Nọmbas 20
20
Emwi Ne Ọ Sunu Vbe Kedẹs
(Ẹksọdọs 17:1-7)
1Vbe uki ne okaro, ivbi Izrẹl hia keghi do sẹ ẹgbo Zin, iran na bu agọ ye Kedẹs. Evba ọre Miriam na wu, a keghi re ẹre. 2Emwa nii ma miẹn amẹ wọn, iran keghi rhunmwuda onii doga e Mosis kevbe Errọn. 3Iran na gha gui wẹẹ, “Akpawẹ te ima wa wulo lele ivbi Izrẹl ne ihomwa vbe odaro Owa Ukpọn Ile ọghe Nọyaẹnmwa ọre ọ gha te wa maa sẹẹ. 4Vbọzẹ ne uwa na hẹ ima la ẹgbo? Ẹre te ima vbe emwirri ra wulo na? 5Vbọzẹ ne uwa na viọ ima ke Igipt ladian gha die ihe ọ rhiae na ne emwi i na zọ? Ọka i rrọ, ohọ i rrọ, ọmọ erhan ayọn ne ọ baa i rrọ, e pomegranẹt i rrọ. Amẹ na wọn kẹkan ẹ i rrọ!” 6E Mosis kevbe Errọn keghi ke odaro emwa ni gha dee do mudia ye onurho Owa Ukpọn Ile. Iran keghi vbẹ rre mu aro rhu otọ, awanwan ne ẹ i gia ghe nii ne ọ rhie ma wẹ Nọyaẹnmwa rre evba keghi rhie egbe ma iran.
7E Nọyaẹnmwa keghi tama e Mosis wẹẹ, 8“Rhie ọkpọ ne ọ rre odaro Ẹkpẹti Ile, ne uwẹ vbe Errọn si emwa nii hia koko, vbe odaro iran vba, gu okuta nọkhua ne ọ rre odọ nii na guan, amẹ gha vẹ ladian vbọ. Vbe odẹ vberriọ, u gha rhie amẹ ke uwu okuta ni ladian ne emwa ni, ne iran kevbe emwirri iran miẹn wọn.” 9E Mosis keghi ya rhie ọkpọ ni zẹ vbene Nọyaẹnmwa kha re. 10Rẹn kevbe Errọn keghi si emwa ni hia koko ye odaro okuta nii, ẹre Mosis na kha wẹẹ, “Wa danmwehọ, wa ne etẹ na! Uwu okuta na ọre ima gha ke samẹ ladian ne uwa ra?” 11Ọre Mosis na tọn ọkpọ nii mu ọ na fi okuta nii re igba eva, ẹzẹ nọkhua kevbe le ladian vbọ, emwa nii hia kevbe emwirri iran ke ghi wọn.
12Sokpan e Nọyaẹnmwa gue e Mosis kevbe Errọn gui wẹẹ, “Rhunmwuda ne uwa na ma mwẹ iyayi sẹ ne uwa mu ẹtin yan ẹtin mwẹ ne ọ huanrẹn vbe odaro ivbi Izrẹl, wa i ghi ra su iran la otọ ne I ve wẹ I gha mu ne iran.”
13Emwi na sunu vbe Mẹriba vbe ehe ne ivbi Izrẹl na gha gui ẹzọ uwunu ghe Nọyaẹnmwa, ehe ne irẹn na vbe rhie maa iran wẹ ọmwa ne ọ huanrẹn rẹn khin.
Ọba Idọm Ma Gie Ivbi Izrẹl Gberra
14E Mosis keghi gie emwa ke Kedẹs bu ọba Idọm. Iran keghi kha wẹẹ, “Etuẹn ighẹ ẹwae Izrẹl ọ re ọ gie uhunmwu na rre wẹẹ: We rẹn usẹ ne ima he sẹ, 15vbene avbe erha mwa odede gha rrie Igipt hẹ, ehe ne ima na vbe gbe ukpo ni bun. Emwa Igipt ke ya obọ dan mu avbe erha mwa odede kevbe ima. 16Ma keghi datie Nọyaẹnmwa ne ọ yi ima obọ, ọ họn urhu mwa, ọ keghi gie odibosa ne ọ su ima ke Igipt ladian. Banbanna nian, e Kedẹs ne ẹvbo ne uwa gba miẹn uwu ọre ima ghi ye na. 17Lahọ, gie ima la otọ ruẹ gberra. Ke ima kevbe emwirri, ma i ra rhie owẹ hin adesẹ odẹ rre ne a la uwu oha ruẹ ra ugbo emwi okọ ruẹ, ma ira vbe wọn amẹ ne uhae ruẹ. Adesẹ odẹ ma ra wa gha ye ma te do la otọ ruẹ fo.”
18Sokpan ivbi ldọm keghi wanniẹn wẹẹ, “Ma ma kue ne uwa la otọe mwa gberra! Wa gha danmwẹ ọẹn, ma gha ladian do gu uwa gbinna.”
19Ivbi Izrẹl keghi kha wẹẹ, “Adesẹ odẹ ma ra gha ye, deghẹ ma ra aranmwẹ irri ima ọre ọ ghi wọn vbe amẹ ruẹn, ma gha ha osa ẹre, emwi ne ima ho ma gberra ne u wa gie ima gberra.”
20Ivbi Idọm keghi dọlegbe tae wẹẹ, “Ma ma kue.” Iran keghi wa viọ ivbiyokuo ọrhẹnrhẹn ladian ne iran ya gu iran gbinna. 21Rhunmwuda ne ivbi ldọm ma ma gie iran la otọe iran gberra, ivbi Izrẹl keghi fi egbe werriẹ, iran na ya la ehe ọvbehe.
Uwu Errọn
22Ivbi Izrẹl hia keghi kpao vbe Kedẹs, iran na do sẹ uhunmwu oke Họ. 23Ne ọ gu Idọm mwa uwu. Evba nii ọ re Nọyaẹnmwa na tama e Mosis kevbe Errọn wẹẹ, 24“Errọn i khian la otọe ne I wẹ I gha mu ne ivbi Izrẹl, rẹn gha wu rhunmwuda, wa eveva sọtẹ uhi mwẹ vbe Mẹriba. 25Rhie Errọn kevbe Eliaza ne ovbi ẹre khianmwu vbe Uhunmwu oke Họ. 26Bannọ Errọn ẹwu ohẹn ne u viọ iran yọ Eliaza. Evba nii ọ re Errọn ra na wu.” 27E Mosis keghi ru vbene Nọyaẹnmwa khare. Iran hia keghi gba sirra emwa nii hia hin uhunmwu oke. 28E Mosis keghi kie Errọn ẹwu ohẹn, ọ na viọ iran yọ Eliaza, evba nii ọre Errọn na wu vbe uhunmwu oke nii, e Mosis kevbe Eliaza keghi gba tuo rre. 29Emwa nii keghi họn wẹ Errọn wu, iran keghi khiẹ ọre la ikpẹdẹ ọgban.
Currently Selected:
Nọmbas 20: EDO96
Highlight
Copy
Compare
Share
Want to have your highlights saved across all your devices? Sign up or sign in
@ The Bible Society of Nigeria, 1996
Nọmbas 20
20
Emwi Ne Ọ Sunu Vbe Kedẹs
(Ẹksọdọs 17:1-7)
1Vbe uki ne okaro, ivbi Izrẹl hia keghi do sẹ ẹgbo Zin, iran na bu agọ ye Kedẹs. Evba ọre Miriam na wu, a keghi re ẹre. 2Emwa nii ma miẹn amẹ wọn, iran keghi rhunmwuda onii doga e Mosis kevbe Errọn. 3Iran na gha gui wẹẹ, “Akpawẹ te ima wa wulo lele ivbi Izrẹl ne ihomwa vbe odaro Owa Ukpọn Ile ọghe Nọyaẹnmwa ọre ọ gha te wa maa sẹẹ. 4Vbọzẹ ne uwa na hẹ ima la ẹgbo? Ẹre te ima vbe emwirri ra wulo na? 5Vbọzẹ ne uwa na viọ ima ke Igipt ladian gha die ihe ọ rhiae na ne emwi i na zọ? Ọka i rrọ, ohọ i rrọ, ọmọ erhan ayọn ne ọ baa i rrọ, e pomegranẹt i rrọ. Amẹ na wọn kẹkan ẹ i rrọ!” 6E Mosis kevbe Errọn keghi ke odaro emwa ni gha dee do mudia ye onurho Owa Ukpọn Ile. Iran keghi vbẹ rre mu aro rhu otọ, awanwan ne ẹ i gia ghe nii ne ọ rhie ma wẹ Nọyaẹnmwa rre evba keghi rhie egbe ma iran.
7E Nọyaẹnmwa keghi tama e Mosis wẹẹ, 8“Rhie ọkpọ ne ọ rre odaro Ẹkpẹti Ile, ne uwẹ vbe Errọn si emwa nii hia koko, vbe odaro iran vba, gu okuta nọkhua ne ọ rre odọ nii na guan, amẹ gha vẹ ladian vbọ. Vbe odẹ vberriọ, u gha rhie amẹ ke uwu okuta ni ladian ne emwa ni, ne iran kevbe emwirri iran miẹn wọn.” 9E Mosis keghi ya rhie ọkpọ ni zẹ vbene Nọyaẹnmwa kha re. 10Rẹn kevbe Errọn keghi si emwa ni hia koko ye odaro okuta nii, ẹre Mosis na kha wẹẹ, “Wa danmwehọ, wa ne etẹ na! Uwu okuta na ọre ima gha ke samẹ ladian ne uwa ra?” 11Ọre Mosis na tọn ọkpọ nii mu ọ na fi okuta nii re igba eva, ẹzẹ nọkhua kevbe le ladian vbọ, emwa nii hia kevbe emwirri iran ke ghi wọn.
12Sokpan e Nọyaẹnmwa gue e Mosis kevbe Errọn gui wẹẹ, “Rhunmwuda ne uwa na ma mwẹ iyayi sẹ ne uwa mu ẹtin yan ẹtin mwẹ ne ọ huanrẹn vbe odaro ivbi Izrẹl, wa i ghi ra su iran la otọ ne I ve wẹ I gha mu ne iran.”
13Emwi na sunu vbe Mẹriba vbe ehe ne ivbi Izrẹl na gha gui ẹzọ uwunu ghe Nọyaẹnmwa, ehe ne irẹn na vbe rhie maa iran wẹ ọmwa ne ọ huanrẹn rẹn khin.
Ọba Idọm Ma Gie Ivbi Izrẹl Gberra
14E Mosis keghi gie emwa ke Kedẹs bu ọba Idọm. Iran keghi kha wẹẹ, “Etuẹn ighẹ ẹwae Izrẹl ọ re ọ gie uhunmwu na rre wẹẹ: We rẹn usẹ ne ima he sẹ, 15vbene avbe erha mwa odede gha rrie Igipt hẹ, ehe ne ima na vbe gbe ukpo ni bun. Emwa Igipt ke ya obọ dan mu avbe erha mwa odede kevbe ima. 16Ma keghi datie Nọyaẹnmwa ne ọ yi ima obọ, ọ họn urhu mwa, ọ keghi gie odibosa ne ọ su ima ke Igipt ladian. Banbanna nian, e Kedẹs ne ẹvbo ne uwa gba miẹn uwu ọre ima ghi ye na. 17Lahọ, gie ima la otọ ruẹ gberra. Ke ima kevbe emwirri, ma i ra rhie owẹ hin adesẹ odẹ rre ne a la uwu oha ruẹ ra ugbo emwi okọ ruẹ, ma ira vbe wọn amẹ ne uhae ruẹ. Adesẹ odẹ ma ra wa gha ye ma te do la otọ ruẹ fo.”
18Sokpan ivbi ldọm keghi wanniẹn wẹẹ, “Ma ma kue ne uwa la otọe mwa gberra! Wa gha danmwẹ ọẹn, ma gha ladian do gu uwa gbinna.”
19Ivbi Izrẹl keghi kha wẹẹ, “Adesẹ odẹ ma ra gha ye, deghẹ ma ra aranmwẹ irri ima ọre ọ ghi wọn vbe amẹ ruẹn, ma gha ha osa ẹre, emwi ne ima ho ma gberra ne u wa gie ima gberra.”
20Ivbi Idọm keghi dọlegbe tae wẹẹ, “Ma ma kue.” Iran keghi wa viọ ivbiyokuo ọrhẹnrhẹn ladian ne iran ya gu iran gbinna. 21Rhunmwuda ne ivbi ldọm ma ma gie iran la otọe iran gberra, ivbi Izrẹl keghi fi egbe werriẹ, iran na ya la ehe ọvbehe.
Uwu Errọn
22Ivbi Izrẹl hia keghi kpao vbe Kedẹs, iran na do sẹ uhunmwu oke Họ. 23Ne ọ gu Idọm mwa uwu. Evba nii ọ re Nọyaẹnmwa na tama e Mosis kevbe Errọn wẹẹ, 24“Errọn i khian la otọe ne I wẹ I gha mu ne ivbi Izrẹl, rẹn gha wu rhunmwuda, wa eveva sọtẹ uhi mwẹ vbe Mẹriba. 25Rhie Errọn kevbe Eliaza ne ovbi ẹre khianmwu vbe Uhunmwu oke Họ. 26Bannọ Errọn ẹwu ohẹn ne u viọ iran yọ Eliaza. Evba nii ọ re Errọn ra na wu.” 27E Mosis keghi ru vbene Nọyaẹnmwa khare. Iran hia keghi gba sirra emwa nii hia hin uhunmwu oke. 28E Mosis keghi kie Errọn ẹwu ohẹn, ọ na viọ iran yọ Eliaza, evba nii ọre Errọn na wu vbe uhunmwu oke nii, e Mosis kevbe Eliaza keghi gba tuo rre. 29Emwa nii keghi họn wẹ Errọn wu, iran keghi khiẹ ọre la ikpẹdẹ ọgban.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@ The Bible Society of Nigeria, 1996