2 Tasalonikaɨ 3
3
Jǝ́ Maa Nǝm Keli
1A dɨltǝmɔ gǝmɨ kambɔ, jǝ́ maa nǝm keli, sǝ kɛl Tɛlalɔɨ a kwɨya dǝbǝr dǝbǝr, a nya nǝtǝm dʊʊn, kanga nɨ a nya a daa jen woi. 2Jǝ́ maa keligɔ sǝ a bʊʊ nǝn nǝn a kang nǝb bwɨlan nɨ dangǝn, jʊ a bwɨɨ ke bɔ pʌd jinɔ ja nǝ bɨlǝngkɛlɨ. 3Tɛlalɔ n nǝ tatǝm swatǝm yaa. Sʊ jem sʊ kwaan. Kɨla jen kɨla a daagɔ nǝ bwɨla nɨ woi. 4Nǝn jǝla nǝn Tɛlalɔ a dul jen a bwangtǝm diil nɨ nǝn sʊwa jeni. Jǝ́ ja ja kǝga nǝn bwangtǝmɔ. 5Bɛ Tɛlalɔ a yɔ nǝn nǝl jenɔ a swɨtǝm Kwaamaɨ, jǝbɔ kʊtǝm nǝl nɨ jel lɛ a daagɔ Kiristi woi.
Gʊtǝm Lɔl A Kɛl Yɨm Sʊla
6Kambɔ, nǝn nǝ jen diil lɛ a mʊgɔ dun Tɛlalɔ bǝn Yesu Kiristii, jǝ́ wʊlaka jǝbɔ gwam nǝb nɨ yɨ yɨm sʊla lɛɨ, nǝb nɨ mɨ bwangtǝn mɛlalɨ nɨ lɛ jǝ́ nya a daa nǝn woi. 7Jen nǝn kang jen, bɛ jǝ́ nyǝm kanga jǝ́ banga nǝn nɛɨ. Kwama nǝn dakini nǝbɔ jeni, nǝn mɛla jem bɔ yɨm sʊla. 8Nǝn ja bɔ jǝjalǝn jenɔ nǝn kwan. Nǝn nɔɔ gaalan jǝbɔ gʌtǝm. Nǝn maa maajɨ lɛ kum jǝbɔ kɔkɔ kage nǝn ya jem tuulo. 9Nǝn maa nyɔ, a nʊng bɔ gɔ mɨ nǝn nǝn fɔlɔn nɨ. Nǝn maa nyɔ sǝ nǝn yǝlam jǝ nʊngtǝm a daagɔ jen woi, sǝ jǝ́ banga nǝn. 10Nǝn kwama bǝ dakinii, nǝn nǝ jen nǝɨ diil nɨ gɔ, “Gwam nʊ nɨ a kɔ maatǝm maajɨɨ, ka ja nǝ gǝn nɛ jǝjalǝn.”
11Jʊ a bwɨ nǝn nǝ diil nɨ nǝn nyʊwa fulonɔ gɔ, kaamɨ jenɔ n nǝb sʊla. Mɨ ji nǝn jǝ maatǝm. Jǝ nǝb dǝgatǝm nyiyo. 12Nǝb nɨ nǝn nǝ ji diil lɛ, nǝn kel ji lɛ a mʊgɔ dun Tɛlalɔ Yesu Kiristii, bɛ ja ta dul a maatǝm maajɨ dangǝn, ya ja ja lɛ nǝn dul jinɔ. 13Kambɔ, ka maajɨ nyanɔ ya lʊwa jen nɛ maatǝmɔ.
14Na kaa nǝl a kɔ jʊ nɨ nǝn sʊwa a mʊlalɨ langǝn bwangǝn nɨɨ, bɛ jǝ́ nyǝm gǝn. Bɛ ka jǝ́ mʊrka lɛ dul jǝbɔ gɔ, sǝ a nyʊwa gunidul. 15Bɛ ka jǝ́ do gǝn nɛ na fwalɨ kii. Bɛ jǝ́ gʊ gǝm lɔl, na kɨla jen.
Dɨltǝm Yaltǝmɔ
16Bɛ Tɛlalɔ nɨ bɛ lɛ nǝn yɨm kwamɨgǝnɨ a nǝ jen yɨm kwamɨgǝn kwangkwang a daa nɨ jǝ́ nya dul jenɔ woi. Bɛ Tɛlalɔ a yɨ dakini jǝbɔ jen gwam.
17Mǝ Bulus, nǝmǝ mǝ mʊla jem yaltǝm nɨ lɛ nǝn kang mɨɨ. Mǝ maa nyɔ a langǝn bwangǝntɨnɔ gǝm gwam sǝ a nʊng nǝmǝ nǝn kang mɨ. N kanga mǝ mʊlam lɛɨ.
18Bɛ lǝma Tɛlalɔ bǝn Yesu Kiristii a yɨ jǝbɔ jen gwam.
Currently Selected:
2 Tasalonikaɨ 3: DBD
Highlight
Copy
Compare
Share
Want to have your highlights saved across all your devices? Sign up or sign in
©️2024 Luke Initiative for Scripture Translation