1 Timoti 2
2
Nyẹ Mịẹbẹ Ḅára Tamuno Kobiri Ogbobie
1Nyẹ mamgba ḅụ parị nyẹ, a dugho kụ́rọ́mam ḅẹ́, kubiri ogbo nyẹ́bii, tẹ́ghẹ̄ kọ, jẹ́apụ sịbị tẹ́ghẹ̄, pịghị ịmịẹḅam pa Tamuno ḅẹ́ kị́nị́mamgba sịbị, 2ámányánáapụ na pịghị sịbịdaapụ mamgba sịbị, si wamịnị ine yaghúu na diin duma kọọ bẹ ḅara osigha nyáná Tamuno pịrị na pịghị karakárá mịẹnyẹ ḅụ. 3Mịma anị ibim pịghị Tamuno wámịna Dụaḅọ́rọ́maḅọ ma ḅụ ḅẹ́lẹm, 4biḅọ ḅẹ́ kị́nị́mamgba dụaḅọ́rọ́ma nyáná sị n ḅoo pịghị karakárá ma nimii. 5Ḅẹ́ gbẹ́rẹ́ Tamuno ngéré anịị iminyẹ, gbẹ́rẹ́ ogboku sẹ ḅọ anịị Tamuno na túminị́ na akuo gbólómáarịḅọ, anị tumḅọ ma anịị n Krais Jizọs pa sịḅọ ma, 6ọ ḅụ pa pịrịḅọ túminị́ mamgba dụaḅọ́rọ́ma goo. Mịma anị Tamuno pa tuminikiri gbọrụ fịrịma oku ma anị karakárá sáá ma ḅụ. 7Anịị Tamuno goo i sẹlẹakị sị i fịrịma nyẹ ori oku dugho wásámā ḅọ ḅara na pịghị nfịrịmaḅọ ḅara ḅẹ́, a mịị minini na tụ́manyẹ ma oku ma pa Juughaapụ ma die! A karakárányẹ ma dughoarị a iruo kọgha.
8Tamuno kobiri gonyẹ́ gonyẹ́, a bim ḅẹ́ owiapụ ma tẹ́ghẹ̄ kọọ, tọ́ntọ́ ḅụ ḅara sághị so daa sị tẹ́ghẹ̄, bie akụgha ḅụ anịgha kị́nị́ na kamsọgha ḅụ.
9A pịghị bim ḅẹ́ ẹ́rẹ́ámáapụ ḅụ́gbẹ́ ḅara pa nna bịtẹ sua; fíafía na pịghị akanyaḅo nyáná ḅara ḅụ, nna ḅụ́birima sịbị kpeebịegha, anịgha odoḅala nyẹ sua anịgha áwụ áwụ bia ọkụta anịgha opuma nyẹ́laa bịtẹ sua. 10Kụ́ma ibiamịẹnyẹ fịrị pa nna ḅụ́birima, anịị anị karakárá n pịrị ḅara dughoapụ ma ḅẹ́ nnị Tamuno tẹ́ghẹ̄arị ẹrẹ.
11Ẹ́rẹ́ámáapụ ḅụdiinma ḅara pa nyẹ dáwọ pịghị karakárá ḅara pa ḅụ sitéréma. 12A mịnị ẹ́rẹ́ámáapụ pịrịgha ḅẹ́ nnị nyẹ́die anịgha sịbịdá owiapụ pịrị, nnị n bịpị gbẹ́ẹ̄ warị. 13Tegó Adam anịị n parị tẹ́mẹ́ḅọ, anịsáa ḅọ́rọ́ sáá Ivu. 14Adamugha nnị oḅori pa sịḅọ, ọ́rụ́ḅọ ma anịị nnị oḅori pa siiḅọ sị a muu Tamuno ologho kóóró. 15Kụ́ma ọ́rụ́ḅọ ma dụaḅọ́rọ́ma nyánábẹm awọ yii ḅụ, a ḅọ́rọ́ minini ḅụ sẹ kụ́rọ bịpị muu ḅẹlẹma ḅụ, tọ́ntọ́ ḅụ na pịghị bịpị ḅụ laagha ḅara ḅụ.
Currently Selected:
1 Timoti 2: IBY
Highlight
Copy
Compare
Share
Want to have your highlights saved across all your devices? Sign up or sign in
©2024 Luke Initiative for Scripture Translation
1 Timoti 2
2
Nyẹ Mịẹbẹ Ḅára Tamuno Kobiri Ogbobie
1Nyẹ mamgba ḅụ parị nyẹ, a dugho kụ́rọ́mam ḅẹ́, kubiri ogbo nyẹ́bii, tẹ́ghẹ̄ kọ, jẹ́apụ sịbị tẹ́ghẹ̄, pịghị ịmịẹḅam pa Tamuno ḅẹ́ kị́nị́mamgba sịbị, 2ámányánáapụ na pịghị sịbịdaapụ mamgba sịbị, si wamịnị ine yaghúu na diin duma kọọ bẹ ḅara osigha nyáná Tamuno pịrị na pịghị karakárá mịẹnyẹ ḅụ. 3Mịma anị ibim pịghị Tamuno wámịna Dụaḅọ́rọ́maḅọ ma ḅụ ḅẹ́lẹm, 4biḅọ ḅẹ́ kị́nị́mamgba dụaḅọ́rọ́ma nyáná sị n ḅoo pịghị karakárá ma nimii. 5Ḅẹ́ gbẹ́rẹ́ Tamuno ngéré anịị iminyẹ, gbẹ́rẹ́ ogboku sẹ ḅọ anịị Tamuno na túminị́ na akuo gbólómáarịḅọ, anị tumḅọ ma anịị n Krais Jizọs pa sịḅọ ma, 6ọ ḅụ pa pịrịḅọ túminị́ mamgba dụaḅọ́rọ́ma goo. Mịma anị Tamuno pa tuminikiri gbọrụ fịrịma oku ma anị karakárá sáá ma ḅụ. 7Anịị Tamuno goo i sẹlẹakị sị i fịrịma nyẹ ori oku dugho wásámā ḅọ ḅara na pịghị nfịrịmaḅọ ḅara ḅẹ́, a mịị minini na tụ́manyẹ ma oku ma pa Juughaapụ ma die! A karakárányẹ ma dughoarị a iruo kọgha.
8Tamuno kobiri gonyẹ́ gonyẹ́, a bim ḅẹ́ owiapụ ma tẹ́ghẹ̄ kọọ, tọ́ntọ́ ḅụ ḅara sághị so daa sị tẹ́ghẹ̄, bie akụgha ḅụ anịgha kị́nị́ na kamsọgha ḅụ.
9A pịghị bim ḅẹ́ ẹ́rẹ́ámáapụ ḅụ́gbẹ́ ḅara pa nna bịtẹ sua; fíafía na pịghị akanyaḅo nyáná ḅara ḅụ, nna ḅụ́birima sịbị kpeebịegha, anịgha odoḅala nyẹ sua anịgha áwụ áwụ bia ọkụta anịgha opuma nyẹ́laa bịtẹ sua. 10Kụ́ma ibiamịẹnyẹ fịrị pa nna ḅụ́birima, anịị anị karakárá n pịrị ḅara dughoapụ ma ḅẹ́ nnị Tamuno tẹ́ghẹ̄arị ẹrẹ.
11Ẹ́rẹ́ámáapụ ḅụdiinma ḅara pa nyẹ dáwọ pịghị karakárá ḅara pa ḅụ sitéréma. 12A mịnị ẹ́rẹ́ámáapụ pịrịgha ḅẹ́ nnị nyẹ́die anịgha sịbịdá owiapụ pịrị, nnị n bịpị gbẹ́ẹ̄ warị. 13Tegó Adam anịị n parị tẹ́mẹ́ḅọ, anịsáa ḅọ́rọ́ sáá Ivu. 14Adamugha nnị oḅori pa sịḅọ, ọ́rụ́ḅọ ma anịị nnị oḅori pa siiḅọ sị a muu Tamuno ologho kóóró. 15Kụ́ma ọ́rụ́ḅọ ma dụaḅọ́rọ́ma nyánábẹm awọ yii ḅụ, a ḅọ́rọ́ minini ḅụ sẹ kụ́rọ bịpị muu ḅẹlẹma ḅụ, tọ́ntọ́ ḅụ na pịghị bịpị ḅụ laagha ḅara ḅụ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©2024 Luke Initiative for Scripture Translation