Matiu 5
5
Ikporhu Vbe Uhunmwu Oke
1Jesu ghi miẹn ẹvbo ni gbe ẹbu, ọ keghi hin uhunmwu oke, avbe erhuanegbe keghi tota lẹga ẹre, 2ọ keghi suẹn gha ma iran emwi, ọ wẹẹ:
Ọyẹnmwẹ Ẹmwata
(Luk 6:20-23)
3“Ọ maa ne iran ni rẹnrẹn ighe ivbiogue iran khin vbe orhiọn,
iran ọre ọ yan Arriọba ẹrinmwi!
4Ọ maa ne iran ni khiẹ,
Osanobua gha fu iran ẹko rre!
5Ọ maa ne iran ni fu,
iran ọre emwi ne Osanobua ve gha sẹ ọre obọ!
6Ọ maa ne iran ni rhiegba ye ẹmwẹ ne a ru nọ yẹ Osa,
Osanobua gha gie ẹko vuọn iran fẹfẹfẹ!
7Ọ maa ne iran ni tohan emwa ọvbehe,
Osanobua gha tohan iran!
8Ọ maa ne iran ne ekhọe ẹre hianrẹn,
iran gha miẹn Osanobua aro!
9Ọ maa ne iran ni gualọ ọfumwegbe emwa,
Osanobua gha tie iran ivbi irẹn!
10Ọ maa ne iran ne a zẹ ọre owẹ,
rhunmwuda ighe iran ru ne Osanobua ho,
iran ọre ọ yan Arriọba ẹrinmwi.
11“Ọ maa ne uwa vbe emwa a gha zan uwa, vbe iran a gha zẹ uwa owẹ, ighe iran vbe ba uwa ẹmwẹ, rhunmwuda ighe wa re emwa ni lele mwẹ. 12Wa gha ghọghọ, wa gie ẹko gha sẹ uwa ọyẹnmwẹ rhunmwuda, ere nọkhua ọre ọ rre otọ khẹ uwa vbe ẹrinmwi. Erriọ zẹe emwa vbe ya obọ dan mu avbe akhasẹ ni ke odaro ne uwa.
Umwẹ Kevbe Uwanmwẹ
(Mak 9:50; Luk 14:34-35)
13“Wa ọrọre umwẹ agbọn, a deghẹ orhiẹnrhiẹn umwẹ fafaa, a i miẹn emwi ne a gha ya ru ẹe ne ọ dọlegbe gha rhiẹnrhiẹn, ọ la ọrhiae rrie nẹ. Te a ghi ra mu ẹn kua ne emwa gha ya owẹ rri ẹe mu otọ.
14“Wa ọrọre uwanmwẹ agbọn na hia, ẹvbo ne a bọ ye uhunmwu oke i gia rhie lẹre. 15A i ra rhukpa nẹ ne a ya ọkpan rhuẹe ginna otọ, erhan ọmukpa ọre a mu ẹn yan ne emwa ni rre owa hia miẹn ehe na yae gha bẹghe odẹ. 16Erriọ nọ zẹẹ, wa gie ukpa rua gha ba ẹse vbe odaro agbọn, ne iran miẹn ehe na lekpa uyinmwẹ esi ne uwa yin gha rho erha uwa ne ọ rre ẹrinmwi vbe uyi.
Iruemwi Vbekpa Uhi
17“Wa ghẹ ro ighe te imẹ rre do gbe ukhu Uhi e Mosis kevbe ẹmwẹ avbe akhasẹ rua. I ma rre do gbe ukhu ẹre rua, te I rre do rhie ugue yọ. 18Ne I tama uwa, omwa vbene ẹrinmwi vbe agbọn na he ye rrọọ, a i ra vbọ irọn ọkpa fua vbe egbe uhi rhinrin a te do miẹn wẹ emwi hia sẹ ufomwẹ. 19Rhunmwuda ọnii, ọmwaikọmwa ne ọ rra ọkpa ne ọ kanmwa sẹ vbe uwu avbe Uhi na, ọ na vbe ma emwa ọvbehe re ne iran ru vberriọ, rẹn ọre ọ gha re ne ọ kanmwa sẹ vbe Arriọba ẹrinmwi. Odẹ nogieva, ọmwaikọmwa ne ọ mu avbe uhi na sẹ, ọ na vbe ma emwa ọvbehe re ne iran ru vberriọ, rẹn ghi gha re ne ọkpọlọ ẹsẹse vbe Arriọba ẹrinmwi. 20Ne I tama uwa, deghẹ ẹ i re te uyinmwẹ ẹmwata ọwua maa sẹ ọghe avbe ni ma emwa Uhi kevbe Farisi, wa i sẹtin la Arriọba ẹrinmwi.
Vbekpa Ohu Ne A Mu
21“Wa họn ẹn vbene a tama emwa nẹdẹ hẹ wẹẹ, ‘Ghẹ de izigha, ọmwa ne ọ rhirhi de izigha, a ghi siẹe gie nọbuohiẹn.’ 22Mẹ tama uwa nian, ọmwa ne ọ rhirhi mu ohu ọtiọnrẹn, a gha siẹe gha rrie ọghe nọbuohiẹn. Ọmwaikọmwa ne ọ tama ọtiọnrẹn wẹẹ, ‘Wẹ ne agbọn fi’ a gha siẹe gha rrie ọghe eghaẹvbo. Ọmwa ne ọ vbe tie ọtiọnrẹn ‘Emazurọkọ’, te ọ gbẹn odẹ ẹrinmwi ne ehianmwẹ ivin. 23Rhunmwuda ọnii, a deghẹ wẹ viọ emwi ne u ra ya yo imuohan gie Osanobua sẹ odaro ogiukpo nẹ, u na do yerre vbe evba nii ighe imuaẹmwẹ rre ẹkpo uwẹ vbe ọtuẹn, 24sẹ emwi imuohan ni rae ye evba, wẹ vbe ọtuẹn ka ya dọlọ nẹ, u kegha de do yo imuohan ruẹn gie Osanobua.
25“A deghẹ ẹzọ sunu ne uwẹ vbe ọmwa, ọ na muẹn gha rrie iko, adeghẹ ẹkpotọ rrọọ, guẹ ta ẹre ọghe owa ne ọ ghẹ ghi sẹ iko. Ọ gha sẹ iko, ọ gha fiọ ne nọbuohiẹn, nọbuohiẹn ghi rhie ruẹ ne ọgbalegbe, a ghi fian an fi eghan. 26Ne I tama ruẹn, u ma ha ukpogho nọdekẹe vbe igho ne a fian ruẹn re nẹ, u i ke evba ladian.
Ẹmwẹ Oghẹ
27“Wa họn ẹn vbene a tae wẹẹ, ‘Ghẹ ghẹẹ,’ 28Sokpan mẹ tama uwa nian, ọmwaikọmwa gha ghe okhuo sẹrriọ ighe te aro ẹre ghi viẹn yọ, ọ gu okhuo ni ru oghẹ nẹ usin vbe ekhọe ẹre. 29Rhunmwuda ọnii, adeghẹ aro ruẹ ne obọ erha ọmwa ọre ọ ya a ru orukhọ, wọlọe fua. Egbe ma gba nuẹn ọre ọ maa sẹ ne a mu egbe ne a wẹ ọ gba nuẹn fi ẹrinmwi nehianmwivin. 30Deghẹ obọ erha ọmwa ruẹn ọre ọ ya a ru orukhọ, fiaẹn fua. Egbe ma gba nuẹn ọre ọ maa sẹ a muẹn mu egbe ne ọgbae fi ẹrinmwi nehianmwivin.
Ẹmwẹ Ne Ọdọ Vbe Amwẹ Na Ban Egbe
(Matiu 19:9; Mak 10:11-12; Luk 16:18)
31“Avbe tae wẹẹ, ‘Okpia gha khu amwẹ ọnrẹn, ọ ghi gbẹn ebe ne ọ ya khu ẹe rhie nẹẹn.’ 32Sokpan mẹ tama uwa nian wẹẹ, deghẹ ọmwaikọmwa khu amwẹ ọnrẹn vbe ne okhuo ni ma na ghẹẹ, rẹn ọre ọ gie ẹre oghẹ, deghẹ okhuo ni ya rọnmwẹ ọdọ ọvbehe. Ọmwa ne ọ rhie okhuo ne a khu ni rọnmwẹ, ọ vbe ru oghẹ.
Ẹmwẹ Emwi Ne A Ve Ye Urhu
33“Wa họn ẹn vbene a tama emwa hẹ ẹghẹ nẹdẹ wẹẹ, ‘U gha yan eyan, u ghi muẹn sẹ, u gha ya ihen ve emwi ye urhu vbe odaro Nọyaẹnmwa, ghe mwẹ u ma ruẹe.’ 34Sokpan mẹ tama uwa nian, ghẹ vin ihen hiehiere. Ghẹ ya ẹrinmwi vin ihen rhunmwuda ẹkete Osanobua nọ. 35Ghẹ ya agbọn vin ihẹn, rhunmwuda, ehe ne ọ viọ owẹ yan nọ. Ghẹ ya Jerusalẹm vẹn ihẹn, ẹvbo Ọba Nọkhua nọ. 36Ghẹ ya uhunmwu ruẹn vin ihen rhunmwuda, wẹ iran sẹtin ya eto ọkpa khian nọfua ra nekhui. 37Deghẹ ‘Ẹn ẹn’ nọ wẹ ‘Ẹn ẹn’ Deghẹ ‘Ẹn o’ nọ wẹ ‘Ẹn o’ ẹmwẹ ne ọ ghi gberra vberriọ, esu mwẹ obọ vbọ, obọ ọmwa dan ni ọre ọ ke rre.
Ẹmwẹ Ikhi Ne A Rria
(Luk 6:29-30)
38“Wa họn ẹn vbene a ka tae yi wẹẹ, ‘Ọmwa gha kpan ruẹn akọn ọkpa, vbe kpan ọghọe ọkpa ha osa, ogha rhu uwẹ aro ọkpa, vbe rhu ọghọe ọkpa ha osa.’ 39Sokpan, mẹ tama uwa nian, ghẹ rria ọmwaikọmwa ne ọ ruẹ khọ ikhi. Ọmwa gha gbe ubi ye uwẹ irho obọ erha ọmwa, giee wa vbe gbe ye ọghe obọ iye ọmwa. 40Ọmwa gha muẹn gha rrie iko ba ẹmwẹ ẹwu ne u yọ ke otọ, gie ẹe wa vbe mu ne u yọ ke odukhunmwu ba ẹre. 41Ewọe iran ni yan ẹvbo gha ya ẹtin ya mu ihẹ ọre la ibiriki ọkpa, wa guee muẹn la ibiriki ogieva. 42Ọmwa gha vbuẹ emwi, rhie nẹẹn. Ọmwa gha vbe nọ emwi na mọmọ, rhie nẹẹn mọmọ.
Ne A Na Ho Ẹmwẹ Avbe Eghian
(Luk 6:27-28, 32-36)
43“Wa họn ẹn vbene a ka tae wẹẹ, ‘Ho ẹmwẹ ne ọ ho ẹmwẹ ruẹn, khuiwu ne a khuiwu ruẹ.’ 44Sokpan, mẹ tama uwa nian, gha ho ẹmwẹ nọkhuiwu ruẹ, gha na erhunmwu ne iran ni zẹ uwẹ owẹ. 45Ne uwa miẹn ehe na gha re ivbi erha uwa ne ọ rre ẹrinmwi. Rhunmwuda, ọ gie ovẹn ọnrẹn gha yunmwu ne emwa esi kevbe emwa dan, ọ ghi vbe gie amẹ gha rhọ ne iran ni ru emwi esi kevbe ni ru emwi dan. 46De emwi ne Osanobua gha san ruẹn ẹse ba, deghẹ iran ni ho ẹmwẹ ruẹn ọkpa wẹ vbe ho ẹmwẹ ọnrẹn? Ẹ i re erriọ iran ni koko igho uhunmwu vbe ru! 47Deghẹ wẹ vbe ose ruẹ ọkpa ọre ọ gba guan ye egbe ẹmwẹ, de okpe emwi ne u ghi ru vba? Iran nigẹbọ vbe ru vberriọ. 48Wa gha re emwa ne uyinmwẹ ọnrẹn gbae, zẹẹ vbene Erha uwa ne ọ rre ẹrinmwi vbe re ne uyinmwẹ ọnrẹn gbae.”
Currently Selected:
Matiu 5: EDO96
Highlight
Copy
Compare
Share
Want to have your highlights saved across all your devices? Sign up or sign in
@ The Bible Society of Nigeria, 1996
Matiu 5
5
Ikporhu Vbe Uhunmwu Oke
1Jesu ghi miẹn ẹvbo ni gbe ẹbu, ọ keghi hin uhunmwu oke, avbe erhuanegbe keghi tota lẹga ẹre, 2ọ keghi suẹn gha ma iran emwi, ọ wẹẹ:
Ọyẹnmwẹ Ẹmwata
(Luk 6:20-23)
3“Ọ maa ne iran ni rẹnrẹn ighe ivbiogue iran khin vbe orhiọn,
iran ọre ọ yan Arriọba ẹrinmwi!
4Ọ maa ne iran ni khiẹ,
Osanobua gha fu iran ẹko rre!
5Ọ maa ne iran ni fu,
iran ọre emwi ne Osanobua ve gha sẹ ọre obọ!
6Ọ maa ne iran ni rhiegba ye ẹmwẹ ne a ru nọ yẹ Osa,
Osanobua gha gie ẹko vuọn iran fẹfẹfẹ!
7Ọ maa ne iran ni tohan emwa ọvbehe,
Osanobua gha tohan iran!
8Ọ maa ne iran ne ekhọe ẹre hianrẹn,
iran gha miẹn Osanobua aro!
9Ọ maa ne iran ni gualọ ọfumwegbe emwa,
Osanobua gha tie iran ivbi irẹn!
10Ọ maa ne iran ne a zẹ ọre owẹ,
rhunmwuda ighe iran ru ne Osanobua ho,
iran ọre ọ yan Arriọba ẹrinmwi.
11“Ọ maa ne uwa vbe emwa a gha zan uwa, vbe iran a gha zẹ uwa owẹ, ighe iran vbe ba uwa ẹmwẹ, rhunmwuda ighe wa re emwa ni lele mwẹ. 12Wa gha ghọghọ, wa gie ẹko gha sẹ uwa ọyẹnmwẹ rhunmwuda, ere nọkhua ọre ọ rre otọ khẹ uwa vbe ẹrinmwi. Erriọ zẹe emwa vbe ya obọ dan mu avbe akhasẹ ni ke odaro ne uwa.
Umwẹ Kevbe Uwanmwẹ
(Mak 9:50; Luk 14:34-35)
13“Wa ọrọre umwẹ agbọn, a deghẹ orhiẹnrhiẹn umwẹ fafaa, a i miẹn emwi ne a gha ya ru ẹe ne ọ dọlegbe gha rhiẹnrhiẹn, ọ la ọrhiae rrie nẹ. Te a ghi ra mu ẹn kua ne emwa gha ya owẹ rri ẹe mu otọ.
14“Wa ọrọre uwanmwẹ agbọn na hia, ẹvbo ne a bọ ye uhunmwu oke i gia rhie lẹre. 15A i ra rhukpa nẹ ne a ya ọkpan rhuẹe ginna otọ, erhan ọmukpa ọre a mu ẹn yan ne emwa ni rre owa hia miẹn ehe na yae gha bẹghe odẹ. 16Erriọ nọ zẹẹ, wa gie ukpa rua gha ba ẹse vbe odaro agbọn, ne iran miẹn ehe na lekpa uyinmwẹ esi ne uwa yin gha rho erha uwa ne ọ rre ẹrinmwi vbe uyi.
Iruemwi Vbekpa Uhi
17“Wa ghẹ ro ighe te imẹ rre do gbe ukhu Uhi e Mosis kevbe ẹmwẹ avbe akhasẹ rua. I ma rre do gbe ukhu ẹre rua, te I rre do rhie ugue yọ. 18Ne I tama uwa, omwa vbene ẹrinmwi vbe agbọn na he ye rrọọ, a i ra vbọ irọn ọkpa fua vbe egbe uhi rhinrin a te do miẹn wẹ emwi hia sẹ ufomwẹ. 19Rhunmwuda ọnii, ọmwaikọmwa ne ọ rra ọkpa ne ọ kanmwa sẹ vbe uwu avbe Uhi na, ọ na vbe ma emwa ọvbehe re ne iran ru vberriọ, rẹn ọre ọ gha re ne ọ kanmwa sẹ vbe Arriọba ẹrinmwi. Odẹ nogieva, ọmwaikọmwa ne ọ mu avbe uhi na sẹ, ọ na vbe ma emwa ọvbehe re ne iran ru vberriọ, rẹn ghi gha re ne ọkpọlọ ẹsẹse vbe Arriọba ẹrinmwi. 20Ne I tama uwa, deghẹ ẹ i re te uyinmwẹ ẹmwata ọwua maa sẹ ọghe avbe ni ma emwa Uhi kevbe Farisi, wa i sẹtin la Arriọba ẹrinmwi.
Vbekpa Ohu Ne A Mu
21“Wa họn ẹn vbene a tama emwa nẹdẹ hẹ wẹẹ, ‘Ghẹ de izigha, ọmwa ne ọ rhirhi de izigha, a ghi siẹe gie nọbuohiẹn.’ 22Mẹ tama uwa nian, ọmwa ne ọ rhirhi mu ohu ọtiọnrẹn, a gha siẹe gha rrie ọghe nọbuohiẹn. Ọmwaikọmwa ne ọ tama ọtiọnrẹn wẹẹ, ‘Wẹ ne agbọn fi’ a gha siẹe gha rrie ọghe eghaẹvbo. Ọmwa ne ọ vbe tie ọtiọnrẹn ‘Emazurọkọ’, te ọ gbẹn odẹ ẹrinmwi ne ehianmwẹ ivin. 23Rhunmwuda ọnii, a deghẹ wẹ viọ emwi ne u ra ya yo imuohan gie Osanobua sẹ odaro ogiukpo nẹ, u na do yerre vbe evba nii ighe imuaẹmwẹ rre ẹkpo uwẹ vbe ọtuẹn, 24sẹ emwi imuohan ni rae ye evba, wẹ vbe ọtuẹn ka ya dọlọ nẹ, u kegha de do yo imuohan ruẹn gie Osanobua.
25“A deghẹ ẹzọ sunu ne uwẹ vbe ọmwa, ọ na muẹn gha rrie iko, adeghẹ ẹkpotọ rrọọ, guẹ ta ẹre ọghe owa ne ọ ghẹ ghi sẹ iko. Ọ gha sẹ iko, ọ gha fiọ ne nọbuohiẹn, nọbuohiẹn ghi rhie ruẹ ne ọgbalegbe, a ghi fian an fi eghan. 26Ne I tama ruẹn, u ma ha ukpogho nọdekẹe vbe igho ne a fian ruẹn re nẹ, u i ke evba ladian.
Ẹmwẹ Oghẹ
27“Wa họn ẹn vbene a tae wẹẹ, ‘Ghẹ ghẹẹ,’ 28Sokpan mẹ tama uwa nian, ọmwaikọmwa gha ghe okhuo sẹrriọ ighe te aro ẹre ghi viẹn yọ, ọ gu okhuo ni ru oghẹ nẹ usin vbe ekhọe ẹre. 29Rhunmwuda ọnii, adeghẹ aro ruẹ ne obọ erha ọmwa ọre ọ ya a ru orukhọ, wọlọe fua. Egbe ma gba nuẹn ọre ọ maa sẹ ne a mu egbe ne a wẹ ọ gba nuẹn fi ẹrinmwi nehianmwivin. 30Deghẹ obọ erha ọmwa ruẹn ọre ọ ya a ru orukhọ, fiaẹn fua. Egbe ma gba nuẹn ọre ọ maa sẹ a muẹn mu egbe ne ọgbae fi ẹrinmwi nehianmwivin.
Ẹmwẹ Ne Ọdọ Vbe Amwẹ Na Ban Egbe
(Matiu 19:9; Mak 10:11-12; Luk 16:18)
31“Avbe tae wẹẹ, ‘Okpia gha khu amwẹ ọnrẹn, ọ ghi gbẹn ebe ne ọ ya khu ẹe rhie nẹẹn.’ 32Sokpan mẹ tama uwa nian wẹẹ, deghẹ ọmwaikọmwa khu amwẹ ọnrẹn vbe ne okhuo ni ma na ghẹẹ, rẹn ọre ọ gie ẹre oghẹ, deghẹ okhuo ni ya rọnmwẹ ọdọ ọvbehe. Ọmwa ne ọ rhie okhuo ne a khu ni rọnmwẹ, ọ vbe ru oghẹ.
Ẹmwẹ Emwi Ne A Ve Ye Urhu
33“Wa họn ẹn vbene a tama emwa hẹ ẹghẹ nẹdẹ wẹẹ, ‘U gha yan eyan, u ghi muẹn sẹ, u gha ya ihen ve emwi ye urhu vbe odaro Nọyaẹnmwa, ghe mwẹ u ma ruẹe.’ 34Sokpan mẹ tama uwa nian, ghẹ vin ihen hiehiere. Ghẹ ya ẹrinmwi vin ihen rhunmwuda ẹkete Osanobua nọ. 35Ghẹ ya agbọn vin ihẹn, rhunmwuda, ehe ne ọ viọ owẹ yan nọ. Ghẹ ya Jerusalẹm vẹn ihẹn, ẹvbo Ọba Nọkhua nọ. 36Ghẹ ya uhunmwu ruẹn vin ihen rhunmwuda, wẹ iran sẹtin ya eto ọkpa khian nọfua ra nekhui. 37Deghẹ ‘Ẹn ẹn’ nọ wẹ ‘Ẹn ẹn’ Deghẹ ‘Ẹn o’ nọ wẹ ‘Ẹn o’ ẹmwẹ ne ọ ghi gberra vberriọ, esu mwẹ obọ vbọ, obọ ọmwa dan ni ọre ọ ke rre.
Ẹmwẹ Ikhi Ne A Rria
(Luk 6:29-30)
38“Wa họn ẹn vbene a ka tae yi wẹẹ, ‘Ọmwa gha kpan ruẹn akọn ọkpa, vbe kpan ọghọe ọkpa ha osa, ogha rhu uwẹ aro ọkpa, vbe rhu ọghọe ọkpa ha osa.’ 39Sokpan, mẹ tama uwa nian, ghẹ rria ọmwaikọmwa ne ọ ruẹ khọ ikhi. Ọmwa gha gbe ubi ye uwẹ irho obọ erha ọmwa, giee wa vbe gbe ye ọghe obọ iye ọmwa. 40Ọmwa gha muẹn gha rrie iko ba ẹmwẹ ẹwu ne u yọ ke otọ, gie ẹe wa vbe mu ne u yọ ke odukhunmwu ba ẹre. 41Ewọe iran ni yan ẹvbo gha ya ẹtin ya mu ihẹ ọre la ibiriki ọkpa, wa guee muẹn la ibiriki ogieva. 42Ọmwa gha vbuẹ emwi, rhie nẹẹn. Ọmwa gha vbe nọ emwi na mọmọ, rhie nẹẹn mọmọ.
Ne A Na Ho Ẹmwẹ Avbe Eghian
(Luk 6:27-28, 32-36)
43“Wa họn ẹn vbene a ka tae wẹẹ, ‘Ho ẹmwẹ ne ọ ho ẹmwẹ ruẹn, khuiwu ne a khuiwu ruẹ.’ 44Sokpan, mẹ tama uwa nian, gha ho ẹmwẹ nọkhuiwu ruẹ, gha na erhunmwu ne iran ni zẹ uwẹ owẹ. 45Ne uwa miẹn ehe na gha re ivbi erha uwa ne ọ rre ẹrinmwi. Rhunmwuda, ọ gie ovẹn ọnrẹn gha yunmwu ne emwa esi kevbe emwa dan, ọ ghi vbe gie amẹ gha rhọ ne iran ni ru emwi esi kevbe ni ru emwi dan. 46De emwi ne Osanobua gha san ruẹn ẹse ba, deghẹ iran ni ho ẹmwẹ ruẹn ọkpa wẹ vbe ho ẹmwẹ ọnrẹn? Ẹ i re erriọ iran ni koko igho uhunmwu vbe ru! 47Deghẹ wẹ vbe ose ruẹ ọkpa ọre ọ gba guan ye egbe ẹmwẹ, de okpe emwi ne u ghi ru vba? Iran nigẹbọ vbe ru vberriọ. 48Wa gha re emwa ne uyinmwẹ ọnrẹn gbae, zẹẹ vbene Erha uwa ne ọ rre ẹrinmwi vbe re ne uyinmwẹ ọnrẹn gbae.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@ The Bible Society of Nigeria, 1996