2 Korinti 13
13
Gʊtǝm Lɔl Jǝbɔ Yaltǝm
1Wʊnɨ nǝn gɔ yǝlam yɔtǝm mǝndɨ na taalɔ lɛ a daa jen woi. “Nǝtǝm nyiyo nyanɔ bɛ ja nyʊwa a nyiyo nǝb nǝtǝm nyiyo yo, na mɨ nyɨɨ taal.”#13:1 Dʌng: Dʌngtǝm Borangɔ 19:15. 2Kwama mǝ dakini nǝbɔ jeni, n gʊ lɔl nǝb nɨ a maa bwɨlangkɛl galɨgǝnɨ jǝbɔ tangǝnɔ gwam. A kǝngkɔ mɨ mǝ woi, mǝ gʊ jim lɔl lɛ, kanga mǝ maa a yɔm mǝndɨ gǝm na yogɨɨ, mǝʊ na n yǝla n yɔɨ, mɨsɔ mǝ maa jim gaan nɛ. 3Na jǝ́ swɨ lɛ jǝ́ nyǝm jengɔ n kwaan Kiristii mǝ sʊwa kɛl nɨ lɛ nǝnɨ, bɨlǝngkɛlɔ n wɔ. Kiristi a gɨya bɔ gɨyaɨ a daagɔ jen woi, a nʊng kwaan gǝnɔ a mʊgɔ jen. 4Ja kʊʊ Kiristi sul na nʊ nɨ a gɨya gɨyaɨ, kǝngkɔ nǝngǝn nǝn kʊlɨ nǝn kwaan Kwaamaɨ. Nǝn tǝnǝn nǝn gɨya na gɔ sul, nǝn nǝn kʊlɨ jǝbɔ gɔ a kwaan Kwaamaɨ, dɨsɔ nǝn maa jem maajɨ.
5Jǝ́ tɛl dul jenɔ jǝ́ kuwo, kɛna jǝ́ nǝngǝn nǝn nǝtǝm bɨlǝngkɛlɨ. Ya jǝ́ tɛl dul jenɔ lɛ. Jǝ́ nyǝm bɔ Yesu Kiristi gǝ na a mʊgɔ jeni ka? Na Yesu Kiristi mɨ a mʊgɔ jeni, jǝ́ yal tɛltǝmɔ. 6Mǝ ya nǝl lɛ jǝ́ nyǝm, nǝ yal bɔ tɛltǝmɔ.
7Nǝn kel Kwaama lɛ, ka jǝ́ maa lɛ kaa bwɨlang jǝl. Nǝn maa bɔ keli a dul nǝn, kage a yǝlam maamɔ nǝn ja tɛltǝm nɨ nǝn kwan, nǝn maa keligɔ nyɔ sǝ jǝ́ maa jʊ nɨ dǝngdǝngɨ. A kal bɔ jǝl na nǝbɔ a sʊwa gɔ nǝn yal tɛltǝmɨ. 8Jʊ a bwɨɨ, mɨ gola wo nǝ maa jʊ nɨ a daa bɔ tʌgo a bɨlǝngkɛlɨ, nǝ bwangtǝn gola bɨlǝngkɛl. 9N fulotǝm nǝl nǝ maa lɛɨ na nǝ gɨyaɨ, jen jǝ́ kwam. Keli nǝnɔ bɛ jǝ́ yii dangǝn.
10N jʊ a bwɨ mǝ mʊla jem jʊ nɨ nǝn kwama mɨ mǝ dakini nǝbɔ jeni, dɨsɔ na n yǝla n bɛɨ, kage a yǝlam nyɔ n nǝ jen gaalan a dul nʊngtǝm fɔlɔn nɨ Tɛlalɔ a nɨ ɨɨ. Tɛlalɔ a nɨ ɨ fɔlɔn nɨ sǝ n mɔ jen, ke bɔ kʌbtǝm jen.
Dɨltǝm Kɛlɔ
11A dɨltǝmɔ gǝmɨ, kambɔ, bǝ kuwoka kaa di. Jǝ́ yii nǝl jenɔ dangǝn. Jǝ́ nyʊwa keli mǝndɨ. Jǝ́ yɨ yɨm kwamɨgǝn a bʊtɔ jen. Jǝ́ yɨ nǝn yʌbtǝm nǝl. Kwaama n nǝ nǝtǝm yɨm swɨkan jǝbɔ yʌbtǝm nǝl, yɨ yɨ dakini jǝbɔ jen.
12Jǝ́ yalka nǝn kwalkatǝm sagsag. 13Nǝb bwangtǝm Kwaamaɨ gwam tʊng jem yaltǝm lɛ. 14Bɛ lǝma Tɛlalɔ Yesu Kiristii, jǝbɔ swɨtǝm Kwaamaɨ, jǝbɔ mʊrkalɨ Yʊwa Kwaamaɨ, a yɨ jǝbɔ jen gwam.
Currently Selected:
2 Korinti 13: DBD
Highlight
Copy
Compare
Share
Want to have your highlights saved across all your devices? Sign up or sign in
©️2024 Luke Initiative for Scripture Translation
2 Korinti 13
13
Gʊtǝm Lɔl Jǝbɔ Yaltǝm
1Wʊnɨ nǝn gɔ yǝlam yɔtǝm mǝndɨ na taalɔ lɛ a daa jen woi. “Nǝtǝm nyiyo nyanɔ bɛ ja nyʊwa a nyiyo nǝb nǝtǝm nyiyo yo, na mɨ nyɨɨ taal.”#13:1 Dʌng: Dʌngtǝm Borangɔ 19:15. 2Kwama mǝ dakini nǝbɔ jeni, n gʊ lɔl nǝb nɨ a maa bwɨlangkɛl galɨgǝnɨ jǝbɔ tangǝnɔ gwam. A kǝngkɔ mɨ mǝ woi, mǝ gʊ jim lɔl lɛ, kanga mǝ maa a yɔm mǝndɨ gǝm na yogɨɨ, mǝʊ na n yǝla n yɔɨ, mɨsɔ mǝ maa jim gaan nɛ. 3Na jǝ́ swɨ lɛ jǝ́ nyǝm jengɔ n kwaan Kiristii mǝ sʊwa kɛl nɨ lɛ nǝnɨ, bɨlǝngkɛlɔ n wɔ. Kiristi a gɨya bɔ gɨyaɨ a daagɔ jen woi, a nʊng kwaan gǝnɔ a mʊgɔ jen. 4Ja kʊʊ Kiristi sul na nʊ nɨ a gɨya gɨyaɨ, kǝngkɔ nǝngǝn nǝn kʊlɨ nǝn kwaan Kwaamaɨ. Nǝn tǝnǝn nǝn gɨya na gɔ sul, nǝn nǝn kʊlɨ jǝbɔ gɔ a kwaan Kwaamaɨ, dɨsɔ nǝn maa jem maajɨ.
5Jǝ́ tɛl dul jenɔ jǝ́ kuwo, kɛna jǝ́ nǝngǝn nǝn nǝtǝm bɨlǝngkɛlɨ. Ya jǝ́ tɛl dul jenɔ lɛ. Jǝ́ nyǝm bɔ Yesu Kiristi gǝ na a mʊgɔ jeni ka? Na Yesu Kiristi mɨ a mʊgɔ jeni, jǝ́ yal tɛltǝmɔ. 6Mǝ ya nǝl lɛ jǝ́ nyǝm, nǝ yal bɔ tɛltǝmɔ.
7Nǝn kel Kwaama lɛ, ka jǝ́ maa lɛ kaa bwɨlang jǝl. Nǝn maa bɔ keli a dul nǝn, kage a yǝlam maamɔ nǝn ja tɛltǝm nɨ nǝn kwan, nǝn maa keligɔ nyɔ sǝ jǝ́ maa jʊ nɨ dǝngdǝngɨ. A kal bɔ jǝl na nǝbɔ a sʊwa gɔ nǝn yal tɛltǝmɨ. 8Jʊ a bwɨɨ, mɨ gola wo nǝ maa jʊ nɨ a daa bɔ tʌgo a bɨlǝngkɛlɨ, nǝ bwangtǝn gola bɨlǝngkɛl. 9N fulotǝm nǝl nǝ maa lɛɨ na nǝ gɨyaɨ, jen jǝ́ kwam. Keli nǝnɔ bɛ jǝ́ yii dangǝn.
10N jʊ a bwɨ mǝ mʊla jem jʊ nɨ nǝn kwama mɨ mǝ dakini nǝbɔ jeni, dɨsɔ na n yǝla n bɛɨ, kage a yǝlam nyɔ n nǝ jen gaalan a dul nʊngtǝm fɔlɔn nɨ Tɛlalɔ a nɨ ɨɨ. Tɛlalɔ a nɨ ɨ fɔlɔn nɨ sǝ n mɔ jen, ke bɔ kʌbtǝm jen.
Dɨltǝm Kɛlɔ
11A dɨltǝmɔ gǝmɨ, kambɔ, bǝ kuwoka kaa di. Jǝ́ yii nǝl jenɔ dangǝn. Jǝ́ nyʊwa keli mǝndɨ. Jǝ́ yɨ yɨm kwamɨgǝn a bʊtɔ jen. Jǝ́ yɨ nǝn yʌbtǝm nǝl. Kwaama n nǝ nǝtǝm yɨm swɨkan jǝbɔ yʌbtǝm nǝl, yɨ yɨ dakini jǝbɔ jen.
12Jǝ́ yalka nǝn kwalkatǝm sagsag. 13Nǝb bwangtǝm Kwaamaɨ gwam tʊng jem yaltǝm lɛ. 14Bɛ lǝma Tɛlalɔ Yesu Kiristii, jǝbɔ swɨtǝm Kwaamaɨ, jǝbɔ mʊrkalɨ Yʊwa Kwaamaɨ, a yɨ jǝbɔ jen gwam.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©️2024 Luke Initiative for Scripture Translation