Nọmbas 3
3
Ivbi Errọn Nikpia
1Ẹgbẹe ọghe Errọn kevbe Mosis do sẹ ẹghẹ ne Nọyaẹnmwa na gu e Mosis guan vbe Oke Sainai ọre ena khin. 2Errọn kegha mwẹ emọ ikpia enẹ: e Nadab ne ọ re ọdiọn, Abihu, Eliaza kevbe Itama. 3A nọnọ ori ye iran uhunmwu, a kevbe ma iran ohẹn. 4Sokpan ẹghẹ ne Nadab kevbe Abihu na ya erhẹn awua zẹ ọhẹ gie Nọyaẹnmwa vbe Ato Sainai, a keghi gbele iran an. Iran i mwẹ emọ rhunmwuda onii Eliaza kevbe Itama kegha ru ugamwẹ ohẹn la ẹghẹ ne Errọn ne erha iran na gha rre agbọn.
A Zẹ Avbe Livai Ne Iran Gha Ga Avbe Ohẹn
5E Nọyaẹnmwa keghi tama e Mosis wẹẹ, 6“Viọ ivbi ẹwae Livai ladian ne u zẹ iran ni ga Errọn ne ohẹn. 7Iran ghi gha winna iwinna ni rre uwu Owa Ukpọn Ile, iran ghi gha winna ne avbe ohẹn kevbe avbe emwa nii hia. 8Iran ghi gha gbe aro ghe emwi ne a lo vbe uwu Owa Ukpọn hia, iran ghi vbe gha winna ne ivbi Izrẹl ni dekẹe. 9Iwinna ọkpa ne ọ mobọ re ọghe avbe Livai ọrọre ne iran gha winna ne Errọn kevbe ivbi ẹre. 10Sokpan, u ghi zẹ Errọn kevbe ivbi ẹre ne iran gha re ohẹn, ọmwa ọvbehe ne ọ rhirhi danmwẹ ọẹn ghe ne ọ winna iwinna iran, a ghi gbẹe rua.”
11E Nọyaẹnmwa keghi tama e Mosis wẹẹ, 12-13“Avbe Livai ọre I gha viọ ye ihe emọ ọdiọn hia ọghe avbe ivbi Izrẹl, iran ghi gha re ọghomwẹ, rhunmwuda, emọ ọdiọn nikpia hia, ọghomwẹ iran khin. Ẹghẹ ne I na gbele emọdiọn nikpia vbe Igipt, I keghi vbe ya emọ ọdiọn ikpia ni rre ivbi Izrẹl fi ohan ne egbe mwẹ, deba emọ ọdiọn ọghe emwirri. Mẹ ọrọre Nọyaẹnmwa.”
Ukamwẹ Ivbi E Livai
14E Nọyaẹnmwa keghi tama e Mosis vbe Ato Sainai wẹẹ, 15“Gbẹnnẹ eni avbe Livai ye ebe, ẹgbẹe kevbe dọmwadẹ ẹwae, u ghi gbẹnnẹ eni emọ ikpia hia ni rre uki ọkpa gha khian.” 16Ẹ Mosis keghi ru vberriọ. 17-20E Livai kegha mwẹ emọ ikpia eha: e Gẹsiọn, e Kohan kevbe Merari, ena ọrọre erha odede avbe uniẹn ne a tie eni ẹnrẹn vberriọ. E Gẹsiọn kegha mwẹ emọ eva: e Libni kevbe Simẹi; e Kohan kegha mwẹ emọ enẹ: Amram, Iza, e Hibrọn kevbe Uziẹl; e Merari mwẹ emọ eva e Mali kevbe Musi. Iran na ọre erhan odede avbe emwa ne a he iran eni gie.
21Uniẹn eva ọre ọ rre ẹwae ọghe Gẹsiọn: avbe Libni kevbe Simẹi. 22Emọ ikpia hia ne a kae, kevbe ọmọ uki ọkpa gha rrie odukhunmwu kegha re iyisẹn yan uri eva yan arriaisẹn ihinrọn (7,500). 23A keghi wẹ ne ẹwae na bu agọ ye iyeke Owa Ukpọn vbe asefẹn orrie ẹre. 24Ne Eliasaf ne ovbi Laẹl gha re ọkaẹvbo ẹwae nii. 25Iran na ọ re a mu ẹmwẹ Owa Ukpọn Ile ye ọre obọ, emwi ne a ya gue ẹre vbe uwu ẹre, kevbe ne a ya gue ẹre vbe ore, ukpọn ne ọ rre onurho ẹre. 26Ukpọn ne a ya gue ibare ni lẹga Owa Ukpọn nii kevbe aka, deba ukpọn onurho ne a la la ibare. Iran ọ re a mu iwinna ni kevbe avbe emwi na hia ye ọre obọ.
27Uniẹn enẹ ọ re ọ rre ẹwae Kohan, avbe Amram, Izia, e Hibrọn kevbe Uziẹl. 28Ikpia ni rre uki ọkpa gha rrie odukhunmwu hia ne a gbẹnnẹ eni ẹnrẹn, kegha re uri eha yan arriaisẹn erẹnrẹn (8,600). 29Ẹwae na ghi bu agọ ye asefẹn ekẹn ọghe owa ukpọn, 30Elizafan ne ovbi Uziẹl ghi gha re ọkaẹvbo ẹwae nii. 31Iran ọre a mu iwinna ne ọ dekan Ẹkpẹti Ile na, kevbe eteburu, erhan ọmukpa, aka, kevbe avbe ọkpan ne avbe ohẹn ya ru emwi vbe Ehe Ne ọ huanrẹn, deba iwinna ni ghi rre avbe emwi na hia.
32Ọkaolotu avbe Livai kegha re Eliaza ne ovbi Errọn ne ohẹn, rẹn ọre ọ gha gbe aro ghe iran ni winna vbe uwu Ehe Ne ọ huanrẹn.
33Uniẹn eva ọre ọ rre ẹwae Merari, avbe Mali kevbe avọe Musi. 34Emọ ikpia hia ni rre ke ukpo ọkpa gha khian ne a gbẹnnẹ eni ẹnrẹn kegha re uri yan arriaisẹn ehan (6,200). 35Ọkaẹvbo ẹwae nii kegha re Zuriẹl ne ovbi Abihẹl. Iran na ghi bu agọ iran ye asefẹn okuo ọghe Owa Ukpọn. 36Iran na ọ re a mu iwinna ne ọ dekan edọnmwẹ Owa Ukpọn na, kevbe avbe Ogba ni rrọ, kevbe ọkpọ, ẹzi ẹre kevbe emwi ne a yọyọ lele ẹe kevbe iwinna ni ghi rre egbe emwi na hia. 37Iran ọ re ọ vbe yan iwinna ni rre egbe avbe ọkpọ, ẹzi ẹre, ogba kevbe irri ni rre ọgua ore. 38E Mosis kevbe Errọn kevbe avbe ivbi ẹre ghi bu agọ iran ye asefẹn ahọ ọghe Owa Ukpọn Ile. Iran ọ yan iwinna ne a winna vbe uwu Ehe Ne ọ huanrẹn ne ivbi Izrẹl. Ọmwa ọvbehe ne ọ rhirhi danmwẹ ọẹn ghe ne ọ ru ẹe, a ghi gbẹe rua. 39Ivbi Livai hia ni re ikpia ni rre ke ọmọ ukpo ọkpa gha khian ne Mosis gbẹnnẹ eni ẹnrẹn ye ebe zẹ vbene Nọyaẹnmwa tama rẹn kegha re arriaisẹn eva yan ugie (22,000).
Avbe Livai Rhie Ihe Emọdiọn Nikpia
40-41E Nọyaẹnmwa keghi tama e Mosis wẹẹ, “Mẹ ọre ọ yan emọdiọn nikpia vbe Izrẹl. Gbẹnnẹ emọdiọn nikpia ọghe Izrẹl hia ni rre uki ọkpa gha khian ye ebe, sokpan, ye ihe iran I viọ avbe Livai ya ru ọghomwẹ ye ihe avbe emọdiọn nikpia, Mẹ ọrọre Nọyaẹnmwa! I vbe viọ avbe ẹmila kevbe avbe Livai ya ru ọghomwẹ ye ihe emọdiọn avbe ẹmila.” 42E Mosis keghi ru vbene Nọyaẹnmwa khare, ọ na gbẹnnẹ eni avbe emọdiọn nikpia hia. 43Ke uki ọkpa gha khian ye ebe, ehia kegha re eha yan ekigbe siyenẹ yan arriaisẹn eva yan ugie (22,273).
44E Nọyaẹnmwa keghi tama e Mosis wẹẹ, 45“Banbanna nian, ye avbe Livai fi ohan khian ọghomwẹ ye ihe emọ ọdiọn ikpia ọghe ivbi Izrẹl, ne u vbe ya emọdiọn avbe ẹmila ivbi e Livai ye ihe ivbi ẹmila ọghe ivbi Izrẹl. 46Vbene a ghi na miẹn wẹ emọ ọdiọn ikpia ọghe ivbi Izrẹl ya eha yan ekigbe siyenẹ yan uri (273) bun sẹ ivbi e Livai, wa ghi dẹlẹ avbe emọ ni dekẹe werriegbe. 47Wa ghi hae ikpẹ esiliva isisẹn ye ọkpọkpa zẹ vbe ive ne a yobọ yi. 48Wa ghi viọ igho na ne Errọn kevbe avbe ivbi ẹre.” 49E Mosis keghi ru vberriọ. 50Ọ keghi viọ ukhiọnmwẹ esilivaisẹnyan-ọgban irrọ vbe uri eva yan arriaisẹn (1,365) nii 51ne Errọn kevbe avbe ivbi ẹre.
Currently Selected:
Nọmbas 3: EDO96
Highlight
Copy
Compare
Share
Want to have your highlights saved across all your devices? Sign up or sign in
@ The Bible Society of Nigeria, 1996
Nọmbas 3
3
Ivbi Errọn Nikpia
1Ẹgbẹe ọghe Errọn kevbe Mosis do sẹ ẹghẹ ne Nọyaẹnmwa na gu e Mosis guan vbe Oke Sainai ọre ena khin. 2Errọn kegha mwẹ emọ ikpia enẹ: e Nadab ne ọ re ọdiọn, Abihu, Eliaza kevbe Itama. 3A nọnọ ori ye iran uhunmwu, a kevbe ma iran ohẹn. 4Sokpan ẹghẹ ne Nadab kevbe Abihu na ya erhẹn awua zẹ ọhẹ gie Nọyaẹnmwa vbe Ato Sainai, a keghi gbele iran an. Iran i mwẹ emọ rhunmwuda onii Eliaza kevbe Itama kegha ru ugamwẹ ohẹn la ẹghẹ ne Errọn ne erha iran na gha rre agbọn.
A Zẹ Avbe Livai Ne Iran Gha Ga Avbe Ohẹn
5E Nọyaẹnmwa keghi tama e Mosis wẹẹ, 6“Viọ ivbi ẹwae Livai ladian ne u zẹ iran ni ga Errọn ne ohẹn. 7Iran ghi gha winna iwinna ni rre uwu Owa Ukpọn Ile, iran ghi gha winna ne avbe ohẹn kevbe avbe emwa nii hia. 8Iran ghi gha gbe aro ghe emwi ne a lo vbe uwu Owa Ukpọn hia, iran ghi vbe gha winna ne ivbi Izrẹl ni dekẹe. 9Iwinna ọkpa ne ọ mobọ re ọghe avbe Livai ọrọre ne iran gha winna ne Errọn kevbe ivbi ẹre. 10Sokpan, u ghi zẹ Errọn kevbe ivbi ẹre ne iran gha re ohẹn, ọmwa ọvbehe ne ọ rhirhi danmwẹ ọẹn ghe ne ọ winna iwinna iran, a ghi gbẹe rua.”
11E Nọyaẹnmwa keghi tama e Mosis wẹẹ, 12-13“Avbe Livai ọre I gha viọ ye ihe emọ ọdiọn hia ọghe avbe ivbi Izrẹl, iran ghi gha re ọghomwẹ, rhunmwuda, emọ ọdiọn nikpia hia, ọghomwẹ iran khin. Ẹghẹ ne I na gbele emọdiọn nikpia vbe Igipt, I keghi vbe ya emọ ọdiọn ikpia ni rre ivbi Izrẹl fi ohan ne egbe mwẹ, deba emọ ọdiọn ọghe emwirri. Mẹ ọrọre Nọyaẹnmwa.”
Ukamwẹ Ivbi E Livai
14E Nọyaẹnmwa keghi tama e Mosis vbe Ato Sainai wẹẹ, 15“Gbẹnnẹ eni avbe Livai ye ebe, ẹgbẹe kevbe dọmwadẹ ẹwae, u ghi gbẹnnẹ eni emọ ikpia hia ni rre uki ọkpa gha khian.” 16Ẹ Mosis keghi ru vberriọ. 17-20E Livai kegha mwẹ emọ ikpia eha: e Gẹsiọn, e Kohan kevbe Merari, ena ọrọre erha odede avbe uniẹn ne a tie eni ẹnrẹn vberriọ. E Gẹsiọn kegha mwẹ emọ eva: e Libni kevbe Simẹi; e Kohan kegha mwẹ emọ enẹ: Amram, Iza, e Hibrọn kevbe Uziẹl; e Merari mwẹ emọ eva e Mali kevbe Musi. Iran na ọre erhan odede avbe emwa ne a he iran eni gie.
21Uniẹn eva ọre ọ rre ẹwae ọghe Gẹsiọn: avbe Libni kevbe Simẹi. 22Emọ ikpia hia ne a kae, kevbe ọmọ uki ọkpa gha rrie odukhunmwu kegha re iyisẹn yan uri eva yan arriaisẹn ihinrọn (7,500). 23A keghi wẹ ne ẹwae na bu agọ ye iyeke Owa Ukpọn vbe asefẹn orrie ẹre. 24Ne Eliasaf ne ovbi Laẹl gha re ọkaẹvbo ẹwae nii. 25Iran na ọ re a mu ẹmwẹ Owa Ukpọn Ile ye ọre obọ, emwi ne a ya gue ẹre vbe uwu ẹre, kevbe ne a ya gue ẹre vbe ore, ukpọn ne ọ rre onurho ẹre. 26Ukpọn ne a ya gue ibare ni lẹga Owa Ukpọn nii kevbe aka, deba ukpọn onurho ne a la la ibare. Iran ọ re a mu iwinna ni kevbe avbe emwi na hia ye ọre obọ.
27Uniẹn enẹ ọ re ọ rre ẹwae Kohan, avbe Amram, Izia, e Hibrọn kevbe Uziẹl. 28Ikpia ni rre uki ọkpa gha rrie odukhunmwu hia ne a gbẹnnẹ eni ẹnrẹn, kegha re uri eha yan arriaisẹn erẹnrẹn (8,600). 29Ẹwae na ghi bu agọ ye asefẹn ekẹn ọghe owa ukpọn, 30Elizafan ne ovbi Uziẹl ghi gha re ọkaẹvbo ẹwae nii. 31Iran ọre a mu iwinna ne ọ dekan Ẹkpẹti Ile na, kevbe eteburu, erhan ọmukpa, aka, kevbe avbe ọkpan ne avbe ohẹn ya ru emwi vbe Ehe Ne ọ huanrẹn, deba iwinna ni ghi rre avbe emwi na hia.
32Ọkaolotu avbe Livai kegha re Eliaza ne ovbi Errọn ne ohẹn, rẹn ọre ọ gha gbe aro ghe iran ni winna vbe uwu Ehe Ne ọ huanrẹn.
33Uniẹn eva ọre ọ rre ẹwae Merari, avbe Mali kevbe avọe Musi. 34Emọ ikpia hia ni rre ke ukpo ọkpa gha khian ne a gbẹnnẹ eni ẹnrẹn kegha re uri yan arriaisẹn ehan (6,200). 35Ọkaẹvbo ẹwae nii kegha re Zuriẹl ne ovbi Abihẹl. Iran na ghi bu agọ iran ye asefẹn okuo ọghe Owa Ukpọn. 36Iran na ọ re a mu iwinna ne ọ dekan edọnmwẹ Owa Ukpọn na, kevbe avbe Ogba ni rrọ, kevbe ọkpọ, ẹzi ẹre kevbe emwi ne a yọyọ lele ẹe kevbe iwinna ni ghi rre egbe emwi na hia. 37Iran ọ re ọ vbe yan iwinna ni rre egbe avbe ọkpọ, ẹzi ẹre, ogba kevbe irri ni rre ọgua ore. 38E Mosis kevbe Errọn kevbe avbe ivbi ẹre ghi bu agọ iran ye asefẹn ahọ ọghe Owa Ukpọn Ile. Iran ọ yan iwinna ne a winna vbe uwu Ehe Ne ọ huanrẹn ne ivbi Izrẹl. Ọmwa ọvbehe ne ọ rhirhi danmwẹ ọẹn ghe ne ọ ru ẹe, a ghi gbẹe rua. 39Ivbi Livai hia ni re ikpia ni rre ke ọmọ ukpo ọkpa gha khian ne Mosis gbẹnnẹ eni ẹnrẹn ye ebe zẹ vbene Nọyaẹnmwa tama rẹn kegha re arriaisẹn eva yan ugie (22,000).
Avbe Livai Rhie Ihe Emọdiọn Nikpia
40-41E Nọyaẹnmwa keghi tama e Mosis wẹẹ, “Mẹ ọre ọ yan emọdiọn nikpia vbe Izrẹl. Gbẹnnẹ emọdiọn nikpia ọghe Izrẹl hia ni rre uki ọkpa gha khian ye ebe, sokpan, ye ihe iran I viọ avbe Livai ya ru ọghomwẹ ye ihe avbe emọdiọn nikpia, Mẹ ọrọre Nọyaẹnmwa! I vbe viọ avbe ẹmila kevbe avbe Livai ya ru ọghomwẹ ye ihe emọdiọn avbe ẹmila.” 42E Mosis keghi ru vbene Nọyaẹnmwa khare, ọ na gbẹnnẹ eni avbe emọdiọn nikpia hia. 43Ke uki ọkpa gha khian ye ebe, ehia kegha re eha yan ekigbe siyenẹ yan arriaisẹn eva yan ugie (22,273).
44E Nọyaẹnmwa keghi tama e Mosis wẹẹ, 45“Banbanna nian, ye avbe Livai fi ohan khian ọghomwẹ ye ihe emọ ọdiọn ikpia ọghe ivbi Izrẹl, ne u vbe ya emọdiọn avbe ẹmila ivbi e Livai ye ihe ivbi ẹmila ọghe ivbi Izrẹl. 46Vbene a ghi na miẹn wẹ emọ ọdiọn ikpia ọghe ivbi Izrẹl ya eha yan ekigbe siyenẹ yan uri (273) bun sẹ ivbi e Livai, wa ghi dẹlẹ avbe emọ ni dekẹe werriegbe. 47Wa ghi hae ikpẹ esiliva isisẹn ye ọkpọkpa zẹ vbe ive ne a yobọ yi. 48Wa ghi viọ igho na ne Errọn kevbe avbe ivbi ẹre.” 49E Mosis keghi ru vberriọ. 50Ọ keghi viọ ukhiọnmwẹ esilivaisẹnyan-ọgban irrọ vbe uri eva yan arriaisẹn (1,365) nii 51ne Errọn kevbe avbe ivbi ẹre.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@ The Bible Society of Nigeria, 1996