẹ́ghẹ̄ẹ̄ kọọ sọ sáá n ḅo anị fịị, mịma miẹbẹapụ anịị mininiapụ ma pịghị karakárá ma nimimaapụ. 4Tamuno tẹ́mẹ́nyẹ gonyẹ́ gonyẹ́ ibim; tumḅọ sịghị na ibi nyẹ ofori, kụ́ma nnị nyẹ gonyẹ́ gonyẹ́ daákịbẹm ịmịẹḅam tẹ́ghẹ̄ bịpị ḅụ, 5tegó Tamuno ẹ́gẹ́rẹ́ ma na tẹ́ghẹ̄ na mịẹm si anị Tamuno daakị ibinyẹ sọọ.
Jizọs Krais Ibi Fịrịnwangịḅọ
6Ị ḅọ́rọ́ mịnanyẹ ma pa mininiapụ ma biekóróma kóróma, anịị a dugho kórómanyẹ ma, ịrị Krais Jizọs ibi fịrịnwangịḅọ sọ́bẹm, minini ma karakárá ḅụ n dighi pághámaḅoḅọ na pịghị ị́ duamaa karakárá dienyẹ ma. 7Ọmịnị ọmịna ḅụ fófóoma tumḅọ dugho naibigha tamuno osigha olom lughu ma ḅụ, ọmịnị ọmịna ojumẹnị pa dawọnyẹ ḅụ sua Tamuno tọ́ọ ḅara ḅụ. 8Oju jighema ti ma sọnyẹ nyánam, kụ́ma tẹ́mẹ́ju fịrịnwangị ma sọnyẹ sọ́ḅám asọ kịrịkị́rị́ ḅụ tegó anị duma pa wa pịrịbẹm, mị́sa na pịghị ḅoarị sáá.
9Mị tụ́ma dughonyẹ tumḅọ karakáráma ákịbẹnyẹ pịghị anị minini. 10Wamịnị ịnyọ pa tụ́ma fịrị nwángịm tegó wamịnị wámịna tọ́rụ́ dighinyẹ pa dumafịnị Tamuno ma ḅụ gbánam, kị́nị́mamgba Dụaḅọ́rọ́maḅọ nyẹ mamgba nẹ́ngị nyẹ anịị mininiapụ.
11Mịnanyẹ ma pa n die pịghị ọ́rụ́ḅọ ọ́rụ́ḅọ ḅẹẹ nnị ị dughonyẹ ma mịẹ. 12Minima gbẹ́rẹ́ḅọ so idighialima ḅẹ́ ịrị ásátụ́wọ, kụ́ma mininiapụ ma ogbo arịị ḅẹ́ ịrị anịị nnị tọ́rụ́ saghị dighi bẹḅọ, ẹ́gẹ́rẹ́ bịpị ḅụ, ị́yẹ́ mịẹmịẹnyẹ ḅụ, ị́yẹ́ ḅẹlẹma ḅụ, ị́yẹ́ minini ḅụ na pịghị ị́yẹ́ tẹ́mẹ́bie fíafía ḅụ. 13A fịnị wárii si ḅoo bẹ sáá láa, sáá ngúmá tọ́ndiri ma goo págháma kubiri ogbobie, ẹ́gẹ́rẹ́ ma dugho wásáma pịghị nyẹ́die.
14Iḅụbie fịnị tẹ́mẹ́ju dienyẹ ma, ị nyánáḅọ nyẹ nnị ị sịbị ikiakoro sa, na pịghị sẹ́nịapụ ma ḅara pa ị sịbị gbánā sáá, anị dighitọ́rụ́si ma. 15Mịnanyẹ ma pa fịrị ḅụ sua; ịḅụ pa gbẹ́rẹ́ sáá anị bie suu, sị kị́nị́mamgba ị́yẹ́ bịpị muu árị bẹ ḅara. 16Ḅụ ẹbị, i duma kọọarị ḅara na pịghị ị nyẹ́diearị ḅara. Pa ị mịẹarịnyẹ ma mịẹ tegó ị́ ọkọmiẹmiẹ ị́ ịḅụ na ị naarịapụ ma duaḅọ́rọ́mabẹm.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©2024 Luke Initiative for Scripture Translation