Be ya a Roma 14
14
We kpèn mbo be ya ekǝ̀n-etsǝ́m abu bo kǝ́n ra
1Ende a chaebi mbwe no embǝmbǝ, nye e cha ye a engga mo nye. We twa mbo efyan ngge ge a chu mò akan ra. 2Ende akan, chaebi mbwe cha ye dwa jan ge e de egwa egwa mo mò a ge dgyan anga, tea a di ḿ mo nobǝ efki, a chaebi mbwe no embǝmbǝ ángá, ge de a kpwà be ehwyazǝmo. 3Ende e de egwa egwa mo mò anga, ge e di e pin ye ende e de ye anga ra ra, ngge ende e de ye egwa egwa mo mò anga ra, ge e kpèn ye ende hon e de egwa egwa mo mò anga kǝ́n ra, adia Ehwya cha ara ye. 4A bo wa ara, a wa kpèn fí mo nobǝ efki kǝ́n? A yagwamo mu mbwe kpwà ara nwene a jan mò a ge bwe ángá no esese eno e ra, e no esera. Ngge ge ywa a ti etkyen ngge echafǝju adia Ehwya Etsodwe a bwe a ti ye, ge e ywa ngge echafǝju.
5Ende akan ka jan nò a zǝkpe akan twafǝ̀ be nò e dan ángá, ngge nobǝ efki jan binbin mo be, be no mò akan. Egwa egwa e yi e seshi a tsuruku mbwe jan mò a ge ka anga ne no esese. 6Ende e ti nò a zǝkpe akan jan ne twafǝ̀ be nò efki, ge bwe nó anga evǝa ge e no Etsodwe egǝ̀n. Ende e de egwa egwa mo mode anga, de nó anga evǝa ge e no Etsodwe egǝ̀n, adia be chwano anga Ehwya. Ende e se ge e de be mode ya ehwyà, ge bwe nò anga evǝa ge e no Etsodwe egǝ̀n, n chwano Ehwya anga. 7Adia ende akan no ye zǝno angǝ anga ḿ mo chu ye tete ra, ngge ende akan mo je fǝ ye anga ḿ mo chu ye tete ra. 8Ano je no angǝ, je no anga evǝa Ehwya e ben egǝ̀n, ngge je ma fǝ fǝ anga, je fǝ anga evǝa Ehwya e ben egǝ̀n. Enona, je ma no angǝ, eno e ra je fǝ, ja be nobǝ mo Ehwya Etsodwe hon. 9Adia a chu fwa ena, Kristi è fǝ, ngge Ehwya è ti ye nyi etkyen a dì angǝ evǝa ge e no Etsodwe mo ya e fǝ ara ngge ya e no angǝ ángá.
10Ekǝnggwa, a bo, ano bwe a ge o kpèn nwenjin o ya ekǝ̀n-etsǝ́m, kǝ́n anga? Eno e ra ano bwe a ge o dipin nwenjin o anga? Adia binbin mo je, ja ywa chafya mo Ehwya e chuno a chu botì mbwe ángá, ga kpèn je kǝ́n a ge. 11Abu ge no ebam adi Afketa mo Ehwya, jan,
“Etsodwe jan,
‘Adi ebi m jan nye anga,
abu m no ende e no
a fwa efwam ángá,
egwa egwa a hò a sen chafya mam,
ngge egwa egwa mo kpevǝ
a jan a me ma Ehwya.’ ”
12Eni tú anga jan, egwa egwa mo je a jan Ehwya mò a gè bwe ángá.
We du mbo nwenjin o ge e bwe ebgen ra
13Enona, je e kpèn je so kǝ́n efwe ra. Mò e se jan nobǝ ge e bwe ángá, a, ge e bwe ye mò nwone a du nwenjin ye a bwe ebgen ángá ra. 14Abu ende e tsǝ́ekǝ̀n no a chu Yeso Kristi Etsodwe ángá, m cha gu ara dwa a tsuruku mam jan, mode akan fwa didi ye nwone a ya ekǝ̀n-etsǝ́m a chu Ehwya a de ye ra ra. Tea ano ende akan ka jan ga de ye mò akan ra adia ge no didi anga, ekǝnggwa, a zǝn ye, ge tse-etsem. 15Ano mò a o de anga bwebgen nwenjin o nya, o tú mbo ye edgyan anga adi ebwem enò efwe ra. Ge e no ye jan a chu mò a o de anga, we bwe e tkò nwenjin o a Kristi è fǝ fǝ a chu ye ángá ra. 16We cha mbo dwa jan, ende akan e jan mode a o ka jan ne no esese ángá, no esera ra. 17Adia zǝnotì mo Ehwya fwa ye a chu mò a ba de na ngǝ ángá ra, tea ge no a chu zǝno esese enom chafya mbwe, enom a tswa adgye ngge egwa egwa a tswa vǝtsen a Engǝ́ mo Ehwya ti bwa anga. 18Egwa egwa e bwe mochi mo Kristi anga yishwa enò, du Ehwya fo etkwa n du be nobǝ a fo etkwa mbwe anga gaten.
19Enona, je e nne tén ennem evǝa je e bwe mò nwone a du be nobǝ be e no zǝno adgye e sojube, ngge chaebi mo so e no echakpokpo. 20We bwe e dì mbo mochi mo Ehwya a chu mò a o de anga ra. Binbin mo be mode no enachacha, tea ge se ye a nobǝ akan e de mò nwone a du nobǝ efki a bwe edan ángá ra. 21Ge se ye we kǝ́n gwe, eno e ra we e ngǝ mbǝ enabi, eno e ra we bwe mò efki nwone a du nwenjin o a kpo adi efwa mo Ehwya ángá ra.
22Enona, ekǝ̀n-etsǝ́m mbo e ma no engǝ ra a chu be mò ena, ge e no a tsuruku mbo ngge Ehwya. Esese no ḿ mo ende e yi a tsuruku mbwe jan ebgen fwa ye adi mò a ge bwe anga ra. 23Tea ende e tsen tsuruku anga n de nó, ge e yi jan ge bwe ara mò esera, adia ge de nó anga a tswa tsuruku etsenm ngge fwa ye a tswa chaebi ra. Adia egwa egwa mo mò a ende akan bwe nwone e no ye a chu chaebi ra, a ebgen.
Currently Selected:
Be ya a Roma 14: ICH
Highlight
Copy
Compare
Share
Want to have your highlights saved across all your devices? Sign up or sign in
© 2024 Luke Initiative for Scripture Translation
Be ya a Roma 14
14
We kpèn mbo be ya ekǝ̀n-etsǝ́m abu bo kǝ́n ra
1Ende a chaebi mbwe no embǝmbǝ, nye e cha ye a engga mo nye. We twa mbo efyan ngge ge a chu mò akan ra. 2Ende akan, chaebi mbwe cha ye dwa jan ge e de egwa egwa mo mò a ge dgyan anga, tea a di ḿ mo nobǝ efki, a chaebi mbwe no embǝmbǝ ángá, ge de a kpwà be ehwyazǝmo. 3Ende e de egwa egwa mo mò anga, ge e di e pin ye ende e de ye anga ra ra, ngge ende e de ye egwa egwa mo mò anga ra, ge e kpèn ye ende hon e de egwa egwa mo mò anga kǝ́n ra, adia Ehwya cha ara ye. 4A bo wa ara, a wa kpèn fí mo nobǝ efki kǝ́n? A yagwamo mu mbwe kpwà ara nwene a jan mò a ge bwe ángá no esese eno e ra, e no esera. Ngge ge ywa a ti etkyen ngge echafǝju adia Ehwya Etsodwe a bwe a ti ye, ge e ywa ngge echafǝju.
5Ende akan ka jan nò a zǝkpe akan twafǝ̀ be nò e dan ángá, ngge nobǝ efki jan binbin mo be, be no mò akan. Egwa egwa e yi e seshi a tsuruku mbwe jan mò a ge ka anga ne no esese. 6Ende e ti nò a zǝkpe akan jan ne twafǝ̀ be nò efki, ge bwe nó anga evǝa ge e no Etsodwe egǝ̀n. Ende e de egwa egwa mo mode anga, de nó anga evǝa ge e no Etsodwe egǝ̀n, adia be chwano anga Ehwya. Ende e se ge e de be mode ya ehwyà, ge bwe nò anga evǝa ge e no Etsodwe egǝ̀n, n chwano Ehwya anga. 7Adia ende akan no ye zǝno angǝ anga ḿ mo chu ye tete ra, ngge ende akan mo je fǝ ye anga ḿ mo chu ye tete ra. 8Ano je no angǝ, je no anga evǝa Ehwya e ben egǝ̀n, ngge je ma fǝ fǝ anga, je fǝ anga evǝa Ehwya e ben egǝ̀n. Enona, je ma no angǝ, eno e ra je fǝ, ja be nobǝ mo Ehwya Etsodwe hon. 9Adia a chu fwa ena, Kristi è fǝ, ngge Ehwya è ti ye nyi etkyen a dì angǝ evǝa ge e no Etsodwe mo ya e fǝ ara ngge ya e no angǝ ángá.
10Ekǝnggwa, a bo, ano bwe a ge o kpèn nwenjin o ya ekǝ̀n-etsǝ́m, kǝ́n anga? Eno e ra ano bwe a ge o dipin nwenjin o anga? Adia binbin mo je, ja ywa chafya mo Ehwya e chuno a chu botì mbwe ángá, ga kpèn je kǝ́n a ge. 11Abu ge no ebam adi Afketa mo Ehwya, jan,
“Etsodwe jan,
‘Adi ebi m jan nye anga,
abu m no ende e no
a fwa efwam ángá,
egwa egwa a hò a sen chafya mam,
ngge egwa egwa mo kpevǝ
a jan a me ma Ehwya.’ ”
12Eni tú anga jan, egwa egwa mo je a jan Ehwya mò a gè bwe ángá.
We du mbo nwenjin o ge e bwe ebgen ra
13Enona, je e kpèn je so kǝ́n efwe ra. Mò e se jan nobǝ ge e bwe ángá, a, ge e bwe ye mò nwone a du nwenjin ye a bwe ebgen ángá ra. 14Abu ende e tsǝ́ekǝ̀n no a chu Yeso Kristi Etsodwe ángá, m cha gu ara dwa a tsuruku mam jan, mode akan fwa didi ye nwone a ya ekǝ̀n-etsǝ́m a chu Ehwya a de ye ra ra. Tea ano ende akan ka jan ga de ye mò akan ra adia ge no didi anga, ekǝnggwa, a zǝn ye, ge tse-etsem. 15Ano mò a o de anga bwebgen nwenjin o nya, o tú mbo ye edgyan anga adi ebwem enò efwe ra. Ge e no ye jan a chu mò a o de anga, we bwe e tkò nwenjin o a Kristi è fǝ fǝ a chu ye ángá ra. 16We cha mbo dwa jan, ende akan e jan mode a o ka jan ne no esese ángá, no esera ra. 17Adia zǝnotì mo Ehwya fwa ye a chu mò a ba de na ngǝ ángá ra, tea ge no a chu zǝno esese enom chafya mbwe, enom a tswa adgye ngge egwa egwa a tswa vǝtsen a Engǝ́ mo Ehwya ti bwa anga. 18Egwa egwa e bwe mochi mo Kristi anga yishwa enò, du Ehwya fo etkwa n du be nobǝ a fo etkwa mbwe anga gaten.
19Enona, je e nne tén ennem evǝa je e bwe mò nwone a du be nobǝ be e no zǝno adgye e sojube, ngge chaebi mo so e no echakpokpo. 20We bwe e dì mbo mochi mo Ehwya a chu mò a o de anga ra. Binbin mo be mode no enachacha, tea ge se ye a nobǝ akan e de mò nwone a du nobǝ efki a bwe edan ángá ra. 21Ge se ye we kǝ́n gwe, eno e ra we e ngǝ mbǝ enabi, eno e ra we bwe mò efki nwone a du nwenjin o a kpo adi efwa mo Ehwya ángá ra.
22Enona, ekǝ̀n-etsǝ́m mbo e ma no engǝ ra a chu be mò ena, ge e no a tsuruku mbo ngge Ehwya. Esese no ḿ mo ende e yi a tsuruku mbwe jan ebgen fwa ye adi mò a ge bwe anga ra. 23Tea ende e tsen tsuruku anga n de nó, ge e yi jan ge bwe ara mò esera, adia ge de nó anga a tswa tsuruku etsenm ngge fwa ye a tswa chaebi ra. Adia egwa egwa mo mò a ende akan bwe nwone e no ye a chu chaebi ra, a ebgen.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2024 Luke Initiative for Scripture Translation