Be Mochi 26
26
1Kǝnggwa Agripa è jan Bulu jan, “O no ngge efwa we janvǝ mbo e chu o.” Enona, Bulu è ti re bu mbwe etkyen nè kwa ara vǝ ejantum mbwe jan, 2“Tì Agripa, m fo etkwa adia m ywano a chafya mbo nòmo me e jan ti e vǝ́ chu m a chu binbin mo fwa a be ya a Yahuda tso m efya anga. 3Chìchì mo nó, adia o yise binbin mo moefì mo be ya a Yahuda ngge efyan etwam e no a chu mo moetum mo be ángá. Enona, m bgó o anga we buton e fo m ngge ekǝ̀n-ebonm.
4“Binbin mo be ya a Yahuda hon yi gu abu m̀ no bwa anga tke atan a m̀ chà no nweshan ángá, tke ekwafya mò enom mam a eyasǝnsen mam ngge a Urishelima gaten. 5È bwa ekpe, bè yi ara m, be jan a yi enò, ano be dgyan anga, jan m no zǝno abu Farisi, etso e chi ti ra fǝ a chu efen efenm mo je ena. 6Asuswana, m no a tswa mo embwadi a chu shwa enyim mam a chu mò a Ehwya è senvǝ ngge be ate je ángá. 7Ena a vǝ-esenm hon a be efi gwi chu fà mo je nyishwa anga be e di ebwedefǝm mo nó abu bè no fen Ehwya anga ngge tsuruku akan ènò ngge etsǝ. Tì Echa Agripa, a a chu shwa enyim ena a m no ngge ge ángá, a be ya a Yahuda tso m efya anga. 8Ano bwe a ge, ge no nye ngge ekan a ende akan mo nye, ge e tsǝ́ekǝ̀n jan Ehwya fǝ́zǝ a ti be nobǝ e fǝ ara ángá, a bwa angǝ?
9“A me e chu m, m̀ chadwa jan ge no m kenm me e bwe binbin mo be mò a m bwe a ti evǝa me e fu e ndnya fwa a be jan anga adi ti mo Yeso ya a Nazarati. 10Ngge eni no tén mò a m̀ bwe a Urishelima ángá. Adi emwentì mo be Ekǝ́n echa, m̀ fu be ya ekǝ̀n-etsǝ́m bwa kenpe anga a àtá ehwyatu, ngge atan a bè gu be anga, m̀ no a chashin mo be ya è gu be ángá. 11Efwe kè embo embo m̀ ba bwi be àtá chuefǝnm ken anga akan akan evǝa me e tswa be fí. M̀ bwe be enò evǝa me e fa be be e jan mò e fwa ye ebi ra a chu Ehwya. Adi engo mam a chu be, m̀ tkukwa èé be eyasǝnsen efki evǝa me e tswa be fí.
Bulu è jan abu gè nga ya ekǝ̀n-etsǝ́m ángá
(Be Mochi 9:1-19; 22:6-16)
12“A chu fwa hon ena, nò kè akan m̀ nyaken a Damasku adi emwentì mo be Ekǝ́n echa ngge dwa echam mo be. 13Tì Echa, abu m̀ nyaken atan a no sen ara kpe ángá, m̀ di enggasansan è twafǝ̀ ḿ mo nò, è shwa chá kpe shwa bwipe m tangge be ya m̀ ken anga ngge be ángá. 14Binbin mo je, è kposhi a sen, m̀ fo aken no jan anga ngge me adi hwi Aramaya jan, ‘Shawulu, Shawulu, ano bwe a ge o tswa m fí anga? Wa fo edwadwa mo nó a bo, abu o twa ese anga ngge me na.’
15“Kǝnggwa, m̀ ká eka jan, ‘A bo wa ara, Etsodwe?’
“Etsodwe hon è jan m, ‘A me ma Yeso, a o tswa ye fí anga. 16Tea ywa etkyen a chu be fù mbo asuswana, adia m mbwibwa ara a zǝn o me e tsǝ e pe o, we no ya mochi ngge eyifwa mam a chu be mò a o di ara a chu m ngge be mò ya ma tú o chafya ángá. 17M ti a vǝ́ o a bu mo ya mbwe o ngge a bu mo be ya e fwa be ya a Yahuda ra, ya a ma tson o a ken a zǝn be, 18evǝa we fki e gwa be fǝzǝn be e twa e nga chashin e no etwafǝfǝ, be e bwa a zǝn enggasansan. Be e gwa zǝn a Shetan dwatì anga, be e bwa a zǝn Ehwya, evǝa Ehwya e gwa a no be ebgen mo be, na no be zǝno enom a engga mo be nobǝ ya m̀ tsǝ pe ara a chu chaebi mo be a chu m ángá.’
19“Enona, Tì Agripa, m̀ dipin m fwa è shwa chá kpe a tswa enggwà è kan m a fǝzǝn ángá ra. 20M̀ kwafya ken du edgon a Damasku, kǝnggwa ken a zǝn be ya è no Urishelima ángá ngge binbin mo be nobǝ a sǝnsen mo Yahudiya ti ken a zǝn be ya e fwa be ya a Yahuda ra gaten. M̀ jan be jan be e twa etwa mo be ebgen mo be, be e twabǝ e bwa a zǝn Ehwya, ngge be e bwe be mò a tú jan be twa ara etwa mo ebgen mo be hon ángá. 21A a chu fwa ena be ya a Yahuda è ngga m a ju nè fu m a tswa Àtá mo Ehwya nè tkyan be e gu m. 22Tke nò eni ti bwa anga na, Ehwya bwejwa m anga a ge, enona, m ywano ana evǝa me e jan e tú be nobǝ echa èé be nobǝ ebaba. Fwa hon a m jan anga na, fwa didi ye fwa efki a be efojan ngge Mosa è jan ne bwa a bwe ángá ra. 23Bè jan ne no kenm Kristi hon a ngǝ ekan, na fǝ, ga no ende e kwafya a nyi etkyen a dì angǝ ángá. Ga du edgon a chu Fwa Esese e no abu enggasansan a zǝn be ya mbwe ye ngge be ya e fwa be ya a Yahuda ra.”
24Abu gè janvǝ mbwe hon anga, Festu è tàn ye dwa a chu jan, “Bulu, wa ya moechim. Mò ekam mbo àywá du o nga ya moechim anga.”
25Tea Bulu è jan ye jan, “Tì Festu edgwa edgwa, m chà chi m mò ra, mò a m jan anga no ebi n no ngge engà. 26Tì Agripa yi be mò ena binbin, ngge ma jan fwa ena a chafya mbwe ngge echafǝju. M yi a tsuruku mam jan ge yi gu ara be mò ena adia bè bwe be be engǝ̀tonton ra. 27Tì Agripa, o tsǝ́ekǝ̀n no jan be fwa mo be efojan no ebi? M yi jan o tsǝ́ekǝ̀n no a chu be fwa hon.”
28Agripa è jan Bulu jan, “O ka anga wa bwe m a nga ya aduwa adi ekpengga nwofyan ena?”
29Bulu janfwe ye, “Ge e ma dgyenfon, eno e ra ge e ma dgyen ye fon ra, m bgó Ehwya anga jan, fwa ye a bo tete ra, tea binbin mo be ya e fo m anga nòmo na, be e no abu m no anga, tea ge e fwa ye a tswa awya abu m no na ra.”
30Kǝnggwa Tì Echa hon, è nyi etkyen ngge gomna ngge Bani tangge be ya è chuno ngge be ángá, bè nya m̀ mo be. 31Abu bè nyavǝ́ a je ángá, bè jan e sojube jan, “Nobǝ ena chà bwe ye edan e kengga ara be e gu ye eno e ra be e twa ye a àtá ehwyatu ángá ra.”
32Agripa e jan Festu jan, “Bà a no ara nobǝ ena egwagwa mbwe, ano ge è chà jan ye jan be e ti kǝ́n mbwe ken a chafya mo Tìbin Kaisa ra.”
Currently Selected:
Be Mochi 26: ICH
Highlight
Copy
Compare
Share
Want to have your highlights saved across all your devices? Sign up or sign in
© 2024 Luke Initiative for Scripture Translation
Be Mochi 26
26
1Kǝnggwa Agripa è jan Bulu jan, “O no ngge efwa we janvǝ mbo e chu o.” Enona, Bulu è ti re bu mbwe etkyen nè kwa ara vǝ ejantum mbwe jan, 2“Tì Agripa, m fo etkwa adia m ywano a chafya mbo nòmo me e jan ti e vǝ́ chu m a chu binbin mo fwa a be ya a Yahuda tso m efya anga. 3Chìchì mo nó, adia o yise binbin mo moefì mo be ya a Yahuda ngge efyan etwam e no a chu mo moetum mo be ángá. Enona, m bgó o anga we buton e fo m ngge ekǝ̀n-ebonm.
4“Binbin mo be ya a Yahuda hon yi gu abu m̀ no bwa anga tke atan a m̀ chà no nweshan ángá, tke ekwafya mò enom mam a eyasǝnsen mam ngge a Urishelima gaten. 5È bwa ekpe, bè yi ara m, be jan a yi enò, ano be dgyan anga, jan m no zǝno abu Farisi, etso e chi ti ra fǝ a chu efen efenm mo je ena. 6Asuswana, m no a tswa mo embwadi a chu shwa enyim mam a chu mò a Ehwya è senvǝ ngge be ate je ángá. 7Ena a vǝ-esenm hon a be efi gwi chu fà mo je nyishwa anga be e di ebwedefǝm mo nó abu bè no fen Ehwya anga ngge tsuruku akan ènò ngge etsǝ. Tì Echa Agripa, a a chu shwa enyim ena a m no ngge ge ángá, a be ya a Yahuda tso m efya anga. 8Ano bwe a ge, ge no nye ngge ekan a ende akan mo nye, ge e tsǝ́ekǝ̀n jan Ehwya fǝ́zǝ a ti be nobǝ e fǝ ara ángá, a bwa angǝ?
9“A me e chu m, m̀ chadwa jan ge no m kenm me e bwe binbin mo be mò a m bwe a ti evǝa me e fu e ndnya fwa a be jan anga adi ti mo Yeso ya a Nazarati. 10Ngge eni no tén mò a m̀ bwe a Urishelima ángá. Adi emwentì mo be Ekǝ́n echa, m̀ fu be ya ekǝ̀n-etsǝ́m bwa kenpe anga a àtá ehwyatu, ngge atan a bè gu be anga, m̀ no a chashin mo be ya è gu be ángá. 11Efwe kè embo embo m̀ ba bwi be àtá chuefǝnm ken anga akan akan evǝa me e tswa be fí. M̀ bwe be enò evǝa me e fa be be e jan mò e fwa ye ebi ra a chu Ehwya. Adi engo mam a chu be, m̀ tkukwa èé be eyasǝnsen efki evǝa me e tswa be fí.
Bulu è jan abu gè nga ya ekǝ̀n-etsǝ́m ángá
(Be Mochi 9:1-19; 22:6-16)
12“A chu fwa hon ena, nò kè akan m̀ nyaken a Damasku adi emwentì mo be Ekǝ́n echa ngge dwa echam mo be. 13Tì Echa, abu m̀ nyaken atan a no sen ara kpe ángá, m̀ di enggasansan è twafǝ̀ ḿ mo nò, è shwa chá kpe shwa bwipe m tangge be ya m̀ ken anga ngge be ángá. 14Binbin mo je, è kposhi a sen, m̀ fo aken no jan anga ngge me adi hwi Aramaya jan, ‘Shawulu, Shawulu, ano bwe a ge o tswa m fí anga? Wa fo edwadwa mo nó a bo, abu o twa ese anga ngge me na.’
15“Kǝnggwa, m̀ ká eka jan, ‘A bo wa ara, Etsodwe?’
“Etsodwe hon è jan m, ‘A me ma Yeso, a o tswa ye fí anga. 16Tea ywa etkyen a chu be fù mbo asuswana, adia m mbwibwa ara a zǝn o me e tsǝ e pe o, we no ya mochi ngge eyifwa mam a chu be mò a o di ara a chu m ngge be mò ya ma tú o chafya ángá. 17M ti a vǝ́ o a bu mo ya mbwe o ngge a bu mo be ya e fwa be ya a Yahuda ra, ya a ma tson o a ken a zǝn be, 18evǝa we fki e gwa be fǝzǝn be e twa e nga chashin e no etwafǝfǝ, be e bwa a zǝn enggasansan. Be e gwa zǝn a Shetan dwatì anga, be e bwa a zǝn Ehwya, evǝa Ehwya e gwa a no be ebgen mo be, na no be zǝno enom a engga mo be nobǝ ya m̀ tsǝ pe ara a chu chaebi mo be a chu m ángá.’
19“Enona, Tì Agripa, m̀ dipin m fwa è shwa chá kpe a tswa enggwà è kan m a fǝzǝn ángá ra. 20M̀ kwafya ken du edgon a Damasku, kǝnggwa ken a zǝn be ya è no Urishelima ángá ngge binbin mo be nobǝ a sǝnsen mo Yahudiya ti ken a zǝn be ya e fwa be ya a Yahuda ra gaten. M̀ jan be jan be e twa etwa mo be ebgen mo be, be e twabǝ e bwa a zǝn Ehwya, ngge be e bwe be mò a tú jan be twa ara etwa mo ebgen mo be hon ángá. 21A a chu fwa ena be ya a Yahuda è ngga m a ju nè fu m a tswa Àtá mo Ehwya nè tkyan be e gu m. 22Tke nò eni ti bwa anga na, Ehwya bwejwa m anga a ge, enona, m ywano ana evǝa me e jan e tú be nobǝ echa èé be nobǝ ebaba. Fwa hon a m jan anga na, fwa didi ye fwa efki a be efojan ngge Mosa è jan ne bwa a bwe ángá ra. 23Bè jan ne no kenm Kristi hon a ngǝ ekan, na fǝ, ga no ende e kwafya a nyi etkyen a dì angǝ ángá. Ga du edgon a chu Fwa Esese e no abu enggasansan a zǝn be ya mbwe ye ngge be ya e fwa be ya a Yahuda ra.”
24Abu gè janvǝ mbwe hon anga, Festu è tàn ye dwa a chu jan, “Bulu, wa ya moechim. Mò ekam mbo àywá du o nga ya moechim anga.”
25Tea Bulu è jan ye jan, “Tì Festu edgwa edgwa, m chà chi m mò ra, mò a m jan anga no ebi n no ngge engà. 26Tì Agripa yi be mò ena binbin, ngge ma jan fwa ena a chafya mbwe ngge echafǝju. M yi a tsuruku mam jan ge yi gu ara be mò ena adia bè bwe be be engǝ̀tonton ra. 27Tì Agripa, o tsǝ́ekǝ̀n no jan be fwa mo be efojan no ebi? M yi jan o tsǝ́ekǝ̀n no a chu be fwa hon.”
28Agripa è jan Bulu jan, “O ka anga wa bwe m a nga ya aduwa adi ekpengga nwofyan ena?”
29Bulu janfwe ye, “Ge e ma dgyenfon, eno e ra ge e ma dgyen ye fon ra, m bgó Ehwya anga jan, fwa ye a bo tete ra, tea binbin mo be ya e fo m anga nòmo na, be e no abu m no anga, tea ge e fwa ye a tswa awya abu m no na ra.”
30Kǝnggwa Tì Echa hon, è nyi etkyen ngge gomna ngge Bani tangge be ya è chuno ngge be ángá, bè nya m̀ mo be. 31Abu bè nyavǝ́ a je ángá, bè jan e sojube jan, “Nobǝ ena chà bwe ye edan e kengga ara be e gu ye eno e ra be e twa ye a àtá ehwyatu ángá ra.”
32Agripa e jan Festu jan, “Bà a no ara nobǝ ena egwagwa mbwe, ano ge è chà jan ye jan be e ti kǝ́n mbwe ken a chafya mo Tìbin Kaisa ra.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2024 Luke Initiative for Scripture Translation