1 Pita 3
3
Deeapụ Na Taapụ Na
1Anị gbẹ́rẹ́ ḅárá ma ọmịnị taapụ ḅụsímínímá ọmịna deeapụ pịrị, ḅọ́rọ́ nna ḅụ Tamuno ẹ́gẹ́rẹ́ mininigha ḅo imi, ị́yẹ́ ibiamịẹnyẹ warị mịẹbẹm sị n minini, mịma ị gbẹ́rẹ́ ẹ́gẹ́rẹ́ so kọọ na ibighaa. 2Tegó nnị árịbẹm ị́yẹ́ mịẹnyẹ kpainm ḅara, ị pịghị osigha nyáná ḅara. 3Ọmịnị oju birima nyẹ pa ọmịna ḅụ birimama pa die ḅẹ́ ọ fiafiam, anịị ọ sịbị mịẹḅara, sua ḅụ́birimaarị odoḅala, na pịghị o suaarị bịtẹ. 4Anịmanakaragha ọmịna ibi anị ḅụ die ọmịna kúkúbie fịnị ḅára, tumḅọ tọ́rụ pa arịgha nyẹ, sịrịfa faghaa ibii, ḅụ́sitéréma na diin tẹ́mẹ́ ḅụ saghị ḅo nyẹ anịị Tamuno tórúku nyẹ́la ḅa nyẹ. 5Ḅọ́rọ́maa sa, tọ́ntọ́ ẹ́rẹ́ámáapụ ma, pịghị Tamuno ḅụ tọ́rụ́ dighinyẹ nyánáapụ ma, nna ibi diepághámam, n ḅụsímínímá nna deeapụ sughubie sua ḅara. 6Sira ọkọfịnịm, árị Ebraham o siim warị pịghị Inyanaḅọ pa ọ sịị, ọmịnị mị́sa árị ẹ́rẹ́maawọ, ọ ḅọ́rọ́ ibifịrị nwángị pịghị ḅẹnyẹ ḅẹnyẹ dighi ḅáláfagha.
7Anị gbẹ́rẹ́ ḅara ma, ọmịnị deeapụ akanyaḅo pa ọmịna taapụ na ngaa, nimi ḅẹ́ nnị kụrọ ọ́ nana gbasịgha, osigha pa n pịrị, tegó nnị sọ pịghị ọ́ nana Tamuno ḅara ọ nyánáḅọ duma ma nyáná bẹ ḅara. Ọ mịma mịẹsị bẹnyẹ bẹnyẹ ọmịna tẹ́ghẹ̄ mgbesẹbịgha ḅara.
Tọ́rụ́siarị Ibifịrị Gosi
8A kunemaarị: ọmịnị kị́nị́mamgba gbẹ́rẹ́ tẹ́mẹ́ nyáná, ḅụnjịrị nyáná, jụghọ jụghọ ḅẹlẹma mịnaapụ ḅara, ọmịnị ibiamịẹnyẹ nyáná pịghị ḅụ siterema jụghọ jụghọ pịrị. 9Ọ mịnị siinyẹ pa siinyẹ gbẹ́ẹ̄ ma anịgha wirinumo pa wirinumo gbẹ́ẹ̄, anịmanakaragha ọ karịibima pa o wiriapụ gbẹ́ẹ̄. Tegó Tamuno ma osị sa boma anị o minini ọ pịrịnyẹ. 10Tọ́ndiri ma dugho ḅara bẹ:
Duma ḅẹ́lẹ árị dọghụḅọ
gonyẹ́ gonyẹ́ sị pịghị
tuminikiri ibi sa arị́,
nḅọ ḅẹlẹ ọlọ sị ẹ́gẹ́rẹ́ ḅụ
pịghị epele ti ḅụ.
11Nnị ḅọ siinyẹ ḅụ pịghị si ibinyẹ mịẹ,
nnị nna tẹ́mẹ́ gbọrụ pa
diin asọ ma dua.
12Tegó Kị́nị́nyánáḅọ tọ́rụ́ karakárá
ibiamịẹnyẹapụ ma didighiarị,
ọ pịghị nna tẹ́ghẹ̄ ma nanaam.
Kụ́ma siiamịẹnyẹapụ ori
ọḅụ pa mgbigbim.
13Tụọ nyẹ pa ọ lama bẹ, o ḅọ́rọ́ ibinyẹ ma mịẹ dọghụ? 14Ḅọ́rọ́ bẹ ọ tọ́rụ́siarịm mḅẹ́sọ karakárányẹ mịẹ ḅụ, o karịibima nyánam, ọ gbẹ́rẹ́ḅọ sọ dighi ḅáláfama, ọ pịghị ḅụḅáláḅálá pa ọ ḅụ pịrịma. 15Kụ́ma ọmịna tẹ́mẹ́bie, ọ susi Krais pịrị, pịghị kuu pa ọ pịrị Kị́nị́nyánáḅọ ḅara, sámámgba, ọ tẹ́lẹ́ma ọmịnị ine n ḅo pagharaa bẹ ḅara, o gbíla ḅo ḅẹ́ o dughofindi ọmịna bie ọ nyáná tọ́rụ́ dighinyẹ. 16O diin ḅara na osigha ḅara pa anị mịẹ, ọmịnị ọmịna tẹ́mẹ́bie mịẹ fiafiama, sị sii ẹ́rẹ pa ọsịarịapụ ọmịna ibi duma Krais bie mịẹbẹm nna ḅụ́gịrịrị n kọọarị si ẹ́gẹ́rẹ́ go. 17Anị ibiḅam ḅẹ́ tumḅọ tọ́rụ́siarị ibifịrị ḅụ, ḅọ́rọ́ mịma anịị Tamuno tọ ḅara, sị siinyẹ mịẹsị tọ́rụ́siarị nakaragha. 18Tegó Krais fịị sii pịrịm gbẹ́rẹ́sa ngéré, karakárá ibiamịẹnyẹḅọ siiapụ sịbị go fịịm ori ọmịnị akuoo Tamuno pịrịị bẹ ḅara. Túminị́ ojumẹnị ḅụ ọ ḅám, kụ́ma Tamuno mịẹm o duma fịnịị tẹ́mẹ́ju, 19Tẹ́mẹ́ju ma ḅụ ọ mú Tamuno ẹ́gẹ́rẹ́ ma kọọ n pa ịkóli bie sua tẹ́mẹ́ ma pịrịm. 20Mịị anịị Tamuno ẹ́gẹ́rẹ́ ma osigha túminị́ tẹ́mẹ́ ma ḅọlọ sa énéné, Tamuno ọ sa ngúmá kúrúapụ, Nuwa ọrẹ árụ́ ma námáarị sa. Árụ́ ma bie fịnịapụ duḅaghaa, inineapụ ngéré. Mịnaapụ ma ngéré anịị Tamuno mingi ma pa duaḅọ́rọ́maapụ. 21Mị́ị́ mingi ma sẹ mingi sara pịrịm anị ḅụ ḅọ́rọ́ ọmịnị mị́sa dụaḅọ́rọ́ma nyánam. Mingi sara ma anị pápá ịlọ́lị sịrịsigha oju ḅụ. Anịma anịị ọmịnị ọmịna tẹ́mẹ́bie pa mini Tamuno pịrịnyẹ, ịlọ́lị ọmịna tẹ́mẹ́bie ófórigha ḅụ. Túminị́ mingi sara ḅụ ḅọ́rọ́ dụaḅọ́rọ́ma nyánam Jizọs Krais fịị ḅụ saghị gosi. 22Krais iwóo sobie mumam ọ pịghị Tamuno amaḅaranga imii, sookumuapụ na tẹ́mẹ́ju táarịapụ mamgba táarị, na pịghị sobie kụrọnyanáapụ mamgba.
Currently Selected:
1 Pita 3: IBY
Highlight
Copy
Compare
Share
Want to have your highlights saved across all your devices? Sign up or sign in
©2024 Luke Initiative for Scripture Translation
1 Pita 3
3
Deeapụ Na Taapụ Na
1Anị gbẹ́rẹ́ ḅárá ma ọmịnị taapụ ḅụsímínímá ọmịna deeapụ pịrị, ḅọ́rọ́ nna ḅụ Tamuno ẹ́gẹ́rẹ́ mininigha ḅo imi, ị́yẹ́ ibiamịẹnyẹ warị mịẹbẹm sị n minini, mịma ị gbẹ́rẹ́ ẹ́gẹ́rẹ́ so kọọ na ibighaa. 2Tegó nnị árịbẹm ị́yẹ́ mịẹnyẹ kpainm ḅara, ị pịghị osigha nyáná ḅara. 3Ọmịnị oju birima nyẹ pa ọmịna ḅụ birimama pa die ḅẹ́ ọ fiafiam, anịị ọ sịbị mịẹḅara, sua ḅụ́birimaarị odoḅala, na pịghị o suaarị bịtẹ. 4Anịmanakaragha ọmịna ibi anị ḅụ die ọmịna kúkúbie fịnị ḅára, tumḅọ tọ́rụ pa arịgha nyẹ, sịrịfa faghaa ibii, ḅụ́sitéréma na diin tẹ́mẹ́ ḅụ saghị ḅo nyẹ anịị Tamuno tórúku nyẹ́la ḅa nyẹ. 5Ḅọ́rọ́maa sa, tọ́ntọ́ ẹ́rẹ́ámáapụ ma, pịghị Tamuno ḅụ tọ́rụ́ dighinyẹ nyánáapụ ma, nna ibi diepághámam, n ḅụsímínímá nna deeapụ sughubie sua ḅara. 6Sira ọkọfịnịm, árị Ebraham o siim warị pịghị Inyanaḅọ pa ọ sịị, ọmịnị mị́sa árị ẹ́rẹ́maawọ, ọ ḅọ́rọ́ ibifịrị nwángị pịghị ḅẹnyẹ ḅẹnyẹ dighi ḅáláfagha.
7Anị gbẹ́rẹ́ ḅara ma, ọmịnị deeapụ akanyaḅo pa ọmịna taapụ na ngaa, nimi ḅẹ́ nnị kụrọ ọ́ nana gbasịgha, osigha pa n pịrị, tegó nnị sọ pịghị ọ́ nana Tamuno ḅara ọ nyánáḅọ duma ma nyáná bẹ ḅara. Ọ mịma mịẹsị bẹnyẹ bẹnyẹ ọmịna tẹ́ghẹ̄ mgbesẹbịgha ḅara.
Tọ́rụ́siarị Ibifịrị Gosi
8A kunemaarị: ọmịnị kị́nị́mamgba gbẹ́rẹ́ tẹ́mẹ́ nyáná, ḅụnjịrị nyáná, jụghọ jụghọ ḅẹlẹma mịnaapụ ḅara, ọmịnị ibiamịẹnyẹ nyáná pịghị ḅụ siterema jụghọ jụghọ pịrị. 9Ọ mịnị siinyẹ pa siinyẹ gbẹ́ẹ̄ ma anịgha wirinumo pa wirinumo gbẹ́ẹ̄, anịmanakaragha ọ karịibima pa o wiriapụ gbẹ́ẹ̄. Tegó Tamuno ma osị sa boma anị o minini ọ pịrịnyẹ. 10Tọ́ndiri ma dugho ḅara bẹ:
Duma ḅẹ́lẹ árị dọghụḅọ
gonyẹ́ gonyẹ́ sị pịghị
tuminikiri ibi sa arị́,
nḅọ ḅẹlẹ ọlọ sị ẹ́gẹ́rẹ́ ḅụ
pịghị epele ti ḅụ.
11Nnị ḅọ siinyẹ ḅụ pịghị si ibinyẹ mịẹ,
nnị nna tẹ́mẹ́ gbọrụ pa
diin asọ ma dua.
12Tegó Kị́nị́nyánáḅọ tọ́rụ́ karakárá
ibiamịẹnyẹapụ ma didighiarị,
ọ pịghị nna tẹ́ghẹ̄ ma nanaam.
Kụ́ma siiamịẹnyẹapụ ori
ọḅụ pa mgbigbim.
13Tụọ nyẹ pa ọ lama bẹ, o ḅọ́rọ́ ibinyẹ ma mịẹ dọghụ? 14Ḅọ́rọ́ bẹ ọ tọ́rụ́siarịm mḅẹ́sọ karakárányẹ mịẹ ḅụ, o karịibima nyánam, ọ gbẹ́rẹ́ḅọ sọ dighi ḅáláfama, ọ pịghị ḅụḅáláḅálá pa ọ ḅụ pịrịma. 15Kụ́ma ọmịna tẹ́mẹ́bie, ọ susi Krais pịrị, pịghị kuu pa ọ pịrị Kị́nị́nyánáḅọ ḅara, sámámgba, ọ tẹ́lẹ́ma ọmịnị ine n ḅo pagharaa bẹ ḅara, o gbíla ḅo ḅẹ́ o dughofindi ọmịna bie ọ nyáná tọ́rụ́ dighinyẹ. 16O diin ḅara na osigha ḅara pa anị mịẹ, ọmịnị ọmịna tẹ́mẹ́bie mịẹ fiafiama, sị sii ẹ́rẹ pa ọsịarịapụ ọmịna ibi duma Krais bie mịẹbẹm nna ḅụ́gịrịrị n kọọarị si ẹ́gẹ́rẹ́ go. 17Anị ibiḅam ḅẹ́ tumḅọ tọ́rụ́siarị ibifịrị ḅụ, ḅọ́rọ́ mịma anịị Tamuno tọ ḅara, sị siinyẹ mịẹsị tọ́rụ́siarị nakaragha. 18Tegó Krais fịị sii pịrịm gbẹ́rẹ́sa ngéré, karakárá ibiamịẹnyẹḅọ siiapụ sịbị go fịịm ori ọmịnị akuoo Tamuno pịrịị bẹ ḅara. Túminị́ ojumẹnị ḅụ ọ ḅám, kụ́ma Tamuno mịẹm o duma fịnịị tẹ́mẹ́ju, 19Tẹ́mẹ́ju ma ḅụ ọ mú Tamuno ẹ́gẹ́rẹ́ ma kọọ n pa ịkóli bie sua tẹ́mẹ́ ma pịrịm. 20Mịị anịị Tamuno ẹ́gẹ́rẹ́ ma osigha túminị́ tẹ́mẹ́ ma ḅọlọ sa énéné, Tamuno ọ sa ngúmá kúrúapụ, Nuwa ọrẹ árụ́ ma námáarị sa. Árụ́ ma bie fịnịapụ duḅaghaa, inineapụ ngéré. Mịnaapụ ma ngéré anịị Tamuno mingi ma pa duaḅọ́rọ́maapụ. 21Mị́ị́ mingi ma sẹ mingi sara pịrịm anị ḅụ ḅọ́rọ́ ọmịnị mị́sa dụaḅọ́rọ́ma nyánam. Mingi sara ma anị pápá ịlọ́lị sịrịsigha oju ḅụ. Anịma anịị ọmịnị ọmịna tẹ́mẹ́bie pa mini Tamuno pịrịnyẹ, ịlọ́lị ọmịna tẹ́mẹ́bie ófórigha ḅụ. Túminị́ mingi sara ḅụ ḅọ́rọ́ dụaḅọ́rọ́ma nyánam Jizọs Krais fịị ḅụ saghị gosi. 22Krais iwóo sobie mumam ọ pịghị Tamuno amaḅaranga imii, sookumuapụ na tẹ́mẹ́ju táarịapụ mamgba táarị, na pịghị sobie kụrọnyanáapụ mamgba.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©2024 Luke Initiative for Scripture Translation