Matiu 26
26
Iran Ya Ko Iko Jesu
(Mak 14:1-2; Luk 22:1-2; Jọn 11:45-53)
1Jesu ghi ma avbe emwa emwi na hia fo nẹ, ọ tama avbe erhuanegbe ẹre wẹẹ, 2“Wa rẹnrẹn ighe irakhuẹ ọrọre ẹdẹ Emwiukpo Alagberra, a gha rhie Ovbi Ọmwa ladian ne akan rẹn mu ugbugbe.”
3Ẹghẹ ni ọre avbe igiohẹn kevbe avbe ediọn avbe Ju na ya do iko vbe ẹguae Kaiafas ne Ogie Ohẹn. 4Iran keghi mwamwa vbene iran gha ya do mu Jesu hẹ ne iran gbe ẹe rua.
5Iran wẹẹ, “Ọ ma kei ne a ruẹe vbe uwu emwiukpo na ne otutu ghẹ ya tu.”
A Ye Ori Wo Jesu Vbe Bẹtani
(Mak 14:3-9; Jọn 13:1-8)
6Ugbẹn vbe Jesu ghi rre owa Saimọn ne ọkhọnmwoti vbe Bẹtani, 7okhuo ọkpa keghi mu ovbi uru alabasta ọghe ori ne ọ winhin ẹsẹse gha dee, ọ keghi tue ẹre yan Jesu uhunmwu vbe ehe ne ọ na rri evbare. 8Ohu keghi mu avbe erhuanegbe vbe iran miẹn emwi na, iran wẹẹ, “Vbe a gu gheghe mu emwi na rhia vberriọ yi? 9A gha te khiẹn ori na ighobioye ghae ne avbe ivbiogue.”
10Jesu rẹn emwi ne iran ta, ọ keghi khama iran wẹẹ, “Vbọzẹ ne uwa na kpokpo okhuo na yi. Emwi uyi nọkhua ọre ọ ru mẹ na. 11Ẹghẹ hia ọre avbe ivbiogue gha ya gu wa gha rrọọ, sokpan mẹ i ra gha gu wa rrọọ ẹghẹ hia. 12Emwi ne ọ ru na ọrọre wẹ te ọ ye ori na wuo mwẹ egbe khẹ ẹghẹ irorinmwi mwẹ. 13Wa yi ẹre ẹro, ehe ne a rhirhi na kporhu iyẹn ne ọ maa na vbe uhunmwu otọe agbọn hia, a gha vbe gha ta emwi ne ọ ru na ya ye ẹre rre.”
Judas Kueyọ Ne O Rhie Jesu Maa
(Mak 14:10-11; Luk 22:3-6)
14Ẹkpo nii ọre ọkpa vbe uwu iran ne erhuanegbe iweva, ne a tie ẹre Judas Iskariọt na bu avbe igie ohẹn gha khian. 15Ọ tama iran wẹẹ, “I gha rhie Jesu ye uwa obọ, de emwi ne uwa gha rhie mẹ?” Iran keghi ka agiẹghẹ igho ẹrọnmwọ ọgban hẹ ye orre obọ. 16Ke ẹghẹ ni kpao Judas kegha gualọ ẹghẹ ne ọ ke sẹ ne ọ gha ya rhie Jesu maa.
Jesu Gu Avbe Erhuanegbe Ẹre Rri Evbare Alagberra
(Mak 14:12-21; Luk 22:7-13, 21-23; Jọn 13:21-30)
17Vbe ikpẹdẹ ne okaro ọghe Emwiukpo Eka Ne ọ ma hue, avbe erhuanegbe bu Jesu gha dee do nọ rẹn wẹẹ, “De ehe ne u ho ne ima na mu egbe evbare ota Alagberra ye otọ khẹ ruẹ?”
18Rẹn wanniẹn tama iran wẹẹ, “Wa bu okpia ọkpa vbe ẹvbo na, wa tama rẹn wẹẹ, ‘Ẹghẹ mwẹ sẹ nẹ, mẹ kevbe avbe erhuanegbe mwẹ ra do ru Emwiukpo Alagberra vbe owa ruẹ.’ ”
19Avbe erhuanegbe keghi ru zẹ vbene Jesu tama iran, iran keghi ya mu egbe evbare Alagberra ye otọ.
20Ugbẹn vbe ọ ghi sẹ ẹghẹ ota, Jesu kevbe erhuanegbe iweva keghi gba tota gha rri evbare. 21Ẹghẹ evbare ni, Jesu keghi kha wẹẹ, “I tama uwa, ọkpa vbe uwu uwa gha rhie mwẹ maa.” 22Ẹmwẹ na keghi wa gbe avbe erhuanegbe ẹre egbe, ọkpọkpa vbe uwu iran keghi suẹn gha nọ rẹn wẹẹ, “Mẹ nọ ra Nọyaẹnmwa?”
23Jesu wanniẹn tama iran wẹẹ, “Ọmwa ne ọ gunmwẹ ye ebrẹd rhanmwẹ vbe ọkpan, ọre ọra rhie mwẹ maa. 24Ovbi Ọmwa gha gele wu zẹ vbene Ebe tae ye otọ nẹ, sokpan ọsọre ighe ọmwa ne ọ gha rhie Ovbi Ọmwa maa! Ọ gha te maa ne ẹn sẹ akpawẹ a ma biẹ ọe!”
25Judas ne ọgueva kevbe nọ rẹn wẹẹ, “Ọmamwaemwi, mẹ nọ ra?” Jesu wanniẹn tama rẹn wẹẹ, “Unu ẹn ọ ke rre.”
Evbare Ota Nọyaẹnmwa
(Mak 14:22-26; Luk 22:14-20; I Kọrinti 11:23-25)
26Ugbẹn vbe iran ghi rri evbare, Jesu keghi mu ududu ebrẹd, ọ na erhunmwu ekpọnmwẹ, ọ bun ẹnrẹn, ọ keghi rhie ne avbe erhuanegbe ẹre, ọ wẹẹ, “Wa miẹn ne uwa rri ọ e, egbe mwẹ ọ re nọ.”
27Ọ keghi vbe mu ukpu, Ọ na kpọnmwẹ Osanobua, ọ keghi mu ne iran, ọ wẹẹ, “Wa hia fẹẹrẹ, dae. 28Rhunmwuda, ọnọna ọrọre esagiẹn mwẹ ne a ya ya Ile Osanobua okhi, esagiẹn mwẹ ne a gbe ku otọ ne ayabọ orukhọ. 29Ne I tama uwa, mẹ i ra dọlegbe da vbe ayọn na ọvbehe, ọ te sẹ ẹghẹ ne I gha ya guwa da ọghe ọgbọn ni vbe Arriọba Erha mwẹ.”
30Iran keghi so ihuan ọkpa, iran na gha rrie uhunmwu Oke Ọliv.
Jesu Tae Vbene Pita Gha Siẹn Hẹ
(Mak 14:27-31; Luk 22:31-34; Jọn 13:36-38)
31Ẹkpo ni ọre Jesu na tama iran wẹẹ, “Vbe asọn na, wa hia gha lẹ kua, wa ghi sẹ mwẹ rae rhunmwuda ebe tae wẹẹ, ‘Osanobua gha gbe ne ọ su ohuan, ohuan hia ni rre oghẹn ni, ghi zagha kua.’ 32Sokpan iyeke vbe a ghi huẹn mwẹ kpaegbe nẹ mẹ gha ke odaro ne uwa gha rrie Galili.”
33Pita na wanniẹn tama Jesu wẹẹ, “Ọ gha khọn iran ni dekẹe ne iran lẹ sẹ uẹ rae mẹ i ra sẹ uẹ rae ẹdẹdẹmwẹdẹ.”
34Jesu tama Pita wẹẹ, “Gunmwẹ tama ruẹn nian wẹẹ, vbene ọkpa te viẹ asọn na, u gha siẹn mwẹ igba eha.”
35Pita keghi wanniẹn wẹẹ, “A gha rhe wẹ ne I gha ya wu lele uẹ nọ, mẹ i ra siẹn uẹn ẹdẹdẹmwẹdẹ.” Avbe erhuanegbe hia fẹẹrẹ keghi vbe kha vberriọ.
Jesu Na Erhunmwu Vbe Getsemani
(Mak 14:32-42; Luk 22:39-46)
36Jesu keghi viọ avbe erhuanegbe ẹre ba egbe gha rrie ihe ọkpa ne a tie ẹre Getsemani. Ọ tama iran wẹẹ, “Wa tota mwa, mẹ ra sikẹ odọ ya na erhunmwu.” 37Ọ keghi rhie Pita kevbe ivbi e Zẹbede eva ba egbe. Ẹko ẹre hia keghi rhie, egbe hia kegha mannọ ẹn. 38Rẹn keghi tama iran wẹẹ, “Obalọ ekhọe mwẹ wo vbe egbe sẹ ne ọ ye ọmwa sa hẹ nian, wa mudia mwa ne uwa gunmwẹ gha ba odẹ.”
39Rẹn keghi khian sikẹ odaro, ọ keghi wa mu aro rhu otọ ọ keghi na erhunmwu wẹẹ, “Deghẹ ọ gia ru, Erha mwẹ, mu ukpu na hin mwẹ obọ rre, sokpan ẹ i re vbene I mẹ ho, sokpan vbene uwẹ ho.”
40Rẹn keghi dọlegbe bu avbe erhuanegbe eha ni gha dee, ọ ghi do ghe iran gha vbiẹ, ọ keghi tama e Pita wẹẹ, “Vbọ ye hẹ yi ne uwa eheha ma na sẹtin gunmwẹ khẹ odẹ la ẹgogo ọkpa? 41Wa gha ba odẹ, wa gha na erhunmwu ne uwa ghẹ miẹn edanmwẹ, orhiọn wa ho sokpan egbe khuẹrhẹ.”
42Jesu keghi dọlegbe gha khian ya na erhunmwu ukpogieva wẹẹ, “Evbavba, deghẹ ukpu na i gia miẹn mwẹ re vbe ẹ i re te I wọn ẹn, iho ọwuẹ ọre a gha ru.” 43Ọ ghi vbe dọlegbe rre, ọ do vba ighẹ avbe erhuanegbe vbe vbiẹ, iran ma kue sẹtin rhan aro rua.
44Jesu keghi sẹ iran rae, ọ keghi ya na erhunmwu ukpogieha, vbene ọ na ye ta ẹmwẹ ọkpa nii. 45Rẹn keghi dọlegbe bu avbe erhuanegbe gha dee, ọ tama iran wẹẹ, “Te uwa ye gbe ẹkun sẹ otọ gha vbiẹ? Ghe ighẹ a ra rhie Ovbi Ọmwa ye ẹtin emwa orukhọ obọ. 46Wa kpaegbe ne uwa gia gha khian, ghe, ọmwa ne ọ ra rhie mwẹ maa sẹ emwa na fo.”
Umumwẹ Jesu
(Mak 14:43-50; Luk 22:47-53; Jọn 18:3-12)
47Vbene ọ wa guan nii, Judas, ọkpa vbe uwu iran ne iweva keghi rre. Emwa ni bun ni viọ orhokhua kevbe umozo mwẹ keghi lele ẹe, iran na kegha re emwa ne a gie ke ọ ghe igie ohẹn kevbe ediọn avbe Ju gha dee. 48Ọmwa ne ọ rhie ẹre maa keghi rhie ama ne iran wẹẹ, “Ọmwa ne imẹ a rhirhi mu unu soso ẹre unu, wa rẹn wẹ rẹn nọ. Wa ghi mu ẹn.”
49Ugbẹn vbe Judas ghi rre, ọ keghi wa bu Jesu gha khian taara, ọ wẹẹ, “Ọmaemwaemwi, ọfumwegbe ọ re ọwuẹ,” ọ keghi ya unu soso ẹre unu.
50Jesu wanniẹn wẹẹ, “Oko, gie obọ gha kẹe.” Iran keghi rre, iran mu Jesu, iran na da ẹe yi gbain. 51Ọkpa vbe uwu iran ni rrọọ yaba Jesu keghi yuo umozo ẹre ladian, ọ keghi ye emwi yan ọviẹn ogie ohẹn, ọ na fian ẹre ehọ fua. 52Jesu tama rẹn wẹẹ, “Rhie umozo ruẹ ye ako ẹre, rhunmwuda iran ni viọ umozo hia gha la obọ umozo yo owa. 53Wẹ ma rẹn ighẹ mẹ gha sẹtin tu tie Erha mwẹ ne ọ yọ mwẹ obọ kevbe wẹẹ, rẹn gha sẹtin viọ gberra oka iweva ivbiyokuo odibosa gun mwẹ? 54Sokpan ọ gha ye rriọ, vbe ẹmwẹ Ebe ghi ra na sẹ hẹ wẹẹ emwi hia gha sunu vbe ne a ru ẹe na?”
55Ẹkpo ni ọre Jesu na gu emwa ni guan wẹẹ, “De esa umozo kevbe orhokhua ne uwa hẹ mwẹ vbe uwa ra do mu mwẹ, vbene akhakha ighẹ izigan ọre imẹ khin? Ẹdẹgbegbe ọre imẹ ya gha tota ma emwa emwi vbe uwu Ọgua Osa, wa ma mu mwẹ. 56Sokpan ena hia sunu ne Ebemiẹn ehe na sẹ.” Ẹkpo ni ọre avbe erhuanegbe hia ghi na sẹ ọe rae, iran keghi lẹ kua.
Jesu Vbe Odaro Iko
(Mak 14:53-65; Luk 22:54-55, 63-71; Jọn 18:13-14, 19-24)
57Iran ni mu Jesu keghi si ẹe gha rrie owa Kaiafas ne Ogie Ohẹn, ehe ne avbe iran ni ma emwa Uhi kevbe ediọn si egbe koko yi. 58Pita keghi lele ẹre iyeke gbaan ya sẹ ore Ogie Ohẹn. Rẹn keghi la ore, ọ keghi gu iran ni khẹ odẹ tota ne aro ẹre miẹn ehe na sẹ vbene emwi hia gha dee hẹẹ. 59Avbe igie ohẹn kevbe Iko nii hia, kegha gualọ osẹe ohoghe ne iran gha sẹ gbe Jesu ne iran miẹn ehe na gbe ẹe rua. 60Sokpan iran ma miẹn, a gha rhe miẹn wẹ emwa ni bun ọre ọ rre do gha ba ẹre ohoghe. Vbe okiekie, arhin eva keghi ladian iran khare wẹẹ, 61“Okpia na khare wẹẹ, ‘Mẹ gha sẹtin guọghọ Ọgua Osa Osanobua sẹ otọ, vbe iyeke ikpẹdẹ eha, I ghi vbe bọ ẹe.’ ”
62Ogie Ohẹn keghi guakpao, ọ tama Jesu wẹẹ, “Wẹ ma miẹn ewanniẹn rhie ye ifi ẹzọ hia ne iran ba ruẹ re na?” 63Jesu keghi ye hunwan. Ogie Ohẹn vbe dọlegbe tama rẹn wẹẹ, “I ya eni Osanobua ne ọ rrọọ ya a vẹn ihẹn nian wẹ ne u tama ima deghẹ wẹ ọrọre Mẹzaia ne Ovbi Osanobua.”
64Jesu wanniẹn wẹẹ, “Erriọ u tae, sokpan ne I tama uwa hia, ke ẹghẹ na kpao, wa gha miẹn Ovbi Ọmwa vbe ọ gha tota vbe obọ erha ọmwa Oghodua kevbe ọ gha dee vbe ikpakpa iso.”
65Ugbẹn vbe Ogie Ohẹn ghi họn ọna, ọ sọ ukpọn rẹn uan. Ọ wẹẹ, “Ọ rhoro, ma i ghi vbe gualọ osẹe ọvbehe. Wa tobọ uwa họn ẹmwẹ dan ne ọ guan rẹn. 66Vbe uwa rorẹe hẹẹ?” Iran wanniẹn wẹ, “Ọ rria abe uwu.”
67Ẹghẹ ni, iran na ghi gie asẹn ye ọre aro, iran keghi ya ugbemwẹ rhanmwẹ ọẹn. Iran ni gbe ubi ye ọre aro keghi vbe kha wẹẹ, 68“Mẹzaia, tama ima ọmwa ne ọ gbe uẹ ubi?”
Pita Siẹn Jesu
(Mak 14:66-72; Luk 22:56-62; Jọn 18:15-18, 25-27)
69Pita keghi tota vbe ore, ọmọ okhuo ọkpa vbe uwu eguọmwadia Ogie Ohẹn sikẹ ọre, ọ tama rẹn wẹẹ, “Ọkpa vbe uwu iran ni lele Jesu ne ovbi e Galili khian ọre uwẹ khin.”
70Sokpan, ọ keghi wa sirra iran hia siẹn wẹ, “I ma zẹdẹ rẹn emwi ne u guan kan na.” 71Ọ keghi ladian gha rrie onurho ne a la la ore ni, Ọmọ okhuo ọvbehe, vbe uwu avbe eguọmwadia ghi vbe miẹn ọẹn, ọ tama iran ni rre evba wẹẹ, “Rẹn na vbe gha rrọọ yaba Jesu ne ovbi e Nazarẹt.”
72Pita keghi vbe dọlegbe siẹn ọ wanniẹn wẹẹ, “I gha zẹdẹ rẹn ọnrẹn ne I vẹn ihẹn.”
73Vbe iyeke ọnii, ikpia eso ni mudia vba keghi bu e Pita gha dee, iran tama rẹn wẹẹ, “Ne a ta ẹmwata, ọkpa vbe uwu iran ọre uwẹ wa khin, vbene u ya guan rhie ruẹ maa.”
74Ẹghẹ ni, Pita ghi na suẹn gha vẹn ihẹn, ọ wẹẹ, “I gha ta ohoghe, ne Osanobua mu mwẹ rhia, I ma zẹdẹ rẹn ọmwa nii!” Vbe ọwarọkpa nii, ọkpa keghi viẹ. 75Pita keghi ye ẹmwẹ ne Jesu tama rẹn rre wẹẹ, “Vbene ọkpa te viẹ, u gha siẹn igba eha wẹ u ma rẹn mwẹ.” Rẹn keghi ladian, ọ na ya viẹ eve orriara.
Currently Selected:
Matiu 26: EDO96
Highlight
Copy
Compare
Share
Want to have your highlights saved across all your devices? Sign up or sign in
@ The Bible Society of Nigeria, 1996
Matiu 26
26
Iran Ya Ko Iko Jesu
(Mak 14:1-2; Luk 22:1-2; Jọn 11:45-53)
1Jesu ghi ma avbe emwa emwi na hia fo nẹ, ọ tama avbe erhuanegbe ẹre wẹẹ, 2“Wa rẹnrẹn ighe irakhuẹ ọrọre ẹdẹ Emwiukpo Alagberra, a gha rhie Ovbi Ọmwa ladian ne akan rẹn mu ugbugbe.”
3Ẹghẹ ni ọre avbe igiohẹn kevbe avbe ediọn avbe Ju na ya do iko vbe ẹguae Kaiafas ne Ogie Ohẹn. 4Iran keghi mwamwa vbene iran gha ya do mu Jesu hẹ ne iran gbe ẹe rua.
5Iran wẹẹ, “Ọ ma kei ne a ruẹe vbe uwu emwiukpo na ne otutu ghẹ ya tu.”
A Ye Ori Wo Jesu Vbe Bẹtani
(Mak 14:3-9; Jọn 13:1-8)
6Ugbẹn vbe Jesu ghi rre owa Saimọn ne ọkhọnmwoti vbe Bẹtani, 7okhuo ọkpa keghi mu ovbi uru alabasta ọghe ori ne ọ winhin ẹsẹse gha dee, ọ keghi tue ẹre yan Jesu uhunmwu vbe ehe ne ọ na rri evbare. 8Ohu keghi mu avbe erhuanegbe vbe iran miẹn emwi na, iran wẹẹ, “Vbe a gu gheghe mu emwi na rhia vberriọ yi? 9A gha te khiẹn ori na ighobioye ghae ne avbe ivbiogue.”
10Jesu rẹn emwi ne iran ta, ọ keghi khama iran wẹẹ, “Vbọzẹ ne uwa na kpokpo okhuo na yi. Emwi uyi nọkhua ọre ọ ru mẹ na. 11Ẹghẹ hia ọre avbe ivbiogue gha ya gu wa gha rrọọ, sokpan mẹ i ra gha gu wa rrọọ ẹghẹ hia. 12Emwi ne ọ ru na ọrọre wẹ te ọ ye ori na wuo mwẹ egbe khẹ ẹghẹ irorinmwi mwẹ. 13Wa yi ẹre ẹro, ehe ne a rhirhi na kporhu iyẹn ne ọ maa na vbe uhunmwu otọe agbọn hia, a gha vbe gha ta emwi ne ọ ru na ya ye ẹre rre.”
Judas Kueyọ Ne O Rhie Jesu Maa
(Mak 14:10-11; Luk 22:3-6)
14Ẹkpo nii ọre ọkpa vbe uwu iran ne erhuanegbe iweva, ne a tie ẹre Judas Iskariọt na bu avbe igie ohẹn gha khian. 15Ọ tama iran wẹẹ, “I gha rhie Jesu ye uwa obọ, de emwi ne uwa gha rhie mẹ?” Iran keghi ka agiẹghẹ igho ẹrọnmwọ ọgban hẹ ye orre obọ. 16Ke ẹghẹ ni kpao Judas kegha gualọ ẹghẹ ne ọ ke sẹ ne ọ gha ya rhie Jesu maa.
Jesu Gu Avbe Erhuanegbe Ẹre Rri Evbare Alagberra
(Mak 14:12-21; Luk 22:7-13, 21-23; Jọn 13:21-30)
17Vbe ikpẹdẹ ne okaro ọghe Emwiukpo Eka Ne ọ ma hue, avbe erhuanegbe bu Jesu gha dee do nọ rẹn wẹẹ, “De ehe ne u ho ne ima na mu egbe evbare ota Alagberra ye otọ khẹ ruẹ?”
18Rẹn wanniẹn tama iran wẹẹ, “Wa bu okpia ọkpa vbe ẹvbo na, wa tama rẹn wẹẹ, ‘Ẹghẹ mwẹ sẹ nẹ, mẹ kevbe avbe erhuanegbe mwẹ ra do ru Emwiukpo Alagberra vbe owa ruẹ.’ ”
19Avbe erhuanegbe keghi ru zẹ vbene Jesu tama iran, iran keghi ya mu egbe evbare Alagberra ye otọ.
20Ugbẹn vbe ọ ghi sẹ ẹghẹ ota, Jesu kevbe erhuanegbe iweva keghi gba tota gha rri evbare. 21Ẹghẹ evbare ni, Jesu keghi kha wẹẹ, “I tama uwa, ọkpa vbe uwu uwa gha rhie mwẹ maa.” 22Ẹmwẹ na keghi wa gbe avbe erhuanegbe ẹre egbe, ọkpọkpa vbe uwu iran keghi suẹn gha nọ rẹn wẹẹ, “Mẹ nọ ra Nọyaẹnmwa?”
23Jesu wanniẹn tama iran wẹẹ, “Ọmwa ne ọ gunmwẹ ye ebrẹd rhanmwẹ vbe ọkpan, ọre ọra rhie mwẹ maa. 24Ovbi Ọmwa gha gele wu zẹ vbene Ebe tae ye otọ nẹ, sokpan ọsọre ighe ọmwa ne ọ gha rhie Ovbi Ọmwa maa! Ọ gha te maa ne ẹn sẹ akpawẹ a ma biẹ ọe!”
25Judas ne ọgueva kevbe nọ rẹn wẹẹ, “Ọmamwaemwi, mẹ nọ ra?” Jesu wanniẹn tama rẹn wẹẹ, “Unu ẹn ọ ke rre.”
Evbare Ota Nọyaẹnmwa
(Mak 14:22-26; Luk 22:14-20; I Kọrinti 11:23-25)
26Ugbẹn vbe iran ghi rri evbare, Jesu keghi mu ududu ebrẹd, ọ na erhunmwu ekpọnmwẹ, ọ bun ẹnrẹn, ọ keghi rhie ne avbe erhuanegbe ẹre, ọ wẹẹ, “Wa miẹn ne uwa rri ọ e, egbe mwẹ ọ re nọ.”
27Ọ keghi vbe mu ukpu, Ọ na kpọnmwẹ Osanobua, ọ keghi mu ne iran, ọ wẹẹ, “Wa hia fẹẹrẹ, dae. 28Rhunmwuda, ọnọna ọrọre esagiẹn mwẹ ne a ya ya Ile Osanobua okhi, esagiẹn mwẹ ne a gbe ku otọ ne ayabọ orukhọ. 29Ne I tama uwa, mẹ i ra dọlegbe da vbe ayọn na ọvbehe, ọ te sẹ ẹghẹ ne I gha ya guwa da ọghe ọgbọn ni vbe Arriọba Erha mwẹ.”
30Iran keghi so ihuan ọkpa, iran na gha rrie uhunmwu Oke Ọliv.
Jesu Tae Vbene Pita Gha Siẹn Hẹ
(Mak 14:27-31; Luk 22:31-34; Jọn 13:36-38)
31Ẹkpo ni ọre Jesu na tama iran wẹẹ, “Vbe asọn na, wa hia gha lẹ kua, wa ghi sẹ mwẹ rae rhunmwuda ebe tae wẹẹ, ‘Osanobua gha gbe ne ọ su ohuan, ohuan hia ni rre oghẹn ni, ghi zagha kua.’ 32Sokpan iyeke vbe a ghi huẹn mwẹ kpaegbe nẹ mẹ gha ke odaro ne uwa gha rrie Galili.”
33Pita na wanniẹn tama Jesu wẹẹ, “Ọ gha khọn iran ni dekẹe ne iran lẹ sẹ uẹ rae mẹ i ra sẹ uẹ rae ẹdẹdẹmwẹdẹ.”
34Jesu tama Pita wẹẹ, “Gunmwẹ tama ruẹn nian wẹẹ, vbene ọkpa te viẹ asọn na, u gha siẹn mwẹ igba eha.”
35Pita keghi wanniẹn wẹẹ, “A gha rhe wẹ ne I gha ya wu lele uẹ nọ, mẹ i ra siẹn uẹn ẹdẹdẹmwẹdẹ.” Avbe erhuanegbe hia fẹẹrẹ keghi vbe kha vberriọ.
Jesu Na Erhunmwu Vbe Getsemani
(Mak 14:32-42; Luk 22:39-46)
36Jesu keghi viọ avbe erhuanegbe ẹre ba egbe gha rrie ihe ọkpa ne a tie ẹre Getsemani. Ọ tama iran wẹẹ, “Wa tota mwa, mẹ ra sikẹ odọ ya na erhunmwu.” 37Ọ keghi rhie Pita kevbe ivbi e Zẹbede eva ba egbe. Ẹko ẹre hia keghi rhie, egbe hia kegha mannọ ẹn. 38Rẹn keghi tama iran wẹẹ, “Obalọ ekhọe mwẹ wo vbe egbe sẹ ne ọ ye ọmwa sa hẹ nian, wa mudia mwa ne uwa gunmwẹ gha ba odẹ.”
39Rẹn keghi khian sikẹ odaro, ọ keghi wa mu aro rhu otọ ọ keghi na erhunmwu wẹẹ, “Deghẹ ọ gia ru, Erha mwẹ, mu ukpu na hin mwẹ obọ rre, sokpan ẹ i re vbene I mẹ ho, sokpan vbene uwẹ ho.”
40Rẹn keghi dọlegbe bu avbe erhuanegbe eha ni gha dee, ọ ghi do ghe iran gha vbiẹ, ọ keghi tama e Pita wẹẹ, “Vbọ ye hẹ yi ne uwa eheha ma na sẹtin gunmwẹ khẹ odẹ la ẹgogo ọkpa? 41Wa gha ba odẹ, wa gha na erhunmwu ne uwa ghẹ miẹn edanmwẹ, orhiọn wa ho sokpan egbe khuẹrhẹ.”
42Jesu keghi dọlegbe gha khian ya na erhunmwu ukpogieva wẹẹ, “Evbavba, deghẹ ukpu na i gia miẹn mwẹ re vbe ẹ i re te I wọn ẹn, iho ọwuẹ ọre a gha ru.” 43Ọ ghi vbe dọlegbe rre, ọ do vba ighẹ avbe erhuanegbe vbe vbiẹ, iran ma kue sẹtin rhan aro rua.
44Jesu keghi sẹ iran rae, ọ keghi ya na erhunmwu ukpogieha, vbene ọ na ye ta ẹmwẹ ọkpa nii. 45Rẹn keghi dọlegbe bu avbe erhuanegbe gha dee, ọ tama iran wẹẹ, “Te uwa ye gbe ẹkun sẹ otọ gha vbiẹ? Ghe ighẹ a ra rhie Ovbi Ọmwa ye ẹtin emwa orukhọ obọ. 46Wa kpaegbe ne uwa gia gha khian, ghe, ọmwa ne ọ ra rhie mwẹ maa sẹ emwa na fo.”
Umumwẹ Jesu
(Mak 14:43-50; Luk 22:47-53; Jọn 18:3-12)
47Vbene ọ wa guan nii, Judas, ọkpa vbe uwu iran ne iweva keghi rre. Emwa ni bun ni viọ orhokhua kevbe umozo mwẹ keghi lele ẹe, iran na kegha re emwa ne a gie ke ọ ghe igie ohẹn kevbe ediọn avbe Ju gha dee. 48Ọmwa ne ọ rhie ẹre maa keghi rhie ama ne iran wẹẹ, “Ọmwa ne imẹ a rhirhi mu unu soso ẹre unu, wa rẹn wẹ rẹn nọ. Wa ghi mu ẹn.”
49Ugbẹn vbe Judas ghi rre, ọ keghi wa bu Jesu gha khian taara, ọ wẹẹ, “Ọmaemwaemwi, ọfumwegbe ọ re ọwuẹ,” ọ keghi ya unu soso ẹre unu.
50Jesu wanniẹn wẹẹ, “Oko, gie obọ gha kẹe.” Iran keghi rre, iran mu Jesu, iran na da ẹe yi gbain. 51Ọkpa vbe uwu iran ni rrọọ yaba Jesu keghi yuo umozo ẹre ladian, ọ keghi ye emwi yan ọviẹn ogie ohẹn, ọ na fian ẹre ehọ fua. 52Jesu tama rẹn wẹẹ, “Rhie umozo ruẹ ye ako ẹre, rhunmwuda iran ni viọ umozo hia gha la obọ umozo yo owa. 53Wẹ ma rẹn ighẹ mẹ gha sẹtin tu tie Erha mwẹ ne ọ yọ mwẹ obọ kevbe wẹẹ, rẹn gha sẹtin viọ gberra oka iweva ivbiyokuo odibosa gun mwẹ? 54Sokpan ọ gha ye rriọ, vbe ẹmwẹ Ebe ghi ra na sẹ hẹ wẹẹ emwi hia gha sunu vbe ne a ru ẹe na?”
55Ẹkpo ni ọre Jesu na gu emwa ni guan wẹẹ, “De esa umozo kevbe orhokhua ne uwa hẹ mwẹ vbe uwa ra do mu mwẹ, vbene akhakha ighẹ izigan ọre imẹ khin? Ẹdẹgbegbe ọre imẹ ya gha tota ma emwa emwi vbe uwu Ọgua Osa, wa ma mu mwẹ. 56Sokpan ena hia sunu ne Ebemiẹn ehe na sẹ.” Ẹkpo ni ọre avbe erhuanegbe hia ghi na sẹ ọe rae, iran keghi lẹ kua.
Jesu Vbe Odaro Iko
(Mak 14:53-65; Luk 22:54-55, 63-71; Jọn 18:13-14, 19-24)
57Iran ni mu Jesu keghi si ẹe gha rrie owa Kaiafas ne Ogie Ohẹn, ehe ne avbe iran ni ma emwa Uhi kevbe ediọn si egbe koko yi. 58Pita keghi lele ẹre iyeke gbaan ya sẹ ore Ogie Ohẹn. Rẹn keghi la ore, ọ keghi gu iran ni khẹ odẹ tota ne aro ẹre miẹn ehe na sẹ vbene emwi hia gha dee hẹẹ. 59Avbe igie ohẹn kevbe Iko nii hia, kegha gualọ osẹe ohoghe ne iran gha sẹ gbe Jesu ne iran miẹn ehe na gbe ẹe rua. 60Sokpan iran ma miẹn, a gha rhe miẹn wẹ emwa ni bun ọre ọ rre do gha ba ẹre ohoghe. Vbe okiekie, arhin eva keghi ladian iran khare wẹẹ, 61“Okpia na khare wẹẹ, ‘Mẹ gha sẹtin guọghọ Ọgua Osa Osanobua sẹ otọ, vbe iyeke ikpẹdẹ eha, I ghi vbe bọ ẹe.’ ”
62Ogie Ohẹn keghi guakpao, ọ tama Jesu wẹẹ, “Wẹ ma miẹn ewanniẹn rhie ye ifi ẹzọ hia ne iran ba ruẹ re na?” 63Jesu keghi ye hunwan. Ogie Ohẹn vbe dọlegbe tama rẹn wẹẹ, “I ya eni Osanobua ne ọ rrọọ ya a vẹn ihẹn nian wẹ ne u tama ima deghẹ wẹ ọrọre Mẹzaia ne Ovbi Osanobua.”
64Jesu wanniẹn wẹẹ, “Erriọ u tae, sokpan ne I tama uwa hia, ke ẹghẹ na kpao, wa gha miẹn Ovbi Ọmwa vbe ọ gha tota vbe obọ erha ọmwa Oghodua kevbe ọ gha dee vbe ikpakpa iso.”
65Ugbẹn vbe Ogie Ohẹn ghi họn ọna, ọ sọ ukpọn rẹn uan. Ọ wẹẹ, “Ọ rhoro, ma i ghi vbe gualọ osẹe ọvbehe. Wa tobọ uwa họn ẹmwẹ dan ne ọ guan rẹn. 66Vbe uwa rorẹe hẹẹ?” Iran wanniẹn wẹ, “Ọ rria abe uwu.”
67Ẹghẹ ni, iran na ghi gie asẹn ye ọre aro, iran keghi ya ugbemwẹ rhanmwẹ ọẹn. Iran ni gbe ubi ye ọre aro keghi vbe kha wẹẹ, 68“Mẹzaia, tama ima ọmwa ne ọ gbe uẹ ubi?”
Pita Siẹn Jesu
(Mak 14:66-72; Luk 22:56-62; Jọn 18:15-18, 25-27)
69Pita keghi tota vbe ore, ọmọ okhuo ọkpa vbe uwu eguọmwadia Ogie Ohẹn sikẹ ọre, ọ tama rẹn wẹẹ, “Ọkpa vbe uwu iran ni lele Jesu ne ovbi e Galili khian ọre uwẹ khin.”
70Sokpan, ọ keghi wa sirra iran hia siẹn wẹ, “I ma zẹdẹ rẹn emwi ne u guan kan na.” 71Ọ keghi ladian gha rrie onurho ne a la la ore ni, Ọmọ okhuo ọvbehe, vbe uwu avbe eguọmwadia ghi vbe miẹn ọẹn, ọ tama iran ni rre evba wẹẹ, “Rẹn na vbe gha rrọọ yaba Jesu ne ovbi e Nazarẹt.”
72Pita keghi vbe dọlegbe siẹn ọ wanniẹn wẹẹ, “I gha zẹdẹ rẹn ọnrẹn ne I vẹn ihẹn.”
73Vbe iyeke ọnii, ikpia eso ni mudia vba keghi bu e Pita gha dee, iran tama rẹn wẹẹ, “Ne a ta ẹmwata, ọkpa vbe uwu iran ọre uwẹ wa khin, vbene u ya guan rhie ruẹ maa.”
74Ẹghẹ ni, Pita ghi na suẹn gha vẹn ihẹn, ọ wẹẹ, “I gha ta ohoghe, ne Osanobua mu mwẹ rhia, I ma zẹdẹ rẹn ọmwa nii!” Vbe ọwarọkpa nii, ọkpa keghi viẹ. 75Pita keghi ye ẹmwẹ ne Jesu tama rẹn rre wẹẹ, “Vbene ọkpa te viẹ, u gha siẹn igba eha wẹ u ma rẹn mwẹ.” Rẹn keghi ladian, ọ na ya viẹ eve orriara.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@ The Bible Society of Nigeria, 1996