Titu 2
2
Bwe mò esese evǝ mo Fwa Esese
1Tea adi ḿ mbo, ge no kenm we tú mò e ken anga akan ngge moetum ebi. 2Tú be ndedon nwenfi be e fku e san be tsuruku ra, be e bwe mò a vǝ egǝ̀n a bwa be, ne fu chu mo be. Be e no ngge chaebi echakpokpo, be e dgyan be nobǝ ngge be e bon-ekǝ̀n.
3Ba anona, tú be ndegwa nwenfi be e no zǝno adi efwa nwene a no Ehwya egǝ̀n ángá. Be e fwa be, be ya e janbgen be nobǝ anga ra, eno e ra be ya a tson engǝm fupe ara be ángá ra. Tea be e tú mò e no esese, 4adi ebwem enò, be chà a tú be ezon-ndegwa jan be e dgyan be don be ngge mbǝgya mo be, 5be e fu chu mo be, be e bwe be mò e no esera ra, be e fu seshi mbwe be, be ya e bwe be nobǝ esese ngge be e tse be don be anga evǝa ende akan jan a pin a didi ye fwa mo Ehwya a chu be ra.
6Enò gaten, we jan e bon be ezon-ndedon ekǝ̀n, be e fu chu be. 7A tswa mogwa mogwa, we tú be echi fukèn mo nó adi mò esese ebwem. Adi moetum mbo, we tú ebi ngge we kwa mbo junwen ra. 8Jan fwa e no ebi, evǝa ende akan a jan a pin ye nó ra, evǝa ebgenju a fu be ya eze mbo adia ba ben be mò esera a be ti a jan a chu je ra.
9We tú be fí be e tse be yagwamo mu mo be a tswa mogwa mogwa. Be e tkyan evǝa be e bwe be, be e fo etkwa. Be e twa be efyan ngge be yagwamo mu mo be ra. 10Be e zǝ́ be be mò ra, tea be e bwe be mò a du be yagwamo mu mo be hon a chadwa ngge be a tswa egwa egwa mo efwa. Evǝa adi be egwa egwa mo efwa, ba du be moetum a chu Ehwya nwene e tivǝ́ je anga, ge e no mò a be nobǝ a maju anga a chu mo nó.
11Adia Ehwya è fi tú ara esese mbwe evǝ mo etivǝm mo be nobǝ binbin. 12Esese hon, tú je jan je e se e gwa zǝno enom a Ehwya dgyan ye ra ngge edgyanfim mo etkwa efom mo zǝnchaje. Ge tú je jan je e no zǝno chuefum, je e no zǝno e fwa ye ngge ebgen ra, zǝno enom e vǝ etkwa efom bwa Ehwya anga adi ekpengga ena. 13Abu je no zǝno yishwa ena anga, je e nobà nòmo ju eshanm a je nyishwa no a chu mo nó ángá. Nò nwone a egǝ̀n mo Ehwya echa mo je ngge Etivǝ́ mo je hon, nwene e no Yeso Kristi ángá, a mbwi a bwa. 14Ende hon è ti chu ye ti no evǝa ge e ti e vǝ́ je a bu binbin mo be mofǝ̀ ngge ge e na e cha je, je e nga be nobǝ mbwe. Ga bwe je ja nga be nobǝ mbwe ya e maju be e bwe mò e no esese ángá.
15Ena a be mò a wa tú be ya a Kiriti. Janbon be ekǝ̀n ngge we tkyá be etkya a tswa binbin mo emwentì. We cha mbo dwa ende akan mo be e di e pin o ra.
Currently Selected:
Titu 2: ICH
Highlight
Copy
Compare
Share
Want to have your highlights saved across all your devices? Sign up or sign in
© 2024 Luke Initiative for Scripture Translation