Nọmbas 17
17
Ọkpọ Errọn
1E Nọyaẹnmwa keghi tama e Mosis wẹẹ, 2“Tama ivbi Izrẹl ne iran viọ ọkpọ utuaotọ iweva ne uẹn, ọkpọkpa ghi gha re ọghe ọkpọkpa vbe uwu avbe ọkaolotu dọmwadẹ ẹwae, u ghi gbẹnnẹ eni dọmwadẹ ọghe ọe ye ọkpọ ẹre. 3U ghi gbẹn eni Errọn ye ọkpọ ọghe ivbi e Livai. Dọmwadẹ ọkaolotu ẹwae ghi gha mwẹ ọkpọ ọkpọkpa. 4U ghi viọ iran ye odaro Ẹkpẹti Ile vbe uwu Owa ukpọn Ile vbe ehe ne I na do gha miẹn ọn. 5Ọkpọ ọghe ọmwa ne I hannọ zẹ gha gbe ukhu. Odẹ vberriọ ọre I gha ya gbe ẹre ukhu a ighẹ ẹzọ ne ivbi Izrẹl guẹ gui kugbakẹghẹrẹ.”
6E Mosis keghi gu ivbi Izrẹl guan, ọkpọkpa vbe uwu avbe ọkaolotu keghi rhie ọkpọ ọkpọkpa gie ẹe, ọkpọkpa, ọghe ẹwae ọkpọkpa, iweva ọre ehia khin, ọkpọ ọghe Errọn kevbe deba ọghe iran. 7E Mosis keghi viọ avbe ọkpọ nii hia ye odaro Ẹkpẹti Ile Nọyaẹnmwa vbe uwu Owa Ukpọn Ile.
8Ẹdẹ ghi gbe, e Mosis ghi la uwu Owa Ukpọn, ọ keghi miẹn wẹ ọkpọ ọghe Errọn ne ọ mudia ye ihe ẹwae Livai zọre. Ọ keghi gbe ukhu, ọ gbe ighọn, ọ keghi mọ ọmọ erhan almọnd ne ọ vboro! 9E Mosis keghi viọ avbe ọkpọ nii hia, ọ na do viọ iran ma ivbi Izrẹl. Iran ghi miẹn emwi ne ọ sunu ne, edọmwadẹ ọkaolotu keghi rhie ọkpọ ọghe ọe werriegbe. 10E Nọyaẹnmwa keghi tama e Mosis wẹẹ, “Rhie ọkpọ Errọn werriegbe ye odaro Ẹkpẹti Ile. A ghi rhie ẹre hinrre ne ivbi Izrẹl gha miẹn ọẹn wan wẹ iran gha wulo deghẹ iran ma zobọ vbe ẹzọ uwu unu ne a gui.” 11E Mosis keghi ru vbene Nọyaẹnmwa khare.
12Ivbi Izrẹl keghi khama e Mosis wẹẹ, “Ọnii nọ wẹ ọghe ima fo nẹ! 13A deghẹ ọmwaikọmwa ne ọ sikẹ Owa Ukpọn Ile, uhunmwu ọ ya khiọre, ma hia wulo nẹ khekherriọ!”
Currently Selected:
Nọmbas 17: EDO96
Highlight
Copy
Compare
Share
Want to have your highlights saved across all your devices? Sign up or sign in
@ The Bible Society of Nigeria, 1996
Nọmbas 17
17
Ọkpọ Errọn
1E Nọyaẹnmwa keghi tama e Mosis wẹẹ, 2“Tama ivbi Izrẹl ne iran viọ ọkpọ utuaotọ iweva ne uẹn, ọkpọkpa ghi gha re ọghe ọkpọkpa vbe uwu avbe ọkaolotu dọmwadẹ ẹwae, u ghi gbẹnnẹ eni dọmwadẹ ọghe ọe ye ọkpọ ẹre. 3U ghi gbẹn eni Errọn ye ọkpọ ọghe ivbi e Livai. Dọmwadẹ ọkaolotu ẹwae ghi gha mwẹ ọkpọ ọkpọkpa. 4U ghi viọ iran ye odaro Ẹkpẹti Ile vbe uwu Owa ukpọn Ile vbe ehe ne I na do gha miẹn ọn. 5Ọkpọ ọghe ọmwa ne I hannọ zẹ gha gbe ukhu. Odẹ vberriọ ọre I gha ya gbe ẹre ukhu a ighẹ ẹzọ ne ivbi Izrẹl guẹ gui kugbakẹghẹrẹ.”
6E Mosis keghi gu ivbi Izrẹl guan, ọkpọkpa vbe uwu avbe ọkaolotu keghi rhie ọkpọ ọkpọkpa gie ẹe, ọkpọkpa, ọghe ẹwae ọkpọkpa, iweva ọre ehia khin, ọkpọ ọghe Errọn kevbe deba ọghe iran. 7E Mosis keghi viọ avbe ọkpọ nii hia ye odaro Ẹkpẹti Ile Nọyaẹnmwa vbe uwu Owa Ukpọn Ile.
8Ẹdẹ ghi gbe, e Mosis ghi la uwu Owa Ukpọn, ọ keghi miẹn wẹ ọkpọ ọghe Errọn ne ọ mudia ye ihe ẹwae Livai zọre. Ọ keghi gbe ukhu, ọ gbe ighọn, ọ keghi mọ ọmọ erhan almọnd ne ọ vboro! 9E Mosis keghi viọ avbe ọkpọ nii hia, ọ na do viọ iran ma ivbi Izrẹl. Iran ghi miẹn emwi ne ọ sunu ne, edọmwadẹ ọkaolotu keghi rhie ọkpọ ọghe ọe werriegbe. 10E Nọyaẹnmwa keghi tama e Mosis wẹẹ, “Rhie ọkpọ Errọn werriegbe ye odaro Ẹkpẹti Ile. A ghi rhie ẹre hinrre ne ivbi Izrẹl gha miẹn ọẹn wan wẹ iran gha wulo deghẹ iran ma zobọ vbe ẹzọ uwu unu ne a gui.” 11E Mosis keghi ru vbene Nọyaẹnmwa khare.
12Ivbi Izrẹl keghi khama e Mosis wẹẹ, “Ọnii nọ wẹ ọghe ima fo nẹ! 13A deghẹ ọmwaikọmwa ne ọ sikẹ Owa Ukpọn Ile, uhunmwu ọ ya khiọre, ma hia wulo nẹ khekherriọ!”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@ The Bible Society of Nigeria, 1996