2 थिस्सलुनीकियां 3
3
प्राथना करने चा अनुरोध
1ऐवास्ते, ओ माये भऊ ते ब़ेहणीया, अम्चे वास्ते प्राथना करले करा, कि प्रभु चा वचन इसड़ा खुलती कर फेलो, ते महिमा पा सग़ु, जिसड़े तम्चे मां हुले, 2ते अम्ही ङिंगे ते दुष्ट बन्दा कनु बचले रिहुं कांकि हर हेक मां विश्वास कोनी।
3पर प्रभु सच्चा छै, ओ तम्हानु मजबूती लारे खड़ा करी, ते ओ दुष्ट कनु सम्भालती कर राखी। 4ते अम्हानु प्रभु मां तम्चे उपर भरोसा छै, कि जको-जको आज्ञा अम्ही तम्हानु ङिलीया, वानु तम्ही मना वी, ते मनते वी रिहा। 5नरीकारा चा प्रेम ते मसीह चे सब्र ची ओर प्रभु तम्चे मना ची अगुवाई करो।
काम करने ची जवाबदारी
6ते ओ माये भऊ ते ब़ेहणीया, अम्ही तम्हानु आपणे प्रभु ईशु मसीह चे नांवा कनु आज्ञा ङिऊं पले, कि हर हेक इसड़े भावां कनु अलग़ रिहो, जको आलसी छी, ते जको शिक्षा ओणे अम्हा कनु गेहली विचे अनुसार ना चलता हो। 7कांकि तम्ही आप जाणा, कि किसी रीति लारे अम्ची जिसड़ी चाल चलणी चाही छै, कांकि अम्ही जिसे बेले तम्चे बीच मां हुते आलसी कोनी हुते। 8ते काई रोटी मुफ्त मां कोनी खाली, पर मेहनत ते कष्ट लारे रात-ङिओ धन्धा करते, कि तम्चे महु काये उपर वी भार ना हो। 9हा कोनी, कि अम्हानु अधिकार कोनी, पर ऐवास्ते कि आपणे आप नु तम्चे वास्ते नमुना बणावे, कि तम्ही अम्ची जिसड़ी चाल चला। 10ते जिसे बेले अम्ही तम्चे इठे हुते, ओ बेले वी अम्ही तम्हानु हा आज्ञा ङिते, “अगर कुई काम करने ना चाहवी, तां खाणे वी ना खा सग़ी।” 11अम्ही सुणु कि, कितनी बन्दी तम्चे बीच मां खराब चाल चली, ते कहीं वी काम ना करी, ओर नेरा चे कामा मां टांका अड़ावी। 12इसड़ा नु अम्ही प्रभु ईशु मसीह मां आज्ञा ङिऊं ते समझाऊं पले, कि चोप-चाप काम करती कर आपणी ही रोटी खाले करा। 13ते तम्ही, ओ माये भऊ ते ब़ेहणीया, भलाई करने मां हिम्मत ना छोड़ा।
14अगर कुई अम्ची ऐ चिठ्ठी ची बाते नु ना मनी, ते ओचे उपर नजर राखा, ते ओची संगति ना करा, जाये कनु ओ शर्मिन्दा हो, 15तां वी ओनु बैरी मन समझती कर, पर भऊ जाणती कर चिताती ङियो।
आखरी नमस्कार
16हमा जको प्रभु शान्ति चा स्रोत छै आप ही तम्हानु सदा ते हर-प्रकार ची शान्ति ङियो, प्रभु तम्चे सब चे लारे रिहो।
17मैं, पौलुस, खौद्द आपणे हाथा लारे नमस्कार लिखे पला, हर चिठ्ठी मां माया हाओ चैन्ह छै, मैं ये रीति लारे लिखे पला। 18अम्चे प्रभु ईशु मसीह चा अनुग्रह तम्चे सारा उपर हुता रिहो। आमीन।
Currently Selected:
2 थिस्सलुनीकियां 3: ODR
Highlight
Copy
Compare
Share
Want to have your highlights saved across all your devices? Sign up or sign in
CC BY-NC-ND 4.0
2 थिस्सलुनीकियां 3
3
प्राथना करने चा अनुरोध
1ऐवास्ते, ओ माये भऊ ते ब़ेहणीया, अम्चे वास्ते प्राथना करले करा, कि प्रभु चा वचन इसड़ा खुलती कर फेलो, ते महिमा पा सग़ु, जिसड़े तम्चे मां हुले, 2ते अम्ही ङिंगे ते दुष्ट बन्दा कनु बचले रिहुं कांकि हर हेक मां विश्वास कोनी।
3पर प्रभु सच्चा छै, ओ तम्हानु मजबूती लारे खड़ा करी, ते ओ दुष्ट कनु सम्भालती कर राखी। 4ते अम्हानु प्रभु मां तम्चे उपर भरोसा छै, कि जको-जको आज्ञा अम्ही तम्हानु ङिलीया, वानु तम्ही मना वी, ते मनते वी रिहा। 5नरीकारा चा प्रेम ते मसीह चे सब्र ची ओर प्रभु तम्चे मना ची अगुवाई करो।
काम करने ची जवाबदारी
6ते ओ माये भऊ ते ब़ेहणीया, अम्ही तम्हानु आपणे प्रभु ईशु मसीह चे नांवा कनु आज्ञा ङिऊं पले, कि हर हेक इसड़े भावां कनु अलग़ रिहो, जको आलसी छी, ते जको शिक्षा ओणे अम्हा कनु गेहली विचे अनुसार ना चलता हो। 7कांकि तम्ही आप जाणा, कि किसी रीति लारे अम्ची जिसड़ी चाल चलणी चाही छै, कांकि अम्ही जिसे बेले तम्चे बीच मां हुते आलसी कोनी हुते। 8ते काई रोटी मुफ्त मां कोनी खाली, पर मेहनत ते कष्ट लारे रात-ङिओ धन्धा करते, कि तम्चे महु काये उपर वी भार ना हो। 9हा कोनी, कि अम्हानु अधिकार कोनी, पर ऐवास्ते कि आपणे आप नु तम्चे वास्ते नमुना बणावे, कि तम्ही अम्ची जिसड़ी चाल चला। 10ते जिसे बेले अम्ही तम्चे इठे हुते, ओ बेले वी अम्ही तम्हानु हा आज्ञा ङिते, “अगर कुई काम करने ना चाहवी, तां खाणे वी ना खा सग़ी।” 11अम्ही सुणु कि, कितनी बन्दी तम्चे बीच मां खराब चाल चली, ते कहीं वी काम ना करी, ओर नेरा चे कामा मां टांका अड़ावी। 12इसड़ा नु अम्ही प्रभु ईशु मसीह मां आज्ञा ङिऊं ते समझाऊं पले, कि चोप-चाप काम करती कर आपणी ही रोटी खाले करा। 13ते तम्ही, ओ माये भऊ ते ब़ेहणीया, भलाई करने मां हिम्मत ना छोड़ा।
14अगर कुई अम्ची ऐ चिठ्ठी ची बाते नु ना मनी, ते ओचे उपर नजर राखा, ते ओची संगति ना करा, जाये कनु ओ शर्मिन्दा हो, 15तां वी ओनु बैरी मन समझती कर, पर भऊ जाणती कर चिताती ङियो।
आखरी नमस्कार
16हमा जको प्रभु शान्ति चा स्रोत छै आप ही तम्हानु सदा ते हर-प्रकार ची शान्ति ङियो, प्रभु तम्चे सब चे लारे रिहो।
17मैं, पौलुस, खौद्द आपणे हाथा लारे नमस्कार लिखे पला, हर चिठ्ठी मां माया हाओ चैन्ह छै, मैं ये रीति लारे लिखे पला। 18अम्चे प्रभु ईशु मसीह चा अनुग्रह तम्चे सारा उपर हुता रिहो। आमीन।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
CC BY-NC-ND 4.0