2 Korinti 8
8
Kɛtǝm Kemʌn A Mʊgɔ Swɨtǝm Nǝl
1Kambɔ, nǝn swɨ lɛ jǝ́ nyǝm lǝma nɨ Kwaama a nǝ mʊrkalɨtɨn nǝb bwangtǝm Kwaamaɨ nɨ a tǝm Makidoniyaɨ. 2Ji nɨ ja tɛl ji nǝn gaalan bwɨlaɨ, jǝ na a mʊgɔ bʊnǝn bwɨla tag, pʌd fulotǝm nǝl jinɔ a dǝg ji nǝtǝm nǝn nǝlɔ win. 3N nǝ nyiyo mǝʊ, n ke bɔ dǝngdǝng nyatǝm jinɔ ja nǝɨ, ja nǝ a laa kwaan nyatǝm jinɔ. Ja dǝg ji bɔ nǝn kwaan. 4Ja kel nǝn nǝn bɨlǝngǝn dangǝn gɔ nǝn jǝla, nǝn dǝg ji a mʊgɔ nǝbɔ maa nǝb sagsagɔ gǝm tɨkalɨ lɛɨ. 5Nǝtǝm jinɔ a laa kanga nǝn bʊʊla lɛɨ. Ja nǝ dul jinɔ a daagɔ Tɛlalɔ woi dɨn, nǝngɔ la ja nǝ dul jinɔ a daa nǝn woi kanga Kwaama swɨ lɛ ja maaɨ. 6Nǝn kuwo nyɨɨ, nǝngɔ nǝn kel Titusi, jʊ a bwɨɨ nǝn gɔ a tǝl maajɨ nǝtǝmɔ a kʊm jeni, nǝn gɔ tagǝm lɛɨ. 7Jǝ́ gun a kanjǝlɔ gǝm gwam. Jǝ́ gun a mʊgɔ nǝtǝm bɨlǝngkɛl, jǝbɔ sʊwatǝm kɛl, jǝbɔ nyǝmtǝm, jǝbɔ nǝtǝm dul a mʊgɔ maajɨ Kwaamaɨ, jǝbɔ swɨtǝm nɨ jǝ́ maa nǝm lɛɨ. Kanga jǝ́ gun a kanjǝl nɨ gǝm gwamɨ, bɛ jǝ́ gun a mʊgɔ maajɨ nǝtǝm lǝma nɨ.
8N ke bɔ diil mǝ ga jem lɛɨ. Mǝ tɛl swɨkan nyan jenɔ sǝ n mʊrka jǝbɔ nǝtǝm dul kaam nǝbɨɨ, sǝ n nyǝm swɨtǝm jenɔ n dǝngdǝng. 9Jǝ́ nyǝm lǝma Tɛlalɔ bǝn Yesu Kiristii. N nǝ nyatǝm sul, a yǝlam nǝ bʊnǝn a kɛl dul jen, dɨsɔ jǝ́ yǝlam nǝb nyatǝm a gola bʊnǝn gǝn. 10A dul kɛl nɨ gǝmɨ, sʊtǝm yʊlan mǝndɨ n wɔ. A laa jem jǝl kǝngkɔ jǝ́ tagǝm maatǝm jʊ nɨ jǝ́ tǝl maatǝmɔ kɛlǝnɨ, wʊnɨ jǝ́ maa nǝn jǝlatǝm jeni. 11Kǝngkɔ jǝ́ tagǝm maajɨ nɨ jǝ́ tǝl nǝnɨ, sǝ a nʊng jǝ́ swɨ maatǝm gǝnɔ lɛ. Jǝ́ nǝ a kwaan nyatǝm jenɔ gǝm. 12Na nǝl nǝn bʊʊlalɨ nǝtǝmɨ, Kwaama yo yo nǝtǝm gǝnɔ a gola nyatǝm gǝnɔ gǝm, ke bɔ a gola jʊ nɨ mɨ gǝ nǝnɨ.
13N ke bɔ bʊʊlalɨ mɨ mǝʊ jǝ́ tɨka kaam nǝbɔ, dɨsɔ ja ya jem a tuu tuui. 14Bɛ jǝ́ tǝga dǝngdǝng, sǝ jǝ́ tɨka ji kǝngkɔ a nyatǝm jenɔ gǝm a mʊgɔ bʊnǝn jinɔ gǝm, dɨsɔ kaa di ja tɨka jen tʌjen nǝn nyatǝm jinɔ a bʊnǝn jenɔ gǝm, dɨsɔ fɛkalɨgɔ a yɔ dǝngdǝng. 15Kanga ja mʊla a mʊgɔ langǝn bwangǝnɨ gɔ, “Nʊ nɨ a mʊr a ladaɨ, a nya bɔ a laa kwaan jʊ gǝ swɨ lɛɨ. Nʊ nɨ a mʊr dǝmɨ, mɨ jʊ nɨ wo a gɨya gǝmɨ.”#8:15 Dʌng: Jeltǝmɔ 16:18.
Titus Jǝbɔ Fatǝlam Gǝnɔ
16Buutǝm kangɔ na a Kwaamaɨ, tɔɔtǝmɔ mǝ maa jem lɛɨ win jǝbɔ tɔɔtǝmɔ Kwaama a dǝg a nǝl Titusi gǝmɨ. 17Ke bɔ keli nǝnɔ kwaagɔ Titus a jǝlaɨ, swɨtǝm nǝl gǝn a yɔ a daa jen woi, n jǝlatǝm gǝn. 18N wɔ nǝ twam kɨla nǝn nɨ jǝbɔ gɔ, wʊnɨ a nya bǝlátǝm a mʊrkalɨtɨn nǝb bwangtǝm Kwaamaɨ gǝm gwam a dul fulon kɛl lǝmɨ nɨ gǝ sʊwa lɛɨ. 19A sʊtǝnɨ, mʊrkalɨtɨn nǝb bwangtǝm Kwaamaɨ a jǝgǝm gǝn ya yɔ lɛ dakini jǝbɔ nǝnɨ, kanga nǝ do kemʌn nɨ ja nǝɨ. Nǝ maa maajɨ nɨ sǝ a gung dʊʊlǝn Tɛlalɔɨ, sǝ a nʊng tɨkalɨgɔ nǝn swɨ lɛ nǝn maaɨ. 20Nǝ mwal kage nǝbɔ a tuwo nǝn a dul nǝtǝm nɨ jǝ nǝ lɛ nǝlɔ win nǝ tǝga lɛɨ. 21N bʊʊlalɨ nǝn nǝn maa jʊ nɨ dǝngdǝngɨ. N ke bɔ a kǝga Tɛlalɔɨ kwaagɔ. Nǝn maa a kǝga nǝbɨɨ gwam.
22Nǝ twam kaa kɨla nǝn nɛ dakini jǝbɔ ji, wʊnɨ nǝ tɛl gǝn dangǝn, nǝ nya nǝngǝn nǝn nǝl maajɨ a golantɨnɔ nǝn dʌmʌni. Kǝngkɔ a laa tangǝn ditɨnɔ nǝl maajɨgɔ, jʊ a bwɨɨ n jǝlatǝm nɨ gǝ maa jem lɛ nǝn bɨlǝngǝnɨ. 23A Titusi n fwalɨ yɨm mɨ. N fwalɨ maajɨ mɨ. Nǝ maa maajɨgɔ dakini sǝ nǝ tɨka jen. Kɛtǝlam nǝnɔ nɨ n nǝb twama mʊrkalɨtɨn nǝb bwangtǝm Kwaamaɨ, jǝ gung dʊʊlǝn Kiristii. 24Gǝ na nyɔ bɛ jǝ́ nʊng nǝb nɨ swɨtǝm jenɔ. Bɛ jǝ́ nʊng lɨyal nɨ nǝ maa lɛ nǝn jeni n bɨlǝngkɛl, sǝ mʊrkalɨtɨn nǝb bwangtǝm Kwaamaɨ a kuwo.
Currently Selected:
2 Korinti 8: DBD
Highlight
Copy
Compare
Share
Want to have your highlights saved across all your devices? Sign up or sign in
©️2024 Luke Initiative for Scripture Translation
2 Korinti 8
8
Kɛtǝm Kemʌn A Mʊgɔ Swɨtǝm Nǝl
1Kambɔ, nǝn swɨ lɛ jǝ́ nyǝm lǝma nɨ Kwaama a nǝ mʊrkalɨtɨn nǝb bwangtǝm Kwaamaɨ nɨ a tǝm Makidoniyaɨ. 2Ji nɨ ja tɛl ji nǝn gaalan bwɨlaɨ, jǝ na a mʊgɔ bʊnǝn bwɨla tag, pʌd fulotǝm nǝl jinɔ a dǝg ji nǝtǝm nǝn nǝlɔ win. 3N nǝ nyiyo mǝʊ, n ke bɔ dǝngdǝng nyatǝm jinɔ ja nǝɨ, ja nǝ a laa kwaan nyatǝm jinɔ. Ja dǝg ji bɔ nǝn kwaan. 4Ja kel nǝn nǝn bɨlǝngǝn dangǝn gɔ nǝn jǝla, nǝn dǝg ji a mʊgɔ nǝbɔ maa nǝb sagsagɔ gǝm tɨkalɨ lɛɨ. 5Nǝtǝm jinɔ a laa kanga nǝn bʊʊla lɛɨ. Ja nǝ dul jinɔ a daagɔ Tɛlalɔ woi dɨn, nǝngɔ la ja nǝ dul jinɔ a daa nǝn woi kanga Kwaama swɨ lɛ ja maaɨ. 6Nǝn kuwo nyɨɨ, nǝngɔ nǝn kel Titusi, jʊ a bwɨɨ nǝn gɔ a tǝl maajɨ nǝtǝmɔ a kʊm jeni, nǝn gɔ tagǝm lɛɨ. 7Jǝ́ gun a kanjǝlɔ gǝm gwam. Jǝ́ gun a mʊgɔ nǝtǝm bɨlǝngkɛl, jǝbɔ sʊwatǝm kɛl, jǝbɔ nyǝmtǝm, jǝbɔ nǝtǝm dul a mʊgɔ maajɨ Kwaamaɨ, jǝbɔ swɨtǝm nɨ jǝ́ maa nǝm lɛɨ. Kanga jǝ́ gun a kanjǝl nɨ gǝm gwamɨ, bɛ jǝ́ gun a mʊgɔ maajɨ nǝtǝm lǝma nɨ.
8N ke bɔ diil mǝ ga jem lɛɨ. Mǝ tɛl swɨkan nyan jenɔ sǝ n mʊrka jǝbɔ nǝtǝm dul kaam nǝbɨɨ, sǝ n nyǝm swɨtǝm jenɔ n dǝngdǝng. 9Jǝ́ nyǝm lǝma Tɛlalɔ bǝn Yesu Kiristii. N nǝ nyatǝm sul, a yǝlam nǝ bʊnǝn a kɛl dul jen, dɨsɔ jǝ́ yǝlam nǝb nyatǝm a gola bʊnǝn gǝn. 10A dul kɛl nɨ gǝmɨ, sʊtǝm yʊlan mǝndɨ n wɔ. A laa jem jǝl kǝngkɔ jǝ́ tagǝm maatǝm jʊ nɨ jǝ́ tǝl maatǝmɔ kɛlǝnɨ, wʊnɨ jǝ́ maa nǝn jǝlatǝm jeni. 11Kǝngkɔ jǝ́ tagǝm maajɨ nɨ jǝ́ tǝl nǝnɨ, sǝ a nʊng jǝ́ swɨ maatǝm gǝnɔ lɛ. Jǝ́ nǝ a kwaan nyatǝm jenɔ gǝm. 12Na nǝl nǝn bʊʊlalɨ nǝtǝmɨ, Kwaama yo yo nǝtǝm gǝnɔ a gola nyatǝm gǝnɔ gǝm, ke bɔ a gola jʊ nɨ mɨ gǝ nǝnɨ.
13N ke bɔ bʊʊlalɨ mɨ mǝʊ jǝ́ tɨka kaam nǝbɔ, dɨsɔ ja ya jem a tuu tuui. 14Bɛ jǝ́ tǝga dǝngdǝng, sǝ jǝ́ tɨka ji kǝngkɔ a nyatǝm jenɔ gǝm a mʊgɔ bʊnǝn jinɔ gǝm, dɨsɔ kaa di ja tɨka jen tʌjen nǝn nyatǝm jinɔ a bʊnǝn jenɔ gǝm, dɨsɔ fɛkalɨgɔ a yɔ dǝngdǝng. 15Kanga ja mʊla a mʊgɔ langǝn bwangǝnɨ gɔ, “Nʊ nɨ a mʊr a ladaɨ, a nya bɔ a laa kwaan jʊ gǝ swɨ lɛɨ. Nʊ nɨ a mʊr dǝmɨ, mɨ jʊ nɨ wo a gɨya gǝmɨ.”#8:15 Dʌng: Jeltǝmɔ 16:18.
Titus Jǝbɔ Fatǝlam Gǝnɔ
16Buutǝm kangɔ na a Kwaamaɨ, tɔɔtǝmɔ mǝ maa jem lɛɨ win jǝbɔ tɔɔtǝmɔ Kwaama a dǝg a nǝl Titusi gǝmɨ. 17Ke bɔ keli nǝnɔ kwaagɔ Titus a jǝlaɨ, swɨtǝm nǝl gǝn a yɔ a daa jen woi, n jǝlatǝm gǝn. 18N wɔ nǝ twam kɨla nǝn nɨ jǝbɔ gɔ, wʊnɨ a nya bǝlátǝm a mʊrkalɨtɨn nǝb bwangtǝm Kwaamaɨ gǝm gwam a dul fulon kɛl lǝmɨ nɨ gǝ sʊwa lɛɨ. 19A sʊtǝnɨ, mʊrkalɨtɨn nǝb bwangtǝm Kwaamaɨ a jǝgǝm gǝn ya yɔ lɛ dakini jǝbɔ nǝnɨ, kanga nǝ do kemʌn nɨ ja nǝɨ. Nǝ maa maajɨ nɨ sǝ a gung dʊʊlǝn Tɛlalɔɨ, sǝ a nʊng tɨkalɨgɔ nǝn swɨ lɛ nǝn maaɨ. 20Nǝ mwal kage nǝbɔ a tuwo nǝn a dul nǝtǝm nɨ jǝ nǝ lɛ nǝlɔ win nǝ tǝga lɛɨ. 21N bʊʊlalɨ nǝn nǝn maa jʊ nɨ dǝngdǝngɨ. N ke bɔ a kǝga Tɛlalɔɨ kwaagɔ. Nǝn maa a kǝga nǝbɨɨ gwam.
22Nǝ twam kaa kɨla nǝn nɛ dakini jǝbɔ ji, wʊnɨ nǝ tɛl gǝn dangǝn, nǝ nya nǝngǝn nǝn nǝl maajɨ a golantɨnɔ nǝn dʌmʌni. Kǝngkɔ a laa tangǝn ditɨnɔ nǝl maajɨgɔ, jʊ a bwɨɨ n jǝlatǝm nɨ gǝ maa jem lɛ nǝn bɨlǝngǝnɨ. 23A Titusi n fwalɨ yɨm mɨ. N fwalɨ maajɨ mɨ. Nǝ maa maajɨgɔ dakini sǝ nǝ tɨka jen. Kɛtǝlam nǝnɔ nɨ n nǝb twama mʊrkalɨtɨn nǝb bwangtǝm Kwaamaɨ, jǝ gung dʊʊlǝn Kiristii. 24Gǝ na nyɔ bɛ jǝ́ nʊng nǝb nɨ swɨtǝm jenɔ. Bɛ jǝ́ nʊng lɨyal nɨ nǝ maa lɛ nǝn jeni n bɨlǝngkɛl, sǝ mʊrkalɨtɨn nǝb bwangtǝm Kwaamaɨ a kuwo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©️2024 Luke Initiative for Scripture Translation