Nọmbas 15
15
Uhi Vbe Ekpa Izọ Ese
1E Nọyaẹnmwa keghi viọ, 2emwamwa na ne Mosis ne ọ viọ ne ivbi Izrẹl ne iran gha lo ẹre vbe otọe nii ne irẹn khian mu ne iran. 3A sẹtin mu ẹmila ra ohuan ra ogho ra ẹwe gie Nọyaẹnmwa zẹ vbe izọese na giẹn uan, ra izọese ne a ya mu eyan sẹ ra ne a ya sisara, ra izọese ne a ru ya dugie ugamwẹ, uwinhinmwẹ avbe izẹọhẹ evbare vberriọ wa yẹ e Nọyaẹnmwa.
4-5Ọmwa ne ọ rhirhi zẹ ọhẹ vberriọ gie Nọyaẹnmwa ọ ghi vbe viọ izẹọhẹ ọka, ra uwan ẹlubọ eva ne a ye ago eva ọghe ofigbọn oliv gbe lelẹe rre. Ọ gha vbe zọ ese na giẹn uan, ọ ghi vbe mu ọgọ ayọn eva lele ovbi ohuan ọkpọkpa rre. 6A deghẹ ogho ọre a ya zọ ese, a ghi mu uwan irhuarhua enẹ ne a ya ọgọ eha ọghe ofigbọn oliv gbe lelẹe zẹ vbe izẹọhẹ ọka, 7ke ẹe kevbe ọgọ ayọn eha. Uwinhinmwẹ izẹọhẹ vberriọ wa yẹ e Nọyaẹnmwa. 8A gha ya ẹmila zọ ese na giẹn uan ra ese ne a ya mu eyan sẹ ra ne a ya sisara, 9a ghi rhie ọhẹ ọghe ọka lelẹe, uwan irhuarhua ehan ne a ya ọgọ ofigbọn oliv isẹn gbe, 10a ghi viọ ọgọ ayọn enẹ lelẹe. Uwinhinmwẹ izẹ ọhẹ vbenian wa yẹ Nọyaẹnmwa. 11Emwi ne a gha viọ lele ẹkhuia ẹmila, ọ re ena khin. ogho, ovbi ohuan ra ẹwe ne a ya zọ ese ọ re eni khin. 12A gha ye ara-nmwẹ ne ọ gberra ọkpa zọ ese, emwi na ne a hẹ lelẹe na, a ghi vbe gie ẹe bun yọ vberriọ zẹẹ. 13Ọmwa ne ọ ghi re ovbi Izrẹl nẹ, erriọ ọ re ọ gha ru ẹe vbe ọ gha zẹ ọhẹ evbare, emwi nọwinhin ne ọ yẹ Nọyaẹnmwa. 14A deghẹ a ghi vbe miẹn wẹ orhunmwuyẹn ne ọ rre uwu uwa, deghẹ ovbi ẹghẹ kherhe nọ ra te ọ wa do yin, ọ na wẹ rẹn gha zẹ ọhẹ evbare, emwi ne uwinhinmwẹ ọnrẹn yẹ Nọyaẹnmwa, rẹn ghi wa vbe rhie owẹ lelẹe vbene a mwamwa ẹn ye otọ na. 15Uhi na ghi gha re ne uwa kevbe avbe erhunmwuyẹn ni rre ẹvbo rua, gha ya gha ru emwi rhinrin ẹdẹ. Ọkpa ọ re uwa vbe iran khin vbe odaro Nọyaẹnmwa. 16Uhi ne ọ kan uwa ọre ọ vbe kan iran. 17E Nọyaẹnmwa keghi viọ avbe uhi na ne Mosis. 18Ne ọ viọ ne ivbi Izrẹl ne iran gha ya ẹe ru emwi vbe otọe nii ne irẹn ra mu ne iran. 19A gha rhọ emwi okọ vbọ ne a re, a ghi zẹ kọ vbọ ne a ya zẹ ọhẹ kpataki gie Nọyaẹnmwa. 20Iyeke vbe a ghẹ ghi rhọ emwi okọ nẹ ukpukpo, a ghi mu vbe ebrẹd ne a ka ya ẹe le ighẹ ọka ne a rhọ vbọ, ne a ya zẹ ọhẹ kpataki gie Nọyaẹnmwa. Vbene a ya ọka ne a ka gha wiẹn zẹ ọhẹ kpataki, erriọ ọre a ra vbe gha ya ọna zẹ ọhẹ. 21Erriọ ọ re a ra gha zẹ ọhẹ kpataki na gie Nọyaẹnmwa vbe uwu irhuarhua ne a ka gha gbe vbe a ghẹ ghi rhọ emwi okọ nẹ rhinrin ẹdẹ.
22Sokpan, a deghẹ a ghi miẹn ọmwa ne ọ rra avbe uhi na ne Nọyaẹnmwa viọ ne Mosis vbe ne ẹ i na re ẹmwẹ ọnrẹn, 23gia kha ighẹ avbe emwa ma sẹtin ru emwi ne Nọyaẹnmwa tama e Mosis na vbe ẹghẹ nọ dee. 24A deghẹ a miẹn wẹ abakuru na i re ẹmwẹ emwa nii, iran ghi ya ẹkhuia ẹmila deba avbe ọka kevbe ayọn zẹ ọhẹ ne ọ maẹn, zọ ese ne a giẹn uan. Uwinhinmwẹ ọnrẹn wa yẹ Nọyaẹnmwa. Debare, iran ghi ya ovbukhọ zọ ese orukhọ. 25Ohẹn ghi ru iruemwi akhuẹhuan ne emwa ni hia, a gha yabọ iran, rhunmwuda, abaku ru nii i re ẹmwẹ iran, iran keghi vbe viọ izọese orukhọ iran rre zẹ vbe izẹọhẹ evbare gie Nọyaẹnmwa. 26A gha yabọ emwa Izrẹl hia kevbe avbe erhunmwuyẹn ni rre uwu iran rhunmwuda, iran hia ọ re nene abakuru kanrẹn. 27A deghẹ ọmwa ọkpa kẹkan rukhọ vbe nẹ i na re ẹmwẹ ọnrẹn, ọ ghi ya ovbi ẹwe amwẹ ne ọ he rre ukpo ọkpa zọ ese orukhọ. 28Ohẹn ghi ru iruemwi akpehuan vbe aka ne ọ ya kpe ọmwa nii huan, a gha yabọe. 29Emwamwa ọkpa ọre ọ kan emwa hia ni ru orukhọ vbe ne ẹ i na re ẹmwẹ ọnrẹn, ọre ọmọ otọ nọ ra orhunmwuyẹn. 30Sokpan, ọmwaikọmwa, ne o ba ru orukhọ, ọ re ọmotọ nọ ra orhunmwuyẹn te ọ yagha Nọyaẹnmwa a ghi gbe ẹe rua. 31Rhunmwuda, ọ he ẹmwẹ ne Nọyaẹnmwa tae, ọ na ba rra ọkpa vbe uwu avbe uhi ẹre. Obọ ẹre ọre ọ ya si emwi ne ọ gbẹe.
Ọmwa Ne Ọ Rra Uhi Ẹdẹ Ikẹtin
32Ẹdẹ ọkpa, vbe ivbi Izrẹl he rre uwu ẹgbo, iran keghi miẹn okpia ọkpa ne ọ ho erhan vbe Ẹdẹ Ikẹtin. 33Iran keghi mu ẹẹn bu e Mosis, Errọn kevbe emwa nii hia. 34Iran na rhie ẹre ne ọmwa da yi rhunmwuda iran ma he rẹn vbe ne iran gha ru ẹe hẹ. 35Ẹre Nọyaẹnmwa na tama Mosis wẹẹ, “Te a ra gbe ọmwa ni uan; emwa nii hia ọre ọ ra filo okuta gbe ẹe rua vbe a lahin agọ rre nẹ.” 36Ẹre emwa nii hia na rhie ẹre lahin uwu agọ rre, iran na filo okuta gbẹe rua zẹ vbene Nọyaẹnmwa khare.
Emwamwa Ẹmwẹ Adaghọ
37E Nọyaẹnmwa keghi tama e Mosis, 38ne ọ tama ivbi Izrẹl wẹẹ, “Wa rrilo adaghọ lele igiẹnenẹ ehọ ukpọn uwa, wa ghi vbe de oru ne raghoragho mu adaghọ ọkpọkpa. Wa ghi gha ru ẹe khian rhinrin ẹdẹ. 39Adaghọ na ghi gha re ọghe ayere, ẹghẹikẹghẹ ne uwa a rhirhi ya dẹghe iran, wa ghi ye uhi mwẹ hia rre nu uwa vbe gha ru iran; ẹghẹ nii, wa i ghi ra fi iyeke gbe mwẹ ne uwa ya gha ru ọghe enegbe uwa ne uwa ho. 40Iran gha ye uwa rre ne uwa gha rhie uhi mwẹ hia mwẹ, wa ghi do gha re ọghomwẹ fẹẹrẹ. 41Mẹ ọ re Nọyaẹnmwa Osanobua rua. Te I viọ uwa ke Igipt ladian ne I do gha re Osanobua uwa. Mẹ ọ re Nọyaẹnmwa.”
Currently Selected:
Nọmbas 15: EDO96
Highlight
Copy
Compare
Share
Want to have your highlights saved across all your devices? Sign up or sign in
@ The Bible Society of Nigeria, 1996
Nọmbas 15
15
Uhi Vbe Ekpa Izọ Ese
1E Nọyaẹnmwa keghi viọ, 2emwamwa na ne Mosis ne ọ viọ ne ivbi Izrẹl ne iran gha lo ẹre vbe otọe nii ne irẹn khian mu ne iran. 3A sẹtin mu ẹmila ra ohuan ra ogho ra ẹwe gie Nọyaẹnmwa zẹ vbe izọese na giẹn uan, ra izọese ne a ya mu eyan sẹ ra ne a ya sisara, ra izọese ne a ru ya dugie ugamwẹ, uwinhinmwẹ avbe izẹọhẹ evbare vberriọ wa yẹ e Nọyaẹnmwa.
4-5Ọmwa ne ọ rhirhi zẹ ọhẹ vberriọ gie Nọyaẹnmwa ọ ghi vbe viọ izẹọhẹ ọka, ra uwan ẹlubọ eva ne a ye ago eva ọghe ofigbọn oliv gbe lelẹe rre. Ọ gha vbe zọ ese na giẹn uan, ọ ghi vbe mu ọgọ ayọn eva lele ovbi ohuan ọkpọkpa rre. 6A deghẹ ogho ọre a ya zọ ese, a ghi mu uwan irhuarhua enẹ ne a ya ọgọ eha ọghe ofigbọn oliv gbe lelẹe zẹ vbe izẹọhẹ ọka, 7ke ẹe kevbe ọgọ ayọn eha. Uwinhinmwẹ izẹọhẹ vberriọ wa yẹ e Nọyaẹnmwa. 8A gha ya ẹmila zọ ese na giẹn uan ra ese ne a ya mu eyan sẹ ra ne a ya sisara, 9a ghi rhie ọhẹ ọghe ọka lelẹe, uwan irhuarhua ehan ne a ya ọgọ ofigbọn oliv isẹn gbe, 10a ghi viọ ọgọ ayọn enẹ lelẹe. Uwinhinmwẹ izẹ ọhẹ vbenian wa yẹ Nọyaẹnmwa. 11Emwi ne a gha viọ lele ẹkhuia ẹmila, ọ re ena khin. ogho, ovbi ohuan ra ẹwe ne a ya zọ ese ọ re eni khin. 12A gha ye ara-nmwẹ ne ọ gberra ọkpa zọ ese, emwi na ne a hẹ lelẹe na, a ghi vbe gie ẹe bun yọ vberriọ zẹẹ. 13Ọmwa ne ọ ghi re ovbi Izrẹl nẹ, erriọ ọ re ọ gha ru ẹe vbe ọ gha zẹ ọhẹ evbare, emwi nọwinhin ne ọ yẹ Nọyaẹnmwa. 14A deghẹ a ghi vbe miẹn wẹ orhunmwuyẹn ne ọ rre uwu uwa, deghẹ ovbi ẹghẹ kherhe nọ ra te ọ wa do yin, ọ na wẹ rẹn gha zẹ ọhẹ evbare, emwi ne uwinhinmwẹ ọnrẹn yẹ Nọyaẹnmwa, rẹn ghi wa vbe rhie owẹ lelẹe vbene a mwamwa ẹn ye otọ na. 15Uhi na ghi gha re ne uwa kevbe avbe erhunmwuyẹn ni rre ẹvbo rua, gha ya gha ru emwi rhinrin ẹdẹ. Ọkpa ọ re uwa vbe iran khin vbe odaro Nọyaẹnmwa. 16Uhi ne ọ kan uwa ọre ọ vbe kan iran. 17E Nọyaẹnmwa keghi viọ avbe uhi na ne Mosis. 18Ne ọ viọ ne ivbi Izrẹl ne iran gha ya ẹe ru emwi vbe otọe nii ne irẹn ra mu ne iran. 19A gha rhọ emwi okọ vbọ ne a re, a ghi zẹ kọ vbọ ne a ya zẹ ọhẹ kpataki gie Nọyaẹnmwa. 20Iyeke vbe a ghẹ ghi rhọ emwi okọ nẹ ukpukpo, a ghi mu vbe ebrẹd ne a ka ya ẹe le ighẹ ọka ne a rhọ vbọ, ne a ya zẹ ọhẹ kpataki gie Nọyaẹnmwa. Vbene a ya ọka ne a ka gha wiẹn zẹ ọhẹ kpataki, erriọ ọre a ra vbe gha ya ọna zẹ ọhẹ. 21Erriọ ọ re a ra gha zẹ ọhẹ kpataki na gie Nọyaẹnmwa vbe uwu irhuarhua ne a ka gha gbe vbe a ghẹ ghi rhọ emwi okọ nẹ rhinrin ẹdẹ.
22Sokpan, a deghẹ a ghi miẹn ọmwa ne ọ rra avbe uhi na ne Nọyaẹnmwa viọ ne Mosis vbe ne ẹ i na re ẹmwẹ ọnrẹn, 23gia kha ighẹ avbe emwa ma sẹtin ru emwi ne Nọyaẹnmwa tama e Mosis na vbe ẹghẹ nọ dee. 24A deghẹ a miẹn wẹ abakuru na i re ẹmwẹ emwa nii, iran ghi ya ẹkhuia ẹmila deba avbe ọka kevbe ayọn zẹ ọhẹ ne ọ maẹn, zọ ese ne a giẹn uan. Uwinhinmwẹ ọnrẹn wa yẹ Nọyaẹnmwa. Debare, iran ghi ya ovbukhọ zọ ese orukhọ. 25Ohẹn ghi ru iruemwi akhuẹhuan ne emwa ni hia, a gha yabọ iran, rhunmwuda, abaku ru nii i re ẹmwẹ iran, iran keghi vbe viọ izọese orukhọ iran rre zẹ vbe izẹọhẹ evbare gie Nọyaẹnmwa. 26A gha yabọ emwa Izrẹl hia kevbe avbe erhunmwuyẹn ni rre uwu iran rhunmwuda, iran hia ọ re nene abakuru kanrẹn. 27A deghẹ ọmwa ọkpa kẹkan rukhọ vbe nẹ i na re ẹmwẹ ọnrẹn, ọ ghi ya ovbi ẹwe amwẹ ne ọ he rre ukpo ọkpa zọ ese orukhọ. 28Ohẹn ghi ru iruemwi akpehuan vbe aka ne ọ ya kpe ọmwa nii huan, a gha yabọe. 29Emwamwa ọkpa ọre ọ kan emwa hia ni ru orukhọ vbe ne ẹ i na re ẹmwẹ ọnrẹn, ọre ọmọ otọ nọ ra orhunmwuyẹn. 30Sokpan, ọmwaikọmwa, ne o ba ru orukhọ, ọ re ọmotọ nọ ra orhunmwuyẹn te ọ yagha Nọyaẹnmwa a ghi gbe ẹe rua. 31Rhunmwuda, ọ he ẹmwẹ ne Nọyaẹnmwa tae, ọ na ba rra ọkpa vbe uwu avbe uhi ẹre. Obọ ẹre ọre ọ ya si emwi ne ọ gbẹe.
Ọmwa Ne Ọ Rra Uhi Ẹdẹ Ikẹtin
32Ẹdẹ ọkpa, vbe ivbi Izrẹl he rre uwu ẹgbo, iran keghi miẹn okpia ọkpa ne ọ ho erhan vbe Ẹdẹ Ikẹtin. 33Iran keghi mu ẹẹn bu e Mosis, Errọn kevbe emwa nii hia. 34Iran na rhie ẹre ne ọmwa da yi rhunmwuda iran ma he rẹn vbe ne iran gha ru ẹe hẹ. 35Ẹre Nọyaẹnmwa na tama Mosis wẹẹ, “Te a ra gbe ọmwa ni uan; emwa nii hia ọre ọ ra filo okuta gbe ẹe rua vbe a lahin agọ rre nẹ.” 36Ẹre emwa nii hia na rhie ẹre lahin uwu agọ rre, iran na filo okuta gbẹe rua zẹ vbene Nọyaẹnmwa khare.
Emwamwa Ẹmwẹ Adaghọ
37E Nọyaẹnmwa keghi tama e Mosis, 38ne ọ tama ivbi Izrẹl wẹẹ, “Wa rrilo adaghọ lele igiẹnenẹ ehọ ukpọn uwa, wa ghi vbe de oru ne raghoragho mu adaghọ ọkpọkpa. Wa ghi gha ru ẹe khian rhinrin ẹdẹ. 39Adaghọ na ghi gha re ọghe ayere, ẹghẹikẹghẹ ne uwa a rhirhi ya dẹghe iran, wa ghi ye uhi mwẹ hia rre nu uwa vbe gha ru iran; ẹghẹ nii, wa i ghi ra fi iyeke gbe mwẹ ne uwa ya gha ru ọghe enegbe uwa ne uwa ho. 40Iran gha ye uwa rre ne uwa gha rhie uhi mwẹ hia mwẹ, wa ghi do gha re ọghomwẹ fẹẹrẹ. 41Mẹ ọ re Nọyaẹnmwa Osanobua rua. Te I viọ uwa ke Igipt ladian ne I do gha re Osanobua uwa. Mẹ ọ re Nọyaẹnmwa.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@ The Bible Society of Nigeria, 1996